{"id":7797,"date":"2023-10-25T17:09:08","date_gmt":"2023-10-25T15:09:08","guid":{"rendered":"https:\/\/actualidad.seguroslagunaro.com\/?p=7797"},"modified":"2023-10-25T17:09:08","modified_gmt":"2023-10-25T15:09:08","slug":"etxean-jasangarritasunez-aurrezteko-gidaliburua","status":"publish","type":"post","link":"https:\/\/actualidad.seguroslagunaro.com\/eu\/etxean-jasangarritasunez-aurrezteko-gidaliburua\/","title":{"rendered":"Etxean jasangarritasunez aurrezteko gidaliburua"},"content":{"rendered":"

Historiako udarik beroena<\/a> igaro ondoren, eguraldiaren bat-bateko aldaketekin, muturreko fenomenoekin (ekaitzak, zikloiak, depresio askatuak, suteak eta bero-boladak), itsasoko tenperatura<\/a> oso altuarekin eta uholdeekin mundu osoan zehar, klima-aldaketa errealitate bat da jada. Horregatik, beranduegi izan baino lehen, galdera bat egin behar diogu geure buruari: zer egin dezakegu egoera hobetzeko? Etxean jasangarritasunez aurrezteko gidaliburu<\/strong> batekin emango diogu erantzuna.<\/p>\n

Ingurumena hobeto zaintzeko, ez zaie turismoari eta erregai-kontsumoari bakarrik begiratu behar; geuk ere, etxean bertan, lagundu dezakegu helburu hori betetzen, etxean sortzen ditugun energia-kostuak modu errazean murriztuz. Hain zuzen ere, horretarako prestatu dugu gidaliburu hau: etxean jasangarritasunez aurrezteko.<\/p>\n

Energia-etiketak<\/strong><\/h2>\n

2021az geroztik, Europar Batasuneko etxetresna elektrikoek Atik Gra bitarteko eskalan katalogatutako energia-efizientziaren etiketak<\/a> eraman behar dituzte. Sistema horrek sinplifikatu egiten du aurreko araudia, eta \u2013besteak beste\u2013 kontsumo elektrikoaren, garbiketa-ziklo bakoitzean erabilitako ur-kopuruaren, biltegiratzeko gaitasunaren edo zarataren arabera sailkatzen ditu etxeko gailuak. Efizienteenek A etiketa berdea eramaten dute; efizientziaren aldetik eskasenek, berriz, G etiketa gorria.<\/p>\n

\"eficiencia<\/p>\n

Beraz, produktu bat edo beste bat erosteko aukeratzean, prezioaz gain, haren energia-efizientzia<\/a> ere baloratu beharko dugu, horrela energia-kontsumoa murriztea lortuko baitugu, eta, horrenbestez, txikiagoa izango baita haren kostu ekonomikoa.<\/p>\n

Birziklatzea<\/strong><\/h2>\n

Ingurumenari laguntzen saiatzeko, ekologiaren hiruko erregela aplikatzea gomendatzen dute adituek: Murriztea, Berrerabiltzea eta Birziklatzea<\/strong>. Horretarako, murriztu egin behar dugu beharrezkoak ez diren produktuen kontsumoa; berrerabili egin behar ditugu objektuak, ahalik eta balio-bizitza luzeena izan dezaten; eta, posible den guztietan, birziklatu egin behar ditugu materialak.<\/p>\n

Egunero izaten da zer birziklatua; horregatik, eginkizun hori errazteko, etxean sistema on bat edukitzea komeni da. Horrela, familiako kide guztiek lagundu ahal izango dute birziklatzen. Zabor-poltsa edo zaborrontzi bat baino gehiago edukiz gero, edukiontzien arabera bereizita, askoz erosoagoa izango da hondakinak sailkatzea. Dendetan erosketak egitean ere ardura handiagoarekin jokatu beharko genuke, eta saihestu beharko genituzke behin bakarrik erabiltzeko produktuak eta plastikozko bilgarri gehiegi dauzkatenak.<\/p>\n

Uraren kontsumoa murriztea<\/strong><\/h2>\n

Ur gutxiago kontsumitzeak ere laguntzen du etxean aurrezki jasangarria bultzatzen. Hona hemen uraren kontsumoa murrizteko iradokizun batzuk:<\/p>\n