Aurretiko hitzorduaz gain, zenbait prebentzio-neurri ere badaude, eta horiek kontuan hartu behar dituzu joan aurretik.

Bazenekien konpondutako ibilgailuen % 100 desinfektatzen dituela Seguros Lagun Arok konponketa amaitu ondoren?

Aukeratu zure udalerriko tailer bat

Tailerrek ibilgailuak konpontzeko eta mantentzeko jarduerei ekin diete berriro, deskonfinamenduaren 1. fasetik aurrera. Lehenik eta behin, tailerra zein udalerritan dagoen hartu behar dugu kontuan. Fase honetan, tailerretarako joan-etorriak bizileku-udalerriaren barruan bakarrik egin ahal izango dira. Zure herrian tailerrik ez badago izan ezik. Kasu horretan, eta logikoa denez, beste udalerri batzuetara joan gaitezke. Duela hilabete batzuk esan genizuen bezala, Lagun Aroren auto-asegurua baduzu konfiantzazko tailer bat duzu probintziako hiriburu bakoitzean.

Eskatu tailerrera joateko hitzordua

Ez joan tailerrera zure autoarekin aurrez hitzordu bat erreserbatu gabe. Lehen ere ohikoa zen, baina orain nahitaezkoa da tailerrera deitzea eta hitzordua eskatzea.

Tailer batzuen jabeek uste dute ez dutela edukiera-arazorik, bisitak mailakatuak direlako eta bezeroek denbora gutxi ematen dutelako lokalean. Hala ere, nahitaezkoa da aldez aurretik hitzordua hartzea. Beste betebeharretako bat da lehentasunezko ordutegia izatea 65 urtetik gorako gidariei arreta emateko.

Nolakoa izango da arreta tailerrean?

Tailerrera joaten garenean, banaka erantzungo digute. Aurretik ez badago, itxaroteko gune bat jarriko da.

Bezeroen eta langileen banakako babesa bermatzeko, metro bateko distantziari eutsi behar diogu babes-elementuak daudenean. Itxiturarik edo babes-maskararik ez badago, 2 metroko distantzia mantendu beharko dugu.

Instalazioak egunean bi aldiz garbituko dira, eta tailerreko langileen laneko arropa 60tik 90era gradu bitarteko tenperaturan garbituko da.

Lagun Arok aseguratutako ibilgailuen desinfekzioa

Seguros Lagun Arok hainbat prebentzio-neurri ezarri ditu Konfiantzako Tailerren sarean COVID-19aren aurka.

Konponketa amaitutakoan gure tailer-sarean konpondutako ibilgailu guztiak desinfektatzea izango da neurri nagusia. Desinfektatzeko eta garbitzeko prozesu hori metodo hauetakoren bat da (edo biak, tailerraren arabera):

• TP2 biruzidak erabiltzea gainazalak desinfektatzeko (aginte-panelak, bolanteak, abiadura-palankak, ate-eskulekuak, etab.) eta ingurumena desinfektatzeko. Europako araudiari jarraikiz birusaren aurrean eraginkortasuna erakutsi duten hainbat biruzida-produktu erabiltzea baimendu du Osasun Ministerioak.
• Biozida bidezko desinfekzioa –hala nola Ozonoa–: germenak, bakterioak, onddoak eta birusak suntsitzeko erabiltzen den bakterizida natural indartsua da, ibilgailuaren barnean nahiz klimatizazio-sisteman metatzen diren mikroorganismoen mintz zelularra oxidatzen eta suntsitzen dituena.

Gainera, “Automobilak mantentzeko eta konpontzeko tailerretan COVID-19ren ondoriozko prebentzioaren arloan jarduteko gidan” adierazitako gomendioak jarraituko dira. Gida hau tailerretarako erreferentzia da, eta konponketa-tailerren sektoreko enpresa-erakunde nagusiek (CETRAA eta CONEPA) eta erakunde sindikalen abalak adostu dute.

Etxeko zerbitzurako neurriak

Etxeko zerbitzua da automobila Lagun Aron aseguratuta edukitzearen abantailetako bat. Ibilgailua konpontzera joaten zarenean, etxera hurbiltzen zaituzte, eta, gainera, tailerrera ere eramaten zaituzte autoa jasotzera. Kasu horretan, tailerreko gidariek ahalik eta ondoen zainduko dituzte indarrean dagoen araudiak ezarritako higiene eta gizarte-distantziako neurriak. Segurtasuna bermatzeko, langileek norbera babesteko ekipamenduak erabiliko dituzte, eta ibilgailua desinfektatuko dute manipulatu aurretik.

Seguros Lagun Aro zurekin harremanetan jartzen denean konponketa antolatzeko, zure ibilgailua garbitzeko eta desinfektatzeko prebentzio-neurri espezifikoen berri emango dizute. Zalantzarik izanez gero, deitu ohiko telefonora: 944 94 74 28.

The post Tailerrak deskonfinamendu garaian: aurretiko hitzorduarekin eta desinfekzio-neurriekin ireki dituzte appeared first on Blog de actualidad.

Ziur gaude inoiz erabili duzula, eta hala ez bada, jarraitu irakurtzen, interesatuko zaizu-eta inolako zalantzarik gabe. Mugikorretarako aplikazio honen bidez laguntza-zerbitzuetan sar zaitezke, isunen ordainketan, partea eman, zure kokalekutik hurbilen dituzun tailerrak kontsultatu, eta garabia non dagoen ere bai.

Eta zure buruari galdetuko diozu, baina nola? Oso erraz. Hartu mugikorra, eta ireki aplikazioa. Oraindik ez badaukazu, doan deskarga dezakezu zure smartphone-aren aplikazio-dendatik (beherago ikusiko dituzu estekak). Ondoren, zerbitzu horiek guztiak aurkituko dituzu atal hauetan.

Laguntza urgentea behar dut: gehien erabiltzen dena ezusteko bat sortzen denean

Bidaiako laguntza izan, edo urgentziazko sarrailagileak, argiketariak edo beiragileak…., mugikorretik urgentzia baten berri emateko modurik errazena eta arinena da, eta, horregatik, ez da harritzekoa aplikazioaren atalik erabiliena izatea.

Zerbitzu horri esker, online egin dezakezu partea eta urgentzia-zerbitzuari agindua bidali. Ondoren, hainbat galdera erantzun beharko dituzu, eta ahal bezain laster, dagokizun gremioa zurekin harremanetan jarriko da hitzordua adosteko eta arazoari erantzuna emateko.

Jar dezagun adibide bat. Demagun ezin zarela etxean sartu, sarrailarekin arazo bat daukazulako. “Laguntza urgentea behar dut” atalean klik egin beharko duzu, eta ondoren “Eskatu sarrailagile urgentea” botoia sakatu. Orduan, aplikazioak hainbat galdera egingo dizkizu zuk erantzuteko, adibidez “Ezin zara etxebizitzara sartu ala etxebizitzatik irten, hori da gertatzen zaizuna?”, edo “Lapurreta, lapurreta-saiakera edo bandalismoko ekintza baten ondorioz sarraila hondatuta dagoela uste duzu?” Ondoren, ezbeharra azaldu beharko duzu eta partea berretsi. Une horretatik aurrera, sarrailagilearen deia jasoko duzu.

Honela ikusiko duzu zerbitzu hau telefonoan, app-etik sartzen bazara

Garabi-zerbitzua elkarrekiko geokokapenarekin: zu kokatzeaz gainera, garabia nondik doan ikus dezakezu

Errepideko laguntza da eskari asko duen beste zerbitzu bat. Zerbitzu horrekin garabia eska dezakezu zure geokokapena bidali mugikorretik. Horrela, zehaztasunez jakingo dugu non zauden eta ahal bezain laster joango gara zure bila.

Gainera, zerbitzuak bi noranzkoetan funtzionatzen du, hau da, zu non zauden jakiteaz gainera, zuk ere une oro ikusi ahal izango duzu non dagoen zure bila joango den garabia, eta horrela bidaiako laguntzaren zerbitzu hobea eskain dezakegu. Funtzio hori merkatuan gehien baloratzen denetako bat da, Laboral Kutxaren blogean aipatutako Asistance Audit-en azterlan baten arabera.

Funtzionamendua gainerakoena bezain erraza eta intuitiboa da:

1. Laguntza urgentea eskatzeko atala sakatu behar duzu.
2. Zure aseguru guztien zerrenda bat aurkituko duzu. Zure ibilgailuaren matrikula hautatu behar duzu, eta arazoa adierazi.
3. “Eskatu garabia” botoia sakatutakoan, geokokatuko zaitugu eta garabiaren bidalketa abian jarriko dugu.
4. Ondoren, SMS bat jasoko duzu estekarekin, eta horren bidez denbora errealean eta modu geokokatuan izango duzu zure zerbitzuaren egoeraren berri eta garabia noiz iritsiko den jakin ahal izango duzu.

Eta hori ez da dena: eskura dituzun beste zerbitzu batzuk

App-ean, zerbitzu urgenteak bilatzeaz gainera, beste kudeaketa kontsulta batzuk ere egin ditzakezu:

• Ezbeharrak eta isunak: atal honen bidez partea eman ahal izango duzu edo aurreko parteen xehetasunak ikusi, eta zirkulazioko isunak kudeatu ere bai.
  • Partea eman: poliza hautatutakoan, partearen alta telefonoz amaituko da Lagun Aroren dei batekin.
  • Trafiko-isunak: izapidetzeko, isunaren argazki bat bidali beharko duzu posta elektronikoz, eta kudeatzen dugunean, telefonoz emango dizugu horren berri.
• Nire aseguruak: Zauden lekuan zaudela, fitxa honetatik sarbidea izango duzu zure aseguru bakoitzaren xehetasunetara: poliza-zenbakia, muga-eguna, baldintzak, ordainagiriak, helbideratzea…
• Tailerrak eta konpontzaileak: hortxe ikus dezakezu hurbilen dituzun gremioen informazioa: iturgintza, arotzeria, argiketariak etab. Gainera, duela gutxi maila nazionalean zabaldu dugun itundutako eta konfiantzazko auto-tailerren sareari buruzko informazioa ere ikusi ahal izango duzu bertan. Azken finean, hurbilen dituzun gremioen zerrenda, sortzen zaizun edozein ezbeharrari aurre egiteko, hemen nahiz zure herritik kanpo gertatutakoan, GPS bidezko posta-kodearen kokapenaren bidez.

Eskuragarri doan iOSerako eta Androiderako

Laboral Kutxaren Banca Móvil app-a doakoa da eta eskuragarri dago App Store-n iPhone-rako bertsio batekin eta iPad-erako beste batekin. Nola ez, Android-erako ere deskarga daiteke Google Play-tik.

The post Lagun Aroren urgentziazko zerbitzuak erabilgarri daude Laboral Kutxaren app-ean appeared first on Blog de actualidad.

Maila nazionaleko tailer-kudeaketako plataforma batekin egindako akordioari esker, Konfiantzazko Tailerren sarea handitu dugu, Seguros Lagun Aroren bezero gehien bizi diren lekuetako konponketa-tailer ezagunenetako batzuekin akordioak eginez. Bestalde, hasieran zaila iruditzen bazitzaigun ere, jada baditugu Konfiantzazko Tailerrak estatu-mailako probintzia-hiriburu guztietan, gure bezeroentzako bilatzen dugun zerbitzu estandarizatuarekin eta konponketen bermearekin.

Horrela, berma ditzakegu lehentasuna konponketan, bermea, autoa konpondu ondoren kanpotik garbitzea eta barrutik xurgagailua pasatzea, etxerako zerbitzua, eta/edo kortesiazko ibilgailua ere bai. Zerbitzu horiei beste batzuk ere gehitzen joango gara gure Tailerren sarearekin lantzen ari garen lankidetza-hitzarmenetan aurrera egiten goazen heinean.

Jada indarrean dagoen zerbitzu hau auto-asegurua duten bezeroek erabil dezakete gure Sare itunduko zerbitzu berekin.

Lagun Aroren sareko tailer bat bilatzea

Lagun Aroren tailer-bilatzailea berritu dugu, eta itundutako tailerrak eta konfiantzazko tailerrak (KONFIANTZA gisa markatuta) agertzen dira zerrendan. Geolokalizazio-tresna hobetu da bezeroarengandik hurbilen dauden tailerrak errazago bilatu ahal izateko.

Tresnak aurrekoaren antzera funtzionatzen du, eta gaztelaniaz, euskaraz eta katalanez erabil daiteke. Tailerrak iragaz daitezke konponketa mekanikoetarako edo txapazkoetarako eta beira-konponketarako edo -birjartzerako. Tailer bakoitzaren fitxan aurkituko duzu lokalizazio-mapa, ordutegia, harremanetarako datuak eta eskaintzen diren zerbitzuak, baina lanean ari gara tailer bakoitzaren informazio gehiago eskaintzeko, oporretan noiz dagoen itxita adibidez.

Batzuk ezagutuko dituzue eta beste batzuk erreferentziazko tailer bihur daitezke etorkizunean. Nork daki. Ernest Hemingway-k esaten zuen moduan, norbaitengan konfiantza izan dezakezun jakiteko modurik onena konfiantza izatea da.

The post Jada badaukazu konfiantzazko tailer bat probintzia-hiriburu bakoitzean appeared first on Blog de actualidad.

Guretzat lan egiten duten tailer itunduek Oqueicar izeneko sare zabala osatzen dute. Oquei zer? Izena arrotz samarra egingo zaizu agian, baina irakur ezazu ahots gora eta ziur ez zaizula hain arrotza egingo.

Gure automobil-aseguruan ditugun tailer guztiek (mekanikoek, beira-tailerrek, txapa eta pinturakoek…) onura bereziak eskaintzen dizkiete gure bezeroei. Tailer horiek eskaintzen dute:

• Egindako konponketaren jarraipena, berme eta lasaitasun handiagoak izan ditzazun.
• Etxeko zerbitzuarekin. Imajinatu automobila tailerrean uzten duzula eta etxera itzuli behar duzula. Nola? Ibilgailua konpontzeko uzten duzunean beraiek eramaten zaituzte etxera. Eta itzultzeko berdin: tailerrera eramango zaituzte ibilgailua jasotzera.
• Bien bitartean beste automobil bat. Automobila konpontzen den bitartean eta, erabilgarritasunaren arabera, kortesiazko beste ibilgailu bat erabili ahal izango duzu.
• Automobil-garbiketa. Konpondu ondoren, automobila garbi-garbi irteten da tailerretik. Kanpoaldea garbituta eta barrualdean xurgagailua pasatuta entregatzen da.
• Onura gehigarriak. Gainera, tailer bakoitzak onura gehigarriak eskain ditzake, esaterako, deskontuak pieza berrietan edo tarifa bereziak olioa edo pneumatikoak aldatzeko.

Aseguru-etxe batek tailer itunduen sare propioa izatea bezeroarentzako lasaitasun handiagoa da. Gainera, izapideak errazten ditu eta lehentasunezko tratua ematen dio. Tailer horiek konpromisoa ematen diote gure bezeroei ibilgailua entregatzeko epean, eta lehentasuna konponketan.

Lagun Aroren tailer-sareak guk asko balioesten dugun zerbait du: ingurumena zaintzen du. Oqueicar sareko tailerrek lehentasunen artean dute ingurumena babestea, eta konposatu organiko lurrunkorren (KOL) isuriei buruzko Europako araudia (<420 g/L) betetzen duten prozesu eta produktu homologatuak ditu.

Oqueicarrekin beti egongo zara informatuta eta lagunduta. Eta izena ahazten bazaizu, ez kezkatu. Bilatu “tailerrak” eta “lagun aro” Google-n eta berehala aurkituko duzu gure tailer-bilatzailea… konfiantzazko tailer-bilatzailea.

The post Automobila tailerrean uzten duzunean etxera eramango zaitugu appeared first on Blog de actualidad.