Gure konfiantzazko tailerrek gure kalitate-estandarrak eta bezeroarentzako arreta-estandarrak betetzen dituzte, gure lantaldeak bermatzen baitu tailer bakoitzak eskakizun teknikoak betetzen dituela eta zerbitzu hurbil eta efizientea eskaintzen duela.

Ezbeharra gertatuz gero, bizkor eta erraz sartu ahal izango zara gure konfiantzazko tailer-sarean. Guk prozesu osoan gidatuko zaitugu, tailer hurbilena aukeratzen duzunetik ibilgailua konpontzen amaitu arte. Gure webgunean eskuragarri dauden tailer guztiak kontsultatu ahal izango dituzu, zure aukerak aldez aurretik ezagutu ditzazun.

Gure konfiantzazko tailerren abantailak

Konfiantzazko tailer bat aukeratzeak, konponketaz gain, arreta-esperientzia osoa eta abantailak ere eskatzen ditu, hala nola:

• Lehentasunezko tratua eta azkartasuna: konfiantzazko tailerrek lehentasunezko zerbitzua eskaintzen diete aseguru-etxeko aseguratuei, konponketa-prozesua azkartuz.
• Konponketa-bermea: tailer hauetan egindako lan guztiek konponketaren kalitatea ziurtatzen duen bermea dute.
• Izapideetan denbora aurreztea: dokumentazioaz eta tailerrarekiko koordinazioaz arduratuko gara, prozesua sinplifikatuz, ezertaz kezkatu beharrik izan ez dezazun.
• Kortesiazko ibilgailua edo Mugikortasun-zerbitzua: zure egunerokoan ahalik eta inpakturik txikiena izan dezazun, gure konfiantzazko tailerrek kortesiazko ibilgailuak edo etxez etxeko mugikortasun-zerbitzuak eskaintzen dituzte.
• Autoa garbitzea: ibilgailua konpondu ondoren, autoaren kanpoaldea garbitzea eta barrutik xurgagailua pasatzea bermatzen da.
• Urruneko peritazioa aurretiko hitzorduarekin: zerbitzu honek gure bezeroen bizitza sinplifikatu nahi du. Zure autoaren peritazioa egiteko gehien komeni zaizun eguna eta ordua aukeratu ahal izango dituzu, autoa egun osoan tailerrean utzi behar izan gabe. Zure ibilgailuaren kalteen balorazioa azkarrago egiten da, streaming bidez egiten baita gure aditu espezializatuetako batekin. Horrela, amaitu ondoren, autoa konpontzen uztea edo data bat hitzartu arte berriro erabiltzea erabaki ahal izango duzu.

Konfiantza eta hurbiltasuna

Gure tailer-sareak ematen digun konfiantzarekin, Arrisku Orotako “Konfiantzazko Tailerra Fr. 300” asegurua kontratatu ahal izango duzu, arrisku orotako aseguru baten estaldura guztiak lortzeko, prezio lehiakorrean eta gure tailer-sarearen babesarekin. Gure zerbitzuei buruz gehiago jakin nahi baduzu edo zalantzaren bat baduzu, jar zaitez gurekin harremanetan. Zuri laguntzeko gaude hemen! 900 38 08 38

The post Konfiantza eta hurbiltasuna gure tailer-sarean appeared first on Blog de actualidad.

Eremu horietan murrizketarik gabe sartzen jarraitu ahal izateko –eta, gainera, klima-aldaketaren aurkako borrokari laguntzeko– aukerarik onena ibilgailu elektriko bat aukeratzea da. 2023an, 125.681 ibilgailu hibrido eta elektriko saldu ziren Espainian; hau da, halako ibilgailuen salmenta % 48,47 igo zen aurreko urtearekiko. Gainera, urteko lehen hiruhilekoan, karga publikoko 1.850 puntu aktibatu dira (lurralde osoan 32.000 puntu daude guztira). Horregatik, Lagun Aron, horrelako ibilgailuentzako gure aseguru espezifikoez gain, errepideko laguntza ere eskaintzen dugu auto elektrikoentzat.

Mugikortasun jasangarriaren onurak

Mugikortasun jasangarriak abantaila ugari eskaintzen ditu ingurumenerako, hirietarako eta pertsonen osasunerako. Onura nagusietako batzuk hauek dira:

• Airearen kutsadura murriztea: Ibilgailu jasangarriek –adibidez, elektrikoek edo hibridoek– ez dute ihes-gasik isurtzen, eta horrek airearen kalitatea hobetzen laguntzen du, batez ere hirietan. Hala, txikitu egiten da arnasbideetako gaixotasunen eta beste osasun-arazo batzuen intzidentzia.
• Osasun publikoa hobetzea: Airearen eta zarataren kutsadura murrizteak inpaktu positiboa du osasun publikoan, txikitu egiten baitu arnasbideetako gaixotasunen, gaixotasun kardiobaskularren eta beste gaixotasun batzuen intzidentzia.
• Berotegi-efektuko gasen isuriak murriztea: Klima-aldaketari laguntzen dion CO₂ gasaren isuri nagusietako bat garraioa da. Mugikortasun jasangarriak isuri horiek murrizten eta isurien efektu negatiboak arintzen laguntzen du.
• Zarata murriztea: Ibilgailu elektriko eta hibridoak askoz isilagoak dira barne-errekuntzako ibilgailuak baino, eta horrek murriztu egiten du hirietako kutsadura akustikoa.
• Biodibertsitatea babestea: Petrolioarekiko mendekotasunak inpaktu negatiboa du biodibertsitatean. Mugikortasun jasangarriak inpaktu hori murrizten laguntzen du, energia-iturri berriztagarriak erabiltzen baititu eta erregai fosilak erauzteko beharra murrizten baitu.

Aseguru-etxe gisa ditugun erronkak

Gure esperientziaren arabera, horrelako ibilgailuek ohikoek baino matxura gutxiago dituzte laguntzaren alorrean. Alabaina, horrelako ibilgailuei eman beharreko laguntzaren arrazoi nagusiak dira, besteak beste, karga-akatsak, sistema elektrikoen akatsak eta abio-bateriaren arazoak.

Bestalde, ezbehar-mailan ibilgailu elektrikoei eman beharreko laguntzak karga-arrisku handiagoa dakar errepideko laguntza-sarerako, protokolo zorrotzagoak eta ibilgailuak manipulatzeko segurtasun-material espezifikoa. Gainera, ibilgailuen oinarrian gorde behar dira, aire librean leku itxian eta beste ibilgailuetatik urrun, sute-arrisku handiagoa dutelako. Horrelako ibilgailuen beste berezitasun bat da prestakuntza espezifikoko hornitzaileen sare bat eduki behar dela, auto horien konponketei aurre egiteko prestatuak.

Seguros Lagun Aroren zerbitzu egokituak 

Gaur egun, ibilgailu elektrikoen laguntzarako IMA Ibéricarekin batera eskaintzen ditugun bermeek barne hartzen dituzte, besteak beste, bidaiako laguntza eta wallbox motei buruzko aholkularitza. Gure zerbitzuak ibilgailu elektrikoen eta hibrido entxufagarrien erabiltzaileen premia guztiak estaltzeko diseinatuta daude.

Bidaiako laguntza: Zure ibilgailua bateriarik gabe geratu da bidaiaren erdian? Zu ez kezkatu. Gure bidaiako laguntza-zerbitzuak barnean hartzen du zure ibilgailua lekuan bertan kargatzea; edo, behar izanez gero, atoian eramatea hurbilen dagoen karga-punturaino.

Karga-puntuei buruzko informazio-zerbitzua: Zure ibilgailua kargatu behar duzu, baina ez dakizu karga-puntuak non dauden? Informazio xehatua emango dizugu hurbilen duzun karga-puntuari eta haren funtzionamendu-ordutegiei buruz.

Ordezko ibilgailu berdea: Ordezko ibilgailu bat behar izanez gero, ibilgailu elektriko, ibilgailu hibrido entxufagarri edo ibilgailu hibrido bat (ordena horretan) entregatzea lehenetsiko dugu ibilgailu aseguratua elektrikoa edo hibrido entxufagarria duten bezeroentzat.

Aholkularitza espezializatua:

• Zure bizimoduaren eta premien arabera egokiena den ibilgailu-motari buruzko gomendioak.
• Wallbox motei eta kable elektrikoei buruzko informazio xehatua, baita garaje komunitarioetan instalatzeko prozedurak eta erregulazioak ere.
• Ingurumen-etiketei eta isuri gutxiko eremuei buruzko orientazioa, zenbait hiritako sarbide-mota eta -murrizketak barne.

The post Errepideko laguntza auto elektrikoentzat appeared first on Blog de actualidad.

Izan ere, elurretako kateek balio dute segurtasuna eta mugikortasuna bermatzeko neguan gidatzen dugunean. Tenperatura asko jaisten denean eta errepidean izotza sortzen denean, gure bidaiderik onenak dira, berogailua eta GPSa bezain ezinbestekoak. Ibilgailuaren pneumatikoen inguruan jartzen dira, trakzio gehigarria izan dezaten. Gurpilen inguruan egokitzen diren kate-maila metalikoz edo material sintetiko erresistentez osatuta daude, lur irristakorrarekiko itsaspena hobetzeko. Halaber, lerradura murrizten laguntzen dute; eta ibilgailuek modu seguruagoan aurrera egiteko aukera ematen dute elurte handiak daudenean edo errepide izoztuetan.

Espainian, ez da nahitaezkoa ibilgailuan elurretako kateak eramatea neguan. Nolanahi ere, nahitaez eraman behar dira ibilgailuan baldin eta agintariek adierazi badute errepide jakin batzuetan erabili behar direla eguraldi txarraren ondorioz (elurte gogorretan edo izotza errepidean dagoenean, adibidez). Adierazpen horiek kartel espezifikoekin seinaleztatuta egoten dira errepide horietan; ez ikusi eginez gero, isunak egon daitezke. Gidariaren erantzukizuna da seinale horiei adi egotea eta kateak prestatuta edukitzea, eguraldiaren baldintzek hala eskatzen badute.

Trakzioaren arabera

Sistema hori erabiltzean, DGTk gomendatzen du 50 km/h-ko abiadura ez gainditzea. Komeni da abiadura murriztea segurtasun-baldintzetan zirkulatu arte, bidearen inguruabarretara eta eguraldiaren baldintzetara egokituz. Ez azeleratu edo frenatu bortizki. Kateak jartzeko, automobilaren motrizitatea hartu behar da kontuan:

• Aurreko trakziodun ibilgailua: aurreko ardatzeko gurpiletan jarri behar dira.
• Atzeko trakziodun ibilgailua: atzeko gurpiletan.
• Lau gurpileko trakzioa: lau pneumatikoetan.

Jartzeko jarraibideak

Kateak jartzen ohituta ez gaudenez, ez dakigu zenbat denbora beharko dugun; beraz, lehenik eta behin, geratu autoa leku lau eta seguru batean, espazioarekin eta ikuspen nahikoarekin. Seinaleztatu triangeluekin edo V-16 larrialdi-argiarekin, eta ez ahaztu txaleko islatzailea erabiltzea.

Kateak behar bezala jartzeko, jarraitu fabrikatzailearen gomendioak, urratsik saltatu gabe. Erabiltzeko beharra sortu aurretik, praktikatzea komeni da, pneumatikoen tamainari erabat egokitzen zaizkiola egiaztatzeko (kateen zehaztapenetan adierazten da pneumatikoen zer neurritarako balio duten). Erabili beti eskularruak, eskuetan ebakiak saihesteko eta hotzetik babesteko. Kateak jada behar ez direnean, kendu egin behar dituzu, pneumatikoak eta asfaltoa ez kaltetzeko.

Kate-motak

Elurretako kate-mota bat baino gehiago daude; beraz, zure beharretara ondoen egokitzen dena aukeratu behar duzu.

• Metalezko kateak: Ohikoenak dira, eta elkarrekin lotutako metalezko kate-mailaz eginda daude. Trakzio sendoa eskaintzen dute elur- eta izotz-baldintzetan; merkeak dira, baina zarata eta bibrazio gehiago sor ditzakete errepide garbian gidatzean.

• Ehunezko kateak: “Galtzerdiak” ere esaten zaie. Erresistentzia handiko polimeroak bezalako materialekin fabrikatuta daude; arinagoak dira, eta metalezkoak baino errazago instalatzen dira. Oso egokiak dira elurtutako errepideetako zati laburretan erabiltzeko, eta arrazoizko trakzioa eskaintzen dute. Horrelako kateen desabantaila da elurrik edo izotzik ez dagoen gainazaletatik igarotzean berehala degradatzen direla (esate baterako, tuneletan). Horregatik, komeni da tunelaren sarreran kentzea eta irteeran berriro jartzea, luzea bada behintzat.

• Kate konposatuak: Ehunezkoen antzekoak dira; baina, kasu honetan, zorroa kable plastikoen sare batek osatzen du, ehunezko materialez estalitako altzairuzko tako batzuekin.

• Kate erdiautomatikoak: “Spike Spider” ere esaten zaie. Bi zati dituzten gailuak dira: zati finkoa hagunean instalatuta dago, eta beste zatia zati finkoaren gainean oso erraz muntatzen eta desmuntatzen da. Eraginkorrak eta erabilerrazak dira, baina garestiak.

• Kate likidoak: Izena gorabehera, pneumatikoaren alboko aldeari aplikatzen zaion espraia da, une jakin batean itsaspena areagotzeko. Ez dira berezko katetzat jotzen; beraz, egoera dela-eta kateak erabiltzea nahitaezkoa bada, ez dago baimenduta halakoak kate konbentzionalen ordez erabiltzea.

Motozikletentzako kateak ere badaude, baina gomendatzen da horrelako ibilgailuak ez erabiltzea muturreko egoeretan eta zoru irristakorretan.

Biltegiratzea

Elurretako kateak ondo gordetzea eta kontserbatzea garrantzitsua da kateen iraunkortasuna eta eraginkortasuna luzatzeko. Hona hemen urrats batzuk behar bezala biltegiratzeko:

• Garbiketa: Gorde aurretik, garbitu ondo elurretako kateak. Kendu kateetatik edozein lokatz-, zikintasun- edo gatz-hondakin, korrosioa saihesteko.
• Lehorketa: Ziurtatu kateak erabat lehor daudela gorde aurretik. Hezetasunak korrosioa eragin dezake, eta materiala hondatu.
• Bilgarria edo edukiontzia: Gidari batzuek elurretako kateetarako poltsa espezifikoetan gordetzen dituzte, batera mantentzen eta haien artean ez korapilatzen laguntzen dutenak. Poltsa berezirik ez baduzu, kaxa edo ontzi garbi bat ere erabil dezakezu.
• Biltegiratzea: Gorde kateak leku lehor eta fresko batean (ahal dela, muturreko tenperatura-aldaketen eraginpean ez dauden eremu batean). Ez itzazu gorde zuzenean lurraren gainean, korrosioa prebenitzeko.
• Aldizkako berrikuspena: Gomendagarria da noizean behin kateak berrikustea biltegiratuta dauden bitartean, gerta daitekeelako kalteak, korrosioa eta gastatutako zatiak egotea eta gerora behar dituzunean ezin erabili ahal izatea.

Errepidean, ezustekorik ez: babestu zaitez zure auto-aseguruarekin eta elurretako kateekin: zure bidaiderik onenak izango dira neguan.

The post Elurretako kateak: zure bidaiderik onenak neguan appeared first on Blog de actualidad.