Fenomeno kaltegarri horiek kalte material ugari eragiten dituzte etxebizitzetan, negozioetan, ibilgailuetan eta azpiegitura publikoetan, hala nola errepideetan, zubietan, trenbideetan edo sare elektrikoetan. Zeharkako kalte ekonomiko larriak ere sortu ditzakete.

• Jarduera ekonomikoa galtzea: saltokiak ixtea, fabrikak gelditzea, turismoari eragitea, fakturazio txikiagoa.
• Larrialdi-kostuak eta birjarpen publikorako kostuak: larrialdi-zerbitzuak, azpiegiturak konpontzea, ibilguak garbitzea, sareak birjartzea.
• Kate logistikoak eta ondasun galkorrak etetea, hala nola nekazaritza eta garraioa.
• Osasunaren gaineko eragina eta osasun-kostua: lesioak, ur geldiarekin lotutako gaixotasunak, estres psikologikoa.
• Aseguru-kostuak handitzea: primak igotzea eta baldintzak gogortzea.

Prebentzio-neurriak

Prebentzioak klima-gertakari horien ondorioak arintzen laguntzen du, murriztu egiten dituelako kaltearen probabilitatea eta irismena. Ekintza xume batzuei esker, saihestu edo murriztu egin ditzakegu etxean, autoan edo negozioetan izan ditzakegun arriskuak.

Etxean

• Berrikusi teilatuak eta erretenak euri-denboraldia iritsi baino lehen, ura iragaztea edo pilatzea saihesteko.
• Zigilatu leiho, ate eta sotoak, bereziki uholdeak izateko joera duen eremu batean bizi bazara.
• Deskonektatu gailu elektrikoak ekaitz gogorra eta uholde-arriskua dagoenean.
• Gorde objektu garrantzitsuak goialdeetan eta babestu behe-solairuetako entxufeak.
• Ez utzi objektu solterik terraza edo balkoietan haizealdi gogorrak edo euri-jasak iragartzen direnean.

Autoan

• Ahal izanez gero, ez zirkulatu ekaitz handiak daudenean edo urak hartutako eremuetan; izan ere, urak zuloak estal ditzake edo ibilgailua herrestan eraman dezake.
• Berrikusi aldian-aldian pneumatikoak, frenoak eta haizetako-garbigailuak, bereziki hilabete euritsuenak iritsi baino lehen.
• Eremu seguru eta altuetan aparkatu, zuhaitz, horma edo linea elektrikoetatik urrun.
• Beteta eduki erregai-depositua, mugikortasunari eragin diezaioketen denboraleak iragartzen badira.

Saltokietan eta enpresetan

• Babestu instalazio elektrikoak eta ekipo informatikoak, altuera jakin batean kokatuz.
• Berrikusi drainatze-sistemak eta ziurtatu ez dagoela buxadurarik.
• Izan negozioari jarraitutasuna emateko plan bat: segurtasun-kopiak, jarduketa-protokoloak eta aseguru-etxeekin harremana.
• Aseguratu fatxadak, errotuluak eta estalkiak, haizeak edo euriak ezer ez botatzeko.
• Kontratatu zure jarduerari egokitutako arrisku anitzeko aseguru bat, besteak beste urak eragindako kalteak eta jardueraren etena estaliko duena.

Aseguruaren egitekoa

Kasu horietarako aseguru on bat edukitzea berme bat da; izan ere, babes ekonomikoa ematen du, baina ez du prebentzioa ordezten eta ez du automatikoki dena estaltzen.

Gainera, kalteen aurkako aseguru-poliza bat edo pertsonen aseguru bat badaukazu, Aseguruen Konpentsazio Partzuergoak hartuko ditu bere gain ezohiko fenomeno atmosferikoen ondorioz gertatutako kalteak, hala nola GOIDIaren kasuan.

Horregatik guztiagatik, ezinbestekoa da zure etxerako, zure autorako eta zure enpresarako aseguru on bat edukitzea kontratatuta. Gainera, ezusteko txarrik ez izateko, berrikusi egin behar dira polizak. Ondo informatuta egoteak eta kontratua eguneratuta edukitzeak salbatu egin ditzake zure etxea, zure ibilgailua eta zure negozioa.

The post Klima-kontseiluak: prebentzioa eta asegurua fenomeno atmosferikoen aurrean appeared first on Blog de actualidad.

Horregatik, Natura Bizia proiektuarekin lankidetzan, gure lurraldeko flora eta fauna erakusten dizkizugu dokumentalaren 12 irudi esklusiboren bidez. Orain arte ikusi gabeko irudi horiek Euskadiko eta Nafarroako naturarik benetakoena eta basatiena erakusten digute, eta ederki transmititzen digute natura horren edertasuna.

Sakatu play Natura Biziaren trailerra ikusteko, eta sartu zure naturan

Natura Bizia serie dokumentalak 8 kapitulu ditu, eta 75 minutuko film luze gisa ere emango da. Proiektuaren helburua da gure inguruneko aberastasun naturala zabaltzea, biodibertsitate-ehuneko handia duen lurraldean bizi baikara.

Lagun Arok onena eta zoriona opa dizkizu. 2020 zoriontsu eta segurua!

The post Gure naturan dagoelako! 2020 zoriontsua! appeared first on Blog de actualidad.

Isuriei buruzko Europako araudi berriek gauzak aldarazi dizkie fabrikatzaileei eta “elektrifikazioaren” aldeko apustua egin dute; bestalde, hirietako politikak gero eta murriztaileagoak dira modelo kutsatzaileenekin. Aldatzeko garaia da, baina automobilen merkatuak eskaintzen dituen teknologia berriek oraindik ez dute gidari estandarra gogobetetzen.

Argi dago errekuntzako ibilgailuak kutsatzaileenak direla eta egunen batean halakoen zirkulazioa debekatuko dela, baina hori gertatu bitartean, beharbada denbora izango duzu beste bi ibilgailu estreinatzeko.

Zein auto erosiko dut?

Alderdi askok dute eragina ibilgailua erostean: prezioa, kontsumoa, zenbat kutsatzen duen, zenbat kostatuko zaidan asegurua eta zein erabilera emango diodan, besteak beste. Ez dago makilatxo magikorik, baina bai auto berria erosteko zenbait gomendio.

Gainera dezente eztabaida sortzen da zenbait gairen bueltan: esaten den bezainbeste errespetatzen al dute ingurumena auto elektrikoek? Erabiltzen diren bitartean bai, baina energia elektrikoaren ekoizpenak bai kutsatzen du: baterien fabrikazioan substantzia kutsatzaileak erabiltzen dira, eta gainera bateria horiek desegin egin behar izaten dira bizitza erabilgarria amaitzean.

Ba al dago dieselaren abantailak eskaintzen dizkidan modelorik, esate baterako, banaketako hainbat furgoneta baditut? Horra hor beste polemika bat. Diesel ibilgailuen ekoizpena debekatzera bideratutako edozein erakunde-adierazpenek kontuan izan behar ditu era horretako gaiak, gaur egun oraindik ez baitaude konponduta: ez dago dieselaren abantailak eskaintzen dituen ibilgailu elektrikorik era horretako ibilgailu handien edo komertzialen kasuan. Azkenean, hainbesteko ziurgabetasunak kezka sortzen du jende guztiarengan, eta kalte egiten dio ibilgailuen erosketaren merkatuari.

Polemikak alde batera utzita, diesel, gasolina, elektriko eta hibrido motako ibilgailuen arteko konparatiba bat erakutsiko dizugu orain. Motor-mota bakoitzaren abantaila eta desabantaila batzuk ezagutzeak hurrengo ibilgailua aukeratzen lagunduko dizu. Utz iezaguzu iruzkin bat zure esperientziaren berri emateko.

The post Diesela, gasolina, elektrikoa… Zein auto erosiko dut? appeared first on Blog de actualidad.

Gure jardueraren berezko izaeragatik, Seguros Lagun Arok eragindako ingurumen-inpaktua txikia da. Hala ere, enpresak ingurumenaren kudeaketa arduratsua eta iraunkorra egiten du, eta gure ingurunearekin arduratsua izateko ekintzak jarri ditu martxan.

Markatutako erronketako bat paperik gabeko bulego bat lortzea da. Eta zer egiten ari gara paperaren kontsumoa murrizteko? Nagusiki bi proiektu garatu ditugu: alde batetik, inprimatzeko eredu berri bat, eta bestetik, bezeroen dokumentazioaren kudeaketaren optimizazioa.

% 86 gutxiago erabili dugu papera inprimatzeko

2016 urtearen amaieran, gure inprimagailu eta fotokopiagailu guztiak berritzeari ekin genion. Horrela, kostuetako efizientzia handiagoa eta inprimaketen informazio xehea lortu ditugu.

Gainera, inprimaketarekin lotutako beste ekimen batzuk ere jarri ditugu abian: aldaketa bat eransten diren gastu-oharren eta tiketen sisteman; zerrenden automatizazioa; pantaila bikoitza; bi aldeetako inprimatzea; inprimatze-datuak bidaltzea hilero lantalde bakoitzari; “Lortu opariak gutxiago inprimatuz” lehiaketa abian jartzea.

Horrekin guztiarekin, enpresan lan egiten dugun pertsonen sentsibilizazio handiagoarekin batera, erakundean paperaren erabilerari buruzko kultura aldatzea lortzen ari gara.

2016 urtearen amaieran 76.200 orrialde inprimatzen genituen 70.105 foliotan hilabetean. 2017ko lehen hiruhilekoa igarotakoan 26.181 folio inprimatzen genituen hilabetean, eta horrek paperaren kontsumoa % 62,75 murriztea ekarri zuen. Irailean, urrian eta azaroan batez beste 15.300 inprimaketa egin genituen hilabetean, eta 9.700 folio/hilabetean. Abenduan, lanegun gutxiago eta opor-egunak daudela kontuan hartuta, 10.500 orrialde eta 6.800 folio inprimatu ditugu.

Paperaren kontsumoa % 86 inguru murriztu da, eta % 90era iritsi da abenduan. Laburbilduz, askoz gutxiago inprimatzen dugu eta alde bietatik (inprimaketen % 70etik gora). Batez beste, ezarritako helburua baino gutxiago inprimatzen du pertsona bakoitzak, hau da, une honetan 5 inprimaketa -3 folio pertsonako, eta datu horiek konstante mantendu dira udaren ondoren.

Bezeroen dokumentazioaren kudeaketa optimizatzea

Aurten, polizak formatu digitalean jaulkitzeko eta aplikazioetarako sarbideak gure bitartekarien eta bezeroen esku jartzeko proiektu bat jarri dugu abian. Horrela, aseguruen bitartekariek eta Lagun Aroren bezeroek formatu digitalean helaraz diezagukete dokumentazioa, bai harpidetzaren prozesuan, bai zerbitzuaren prestazioan.

Proiektu honek inpaktu handia du ingurumenaren gainean, inprimaketak nabarmen murriztea baitakar, paperaren eta dagokion artxibatzearen lekualdatze fisikotik

2016an inprimaketa-eredu berria ezarri genuen, eta inprimatutako folioak % 64 murriztea lortu genuen #EES https://t.co/ktAZDBTMRL pic.twitter.com/TwKrU7tluU

— Seguros Lagun Aro (@seguroslagunaro) 29 de noviembre de 2017

The post 0 paper helburua appeared first on Blog de actualidad.

Gure webguneko CO₂ kalkulagailua berritu dugu. Etxean edo ibilgailuarekin zirkulatzean egiten ditugun karbono dioxidoaren isuriak kalkulatzeko eta konpentsatzeko aukera ematen du.

Etxean kontsumitzen duzun argindarraren isuriak kalkulatzeko, eskuan eduki behar duzu konpainia elektrikoaren faktura. Urteko kontsumoa kWh-tan sartzean, zure etxebizitzaren guztizko isuriak kalkulatuko dizkizu, kontuan hartuz herrialdea eta energia berdea erabiltzen duzun edo ez. Gainera, tresnak esango dizu herrialdearen batez bestekoaren gainetik edo azpitik zauden. Espainiaren kasuan, urtean biztanleko sortzen diren isuriak, batez beste, 5,8 tona CO₂-ren baliokideak dira (Munduko Bankuaren arabera).

Zenbat diru jarri beharko genuke gure kutsadura konpentsatzeko?

Tresna honen berrikuntza da ez duela kalkulatzen soilik zein diren zure isuriak, baizik eta isuri horiek eurotan izango luketen kostua ere kalkulatzen duela. Isuri horiek GERESek kudeatzen dituen ekarpenen bidez konpentsatzeko aukera ematen dizu. GERES, hain zuzen, ingurumena eta baliabide naturalak babesteko xedez, energia-eraginkortasuna eta energia berriztagarriak sustatzeko soluzioen ezarpenean nahasitako irabazi asmorik gabeko Frantziako elkarte bat da.

Ekarpen horiekin, zehazki, GERES Kanputxean ezartzen ari den sukaldeko labe hobetuak zabaltzeko proiektuari lagunduko diozu. Proiektuaren helburua da, hain zuzen, basoetako baliabideen gaineko presioa murriztea eta tokiko biztanleen energia-urritasuna mugatzea.

Behin ekarpena egindakoan, ziurtagiri bat eta faktura bat jasoko dituzu ingurumenaren kontserbazioari egin diozun ekarpena egiaztatzeko.

GERESen proiektua Kanputxean baliabide naturaletan egurra ateratzeak ingurumenean duen inpaktua eta soziala murrizteko.

Euresaren ekimena

CO₂ kalkulagailua EURESAk abian jarritako ekimen bat da. 1990ean sortu zen EURESA, eta Europako aseguru-etxe sozialki arduratsuak biltzen ditu. Erakundearen kideen arteko lankidetza eta esperientzien trukea sustatzea da bere jarduera nagusia.

Duela gutxi Bilbon egin du Kudeaketa Batzordea, eta Seguros Lagun Aro izan da ekitaldiaren anfitrioia. Batzordearen aurretik, Euresaren ordezkaritza batek Arrasaten ditugun bulegoak bisitatu zituen, kooperatiba eta taldea ezagutzeko.

Atzo, Bilbon Kudeaketa Batzarra ospatu baino lehen, #Euresa (Europako mutualitate nagusiek osatutako elkartea) gurera etorri zen bisitan. pic.twitter.com/dqmQJam60J

— Seguros Lagun Aro (@seguroslagunaro) 7 de abril de 2017

Lagun Aron elkarte horretako kide gara, eta, beraz, 2015ean bat egin genuen haren klima-plataformarekin®. Plataforma horrekin gizartea sentsibilizatu nahi da atmosferako CO₂ isuriak murrizteko beharrari eta horrela klima eta ingurumena hobetzeko beharrari buruz.

The post Kalkulatu zenbat kostatuko litzaizukeen zure CO2 isuriak ordaintzea appeared first on Blog de actualidad.