Nondik dator hau guztia?

Bankuek (izan ere, aseguru-etxeak ere erakunde finantzarioak dira) araudi berrietara egokitu behar izan duten bezala, aseguru-etxeek ere Kaudimena IIra egokitu behar izan dute. Baina hau guztia aspalditik dator. Krisi finantzarioaren aurretik ere, Europako aseguruetarako araudi bateratua egiten hasi ziren. Ordutik 15 urte pasatu dira eta araudi hori indarrean dago 2016ko urtarrilaren 1etik aurrera. Kaudimena II da.

Zertarako araudi berri bat?

Arriskuak ebaluatzeko eta aseguru-kapitalaren baldintzak kalkulatzeko erregimen berria da Kaudimena II. 2016ko urtarrilaren 1ean sartu zen indarrean, eta horretara egokitzeko urteetan aritu izan gara lanean.

Aseguru-erakundeek gure gain hartzen ditugun arriskuetan oinarritutako kaudimen-erregimena da, hau da, zenbat eta arrisku handiagoa hartu (gure negozioetan, inbertsioetan etab.) orduan eta kapital gehiago eduki beharko dugu erabilgarri, berme gisa, aseguratuentzat, inbertsiogileentzat eta gizartearentzat, oro har.

Kaudimena IIren helburua da aseguruen sektoreari arriskuak hobeto kudeatzen laguntzeko markoa sortzea, lehiakortasuna handitzea, gure produktuak hobetzea eta gure aseguratuen, inbertsiogileen eta gizartearen kaudimena bermatzea, horretarako gardentasun handiagoa eskainiz, merkatuaren eta arautzaileen eskura informazio handiagoa jarriz.

Eta horrek ez die soilik onura ekarriko aseguru-etxeei, baizik eta kontsumitzaileei ere, arriskuaren kudeaketa prozesu garden bihurtzen baitu. Informazioa hobetuko da eta lehiakortasun handiagoa eta hobea egongo da.

Zergatik da asegurua beste produktu batzuekiko desberdina?

Aseguruak produktu berezi samarrak dira. Ekonomialariek “produkzio-ziklo alderantzikatua” esaten diete, lehenbizi prima kobratzen delako eta gerora ordaintzen delako ezbeharra.

Ohiko produkzio-zikloetan lehenengo kostuak sortzen dira eta gero jartzen diozu horri prezioa. Adibidez, ehuna erosi egiten duzu, gero moztu, josi eta jantzia saltzen duzu hura egiteko gastatu duzuna oinarritzat hartuz. Hala ere, aseguruan lehenbizi prezioa jartzen diozu eta gero sortzen dira gastuak (lehenengo jantzia saldu eta gero egingo bazenu bezala).

Seguros Lagun Arok Estamos Seguros sustapenean parte hartzen du; hor azaltzen duten bezala, produkzio-ziklo alderantzikatu bat dagoenean egoera zalantzagarri bat sortzen da.

Aseguru-etxeak dirua (prima) jasotzen duen unea gastatu beharreko unea (prestazioa ordaindu behar duenean, hau da, itogina konpontzea, automobila jasotzeko garabia bidaltzea, mediku-kontsulta ordaintzea…) baino lehenago gertatzen da; izan ere, askotan bi une horien artean denbora asko iragaten da (hamarkadak ere izan daitezke bizitza-aseguruetan). Horren ondorioz, prima ordaintzen duen bezeroak berme bat edukitzeko eskubidea du; hots, aseguratzaileak gaur dirua dauka, baina baita bihar, etzi edota hogei urte barru ere eduki behar du. Berme hori kaudimena da.

Orduan, nola kalkulatzen da aseguru baten kaudimena?

Kaudimena hiru aldagaik bereizten dute:

• prestazioak ordaintzea: aseguruak prestazio bat ordaintzen duenean, ordaintzeko gai dela erakusten du, hau da, kaudimenduna dela.
• hornidurak: aseguruak gorde egiten du ordainketa hori egiteko beharrezko duen dirua, hau da, inoiz ordaindu beharko duela jakin badaki eta horretarako biltzen ditu funtsak.
• eta ezbehar-tasa. Bezeroari sortutako arazoei ordaina emateaz gain, aseguru-jarduerak aintzat hartu behar du, halaber, “gerta litekeena”. Hau da, ausazko aldagai bat du aintzat: hondamendirik gertatuko da? aldatuko da arrisku-prima? epidemiarik sortuko da?…

Horrek eta beste hainbat faktorek eragina dute aseguruen negozioan, eta ustekabeko galerak ekar diezazkiekete aseguru-etxeei. Horregatik, hain zuzen ere, legeak behartzen ditu aseguru-etxeei kaudimen-marjina izatera, ustekabeko horiei erantzuteko “koltxoiko dirua” izatera.

Legeak kaudimen-funts horiek izan behar duten gutxieneko bat zehazten du, baina aseguru-etxeek gainditu ohi dute gutxieneko zenbateko hori. 2016an, Espainiako aseguru-etxeen funts propioek Kaudimena IIk eskatutako kaudimen-kapitalaren halako bi zeukaten. Seguros Lagun Aroren kasuan, bizitza-kaudimenaren marjina % 227,5ekoa zen eta % 247,6koa bizitzaz kanpokoa argitaratutako azken EES memoriaren arabera. Haiek dira, nolabait esateko kaudimendunak.

The post Aseguruen kaudimenari buruz jakin beharko zenukeena appeared first on Blog de actualidad.

Aseguru-etxe eta artekaritza guztiak zerbitzu hori eskaintzera eta epe batzuk errespetatzera behartuta daude: astebeteko epean zure aseguruak erreklamazioaren jaso-agiria bidali behar dizu, eta bi hilabeteko epean, gehienez ere, erantzun bat.
Seguros Lagun Aron bezeroen kexei eta erreklamazioei hilabeteko epean gehienez ere erantzuteko konpromisoa hartu dugu.

Seguros Lagun Aroko bezeroa bazara, gure webgunearen bidez kexa edo erreklamazioa nola bidali azalduko dizugu.

Baina zure aseguru-etxearen Bezeroaren Arreta Zerbitzuak emandako erantzuna gustuko ez baduzu, oraindik ere beste ate bat duzu jotzeko.

Hurrengo urratsa Aseguru eta Pentsio Funtsen Zuzendaritza Nagusira jotzea izango litzateke; erakunde hori Ekonomia Ministerioaren mende dago, eta haren lana aseguru-eremuko bezeroei babesa ematen dien araudia betetzen dela zaintzea da.

Inprimaki bat bete behar duzu (gure webgunetik deskarga dezakezu) eta helbide honetara bidali:

DIRECCIÓN GENERAL DE SEGUROS Y FONDOS DE PENSIONES
Servicio de Reclamaciones
Paseo de la Castellana nº 44
28046 Madrid

Internet bidez aurkeztu nahi baduzu, egoitza elektronikoan egin dezakezu. Ziurtagiria edo NAN elektronikoa edo PIN gakoa beharko dituzu identifikatzeko.

Kexa edo erreklamazioa aurkezten duenak nahitaez izan behar du aseguru-hartzailea, aseguratua, onuraduna etab. Baliteke, hala ere, kaltetutako hirugarrenek ere erreklamazioa aurkezteko aukera dutela ez jakitea.

Eta azkenik, gogoan izan: alferrik joko da Aseguru eta Pentsio Funtsen Zuzendaritza Nagusira lehenago ez bada erreklamazioa aurkeztu zure aseguru-etxearen Bezeroaren Arreta Zerbitzuan. Izatez, hori da 2015ean erakunde horrek hainbat idazki izapidetzeko onartu ez izanaren arrazoi nagusia.

The post Nola aurkeztu erreklamazio bat Aseguru Etxe batean appeared first on Blog de actualidad.

Transakzio ekonomikoetan gardentasuna eskatzea guztiz normala da. Are gehiago finantzarioetan. Eta hori da alde ona: informazio gehiago eta hobea izateko eskubidea dugu, baita ekonomiari buruzkoa ere. Eta, orduan, zein da alde txarra? Zeri buruz ari zaizkigun ez badugu ulertzen, ezer gutxirako balioko digu. Hori da txarrena, zalantzarik gabe.

Gardentasuna gure bizitzan benetan erabilgarria izan dadin, ezagutza minimo bat izatea eskatzen digu eta eguneroko praktika erabaki finantzario egokiak hartu ahal izateko. Hau da, inflazioa, gordailuak, inbertsio-arriskua, interesak, UTB… eta antzeko terminoak entzuten ditugunean zertaz ari diren jakiteak gure dirua behar bezala kudeatzen lagunduko digu. Ezagutza horri kultura finantzarioa esaten zaio.

Zure ezagutza probatu nahi? UNESPAren proiektua den estamos-seguros.es ekimenak kultura finantzarioari buruz argitaratutako galde-sorta honekin egin dezakezu. Seguros Lagun Aro elkarte horretako partaide da baita ere. Uste duguna baino entretenigarriagoa da, benetan. Test motako 8 galdera soilekin jakingo duzu gailurrean zauden ala Europako herrialde gehienen artean.

Hezkuntza Finantzariorako Nazioarteko Sareak berak erabili zituen galdera horiek hainbat herritako kultura finantzarioari buruzko oinarrizko egoera baloratzeko. Lankidetza eta Garapen Ekonomikorako Erakundearen “Financial education in Europe. Trends and recent developments” argitalpenetik ateratako gehigarri bat da; erakunde hori ELGE laburtzapenarekin ere ezaguna da, eta hezkuntzari buruzko PISA txostenak argitaratzen dituena da.

The post Gure dirua kudeatzeko prestatuta gaude? appeared first on Blog de actualidad.

Guretzat lan egiten duten tailer itunduek Oqueicar izeneko sare zabala osatzen dute. Oquei zer? Izena arrotz samarra egingo zaizu agian, baina irakur ezazu ahots gora eta ziur ez zaizula hain arrotza egingo.

Gure automobil-aseguruan ditugun tailer guztiek (mekanikoek, beira-tailerrek, txapa eta pinturakoek…) onura bereziak eskaintzen dizkiete gure bezeroei. Tailer horiek eskaintzen dute:

• Egindako konponketaren jarraipena, berme eta lasaitasun handiagoak izan ditzazun.
• Etxeko zerbitzuarekin. Imajinatu automobila tailerrean uzten duzula eta etxera itzuli behar duzula. Nola? Ibilgailua konpontzeko uzten duzunean beraiek eramaten zaituzte etxera. Eta itzultzeko berdin: tailerrera eramango zaituzte ibilgailua jasotzera.
• Bien bitartean beste automobil bat. Automobila konpontzen den bitartean eta, erabilgarritasunaren arabera, kortesiazko beste ibilgailu bat erabili ahal izango duzu.
• Automobil-garbiketa. Konpondu ondoren, automobila garbi-garbi irteten da tailerretik. Kanpoaldea garbituta eta barrualdean xurgagailua pasatuta entregatzen da.
• Onura gehigarriak. Gainera, tailer bakoitzak onura gehigarriak eskain ditzake, esaterako, deskontuak pieza berrietan edo tarifa bereziak olioa edo pneumatikoak aldatzeko.

Aseguru-etxe batek tailer itunduen sare propioa izatea bezeroarentzako lasaitasun handiagoa da. Gainera, izapideak errazten ditu eta lehentasunezko tratua ematen dio. Tailer horiek konpromisoa ematen diote gure bezeroei ibilgailua entregatzeko epean, eta lehentasuna konponketan.

Lagun Aroren tailer-sareak guk asko balioesten dugun zerbait du: ingurumena zaintzen du. Oqueicar sareko tailerrek lehentasunen artean dute ingurumena babestea, eta konposatu organiko lurrunkorren (KOL) isuriei buruzko Europako araudia (<420 g/L) betetzen duten prozesu eta produktu homologatuak ditu.

Oqueicarrekin beti egongo zara informatuta eta lagunduta. Eta izena ahazten bazaizu, ez kezkatu. Bilatu “tailerrak” eta “lagun aro” Google-n eta berehala aurkituko duzu gure tailer-bilatzailea… konfiantzazko tailer-bilatzailea.

The post Automobila tailerrean uzten duzunean etxera eramango zaitugu appeared first on Blog de actualidad.

Onena opa dizugu egun hauetarako. 

The post Gure une onenak appeared first on Blog de actualidad.

Unespak -elkarteko kide gara gu ere- “Estamos seguros” proiektuaren barruan bildutako datuen arabera, oraindik bide luzea daukagu egiteko, batez ere Europako bizilagunekin konparatzen bagara.

Azken hamarkadan, Europa osoan biztanleko ordaindutako primen kopurua ia bikoitza izan da Espainian pertsonako ordaindutakoen aldean. Halaber, kontzeptu hori bera aztertzen badugu krisi-urteetan zehar, ikusiko dugu primen jaitsiera handiagoa izan dela gure inguruko herrialdeetan baino. Ordaindutako primen kopururik handiena 2008an izan zen gure herrialdean, Europako gainerako zatian bezala. Ordutik eta 2014 arte, % 17 arteko jaitsiera izan zen, eta Europar Batasun osoan, aldiz, % 5ekoa.

Europarekiko desberdintasun horren adibiderik argienetakoa, hain zuzen, aurreikuspen eta aurrezkiko planak konparatzean ikus dezakegu. 10 arte puntuatzen baditugu Gizarte Aurreikuspen Osagarria —pentsio-planak— 15en Europar Batasunean, Espainia amaieran egongo litzateke, 6,2 punturekin, Greziaren aurretik soilik, eta lehendabiziko postuan Suedia egongo litzateke, 10 punturekin.

The post Europako gainerako lekuetan baino gehiago ala gutxiago aseguratzen gara? appeared first on Blog de actualidad.

Egungo araudiak (ECE R44) indarrean jarraituko du 2018 arte, baina harian-harian i-Size ezarriz joango denez, haurren errepideko segurtasuna hobetzen joango da, homologaziorako proba gehigarri eta gogorrago batzuk gainditu beharko baitira, istripu kasuetako alboetako talka edo inpaktuen probak, esaterako. Halaber, eserlekuak martxaren aurkako noranzkoan erabiltzeko beharra 15 hilabetera arte luzatuko dute.

Araudi berriarekin, haurrentzako eserlekuak ez dira katalogatuko altueraren eta pisuaren arabera. Autoetarako haurrentzako eserlekuen fabrikatzaileak erabaki ahal izango du zein tamainarentzako diren egokiak, eta haurrei eusteko sistema bat lehendik daukaten gurasoek erabiltzen jarraitu ahal izango dute 2018 urtera arte gutxienez. Oraingoz ez dago ECE-R 44 arauarekin homologatutako haurrei eusteko sistemen erabilera debekatzeko aurreikuspenik.

The post Araudi berri batek haurren segurtasuna hobetuko du errepidean appeared first on Blog de actualidad.

Arriskuak ebaluatzeko eta aseguru-kapitalaren baldintzak kalkulatzeko erregimen berria da Kaudimena II. 2016ko urtarrilaren 1ean sartu zen indarrean, eta horretara egokitzeko urteetan aritu izan gara lanean. Aseguru-erakundeek gure gain hartzen ditugun arriskuetan oinarritutako kaudimen-erregimena da, hau da, zenbat eta arrisku handiagoa hartu (gure negozioetan, inbertsioetan etab.) orduan eta kapital gehiago eduki beharko dugu erabilgarri, berme gisa, aseguratuentzat, inbertsiogileentzat eta gizartearentzat, oro har.

Irudia CC BY-SA 2.0 Daniel Dionne

Horren helburua da aseguruen sektoreari arriskuak hobeto kudeatzen laguntzeko markoa sortzea, lehiakortasuna handitzea, gure produktuak hobetzea eta gure aseguratuen, inbertsiogileen eta gizartearen kaudimena bermatzea, horretarako gardentasun handiagoa eskainiz, merkatuaren eta arautzaileen eskura informazio handiagoa jarriz.

Artikulu hau gazteleraz ere eskuragarri dago.

The post Nola eragiten digu Kaudimena IIk? appeared first on Blog de actualidad.

2014.urtea garrantzitsua izan zen Enpresako Erantzukizun Sozialaren inguruko erabakiak hartzeko. Seguros Lagun Aron kudeaketa-eredu berri eta orekatuago baten aldeko apustua egin dugu, eta duela bi urte martxan jarritako ibilbidearen emaitzak jasotzen hasi gara. Enpresako Erantzukizun Sozialaren 2015eko Txostenean jasotako ondorioek hala berresten dute.

2015eko ardatz nagusiak hauek izan dira: balioa sortzea, pertsonen garapenari zuzendutako Erantzukizun Soziala indartzea eta ingurumenaren jasangarritasuna. Eta horien garapenetik lortutako datuek sendotzea eta tarte horretarako ezarritako adierazle askoren hobekuntza ekarri dute.

Horrelako politika aktiboei esker, erakunde osoa, zuzendaritza-taldea buru duela, enpresaren eta haren ingurunearen garapen ekonomikoan, sozialean eta ingurumenekoan inplikatu da, eta horregatik ezarri ahal izan dira Seguros lagun Aroren konpromisoak interes-talde desberdinetan, horietako bakoitzaren elkarrizketa-mekanismoak identifikatuz eta, horrez gain, EES gaien inguruko gai garrantzitsuei buruzko mapa sortuz.

Ikusi online EGE 2015eko Txostena
Deskargatu EGE 2015eko txostena

Artikulu hau gazteleraz ere eskuragarri dago.

The post Enpresako erantzukizunaren aldeko apustuarekin jarraitzen dugu appeared first on Blog de actualidad.

Unespak –gu ere elkarte horretako partaide gara– “Seguru gaude” proiektua sortu du, aseguruen mundua herritarren eskuetara hurbiltzeko. Testuinguru horretan, Aseguruaren Liburu Zuria egin da.

Gure bizitzetan aseguruek duten eragina ezagutu nahi baduzu, industria horren funtzionamendua edota herriari zer onura ekartzen dion, kontsultatu Aseguruaren liburu zuria hemen. Teknizismoei eta terminologia konplexuari ihes egiten dion testua da, eta sektoreko zenbakiak ezagutzeko datuak erakusten ditu, haren organigramak eta laneko prozedurak. Horrez gain, sektoreko zein harekin lotutako gizarteko beste eremu batzuetako protagonistei egindako elkarrizketak jasotzen dira bertan.

The post Aseguruaren liburu zuria appeared first on Blog de actualidad.