Zer dira aseguru-frankiziak?

Aseguruen arloan, frankizia defini daiteke ezbehar baten ondoriozko kalteak estaltzeko aseguratuak ordaindu beharreko diru-kopuru gisa. Batez ere, auto-aseguruan erabili edo aplikatu ohi da, baina baita beste aseguru-mota batzuetan ere, hala nola Etxekoan, Erkidegokoan edo Erantzukizun Zibilekoan.

Hau da, kalteak sortuz gero kontratatutako aseguruak estalitako kontingentzia batengatik, aseguratuak konponketaren zenbatekoaren zati bat bere gain hartzeko aukera dago.

Frankiziarekin kontratatzen diren aseguruetan primak txikiagoak izaten dira halakorik ez duten aseguruetan baino; jakina, Aseguru Etxeak ez duelako bere gain hartzen ezbeharraren kostu osoa.

Zer frankizia-mota daude?

Oro har, esan daiteke aseguru-mota adina frankizia-mota daudela.

Frankiziaren zenbatekoa zenbateko finkoa izan daiteke, baina badaude ezbeharraren kostuaren gaineko frankizia portzentualak ere bai (adibidez, ezbeharraren kostuaren % 3). Gainerako kopurua aseguru-etxeak berak ordaindu beharko du.

Aseguru-produktu gehienetan egon daitezke frankiziak; hala ere, hemen interesatzen zaiguna ohikoena da: automobil-aseguruetarakoa.

Automobil-aseguruan frankiziaz hitz egiten denean, normalean Arrisku Orotako modalitateei egiten zaie erreferentzia, eta, zehazki, ibilgailuak izandako kalteen estaldurari.

Izan ere, tipologiarik hedatuena da zalantzarik gabe, eta horren arrazoia da oso interesgarria izan daitekeela eskaintzen dituen abantailekin.

Horregatik, Lagun Aron auto-aseguru bat daukagu gure bezeroen frankizia 50 eurotan murrizten duena ezbeharrik izan gabe igarotzen den urte bakoitzeko, betiere ibilgailua gure Konfiantzazko Tailerretako batean konpondu behar bada: Frankizia Hobariduna da, eta gidari onak saritzen ditu. Horrela, 300 euroko frankizia 150 eurokoa izatera pasa daiteke urteak igaro ahala, 450 eurokoa 250 eurokoa izatera, eta 600 eurokoa, berriz, 450 eurokoa. Hori oso aurrezki garrantzitsua izango da gure bezeroentzat ezbeharrik izanez gero.

Horrenbestez, ikusi dugu frankiziaren kontzeptua funtsezkoa dela aseguru-kontratuetan, horien tipologia edozein dela ere. Ikuspegi horretatik, gure erabakiari buruz gomendatzen diguten profesionalen aholkularitza izatea abantaila segurua izango da. Lagun Aron erabiltzaile guztiak animatzen ditugu gurekin harremanetan jartzera inolako konpromisorik gabe… Behar dituzuen erantzunak emango dizkizuegu!

The post Aseguruaren frankizia: zer da eta nola funtzionatzen du? appeared first on Blog de actualidad.

Eta zer produktuz ari gara hitz egiten? Gizarte Aurreikuspeneko Sistemez ari gara. Horien artean daude Pentsio Planak (PP), Borondatezko Gizarte Aurreikuspeneko Erakundeak (BGAE) eta Aurreikuspen Plan Aseguratuak (APA), eta horietan egiten diren ekarpen eta kontribuzioek desgrabatu egin dezakete errenta-aitorpenean.

Zer dira Aurreikuspen Plan Aseguratuak (APA)?

Ekarpen periodiko eta/edo ezohikoen bidezko aurrezki-sistema bat da, Gizarte Segurantzaren Sistema Publikoaren osagarria. Hasiera batean erretirorako soilik zen, baina urteek aurrera egin ahala aldatzen joan da funtsak beste arrazoi batzuengatik berreskuratzeko aukera emateko: baliaezintasuna, heriotza, gaixotasun larria edo iraupen luzeko langabezia.

Gizarte-aurreikuspeneko aseguru guztiek, banakakoek nahiz enplegukoek, ogasun guztietan desgrabatzen dute

Barne hartzen ditu onura fiskal handiak, izan ere, egindako ekarpenak kendu egin daitezke urteroko errenta-aitorpenean lege-mugen barruan. Horrela, aurreztu egiten da zergetan.

Beste onura batzuen artean, interes bermatua dute eragiketak irauten duen denbora guztian segurtasun eta egonkortasun handia emanaz. Gainera, sei hilean behin, errentagarritasun gehigarria lortzeko aukera ematen dute. Metatutako aurrezkia aldi bakarrean (kapitala), errenta bidez edo biak konbinatuz jaso daiteke.

Gizarte Aurreikuspeneko Sistemetara egindako ekarpenen murrizketak

Agencia Tributaria

Prestazioen fiskalitatea desberdina izan daiteke aitorpena egiten duzun lekuko ogasunaren arabera. Hala ere, ​gizarte-aurreikuspeneko ogasun guztietan desgrabatzen dute gizarte-aurreikuspeneko aseguruek, banakakoek nahiz enplegukoek​. ​Egiten duzun tokian egiten duzula, mendekotasun larri edo handiaren estaldura duten aseguru-primek ere desgrabatu egiten dute errenta-aitorpenean.

Euskadin, Nafarroan eta Estatuko gainerako lekuetan zer espezifikazio fiskal dauden eta lurralde bakoitzean zerga-oinarri orokorra murrizten duten gehienekoak zein diren ikusiko dugu.

Gogoan izan behar da errenta-aitorpenean zerga-oinarri orokorra izan ditugun irabazi guztien batura dela: soldata, autonomo gisa izandako diru-sarrerak, higiezinen errendimenduak, jabetza intelektualaren diru-sarrerak, zenbait kalte-ordain, lehiaketetan lortutako sariak, etab. Zenbateko horiek erraz aurkituko dituzu PFEZren kopian.

Desgrabazioa EAEn

EAEn zerga-bilketa egitea lurralde bakoitzeko foru-ogasunen esku dagoen arren, Araba, Bizkaia eta Gipuzkoa ados jarri ziren EAE osoan PFEZ harmonizatzeko.

Errenta-aitorpena egiteko orduan BGAE, PP eta APAetan egindako ekarpenak kentzen dituzte; baita mendekotasun larri edo handiaren estaldura duten aseguru-primak ere.

Banakako eta enpleguko sistemen ekarpenetarako murrizketen mugak hauek dira:

• Urtean 5.000 € gehienez banakako ekarpenetarako.
• Urtean 8.000 € gehienez enpresen ekarpenetarako.
• Urtean 12.000 € gehienez banakako eta enpresen ekarpenetarako.

Erretiroan pentsatzen ari bazara, oso ezaguna ez den zerbait jakitea interesatuko zaizu:
EAEn, zergadunak erretiroa hartzen duenean, egiten jarraitzen duen ekarpenen murrizketaren onura izateari uzten dio​.

Diru-sarrerarik gabeko ezkontidearen ekarpen-erregimen murrizgarriak urteko 2.400 €-tan jarraitzen du.

Pentsio Planak eta APA Nafarroan

Nafarroako Foru Komunitatearen kasuan, pentsio-plan bat edo aurreikuspeneko plan bat (PP edo APA) baldin badugu ogasunak egingo digun murrizketaren muga daukagun adinaren arabera ezartzen da. Nafarroako formulak kalkulagailua erabiltzera behartuko gaitu:

• 49 urte arte​, bi zenbateko hauetan txikiena izango da muga: lanaren eta ekonomia- edo enpresa-jardueren errendimendu garbien % 30; edo 3.500 € urtean.
• 50 urtetik aurrera​, bi zenbateko hauetan txikiena izango da muga: lanaren eta ekonomia- edo enpresa-jardueren errendimendu garbien % 50; edo 6.000 € urtean.

Diru-sarrerarik gabeko ezkontidearen ekarpen-erregimenak urteko 2.000 €-tan jarraitzen du eta, gainerako ogasunek bezala, mendekotasun larri edo handiaren estaldura barne hartzen duen aseguruagatik ordaintzen ari garen primak murrizten dituzte.

Estatuko gainerako lekuetako kenkariak

Gainerako autonomia-erkidegoetan, Zerga Administrazioko Estatu Agentziak ere kontuan hartzen ditu mendekotasunaren estalduren primak eta muga bat ezartzen die pentsio-planetara edo aurreikuspen-plan aseguratuetara egindako ekarpenen kenkariei.

• Murrizketaren muga bi zenbateko hauetan txikiena izango da: lanaren eta ekonomia-, enpresa edo arte-jardueren errendimendu garbien % 30; edo urtean 8.000 € ​zergadunaren adina kontuan izan gabe​.

Diru-sarrerarik gabeko ezkontidearen ekarpen-erregimen murrizgarriak urteko 2.500 € izaten jarraitzen du estatuan, EAEko ogasunetan baino zerbait gehiago.

Aholkularitza behar baduzu, badakizu hortxe izango gaituzula. ​Gure web-orrian txat bidez edo telefonozko Arreta-zerbitzu bidez egingo dizugu arreta: 944 94 74 28. Astelehenetik ostiralera, 8:00etatik 20:00etara.

The post 2018ko Errenta-aitorpenean desgrabatzen duten aseguruak appeared first on Blog de actualidad.

Etxeko gasturik ohikoenak

Hasteko, aipa ditzagun etxeko gasturik ohikoenak. Haietakoren bat ez ordaintzeko libre bazara, pisu bat gutxiago duzu zure familia-aurrekontua aurrerago prestatzeko.

Honako hauek dira ohikoenak:

• Hipotekaren ordainketa: argi dago aukerarik onena hautatu behar duzula kontuan hartuta ia bizi osorako izango dela; askotan, ezkontzak edo izatezko loturak berak baino gehiago ere irauten du.
• Janaria: hileko gasturik garrantzitsuenetakoa da, dudarik gabe. Ume txikiak badauzkazu, laster egiaztatuko duzu ez dakartzatela besapean ogi bat, baizik eta hilero hainbat euro gastatu beharko dituzula osasuntsu eta sendo haz daitezen.
• Argia, ura, telefonoa: itzali argiak logela hutsik dagoenean, itxi uraren txorrota hortzak garbitzean, dutxatu bainatu beharrean,… Hartzen joango zaren ohituretako batzuk dira, eta seme-alabei irakatsiko dizkiezu hilean hainbat euro aurrezten saiatzeko.
• Autoaren asegurua: nahitaezko gastua da; segurtasun osoz ibili nahi baduzu, ezinbestekoa da. Edonola ere, informa zaitez eta konparatu aseguru-etxeek eskaintzen dizutena. Aseguru-etxe batzuek, hala nola Lagun Arok, hobariak eskaintzen dituzte frankizian.
• Aseguru medikoa: ez da nahitaezkoa baina gero eta familia gehiagok erabakitzen du aseguru pribatu bat kontratatzea osasun publikoko itxaron-zerrendak saihesteko, batik bat seme-alaba txikiak dituztenean. Hileko zure aurrekontuan pixka bat baino gehiago ere izango da.

Lehen begiratuan bideraezina badirudi ere, gastu horiei guztiei aurre egiteko modurik onena zure familia-ekonomiaren agintea hartzea da. Eta zure buruari galdetuko diozu, baina nola? Ez kezkatu, guk lagunduko dizugu eta. Gogoan hartu.

Ezagutu zure ekonomia familia-aurrekontu bat prestatuz

Gure kontuak kontrolatzeko modu onena familia-aurrekontu bat prestatzea da, zure diru-sarrerak eta gastu guztiak zein diren jakiten hasteko. Zure gastuak egunean edukitzeko modurik onena izateaz gain, zure diruari ahalik eta etekin handiena ateratzen lagunduko dizu.

Hasieran ahalegin txiki bat egin behar bada ere, familia-aurrekontu bat egiteak abantailak dauzka:

• Agur esango diozu “Ez dakit zertan joaten zaidan dirua!” esateari. Jakingo duzu benetan zertan gastatzen duzun dirua. Gehienetan gastu txikiak izango dira, eta haiek detektatu eta gutxitu ahal izango dituzu, hilabete-amaieran horrenbeste igo ez daitezen.
• Lehentasunak ezarriko dituzu gastuetan. Beharrezkoak ez diren gastuak, ezinbesteko gastuak eta inbertsiotzat har daitezkeen gastuak bereiziko dituzu.
• Asko, gutxi edo ezer ez aurrez dezakezun jakingo duzu. Gastatzen duzunaren jakitun izatean aurreztea planteatu dezakezu. Datuak eskura izanik, hilero kopuru txiki bat gordetzea erabaki dezakezu.
• Etorkizunari begira, aurreikuspenak egin ahal izango dituzu, bai eta epe luzerako helburuak finkatu ere.
• Larrialdietarako funts txiki bat edukitzea, ezusteko gastuetarako. Larrialdirik izanez gero, erabili ahal izango duzu.

Zeure aurrekontua prestatzen hasteko adibidea

Egin behar duzun lehenengo gauza oharrak idaztea da. Hartu papera eta arkatza (Excel, ohar-aplikazioa edo tableta digitala, hala badagokio) eta kalkulagailua. Bi zerrenda egiteko unea da, diru-sarreretakoa bata eta gastuetakoa bestea. Oinarrizkoa dirudi, baina diru-sarrerak eta gastuak bi zutabetan irudikatzeak gastu jakin batzuk kontuan ez hartzeko posibilitatea murrizten du, eta erabakiak hartzen lagunduko digu.

1. DIRU-SARRERAK: Hasteko, gehitu familiaren diru-sarrerak lehenengo zutabean hala nola nominak, pentsioak, diru-laguntzak edo diruzko edozein sarrera. Zintzo jokatzea eta gasturik ez ezkutatzea gomendatzen dizugu. Kontuan izan ezazu aurrekontua “apaintzen” baduzu, zure burua eta zure familia bakarrik ariko zarela engainatzen, ez beste inor.

2. GASTUAK: Erregistra itzazu hileko gastu guztiak, eta bereiz itzazu ordainketa-motaren arabera.

• Nahitaezko gastuak: Gehitu itzazu ordaintzeko betebeharra duzun familia-gastu finkoak, hala nola hipoteka, alokairua, komunitateko gastuak edota maileguak.
• Beharrezkoak diren gastuak: Murriztu baina ezabatu ezin diren gastuez ari gara, hala nola gasaren ordainagiriak, argindarrarenak, telefoniakoak, etab., edota elikagaien erosketa.
• Bazter uzteko moduko gastuak: Beharrezkoa denean ezaba ditzakegunak sartzen dira mota honetako gastuetan. Noizbehinkakoak edo ohikoak izan daitezke, hala nola etxetik kanpoko otorduak, mugikorra berritzea, ihesaldi bat, bilduma berriko arropa, liburu berri bat, etab., zeinak familia-gastua puzten baitute. Bizitzak ematen dizkigun kapritxoak dira, azken finean; baina geure buruari galdetu beharko genioke ea gutxiago gasta dezakegun.

Zure aurrekontuan aintzat hartu beharreko 4 aholku

Gogoan izan:

• Aurrekontuaren azken helburua da diru-sarrerek etxeko gastu guztiak estaltzea. Hasieran hori lortzen ez baduzu, aurrekontua ondo berrikusi eta gastuak gutxitzen saiatu beharko duzu. Hasi noizbehinkakoak direnekin. Hala uste ez baduzu ere, zer egina egon baietz.
• Barne hartu aurrezkia gastu finkoa balitz bezala. Hala uste ez baduzu ere, oso onuragarria da. Alde batetik, konturatu gabe, koltxoi bat sortzen joango zarelako, larrialdietarako nahiz helburu zehatzetarako laguntza handia eskainiko dizuna: ikasketak, prestakuntza, ibilgailua, etxeko erreformak, etab.
• Jarri helburuak zure buruari: Aurrezkira bideratu kopuru finko bat hilero. Zure diru-sarreren % 10 edo ondo datorkizun kopurua horretarako erabil dezakezu. Aseguru-etxeek pixkanaka aurrezten lagun zaitzaketen aurrezki-planak ere eskaintzen dituzte. Aurrezki esklusiboa ‘15 plana Lagun Aroren modalitate sinpleena eta erosoena da aurrezteko. Pentsatu hilero 50€ bideratzen badituzu, urte-amaieran 600€ aurreztuko duzula.
• Konprometitu eta egunean izan aurrekontua. Zuen familiako ekonomia kontrolatzeak lasaitasuna emango dizue.

finanzasparatodos.es webguneak fitxa eta artikulu ugari eskaintzen ditu, eta zure ekonomia pertsonala kudeatzen lagunduko dizute. Egiteko prest bazaude, oso baliagarria izango zaizu urratsez urrats nola prestatu zure familia-aurrekontua.

The post Nola kontrolatu familia-gastuak: familia-aurrekontua appeared first on Blog de actualidad.

Ikusi begiratu batean zein alde dagoen pentsio-planen eta aurreikuspen-planen artean.

The post PENTSIO-planen eta AURREIKUSPEN-planen arteko aldea appeared first on Blog de actualidad.

ELAAI (SIALP)

ELAAI (Epe Luzerako Aurrezki Aseguru Indibiduala) (SIALP gazteleraz –Seguro Individual de Ahorro a Largo Plazo-) epe luzeko aurrezki-sistema 2015eko zerga-erreformarekin jaio zen, eta abantaila fiskal interesgarri batzuk eskaintzen ditu. Aurrezki-sistema honek zergen erabateko salbuespena onartzen du, aurreztutakoa 5 urte gutxienez mantenduz gero eta aseguru-hartzaileak (asegurua kontratatu duenak) kapital gisa erabiliz gero.

Araban bizi bazara, kontuan hartu 2018ko urtarrilera arte ezingo duzula aurrezki-produktuaren figura hau kontratatu lurralde nazionaleko gainerako lekuetako abantaila berekin.

Errentagarritasun handia eskaintzen du produktu honek, gainera. Artikulu honetan gure SIALP modalitatearen ezaugarriak aztertuko ditugu: ekarpenen malgutasuna, erreskate- eta tributazio-moduak…

ASPI (PIAS)

ASPI, Aurrezki Sistematikoko Plan Indibiduala (PIAS gazteleraz –Plan Individual de Ahorro Sistemático-) merkatuko aurrezki-modalitateak abantaila fiskala eskaintzen du gaur egun, biziarteko errenta kobratzeko baldintzarekin. Plan hau erreskatatuz gero errendimendu guztiak zergetatik salbuetsita geratuko dira. Gainera, 2015eko zerga-erreformarekin 10etik 5era jaitsi da erreskatatu ahal izateko lehenengo ekarpenetik gutxienez pasatu beharreko urteen kopurua.

Bestalde, biziarteko errenta denez, zenbateko bakoitzeko ehuneko jakin bat bakarrik tributatzen da; ehuneko hori hartzailearen adinaren arabera ezartzen da, eta gutxienez % 8 izan daiteke (70 urte edo gehiagoko pertsonentzat).

Urtero 8.000 euro sar daitezke gehienez, eta inoiz ez 240.000 € baino gehiago polizaren bizitza osoan zehar.

ASPI planak formula malguak dira, eta haiei esker abantaila fiskalak baliatu ahal izango dituzu etorkizunean, zure dirua erabiltzeko aukerari uko egin gabe.

Pentsio eta aurreikuspen planak

Pentsio-planak erretirorako aurrezteko finantza-tresnetako bat dira. Aukera ematen digute aldizkako ekarpenak egiteko etorkizunari begira, guk nahi ditugun zenbateko eta erregulartasunekin. 2015etik aurrera, Pentsio-planetan inbertitutako aurrezki osoa kengarria da errentaren aitorpenean.

Ekarpenen urteko muga modu bateratuan ezarrita dago aurreikuspen-sistema guztientzat (APA, Pentsio-planak eta BGAEak):

Euskadi:

• 5.000 €-ko urteko muga ekarpen indibidualentzat
• 8.000 €-ko urteko muga enpresen ekarpenentzat
• Muga bateratua 12.000 € urtean

Nafarroa:

• 3.500 €-ko urteko muga 49 urte edo gutxiago badituzu
• 6.000 €-ko urteko muga 50 urte edo gehiago badituzu

Estatuko gainerako lurraldeak:

• 8.000 €-ko urteko muga

Diru hori erreskatatu nahi izanez gero, kontuan eduki behar da lan-errendimendua izango balitz bezala tributatzen duela.

Euskadiko biztanleek, gainera, Aurreikuspen-planak (BGAE) ere balia ditzakete. Euskal Autonomia Erkidegoaren produktu esklusiboa da, baina helburu bera du: aldiro-aldiro aurreztea erretiroa osatzeko.

APA (PPA)

Aseguruen munduan, APAk ditugu, Aurreikuspen Plan Aseguratuak (PPA gazteleraz –Planes de Previsión Asegurados-); pentsio-planen baliokideak dira, baina, haiek ez bezala, interes-tasa bermatua eskaintzen dute erretirora arte, arriskurik hartu gabe.

Aurreikuspen-planetan dirua malgutasunez sar daiteke (urtean behin, hilabetean behin, modu ezohikoan…) eta beste abantaila batzuk ere baditu (aurreko postean aipatu genizkizuen).

The post SIALP, ASPI, pentsio-plana… zertan dira desberdinak? appeared first on Blog de actualidad.

Izan ere, ezin uka dezakegu oporretan ohi baino gehiago eta beharrezkoa baino gehiago gastatzen dugunik. Erlaxatu egiten garela esango dugu: urtean behin, kalterik ez. Hala eta guztiz ere, oporretan aurrezten lagun diezazuketen truko batzuk gogorarazi nahi dizkizugu.

Egin bidaiaren erreserba aurrerapen oso handiarekin edo oso txikiarekin

Datak garbi badituzu, aurrerapen handiarekin erostea izaten da onena, garraioaren eta ostatuaren prezioak hobeak izaten baitira. Baina gauza bera gertatzen da azken unera arte itxaroten dugunean. Arrisku handiagoa du, baina pagotxak topa ditzakegu helburua eta plana argi ez baditugu, eskaintzak egongo baitira osatu beharrean dauden garraioetan eta ostatuetan.

Bilatu eta konparatu ostatu ekonomikoagoak

Prezioak konparatu behar dituzu bilatzaileetan, agentzietan…. Eta ekonomikoena hautatu. Etxe-trukea ere plantea dezakezu. Gero eta gehiago dira webguneen bidez etxeak trukatuz hiri desberdinak ezagutu nahi dituztenak, batez ere bidaia ekonomikoago irteten delako hotelaren kostua aurrezten delako.

Hotelen beste alternatiba batzuk dira apartamentuak, hostalak eta gazteentzako aterpetxeak. Aterpetxe batean ostatu hartzea familiarekin? Bai, hori ere posible da. Aterpetxeak egokiak dira 5 laguneko edo gehiagoko taldeentzat: lagunak, ikaskideak, familia… izan daitezke, eta, gazteentzako aterpetxe esaten zaien arren, ez daukate adin-mugarik. REAJen webgunea bisitatzea gomendatzen dizugu Espainiako aterpetxeak bilatzeko, edo Hostelling International mundu osokoak bilatu nahi badituzu!

Gogan izan are merkeagoa dela couchsurfing egitea, oso aukera aberasgarria besteen etxeetan ostatu hartzeko.

Aurreztu garraiotan eta janaritan

Behin oporretan zaudela, aukeratu garraio publikoa eta ahaztu taxia edo alokairuko autoak, beti izango baita aukerarik merkeena (hala ere, alokairua aukeratzen baduzu, alderdi hauek kontuan hartzea gomendatzen dizugu).

Baina garraioari dagokionez, turismo kolaboratiboa ere aukera dezakezu, eta autokarabana bat edo camper furgoneta bat alokatu partikularren artean, Yescapa plataforman (Europako liderra sektorean), esate baterako. Eta modurik seguruenean, Yescaparen aseguratzaileak baikara. Plataformako erabiltzaileei arrisku oroko asegurua eskaintzen diegu errepideko laguntzarekin Espainia osorako eta Europa osorako.

Informa zaitez garraio publikoko sareek izaten dituzten txartel turistikoez ere, deskontu interesgarriak izaten baitituzte, eta beste deskontu batzuk ere bai zenbait puntu interesgarritarako sarreran.

Aukeratu janari merkea —eta ez janari azkarra—, eta jan zure oporretako helburuko biztanleek jaten duten lekuetan. Ez zaitez erori lekurik turistikoenetara joateko tranpan. Janari edo mokadu batzuk ere eros ditzakezu tokiko supermerkatuetan.

Argi dago bidaiatzea ez dela merkea, baina ez da gauza bera dena agentzia baten esku uztea eta luxuzko bidaia bat kontratatzea eta gauzak norberak bilatzea, prezioak konparatzea eta helburuak eskaintzen dituen aukera ekonomikoenei buruz ikertzea. Denbora gehixeago pasatu beharko duzu, baina azkenean poltsikoak nabarituko du.

The post Oporrak eta aurreztea, bi hitz bateragarri appeared first on Blog de actualidad.

Zenbat diru aurreztu larrialdietarako funtserako

Gure egoera ekonomikoaren araberakoa izango da zenbatekoa. Pentsatu behar dugu zenbat diru behar izan genezakeen bat-batean, zenbat pertsona ditugun gure kargura, zein diren ohiko gastuak… Ustekabeak direnez, ezin dugu aurrez jakin zenbat diru beharko dugun. Gomendio orokor gisa, har ezazu hauxe: 3 eta 6 hilabete bitartean izaten ditugun ohiko gastuen baliokidea diren diru-erreserba eduki beharko genuke (eta hor sartzen dira alokairua edo hipoteka, aseguruak, gasa eta argia…. eta badakizu, beste hainbat gastu ere bai).

Non gorde aurreztutakoa

Dirua lastairaren azpian gordetzea askotan aipatzen da, baina ez da benetan egin ohi dena. Non gorde pentsatzen jartzen garenean, leku segurua bilatzen dugu, eta, kasu honetan, aurreztutako dirua erraz eskuratzeko bide ematen duena.

Konponbide erraza eta erosoa bilatzen dutenentzat, Seguros Lagun Aron Aurrezki esklusiboa 15 plana gomendatzen dugu. Aurreztean askatasun handia bilatzen duten pertsonei ondoen egokitzen zaien asegurua da. Alde batetik, zenbat diru aurreztu nahi duzun erabaki dezakezu, eta, bestetik, noiz aurreztu nahi duzun. Azaltzen ari garen plana produktu malgua da, ekarpenak aldatzeko aukera ematen duena (handiagotuz edo txikiagotuz), eta penalizaziorik gabe etetekoa ere bai. Hileroko aurrezki bat hauta dezakezu, urterokoa, hiru hilean behingoa, lau hilean behingoa, bi hilean behingoa, sei hilean behingoa edo urteko sarrera bakarrekoa. Zenbat eta gehiago iraun kontratuaren epeak eta zenbat eta handiagoak izan ekarpenak, orduan eta gehiago aurreztuko duzu, baina edozein unetan erabil dezakezu aurreztutakoa. Eta edozein unetan aurrezkia erabili ahal izango duzun segurtasunarekin, osorik edo partzialki, inolako errekargurik edo komisiorik gabe.

Larrialdietako funts batek lasaitasuna ematen digu, eta erabili beharrik ez izateko zortea badaukagu, etorkizuneko helburuak lortzeko aukera emango digu (autoa aldatzea, erreforma bat, seme-alaben ikasketak…) Nahikoa da helburu batzuk planteatzea: aurrezkia handitzea, gastuak kontrolatzea estutasunik gabe hilabetearen amaierara heltzeko eta zorrak murrizteko edo desagerrarazteko. Eta has gaitezen aurrezten!

The post Larrialdietarako funts bat familiako ekonomian appeared first on Blog de actualidad.