Baina, zein da arazoa? Kontua da ibilgailu adimendunek gero eta datu gehiago sortzen dituztela, eta datu horiek, Europako legeriaren arabera, ibilgailuaren jabearen datu pertsonaltzat jo behar direla. Horrela, gidariak gara datuetan zein zerbitzu-hornitzaile sar daitezkeen erabakitzen dugunak.

Baina errealitatea da ibilgailuen fabrikatzaileak garatzen ari diren sistema batzuei esker beraiek direla datu horietarako sarbidea kontrolatzen duten bakarrak. “Big data”ren erabilerak balio handia du automobilaren industrian: estimatzen da 450.000 milioi eta 750.000 milioi dolar bitartean balio izan lezakeela 2030ean.

Beraiek direnez datuak zaintzen dituzten bakarrak, beraiek dira, baita ere, zerbitzu-hornitzaileen esku jartzen dituzten datuen kantitatea eta kalitatea kontrolatzen dituztenak. Hau da, oso zaila jartzen dute hornitzaile horiek produktu eta zerbitzu berriak garatu ahal izatea, eta horrek, aldi berean, ekar lezake gidariek aukera gutxiago izatea eta zerbitzu berritzaile gutxiago, beren ibilgailuei egokituta. Egoera horrek zaildu egiten du prezio lehiakorrekin zerbitzu berritzaile horiek eskuratzea.

Datuak gidatzen duenarentzat

#Data4Drivers kanpaina jarri da abian, Europar Batasunari eskatzeko, hain zuzen, gara ditzala legezko neurriak bermatu ahal izateko gidariak berak nahi duenari utzi ahal izango diola bere datuetan sartzen.

Hainbat kontsumitzaile-taldek jada bat egin du sare sozialetan #Data4Drivers traolarekin dabilen kanpainarekin. Eskaerak UNESPAren (Aseguru eta Berraseguru Entitateen Espainiako Batasuna) eta Amice-ren (Europako Aseguru Mutualitate eta Kooperatiben Elkartea) babesa du, eta elkarte horietako kide da, hain zuzen, Seguros Lagun Aro.

Sinadurak biltzea

Kanpainarekin bat egin nahi baduzu, dagokion webgunean klik egin dezakezu. Beste ideia batzuen artean, “Nire ibilgailuaren datuak kontrolatu nahi ditut, eta horregatik EBk esku hartu behar du” lema duen konpromiso-txartela deskargatzea proposatzen dute, selfie bat egin eta Twitter edo LinkedIn-era igotzeko.

Oso garrantzitsua da egoera honi orain heltzea, ibilgailuen fabrikatzaileek lehiarako abantaila handia baitaukate jada, eta maila europarreko ekintzarik egiten ez bada, ibilgailuaren datuetan zein zerbitzu-hornitzaile sartu ahal izango diren kontrolatzeko bide ematen dieten sistemak ezartzen jarrai dezakete, eta, beraz, gidariari zerbitzuak nork eskain diezazkiokeen kontrolatzeko ere bai.

Gainera, ibilgailu konektatu eta automatizatuei lotutako hainbat gai aztertzen ari da Europar Batasuna. Hortaz, oso-oso garrantzitsua da gai horri buruz kezkatuta gaudela jakinaraztea orain.

#Data4Drivers is calling on the EU to act so that drivers control access to their #vehicledata. If you agree, sign the petition now https://t.co/BZMH7DrTFF #driverdata pic.twitter.com/EtavRFWx4X

— Data4Drivers (@Data4Drivers) 1 de diciembre de 2017

The post Nork kontrolatzen ditu zure ibilgailuaren datuak? appeared first on Blog de actualidad.

Unespak -elkarteko kide gara gu ere- “Estamos seguros” proiektuaren barruan bildutako datuen arabera, oraindik bide luzea daukagu egiteko, batez ere Europako bizilagunekin konparatzen bagara.

Azken hamarkadan, Europa osoan biztanleko ordaindutako primen kopurua ia bikoitza izan da Espainian pertsonako ordaindutakoen aldean. Halaber, kontzeptu hori bera aztertzen badugu krisi-urteetan zehar, ikusiko dugu primen jaitsiera handiagoa izan dela gure inguruko herrialdeetan baino. Ordaindutako primen kopururik handiena 2008an izan zen gure herrialdean, Europako gainerako zatian bezala. Ordutik eta 2014 arte, % 17 arteko jaitsiera izan zen, eta Europar Batasun osoan, aldiz, % 5ekoa.

Europarekiko desberdintasun horren adibiderik argienetakoa, hain zuzen, aurreikuspen eta aurrezkiko planak konparatzean ikus dezakegu. 10 arte puntuatzen baditugu Gizarte Aurreikuspen Osagarria —pentsio-planak— 15en Europar Batasunean, Espainia amaieran egongo litzateke, 6,2 punturekin, Greziaren aurretik soilik, eta lehendabiziko postuan Suedia egongo litzateke, 10 punturekin.

The post Europako gainerako lekuetan baino gehiago ala gutxiago aseguratzen gara? appeared first on Blog de actualidad.