Joan den azaroan “XVI. Hiritar topaketa mugikortasunarekin” ekitaldia egin zen Bilbon, Bilboko Udalak eta RACVNk antolatuta. Mugikortasuna generoaren ikuspegitik aztertzea izan zen ekitaldiaren ardatza. Beste erakunde batzuekin batera, esperientzia-trukean parte hartu zuen Seguros Lagun Arok eta “Mugikortasuna generoaren ikuspegitik” txostena aurkeztu zuen.

Emakumeek edo gizonek hobeto gidatzen duten galderari buruzko topiko batzuk gezurtatzen ditu azterketak, joan den astean kontatu genizun moduan. Oraingoan automobil-aseguruak kontratatzerakoan generoaren arabera dauden antzekotasunei eta desberdintasunei buruz hitz egingo dugu, alderdi hori ere aztertzen baita txostenean.

Lagun Aroko auto-asegurua duten bezeroen datu-basetik abiatuta, kontratazio-modalitateei, aseguratutako ibilgailu-motari, erregai baten edo beste baten aldeko aukerari eta ibilgailu-modelo zaharrenak gidatzen dituenari buruzko datuak konparatu ditugu.

Desberdintasunik ez kontratatutako modalitatean

Gizonek eta emakumeek proportzio berean kontratatzen ditugu auto-aseguruen modalitateak. Hortaz, desberdintasuna ez dago generoan, kontratutako hirugarrenen aseguruen kopuruan baizik: kopuru horrek arrisku orokoena bikoizten du.

Euskal Autonomia Erkidegoan eta Nafarroan gizonen % 67,04k eta emakumeen % 66,74k hirugarrenen polizak kontratatzen dituzte. Arrisku orokoetako desberdintasunak ere oso-oso txikiak dira: % 33,26 emakumeek eta % 32,96 gizonek. UNESPAk 2016an eskainitako Espainia guztiko datuak aztertzen baditugu, desberdintasuna pixka bat handiagoa da bi modalitateetan: 5 puntuko desberdintasuna soilik.

Hortaz, desberdintasunik ez dagoela esan dezakegu. Eta zertxobait dagoenean, oso-oso txikia dela.

Desberdintasun handiagoa aseguratutako ibilgailu-motan

Gizonen eta emakumeen artean desberdintasun handiagoa ikusten den arloa aseguratutako ibilgailu-mota da. Motoak, ibilgailu komertzialak eta furgonetak gizonek aseguratzen dituzte nagusiki (% 14,88 gizonek eta % 7,4 emakumeek), baina emakumeen ehunekoa handiagoa da turismo eta monobolumenen aseguruen artean, zehazki % 13,18 gehiago EAE eta Nafarroako baturan.

Bi sexuen artean ikusten dugun antzekotasunetako bat SUV ibilgailuen (lur oroko arinen edo kirol-utilitarioen) erabileraren gehikuntza da.

Donostian ia moto gehiago daude autoak baino, eta horrek nabarmen igotzen du ibilgailu-mota horren zabalkundea EAE eta Nafarroa osoan.

Ibilgailuen markei eta modeloei erreparatzen badiegu, gizonek Opel Astraren moduko auto trinkoak aseguratzen dituzte eta emakumeek Seat Ibizaren moduko utilitario ekonomikoagoak. Ford Focus da Bilbon gehien aseguratzen dugun autoa eta Opel Astra EAE eta Nafarroa osoan.

Ibilgailu, marka eta modelo ohikoena Euskadin eta Nafarroan

• Ibilgailu aseguratuena: Opel Astra
• Emakumezkoa: Seat Ibiza (utilitarioa) – Gizonezkoa: Opel Astra (trinkoa)
• Modako marka emakumezkoen artean: Peugeot
• Modako marka gizonezkoen artean: Opel

Peugeot da modako marka Bilboko emakumeentzat zein gizonentzat

Erregai baten edo beste baten aldeko aukera

¿Diesela, gasolina, hibridoa? Oro har gasolina erabiltzen duten ibilgailu aseguratuen gehikuntza bat ikusten dugu, baina hala ere dieselak nagusi izaten jarraitzen du Euskadi eta Nafarroa osoan.

Nolanahi ere, gizonak dira diesela gehien aukeratzen dutenak: aseguratutako gizonen % 71,70ek gasolioa erabiltzen du emakumeen % 62,60aren aldean. 10 puntu baino gehiagoko desberdintasuna ikusten da, baita ere, Bilbo Handiaren zonan aseguratzen ditugun autoetan.

Bilbon gasolina-autoen aldeko aukera egiten duten aseguratu gehiago ditugu Estatuaren gainerako zatian baino.

Ibilgailuaren antzinatasuna

Horretan ere ez dago desberdintasunik: gure bezeroek gidatzen dituzten ibilgailuen batez besteko antzinatasuna 12 urtekoa da, bai emakumeen artean, bai gizonen artean. Datu hori bat dator Espainiako ibilgailuen batez besteko antzinatasunarekin, eta hazten ari da urtero. Kontuan hartuz tailerretan sartzen diren autoak gero eta zaharragoak direla, emakumeek eta gizonek aholku berari kasu egin behar diogu: gure autoa zaintzea eta egoerarik onenean mantentzea seguru gidatu ahal izateko.

The post Gizonak, emakumeak eta auto-aseguruetako antzekotasunak appeared first on Blog de actualidad.

Bilboko Udalak eta RACVNk azaroan Bilbon antolatutako “XVI. Hiritar topaketa mugikortasunarekin” ekitaldia ardatz hartuta, Seguros Lagun Arok “Mugikortasuna generoaren ikuspegitik” txostena aurkeztu zuen. Generoa elementu desberdintzaile gisa hartuta, gizonen eta emakumeen gidatzeko moduari buruzko zenbait topiko argitzen ditu azterlanak.

Gure esperientzian eta gure bezeroengandik jasotako datuetan oinarrituta, esan dezakegu gizon-emakumeen arteko desberdintasunak oso-oso txikiak direla bolantean: oro har, ezbehar-mota bera eta maiztasun berarekin izaten dugu.

Adibidez, nork gidatzen duen okerrenen jakin nahi badugu, bonus-malus-en aplikazioari erreparatu behar diogu. Zer da bonus-malus? Bonus-malus tarifikazio-sistema bat da, eta horixe erabiltzen dugu aseguratzaile gehienok aseguruaren prezioa handitzeko edo murrizteko parte emandako istripuen arabera. Lagun Aroren estatistiken arabera, gidari onak edo txarrak izateagatik hobariak edo penalizazioak aplikatzeari dagokionez, ez dago gizonen eta emakumeen arteko desberdintasunik.

Gizonek zein emakumeek antzeko maiztasunarekin jotzen dugu bidaiako laguntzara.

Eta gehiago ere esan dezakegu: ez dago desberdintasun nabarmenik ezbehar-mota desberdinen maiztasunari dagokionez ere. Emakumeok eta gizonok antzeko datuak ditugu Erantzukizun zibileko aseguruaren — materiala nahiz lesionatuena— eta Norberaren kalteen aseguruaren erabilerari dagokionez.

Zenbat eta esperientzia gutxiago eta adin handiagoa, orduan eta ezbehar gehiago

Nolanahi ere, aseguruen sektoreko datu orokorretan desberdintasun batzuk ikusten dira generoa kontuan hartuta. Hirian ohikoenak diren talkei erreparatzen badiegu, aparkatzerakoan emakumeek talka gutxiago izaten dituztela ikusten da, eta gizonek talka larriagoak izaten dituztela zutabeen edo mutiloien aurka.

Ezbehar-kontuetan, aldiz, norberaren autoan kolpeak izateko probabilitatea adinaren eta esperientziaren araberakoa da gehiago: zenbat eta esperientzia gutxiago edo adin handiagoa izan, orduan ezbehar gehiago izaten dira. Halaxe ondorioztatzen da UNESPAren 2015eko Aseguruaren Memoria Sozialetik.

Ezbehar bat izateko probabilitatea % 50 handiagoa da 18 urteko mutil gazteen artean, baina 30 eta 60 artekoen artean probabilitateak oso txikiak dira. Gidaririk onenak, gizonak zein emakumeak, adin ertainekoak eta bolantean esperientzia dutenak dira.

Antzekotasunak generoaren arabera

Jada kontatu dizugu ez dagoela ia desberdintasunik gizonen eta emakumeen gidatzeko moduen artean: denok kolpe gehiago ditugu gazteak garenean eta hirugarren adinera heltzen garenean ere bai. Hobeto gidatzen dugu adin ertainekoak garenean eta esperientzia daukagunean.

Beste antzekotasun bat da, eta garrantzitsuena, denok zuhurragoak garela. Neskak zein mutilak, gizonak zein emakumeak gero eta zuhurragoak gara, eta azken lau urtetan murriztu egin dira kalte propioak eragin dituzten ezbeharrak. Berdintasun bat gehiago guztiok harro egoteko

Hurrengo astean txostena aurkezten jarraituko dugu eta gizonek eta emakumeek auto-aseguru bat kontratatzerakoan dituzten antzekotasunak eta desberdintasunak ikusiko ditugu. Gure newsletter-a harpidetzeko eta posta elektronikoz jasotzeko animatzen zaitugu.

Bernard de la Ossa lankidea “Hiritar Topaketa Mugikortasunarekin” jardunaldian hizketan, #mugikortasuna genero ikuspegitik aztertzen. #Bilbo #Bidebarrieta pic.twitter.com/HzGQx3Mwf2

— Seguros Lagun Aro (@seguroslagunaro) 16 de noviembre de 2017

The post Emakumeak eta gizonak bolantean. Hain desberdinak al gara? appeared first on Blog de actualidad.

Alejandrok ez du oso hasi eguna. Gaur hain justu inoiz baino gehiago behar zuen autoa, eta ez zaio abiarazi. Bateria izango da… Bai, bai, hobe hala bada eta ez matxura larriago bat, pentsatzen du.

Silvia, aldiz, Gaztelako errepide batetik bidaiatzen ari da. Asteburua herrian igarotzea eta aitona-amonak bisitatzea erabaki du. Oraindik beste bi orduz gidatzea falta zaio, baina adierazle gorri bat piztu zaio aginte-panelean. Hurrengo zerbitzugunean geldiaraztera behartzen du adierazleak jakinarazitako matxurak.

Marc-i gasolina-tanga ia amaierara arte agortzea gustatzen zaio. Gaur gehiegi agortu du, eta azkenean erregairik gabe gelditu da hurrengo gasolina-zerbitzugunera iritsi baino lehen. Zorionez, ez da zirkulazio handiko errepide bat, eta autoa leku seguru batean gelditzea lortu du.

Marc, Silvia eta Alejandrorenak bezalako egoerak normalean aseguru-etxera dei bat eginez eta garabiaren errepideko laguntzarekin amaitzen dira, matxura leku horretan bertan konpontzeko nahiz autoa tailerrera eramateko.

Estaldura nagusia errepidean

Berez hainbat modalitate baditu ere, errepideko laguntza da aseguru-autoetako estaldura nagusia: aseguratzaileek urtean ia 4 milioi aldiz ematen dute Errepideko Laguntza, eta, beraz, estaldura horixe da aseguratuek gehien erabiltzen dutena, UNESPAk argitaratutako “2016ko Seguru Gaude Txostena”ren arabera.

Bidaia-laguntzako estalduraren bilakaera % 5,5 gehitu da 2015ean aurreko urtearekiko; hau da, ezbeharren gehikuntza baino gehiago, hura % 1,6 hazi baitzen. Datu bitxi bat: bidaiako laguntzaren estaldura daukaten aseguratuen kopurua % 1,8 jaitsi da, estaldura horren erabilera gero eta handiagoa izan arren.

Motoek eta ziklomotorrek gehiago eskatzen dute errepideko laguntzaren zerbitzua.

Ondorioa: Errepideko Laguntza oso babes komenigarria da, eta gure aseguruan eduki beharra daukagu, ez badugu nahi gure ibilgailua etxetik 600 km-ra utzi matxura batengatik. Eta etxetik gertu ere ez. Ez da berdin estaldura horrek etxetik irteten zaren unetik estaltzea edo 25 km-tik aurrera estaltzea. Horregatik, Lagun Aroren auto-aseguruek 0. km-tik hasita daukate bidaiako laguntza modalitate guztietan, bai hirugarrenenetan, bai arrisku orokoetan.

Beste ohiko ezbehar batzuk

29 milioi ibilgailu aseguratuko automobil-parke batekin, garabiari deitzea da gidariek izaten duten arazorik ohikoena, baina ez bakarra, noski. Azterketa honetan adierazten denez, aseguruen munduak urtean ia 11 milioi arazo konpontzen dizkie bezeroei.

Bigarren ezbehar ohikoena Norberaren kalteak izenekoa da, ia 2 milioi eta erdi ezbehar estaltzen baitira. Atzean ditu erantzukizun zibila kalte materialekin (1,9 milioirekin) eta beiren estaldura 1,3 milioi baino zertxobait gehiagorekin.

2015ean, urte osoan 222.349 aldiz esku hartu zuen auto-aseguruek emandako defentsa juridikoak. Izan ere, legezko beste gai batzuez arduratzeaz gainera, isunengatik errekurtsoak jartzen dituzte talde juridikoek.

Autoen zein estaldura kontratatzen dira gehien?

Kontratatutako estalduren artean gehikuntza handiena izan duena, hain zuzen, Gidabaimena kentzeagatiko sorospena da, % 14 gehitu baita 2015ean. Estaldura bereziki zabalduta dago erabilera profesionala duten ibilgailuen artean, hau da, batez ere kamioiak, furgonetak eta scooter-ak dituzten banatzaileen artean.

Ibilgailu gehienetan gehien kontratatzen diren estaldurak defentsa juridikoa eta kalteen erreklamazioa dira.

Aseguratuen % 75ek ulertzen du estaldura batzuk oso komenigarriak direla, beirak haustearen aurkako babesa, esate baterako. Askotan, gerta daiteke harri txiki batek salto egitea kristalaren gainera eta kristala pitzatuta uztea. Hain zuzen ere, era horretako 1,9 milioi ezbehar konpontzen dituzte aseguru-etxeek urtean.

Zorionez, Alejandro, Silvia eta Marc lagunek 0. km-tik hasitako errepideko laguntza duen asegurua zeukaten kontratatuta, eta aseguruak berehala lagundu zien. Desplazamendu txikietan nahiz bidaia luzeetan, gogoan izan aseguruok hor gaudela gure bezeroei laguntzeko.

The post Auto-aseguruetako estaldurarik erabiliena appeared first on Blog de actualidad.