Prima

Zeri egiten dio erreferentzia kontzeptu honek aseguruez ari garenean? Produktu hori kontratatzean ordaindu behar duzun prezioa da. Zenbateko hori ordaintzea erabakigarria da kontratatutako estaldurez gozatu ahal izateko.

Muga-eguna

Kontratuaren amaiera-data da; hau da, noiz arte balio duen. Normalean zure polizan hasiera-data bat eta muga-egun bat zehaztuta izango dituzu, estaldura duzun epea adieraziz. Muga-eguna betetakoan, kontratua amaituko da. Oro har, aseguruak urtekoak eta berriztagarriak dira.

Poliza

Poliza aseguru-kontratua da. Sinatzen ari zarenean, aitortu duzunari buruzko erantzukizun bat eta itundutakoa betetzeko konpromisoa hartzen ari zara. Kontratuak sinatzen duten alderdien arteko lotura erakusten du:  Alde batetik, aseguratzailea; hau da, poliza zein aseguru-etxerekin kontratatu duzun. Eta bestetik, zu, aseguratua eta aseguruaren estalduren onuraduna. Gorde kontratua nahi duzun guztietan kontsultatzeko.

Estaldurak

Bermea ere esaten zaie, eta aseguru-etxeak ezbehar edo gorabehera baten aurrean aseguratuari zerbitzu bat eskaintzeko edo ekonomikoki kalte-ordaina emateko hartzen dituen konpromisoak dira. Estaldurak kontratuan zehazten dira, eta normalean kontratatzen duzunaren edo estalita duzunaren igurikimen erreal bat izateko ezagutu behar dituzun mugak eta esklusioak dituzte.

Gorabehera edo ezbeharra

Gorabehera edo ezbehar baten aurrean estaldura egoteko, zure poliza edo kontratuaren baldintza orokorretan edo partikularretan jasota egon behar du. Baldintza orokorrak kontratuaren xehetasunak eta estaldura ematen den kasuak jasotzen dituen dokumentua da.  Garrantzitsua da jakitea aseguru batek zer babes eskaintzen dizun eta zein inguruabarren aurrean.

Infraasegurua

Egoera hau gertatzen da ondasun baten balioa gutxiesten duzunean, hau da, benetan daukan baliotik beherakoa ematen diozunean. Horrenbestez, uneren batean gorabeheraren bat gertatzen bada, jasotako kalte-ordaina deklaratu denaren araberakoa izango da. Benetakoa baino kantitate txikiagoa deklaratu bada, egoera konpontzeko erregela proportzionala aplikatuko da. Zenbateko aseguratuaren arabera dagokizuna jasoko duzu.

Erreskatea

Kontzeptu hau bizitzako aurrezki-aseguruen esparruan erabiltzen da. Baliteke zure egoera pertsonala aldatzea eta aurreztutako diru guztia edo zati bat berreskuratu behar izatea. Kasu horretan, kontratua aldez aurretik ezeztatzeko aukera daukazu. Jasoko zenukeen kopuruari erreskate-balioa esaten zaio.

Frankizia

Gorabehera bat gertatuz gero aseguratuak bere gain hartzen duen diru-kopurua da. Adibidez, konponketaren kostu osoa 300 eurokoa bada eta 100 euroko frankizia baduzu, aseguru-etxeak 200 euro ordainduko lituzke eta zuk 100 euro ordainduko zenituzke. Ezbeharra 100 euro edo gutxiago kostatuko balitz, zuk hartuko zenuke zure gain konponketa guztia. Frankiziadun aseguru bat kontratatzean aseguruagatik urtero ordaintzen duzun prezioa murrizten da.

Lehen arriskuan 

Ohiko modalitate bat da etxeko aseguruetan, eta neurri eraginkorra da infraasegurua saihesteko. Aseguratutako etxebizitza aldez aurretik hitzartu den muga jakin bateraino estaltzean datza.

Azken finean, informazio argi eta ulergarria funtsezkoa da jakiteko zure aseguru-etxearekin zer kontratatzen duzun. Lagun Aron kontzeptu horiek ulertzen eta dituzun zalantza guztiak argitzen lagunduko dizugu.

The post Aseguruaren hiztegia, kontratatzen duzuna ulertzeko appeared first on Blog de actualidad.

The post Ba al zenekien garagardoaz gozatzeko aukera duzula hein batean aseguruari esker? appeared first on Blog de actualidad.

Joan den martxoaren 20an, COAMen Madrilgo egoitzan, egin zen bootcamp UP! jardunaldiaren helburua aseguru-sektorerako talentua bilatzea zen. 200 gazte baino gehiago taldeka lehiatu ziren enpresa parte-hartzaileek planteatutako erronketarako konponbideak pentsatzen.

30 urtetik beherako eta ikasketa, prestakuntza eta nazionalitate desberdinetako gazteez osatutako taldeek hainbat fase igaro zituzten, parte hartzen zuten aseguru-etxeen —Lagun Aro, besteak beste— aholkularien laguntzaz.

Ideia sortzaile eta berritzaileak proposatzeko eguna

Jardunaldia larunbateko goizeko 8:00etan hasi zen, eta arratsaldeko 19:30ean bukatu. Bootcamp-ean 13 aseguru-etxe egon ginen, eta bakoitzak 3 erronka proposatu zituen. Erronka bakoitzari 4-5 ikaslez osatutako talde bana esleitu zitzaion. Ikasleek ez zuten elkar ezagutzen eta egun horretara arte ez zuten jakin ze aseguru-etxe zegoen erronkaren atzean.

Lagun Arorekin batera parte-hartzaile izan ziren Allianz, ARAG, CPP Group, Generali, Grupo Santalucía, MAPFRE, Mutual Médica, Mutualidad de la abogacía, Nationale-Nederlanden, Reale, SegurCaixa Adeslas eta VidaCaixa.

Inesek proposatutako design thinking metodologia eta giroa ikusita itxura bikaina zuen jardunaldiak hasieratik. Azkar eta modu dinamikoan ideia berriak proposatu eta forma ematen zitzaien.

Lantalde “galaktikoa”

Talde bakoitzak superheroi baten izena zuen. Lagun Arok babestutako taldeari “Groot” zeritzon, zuhaitz sentikor baten antzekoa den Marvelen izakia bezala, eta kide hauez osatuta zegoen: Adolfo Vásconez, María Luisa Caro, Marina Aguinaco, Jorge Casan eta Daniela Pareja.

Egun osoan, Lagun Aroko Idoia Izaguirre, Mónica del Campo eta Pablo Campo aholkulariak taldearekin egon ziren, Laboral Kutxako aseguru-unitateko Leire Treviñorekin eta Gerardo Kareagarekin batera.

Taldea lanean aritu zen hiru erronka hauei konponbidea bilatzeko proiektuak garatzen.

• 1. erronka: Zer egin gure Bancaseguros eskaintza bezero gazteentzat erakargarria izan dadin?
• 2. erronka: Aseguruak kontratatzean eta berritzean, nola landu aholkularitza-prozesuaren digitalizazioa, balioa areagotzeko eta bezeroentzat errazagoa izan dadin? 
• 3. erronka: Nola egin interaktiboagoa etxeko ezbeharra eta nola hobetu bezeroen esperientzia?

Brainstorming edo ideia-zaparrada eta ideiak lur hartzea

Lehen fasean, planteatutako erronkak aztertu zituzten (bezero, produktu edo zerbitzuekin zerikusia zutenak, eta aurreztea edo digitalizazioa sustatzearekin) eta aseguru-etxeek egunerokoan izaten dituzten arazoak birformulatu zituzten.

Ikasleak motibatuta zeuden eta dena eman zuten. Konbinazio ezin hobea hurrengo faseari aurre egiteko: ideiak sortzea.

Ideiarik berritzaileena erauzi ondoren, kasuan kasuko produktuaren edo zerbitzuaren prototipoa garatzeko unea iritsi zen. Ondoren, taldeek 15 minutu eskas izan zituzten beraien proiektuaren ontasunak saltzeko beraiekin batera zeuden aholkulariei.

Azkenik, “Groot”gazte-taldea hautatu zuten final handira pasatzeko eta epaimahaiaren aurrean agertzeko. Epaimahaia kide hauez osatzen zen: Susana Pérez (INESEko zuzendaria), Emmanuel Djengue (Berrikuntzan aditua eta  Global Shapers Community-ko kidea), Stephanie Dezes (aholkularia eta Negozio Estrategian aditua), Germán Sánchez (Blockchain-en aditua eta eta Endesako Agile Coach-a) y Juan Prego (Jarrera Sortzaileko CEOa eta Berrikuntzan aditua)

Final handia Grootentzat eta bere “Lagun US” proiektuarentzat

Bost minutuz epaimahaikideak konbentzitu behar zituzten beraien proposamenak proposatu zen erronka ebazten zuela, bideragarria zela, eskalagarria, berritzailea zela eta benetan arreta bezeroengan jartzen zuela. Epaimahaiak zenbait alderdi puntuatu zituen, hala nola sormena, argitasuna, prestaketa-lana eta kontzeptu eta hizkera juridikoaren erabilera.

El equipo finalista de @seguroslagunaro presenta “Lagun US”, comunidades de asegurados. Vuelta al origen de los seguros con la mutualización.#UPseguros pic.twitter.com/TtKKA9xcGo

— Inese (@Inese_seguros) 30 de marzo de 2019

Grootek aurkeztutako eta Lagun Arok babestutako proiektuak “Lagun Us” izena zuen eta epaimahaiak ideiarik berritzaileena zela iritzi zionez garaile atera zen.

Bezeroen eta aseguru-etxearen artean aseguruak batera sortzeari lotutako ideia originala eta berritzailea aurkeztu zuten. “Lagun US” aseguru instagramagarri batean zetzan; bezeroek aseguru-ideia berriak proposatu eta sare sozialetan eta haien komunitatean partekatzen dute handiagoa eta bideragarriagoa egiteko.

Orain, INESE saria eskuetan dutela, Adolfo, María Luisa Caro, Marina, Jorge eta Daniela Londresera bidaiatuko dira, munduko aseguru-sektoreko adituen eta enpresen ekosistemarik berritzaile eta disruptiboenetako bat ezagutzera.

Un proyecto para hacer ‘instagrameables’ los seguros gana UP! #innovación #jóvenes #seguros https://t.co/ZGEgZ4ouZa pic.twitter.com/I33rNxpVSj

— Inese (@Inese_seguros) 1 de abril de 2019

Epaimahaiak aipamen berezia egin zion SegurCaixa Adeslaseko talde finalistari, ia garaile atera zena, bai eta Grupo Santalucíaren taldeari. Gainera, aseguru-etxe bakoitzak parte-hartzaileen lana eta jarrera aintzat hartu nahi izan zuen, eta banakako hiru sari eman zizkien bere taldeetako kideei; horrela kide horiek bekak eta ikastaroak jaso zituzten eta talentu gazteen eta coaching programetarako sarbidea eman zitzaien.

UP! oso esperientzia aberasgarria izan zen eta, gainera, oso ondo pasatu zuten. Seguros Lagun Arok eskerrak eman nahi dizkio Ineseri aseguruen lehen bootcampa antolatzeagatik, jende gaztearekin konektatzeko eta ideia berriekin sektorea garatzeko aukera eman baitigu.

Txioz txio izan dezakezu jardunaldiaren berri@Inese_seguros kontuaren harian eta #UPSeguros traolaren bidez.

The post Gazteentzako aseguru “instagramagarria”k irabazi du aseguru-sektoreko lehen bootcamp-a appeared first on Blog de actualidad.

Unespak –gu ere elkarte horretako partaide gara– “Seguru gaude” proiektua sortu du, aseguruen mundua herritarren eskuetara hurbiltzeko. Testuinguru horretan, Aseguruaren Liburu Zuria egin da.

Gure bizitzetan aseguruek duten eragina ezagutu nahi baduzu, industria horren funtzionamendua edota herriari zer onura ekartzen dion, kontsultatu Aseguruaren liburu zuria hemen. Teknizismoei eta terminologia konplexuari ihes egiten dion testua da, eta sektoreko zenbakiak ezagutzeko datuak erakusten ditu, haren organigramak eta laneko prozedurak. Horrez gain, sektoreko zein harekin lotutako gizarteko beste eremu batzuetako protagonistei egindako elkarrizketak jasotzen dira bertan.

The post Aseguruaren liburu zuria appeared first on Blog de actualidad.