infografia Archives - Blog de actualidad

Ba al zenekien garagardoaz gozatzeko aukera duzula hein batean aseguruari esker?

Lagun Aro — Wed, 25 Sep 2019 08:00:53 +0000

Garagardoaz gozatzen baduzu, hein batean aseguruari esker da. Ez duzu sinesten?

The post Ba al zenekien garagardoaz gozatzeko aukera duzula hein batean aseguruari esker? appeared first on Blog de actualidad.

Zertan erabiltzen da zure aseguruaren dirua?

Lagun Aro — Thu, 14 Feb 2019 14:33:23 +0000

Jakin-min pixka bat baduzu, galdera hau egingo zenion zure buruari: Zer egiten du aseguratzaileak nire diruarekin? Bada, funtsean, ezbeharrak konpontzea (zureak edo gainerako aseguratuenak).

Izan ere, ezustekoak gertatzen direnean prest egotea eta baliabideak izatea da aseguruen industriaren eginkizun nagusia. Horretarako, baliabide ugari eta jende asko baliatzen ditu. Hori ikusteko modu bat da jakitea zer gertatzen den aseguru-primako diruarekin, hau da, hilean edo urtean behin ordaintzen dugun zenbatekoarekin.

Primako diruaren % 54,4 bezero eta onurei bideratzen zaie, % 5,2 Ogasunari, % 4,7 aseguru-etxeetako langileei, % 24,6 hornitzaileei (hau da, mekanikariei, osasun-arloko langileei, iturginei,..) eta % 6,4 bitartekariei.

Aseguruek nola funtzionatzen duten hobeto ulertzeko, jakin zer den mutualitatea, aseguratzaile ororen oinarrizko solidaritate-printzipioa, alegia.

The post Zertan erabiltzen da zure aseguruaren dirua? appeared first on Blog de actualidad.

Nola funtzionatzen dute aseguruek? Solidaritate-printzipioa

Lagun Aro — Thu, 13 Sep 2018 07:26:17 +0000

Ziur gaude mutualitate-kontzeptuaz zerbait entzungo zenuela, baina badakizu benetan zer den?

Aseguru-etxe orori behar bezala funtzionatzea bermatzen dien oinarrizko solidaritate-printzipioa da mutualitatea. Ezbehar baten ondorioak pertsona askoren artean banatzean datza, denak antzeko arrisku-egoera baten eraginpean daudela ulertuta. Beste modu batean esanda: aseguratutako pertsonen primaren ordainketaren bidez, gure babesa eta gure ondasunak babesten ditugu era honetako kalte zehatzen aurrean: istripuak edo suteak, edo erretiroaren eta heriotzen gisako inguruabar puntualak…

Horrela, aseguratu bati aurreko inguruabarretako batek eragiten dionean, gainerako kontratatzaileengandik jasotako prima guztien diruarekin erantzuten du aseguru-etxeak. Beraz, dagokien prima ordaindu duten pertsona guztiak ari dira laguntzen aseguratuak daukan arazoa konpontzeko, arazo hori etorkizunean beraiek izan lezaketela kontuan hartuta.

Aseguruaren oinarrizko definizioak

Oraindik zalantzak badituzu, eman begiratu bat bideo honi, oso erraz ikusiko baituzu nola funtzionatzen duten aseguruek.

The post Nola funtzionatzen dute aseguruek? Solidaritate-printzipioa appeared first on Blog de actualidad.

Zenbat balio du ezkontza bat antolatzeak?

Lagun Aro — Thu, 05 Jul 2018 08:55:42 +0000

Posta hau irakurtzen ari bazara, seguru asko ezkontzekotan zara edota laster egingo duzu. Zure ezkontzan dena ezin hobeto ateratzea nahi dugu, zalantzarik gabe. Horregatik, laguntza txiki bat eskaintzen dizugu ezkontzak dakarrenaren gutxi gorabeherako kalkulua egin dezazun.

Eraztunak, jatetxea, ezkon-arropak, musikariak, argazkilaria, ezkontza-gaua eta, jakina, eztei-bidaia besteak beste. Guztiak dira zure bizitzako egun garrantzitsuena izan behar omen duena antolatzeko funtsezko elementuak. Larritasuna sentitzen hasi bazara gainera datorkizunagatik, hartu arnasa sakon, ez baitago urduritzeko arrazoirik. Hartu kontuan ondoko Estamos Seguros-en infografia, dena ondo lotuta uzteko eta azken orduko ustekaberik ez izateko.

The post Zenbat balio du ezkontza bat antolatzeak? appeared first on Blog de actualidad.

PENTSIO-planen eta AURREIKUSPEN-planen arteko aldea

Lagun Aro — Fri, 16 Feb 2018 11:12:04 +0000

Bi produktuak erretirorako aurrezki-produktuak dira eta normalean erretiroa hartzean kobratzen dira. Aurrezteko bi moduen helburua bera da, baina hala ere bideak desberdinak dira. Pentsio-plan baten eta APA baten arteko aldeak zein diren jakiteak, hain zuzen, erretirorako zein produktu komeni zaigun aukeratzen lagunduko digu.

Ikusi begiratu batean zein alde dagoen pentsio-planen eta aurreikuspen-planen artean.

The post PENTSIO-planen eta AURREIKUSPEN-planen arteko aldea appeared first on Blog de actualidad.

Bigarren eskuko autoetan, zer gertatzen da aseguruarekin?

Lagun Aro — Tue, 17 Oct 2017 07:58:20 +0000

Bigarren eskuko auto bat erosteko asmoa baduzu edo zurea saldu behar baduzu, hainbat aukera dituzu autoa nola aseguratu erabakitzeko orduan: ibilgailuak lehendik zuenarekin jarraitu, bertan behera utzi, aurreko autokoa traspasatu…

Azkenean, zure autoari eta zuri gehien komeni zaizkizun baldintzak eskaintzen dituen asegurua lortzea da xedea. Saltzailea bazara, lehenik eta behin salmentaren data komunikatu behar diozu aseguru-etxeari. Eta gainera beste auto bat erosteko asmoa baduzu, aseguru-etxeari ordaindu diozuna poliza berrirako baliatzea edo asegurua erosleari traspasatzea erabaki ahal izango duzu.

Auto bat erosteko asmoa baduzu, lehendik duen asegurua zureganatu edo bertan behera utzi ahal izango duzu; eta, segururik ez badu, zure lehengo autoaren asegurua baliatu ahal izango duzu, edo aseguru berria egin. Infografia honetan egoeraren arabera egin beharreko urratsak azaltzen dizkizugu.

The post Bigarren eskuko autoetan, zer gertatzen da aseguruarekin? appeared first on Blog de actualidad.

Nola aztertuko ditut nire start-up teknologikoaren arriskuak?

Lagun Aro — Tue, 10 Oct 2017 15:16:54 +0000

Zure start-up teknologikoa martxan jartzen ari bazara, seguru gaude merkatu-azterketa eta negozio-plana landu dituzula eta zein publiko objektibotara iritsi nahi duzun argi duzula. Arriskua naturala da ekintzailetzan; halere, ondo administratzen lagundu nahi dizugu, itsu-itsuan ibili behar izan ez dezazun.

Pertsona batek negozio bat irekitzea erabakitzen duenean, zeregin asko izaten ditu. Besteak beste, zeregin nagusi bat: negozioaren jarraipena bermatuko duten start-upetarako seguruak kontratatzea.

Garrantzi handikoa da zure enpresa teknologiko berriaren arriskuak identifikatzea aseguru egokiak hautatzeko, eta, horrela, negozioa arriskuan jar dezaketen faktoreak minimizatzeko: Legezko babesa Administrazioaren, enplegatuen nahiz bezeroen aurrean babesteko, kreditua bezeroek ordaintzen ez dutenerako…

Zalantzarik baduzu, onena aseguru-bitartekari baten aholkuak entzutea izango da, hark baduelako aurre egin beharko diezun arriskuen berri.

The post Nola aztertuko ditut nire start-up teknologikoaren arriskuak? appeared first on Blog de actualidad.