Testuinguru horretan, bizitza-asegurua ez da poliza soil bat: gertatzen dena gertatzen dela, zuk eta zure familiak aurrera egiteko babes ekonomikoa izango duzuela jakiteak ematen duen lasaitasuna da. Bizitza une batetik bestera aldatu daitekeelako –gaixotasunen, istripuen, ezintasunen edo heriotzen ondorioz–.

Babesteko erantzukizuna

Bizitzan badira aurrez ikusi ezin ditugun egoerak. Normalean inork ez du horrelakoetan pentsatu nahi, baina norbait ekonomikoki zure mende dagoenean, gogoeta hori saihesteak ez du arriskua desagerrarazten. Aitzitik, erantzukizunez jokatzea da egoera horri aurre egitea.

Bizitza-aseguru batek aukera ematen du behar adinako finantza-segurtasuna bermatzeko –kapital aseguratuaren bidez–, zu falta bazara zure familiaren egonkortasunaren oinarri bihurtuko den babesa eskainiz. Hauek dira, besteak beste, bizitza-aseguruaren abantaila nagusiak:

• Laguntza ematen du zuk etxean egindako diru-sarreren ekarpena ordezten, zure familia partzialki nahiz guztiz horien mende badago.
• Saihesten du ordaindu gabeko zorrak –hipoteka, maileguak, fakturak edo negozio batetik eratorritako betebeharrak ere– zure etxekoen gain izatea.
• Aukera ematen du heriotzarekin lotutako berehalako gastuei aurre egiteko, presiorik gehitu gabe une bereziki delikatu batean.
• Etorkizuneko premiak asetzeko laguntza da, hala nola seme-alaben hezkuntza, etxebizitzen erosketa edo erretiroaren plangintza.

Azken batean, elkarrekin eraiki duzuen bizitza-proiektua babesten du.

Heriotzaz harago

Maitasunak berekin dakar, halaber, behin betikoak izan gabe familia-ekonomiari errotik eragin diezaioketen egoeretan pentsatzea. Horregatik, bizitza-asegurua osatu daiteke aurrekoak bezain garrantzitsuak diren ezustekoak estaltzen dituzten berme gehigarriekin:

• Gaixotasun larriak edo baliaezintasuna: bizi-kalitatea mantentzen laguntzen duten baliabide ekonomikoak eskaintzen ditu, bai eta tratamendu medikoak eta oneratze-saioak egiteko laguntza ere.
• Laneko baja, ospitaleratzea edo osasun-gastuen itzulketa: lana egiteko aldi baterako ezintasunaren, ebakuntza kirurgikoen, proba medikoen edo berreskuratze-saioen aurrean estaldura ematen du.

Izan ere, kontua ez da soilik absentziaren aurka babestea; bizitza aldatzen den uneetan ere eustea da garrantzitsua.

Lasaitasuna, laguntza eta konfiantza

Seguros Lagun Aroren bizitza-aseguruarekin hau guztia izango duzu:

• 24/7 estaldura globala: zauden lekuan zaudela, munduko edozein lekutan.
• Berehalako laguntza lehen egunetik aurrera: legezko kudeaketetan laguntzeko, hala nola bizi-testamentuarekin edo testamentu familiarrarekin.
• Aditu-laguntza: izapide konplexuak egiteko espezialista profesionalek gidatzen zaituzte, bakarrik aurre egin beharrik izan ez diezaiezun.
• Konfiantza sendotua: beren etorkizuna dagoeneko bizitza-aseguru batekin babesten duten 160.000 pertsona baino gehiagoren esperientzian oinarritua.

Maitasuna ez da hitzekin bakarrik adierazten: gertatzen dena gertatzen dela, gehien maite dituzunen egonkortasuna, babesa eta lasaitasuna bermatuta egongo dira.

Bonboiak amaitzen dira. Loreak zimeltzen dira. Baina segurtasunak eta babesak iraun egiten dute.

Eta hori izan daiteke, zalantzarik gabe, maitasuna adierazteko modurik onena.

The post Ahaztu bonboiak: bizitza-asegurua da maitasuna adierazteko modurik onena appeared first on Blog de actualidad.

Urtean zehar gauza asko gertatzen dira. Errutinak, proiektuak, lehentasunak eta baita etorkizunari begiratzeko modua ere aldatu egiten zaizkigu. Batzuetan aldaketak handiak eta nabariak izaten dira; beste batzuetan, berriz, doikuntza txikiak dira, gelditu eta pentsatzen jarrita bakarrik antzematen ditugunak. Horregatik, urte-amaiera une egokia da balantzea egiteko; ez helburu ezinezkoen presiopean, begirada errealista eta kontzienteago batetik baizik.

Izan ere, hausnartzea garrantzitsua da, baina plangintzarako urratsa ematea da benetan aldea egiten duena. Etorkizunean pentsatzeak ez du esan nahi arazoetan tematu behar dugunik, horiei lasaiago aurre egiteko prestatzea baizik.

Etorkizunean pentsatzea ere zaintza-modu bat da

Plangintzaz hitz egiten dugunean, askotan helburu profesional edo ekonomikoetara mugatzen gara. Baina planifikatzea babestea ere bada: gure maiteak babestea eta, gertatzen dena gertatzen dela, mantendu nahi dugun egonkortasuna bermatzea.

Puntu horretan, bizitza-aseguruak garrantzi berezia hartzen du. Ez gastu gisa, babes- eta aurreikuspen-tresna gisa baizik. Ustekabeko egoeretan laguntzeko dago, eta behar denean egonkortasuna emateko. Bereziki zentzu handia hartzen du une garrantzitsuetan: familia bat osatzean, erantzukizun berriak hartzean, proiektu berriei ekitean edo, besterik gabe, gure kargura daudenen ongizatea bermatu nahi dugunean.

Estaldura ekonomikotik harago, bizitza-aseguruak badu balio handiko zerbait: lasaitasuna. Gertatzen dena gertatzen dela, etxekoak babesteko plan bat dagoela jakitea. Babes-sentsazio hori da, pertsona askorentzat, epe luzera hartzen duten erabakirik garrantzitsuena.

Gaur erabaki, urtea patxadaz hasteko

Urte-amaierak ez du nahitaez hutsetik hastea esan nahi. Batzuetan, nahikoa izaten da berrikustea, doitzea eta hobetzea. Estaldurak aztertzea, beharrak birplanteatzea edo erabakiak eguneratzea autozainketa-modu bat ere bada. Keinu kontziente bat, urte berriari segurtasun handiagoz eta ziurgabetasun gutxiagoz aurre egiteko aukera ematen diguna.

Horrelako erabakiak abenduan hartzeak alde sinbolikoa du, baina baita praktikoa ere. Une egokia da jada balio ez diguna atzean uzteko eta egonkortasuna ematen diguna indartzeko. Izan ere, lasaitasuna ez da kasualitatez iristen: garaiz hartutako erabaki txikiekin eraikitzen da.

Lagun Aron uste dugu bidelagun izatea etorkizunean pentsatzen laguntzea ere badela, ez soilik zerbait gertatzen denean erantzutea. Azken finean, zure etorkizuna planifikatzea zeure burua zaintzeko beste modu bat baita.

The post Gaur balantzea egitea, bihar lasaiago bizitzeko appeared first on Blog de actualidad.

1. Urtarrila: Berrikusi zure aseguruak, eta eguneratu 

Hasi urtea zure aseguruak berrikusiz, eta ziurtatu zure auto- eta etxe-asegururako estaldura egokiak dituzula. Aseguru on batek arazo asko aurreztuko dizkizu urtean zehar.

Egiaztatu zure egoera aldatu ote den (etxe berria, autoa, eraberritzeak…), eta doitu estaldurak, ezustekoak saihesteko. Ondo berrikusitako aseguruak lasaitasuna bermatzen du!

2. Otsaila: Babestu zure etxea edozein ezustekoren aurrean 

Hilabete honetan, berrikusi zure etxeko segurtasun-neurriak: berrikusi zure sarrailen egoera, eta egiaztatu kearen edo karbono monoxidoaren detektagailuak. Une egokia da, halaber, zure aseguruak kalte hauek estaltzen dituela ziurtatzeko: urak eragindakoak, elektrikoak edo buxadurak.

Etxe-aseguru oso bat zure aliaturik onena izan daiteke ezustekoen aurrean (hala nola lapurretak, suteak, ur-ihesak edo fenomeno atmosferikoak).

3. Martxoa: Bizikletaz eta patinete elektrikoz ibiltzeko segurtasuna

Gero eta jende gehiago mugitzen da bizikletaz edo patinete elektrikoz. Ziurtatu segurtasunez egiten duzula: erabili kaskoa, errespetatu zirkulazio-arauak, eta eduki babes egokia.

MPIen aseguru on batek lasaitasuna emango dizu norberaren edo hirugarrenen kalteen aurrean.

4. Apirila: Babestu zure datu pertsonalak

Ziberdelituak areagotzen ari dira; horregatik, gero eta garrantzitsuagoa da zure zibersegurtasuna babestea. Pasatu behar den denbora zure gailuak eta kontuak babesten: mantendu softwarea eguneratuta, erabili pasahitz konplexuak, egiaztatu erosteko erabiltzen dituzun webguneak eta ez partekatu informazio garrantzitsua.

Aktibatu autentifikazio bikoitzeko sistemak zure kontuetan.

5. Maiatza: Planifikatu uda seguru bat 

Uda iristear dago, eta harekin batera deskonektatzeko, gozatzeko eta energiaz kargatzeko gogoa. Azken orduko ezustekorik nahi ez baduzu, antolatu garaiz oporrak: prestatu etxea hutsik egongo denerako; adibidez, instalatu alarmak oraindik ez badituzu, eta ziurtatu aktibatu dituzula. Oraindik egin ez baduzu, zure autoa puntuan jartzeko unea da, autoz bidaiatzeko asmoa baduzu. 

Egin checklist bat 10 aholku hauekin, dena lasaitasunez planifikatzeko.

6. Ekaina: Gidatu arduraz

Eguraldi onarekin bat, bidaiatzeko eta aire libreaz gozatzeko gogoa pizten zaigu, baina segurtasun osoz egitea da garrantzitsuena. Oraindik egin ez baduzu, jarri puntuan zure autoa: berrikusi pneumatikoak, frenoak eta olio-mailak. Eta, batez ere, arduraz gidatu. Gainera, kontuan izan klima bat-batean alda daitekeela; horregatik, kalte atmosferikoen eta errepideko laguntzaren estaldura izatea komeni da. Horrela, Partzuergoarenak ez diren naturaren ondoriozko kalteak ere estalita egongo dira.

Errepideko laguntzarako eta muturreko klimaren ondoriozko kalteetarako estaldurak dituen auto-aseguru bat izango da zure aliaturik onena errepidean.

7. Uztaila: Babestu zure maskotak

Zure maskotak etxean geratzen badira, presta ezazu guztia seguru eta ondo zainduta egon daitezen. Eta bidaian zurekin badoaz, planifikatu ondo, zuk adina goza dezaten!

Gogoan izan: zure etxe-aseguruaren erantzukizun zibilak zure maskotek eragindako kalte batzuk estal ditzake, baina, etxean bakarrik badaude, ez. Ziurtatu ahalik eta ondoen zainduta uzten dituzula.

8. Abuztua: Osasuna eta ongizatea

Uda sasoirik egokiena da deskonektatzeko eta energiaz kargatzeko. Izan ohitura osasungarriak: ondo hidratatu, babestu eguzkitik eta zaindu zure atsedena. Gainera, une egokia da zure errutinak berrikusteko eta gehien axola duen hori babesteko.

Bizitza- edo istripu-aseguru batek lasaitasuna eta babesa eman diezazuke edozein ezusteko izanez gero.

9. Iraila: Segurtasuna errutinara itzultzean

Eskolara, lanera eta eguneroko errutinara itzultzea unerik egokiena izan daiteke gauza garrantzizkoenak antolatzeko eta babesteko; hau da, zure familia eta zure egonkortasun ekonomikoa. Eman denbora babes ekonomikoko zure premia pertsonalak eta lanekoak berrikusten.

Autonomoa bazara edo negozio bat baduzu, ziurtatu ezustekoen aurrean babesten zaituen aseguru bat duzula, urteko azken zatiari lasaitasunez aurre egiteko.

10. Urria: Prestatu negurako

Tenperatura baxuek aldez aurretik prestatuta egotea eskatzen dute. Berrikusi berokuntza-sistemak, tximiniak eta etxean gerta daitezkeen ihesak. Halaber, jarri puntuan zure ibilgailua: pneumatikoak eta kateak, izotz-kontrakoa edo bateria. Eskaini arreta gerta litezkeen natura-hondamendiei, hala nola ekaitzei edo euri-jasa handiei.

Prebentzio-ikuskapenek eta aseguru on batek arazoak aurreztu ditzakete neguan.

11. Azaroa: Babestu online erosketak

Black Friday eta Eguberrietako eskaintzak tentagarriak dira, baina ez zaitez fidatu. Erosi soilik webgune seguruetan, eta egiaztatu orrialdeen autentikotasuna.

Erabili ordainketa-metodo seguruak eta ziurtatu orriek SSL ziurtagiriak dituztela. Eta, gogoan izan: zerbait gaizki ateratzen bada, gure Etxebizitza Digitalaren estaldurarekin, aholkularitza duzu Interneteko erosketen erreklamazioetarako, edozein gorabehera konpontzen laguntzeko.

12. Abendua: Egin balantzea eta planifikatu zure etorkizuna

Urte-amaiera garai ezin hobea da zure finantza-segurtasuna planteatzeko. Bai zure familia babestea bai zure etorkizuneko proiektuetarako aurreztea; aurrerapauso bat emateko garaia da.

Bizitza- eta aurrezki-aseguruak funtsezko tresnak dira zure lasaitasuna eta zure familiarena ziurtatzeko.

Hilabetez hilabete 12 helburuak betez, aukera izango duzu gauzarik garrantzizkoenak hobeto babesteko: zure etxea, zure familia, zure ongizatea, zure negozioa eta zure lasaitasuna. Seguros Lagun Aron, zure ondoan gaituzu urrats bakoitzean, 2025a urte seguruagoa, babestuagoa eta aukeraz betea izan dadin.

Hasi gaur bertan, eta segurtasuna izan dadila zure urteko ohiturarik onena!

The post Urte Berrirako 12 helburu, ezustekorik gabeko urte seguru baterako appeared first on Blog de actualidad.

Azken Nahien Ziurtagiria lortzeko urratsak

1. Beharrezko dokumentazioa

Ziurtagiria eskatu aurretik, garrantzitsua da beharrezko dokumentazioa biltzea. Hor sartzen dira hildakoaren NANa, heriotza-ziurtagiria eta balizko testamentuei buruz izan dezakezun beste edozein informazio.

2. Ziurtagiria eskatzea

Dokumentazioa prestatutakoan, eskaera aurrez aurre edo telematikoki egin daiteke Azken Nahien Erregistro Orokorrean.

Alde batetik, aurrez aurre egiteko, Justizia Ministerioaren edozein Lurralde Kudeatzailetzatan eska daiteke. Azken Nahien Ziurtagiriaren eskaera-orria aurkeztu behar da, 790 eredua inprimakiarekin batera. Eskatzailearen nortasuna egiaztatu behar da NAN, AIZ edo pasaportearen bidez.

Beste aldetik, online eskatzeko, Justizia Ministerioaren Egoitza Elektronikoaren bidez egin behar da. NAN elektronikoarekin, ziurtagiri digitalarekin edo Cl@ve-rekin sartu behar da. Ondoren, eskaera-inprimaki elektronikoa bete behar da.Kontuan izan eskaera ezingo dela aurkeztu heriotzaren datatik 15 egun baliodun igaro arte. (larunbatak, igandeak eta jaiegunak kontatu gabe).

3. Tasak ordaintzea

Bi kasuetan, eskaera aurrez aurre nahiz online eginez gero, 3,86 euroko tasa administratiboak ordaindu behar dira.

4. Ziurtagiria jasotzea

Azkenik, eskaera egiteko eta tasak ordaintzeko prozesua amaitu ondoren, Azken Nahien Ziurtagiria egiteko epea 10 egun baliodunekoa izango da.

Azken nahiak vs Bizitza-asegurua

Argi eduki behar da ez direla gauza bera Azken Nahien Ziurtagiria eta bizitza-aseguruaren ziurtagiria. Bigarren kasuan, jakin behar da hildako pertsonak bizitza-asegururik bazuen ala ez, eta aseguruaren onuradunak nor diren. Ziurtagiri hori modu telematikoan eska daiteke, Justizia Ministerioaren webgunean, edo aurrez aurre.

Laguntza egokia izateak aldea egiten du 

Lagun Aroren bizitza-aseguruek aholkularitza-zerbitzua dute Aseguratua hilez gero familiartekoei, jaraunsleei edo onuradunei laguntzeko. Zerbitzu horrekin une zailetan egin beharreko izapideak egiten lagunduko dizugu, eta izapide horiek egiteko behar den informazio guztia emango dizugu.

Aholkularitzan sartzen da:

• Heriotza erregistro zibilari jakinaraztea.
• Erabilgarri dauden hileta-zerbitzuak, hala nola beilatokiak, beilatokia jartzea.
• Gorpua lekualdatzea eta behar izanez gero aberriratzea.
• Hildakoa ehorztea edo erraustea.

Laburbilduz, Azken Nahien Ziurtagiria beharrezkoa da oinordetza-izapidea hasteko. Gida honetan aipatutako urratsekin arazorik gabe lortu ahal izango duzu. Gogoan izan horrelako une zailetan profesional adituen laguntza izateak aldea egiten duela. Lagun Aron zuri laguntzeko gaude.

The post Azken Nahien Ziurtagiria lortzeko gida appeared first on Blog de actualidad.

Lagun Aroren bizitza-aseguru guztiek “Zure ondoan” zerbitzu-gida bat dute, gehien behar duzunean zuri eta maite dituzunei laguntzeko.

Aseguru-motak

• Emakume bizitza-asegurua: Aseguru honen berme eta ezaugarri nagusia da kapital aseguratua diagnostikoa egiten den unera aurreratzen dugula, baliabide guztiak gaixotasuna sendatzera eta susperraldiaren gastuei aurre egitera bideratzeko. Ohikoena den bularreko minbizia ez ezik, emakumezkoen ugalketa-organoko beste minbizi batzuk ere estaltzen ditu, hala nola, umetokikoa edo zerbixekoa.
• Bizitza-aseguru Optimoa: Aukeratu zure inguruabar pertsonal eta familiarren arabera gehien interesatzen zaizun berme eta kapitalen arteko konbinaziorik egokiena. Era berean, zure lanbidea eta egiten dituzun bidaiak eta kirola edozein direla ere, zure premietara egokituko gatzaizkizu.
• Relax bizitza-asegurua: Kontratatzen errazagoa, erosoagoa eta arinagoa da. Oso prezio eskuragarriak ditu, eta oso berme lehiakorrak. Gainera, lanbide gehienak estaltzen ditu, baita zaletu gisa egiten diren kirol-praktika ohikoenak eta motoak gidatzea ere (horien zilindro-bolumena edozein izanik). Hori guztia azterketa medikorik gabe, osasunari buruzko bi galdera eginez soilik.

Zure ondoan zerbitzuen gida

Zure ondoan bost zerbitzu gehigarri daude, beharra duzun kasuetarako:

Aholkularitza eta izapideak heriotza-kasuan:

Aseguratua hiltzen bada, haren senideei, jaraunsleei edo polizako onuradunei behar duten informazio guztia emango zaie, heriotzaren zuzeneko eta berehalako ondorioei lotutako izapideen inguruan.

Oinordetza-prozesuari buruzko aholkularitza eta izapideak:

Judizioz kanpoko oinordetza-prozesuarekin lotutako edozein gaitan, aseguratuari eta haren senideei, jaraunsleei edota polizaren onuradunei, kalitatezko laguntza juridiko pertsonalizatua ematea da zerbitzu honen helburua. Baita aseguratuari aurretiazko aholkularitza ematea ere.

Testamentu pertsonal edo familiarra eta bizi-testamentua:

Zerbitzu honek Internetez edo telefonoz testamentu pertsonala edo familiarra eta/edo bizi-testamentua egiteko aukera ematen die aseguratuari eta bere ezkontideari, kalitatezko laguntza juridiko pertsonalizatua jasoz, abokatu baten bidez jardunez eta notarioaren aurrean sinatuz.

Bigarren iritzi medikoa gaixotasun larrien kasuan:

Gaixotasun larrien aukera osagarria kontratatzean, Espainian diagnostikatu zaion gaixotasun larri bati buruzko bigarren diagnostikoa eskatu ahal izango du horretara bideratutako kapital batekin zehazten diren baldintzetan.

Errehabilitaziorako eta integrazioan, egokitzapenean eta mugikortasunean laguntzeko programa:

Ezintasun iraunkorreko aukera osagarria kontratatzean, ezintasun iraunkorra eragiten duen istripu edo gaixotasun larririk izanez gero, arreta integraleko programa bat jasoko dute aseguratuak eta bere senideek.

Lagun Aroren bizitza-aseguruak une oro Zure ondoan daukazun lagun on baten modukoak dira. Zure bizitza eta zure maiteena errazagoa eta lasaiagoa izaten lagunduko dizun kide bat bezalakoak. Asegurua, izan ere, ez da zuretzat bakarrik; zure familiarentzat ere bada, zu ez zaudenean ere bizitzaz gozatzen jarraitu ahal izan dezaten, gustatuko litzaizukeen bezala. Hori baino opari hobea egiterik ba ote?

Behar izanez gero, 900 380 838 telefonoan artatuko zaitugu, egunaren 24 orduetan, asteko egun guztietan.

The post Zure ondoan aseguruak, bizitza osoan lagun egiteko appeared first on Blog de actualidad.

Prima

Zeri egiten dio erreferentzia kontzeptu honek aseguruez ari garenean? Produktu hori kontratatzean ordaindu behar duzun prezioa da. Zenbateko hori ordaintzea erabakigarria da kontratatutako estaldurez gozatu ahal izateko.

Muga-eguna

Kontratuaren amaiera-data da; hau da, noiz arte balio duen. Normalean zure polizan hasiera-data bat eta muga-egun bat zehaztuta izango dituzu, estaldura duzun epea adieraziz. Muga-eguna betetakoan, kontratua amaituko da. Oro har, aseguruak urtekoak eta berriztagarriak dira.

Poliza

Poliza aseguru-kontratua da. Sinatzen ari zarenean, aitortu duzunari buruzko erantzukizun bat eta itundutakoa betetzeko konpromisoa hartzen ari zara. Kontratuak sinatzen duten alderdien arteko lotura erakusten du:  Alde batetik, aseguratzailea; hau da, poliza zein aseguru-etxerekin kontratatu duzun. Eta bestetik, zu, aseguratua eta aseguruaren estalduren onuraduna. Gorde kontratua nahi duzun guztietan kontsultatzeko.

Estaldurak

Bermea ere esaten zaie, eta aseguru-etxeak ezbehar edo gorabehera baten aurrean aseguratuari zerbitzu bat eskaintzeko edo ekonomikoki kalte-ordaina emateko hartzen dituen konpromisoak dira. Estaldurak kontratuan zehazten dira, eta normalean kontratatzen duzunaren edo estalita duzunaren igurikimen erreal bat izateko ezagutu behar dituzun mugak eta esklusioak dituzte.

Gorabehera edo ezbeharra

Gorabehera edo ezbehar baten aurrean estaldura egoteko, zure poliza edo kontratuaren baldintza orokorretan edo partikularretan jasota egon behar du. Baldintza orokorrak kontratuaren xehetasunak eta estaldura ematen den kasuak jasotzen dituen dokumentua da.  Garrantzitsua da jakitea aseguru batek zer babes eskaintzen dizun eta zein inguruabarren aurrean.

Infraasegurua

Egoera hau gertatzen da ondasun baten balioa gutxiesten duzunean, hau da, benetan daukan baliotik beherakoa ematen diozunean. Horrenbestez, uneren batean gorabeheraren bat gertatzen bada, jasotako kalte-ordaina deklaratu denaren araberakoa izango da. Benetakoa baino kantitate txikiagoa deklaratu bada, egoera konpontzeko erregela proportzionala aplikatuko da. Zenbateko aseguratuaren arabera dagokizuna jasoko duzu.

Erreskatea

Kontzeptu hau bizitzako aurrezki-aseguruen esparruan erabiltzen da. Baliteke zure egoera pertsonala aldatzea eta aurreztutako diru guztia edo zati bat berreskuratu behar izatea. Kasu horretan, kontratua aldez aurretik ezeztatzeko aukera daukazu. Jasoko zenukeen kopuruari erreskate-balioa esaten zaio.

Frankizia

Gorabehera bat gertatuz gero aseguratuak bere gain hartzen duen diru-kopurua da. Adibidez, konponketaren kostu osoa 300 eurokoa bada eta 100 euroko frankizia baduzu, aseguru-etxeak 200 euro ordainduko lituzke eta zuk 100 euro ordainduko zenituzke. Ezbeharra 100 euro edo gutxiago kostatuko balitz, zuk hartuko zenuke zure gain konponketa guztia. Frankiziadun aseguru bat kontratatzean aseguruagatik urtero ordaintzen duzun prezioa murrizten da.

Lehen arriskuan 

Ohiko modalitate bat da etxeko aseguruetan, eta neurri eraginkorra da infraasegurua saihesteko. Aseguratutako etxebizitza aldez aurretik hitzartu den muga jakin bateraino estaltzean datza.

Azken finean, informazio argi eta ulergarria funtsezkoa da jakiteko zure aseguru-etxearekin zer kontratatzen duzun. Lagun Aron kontzeptu horiek ulertzen eta dituzun zalantza guztiak argitzen lagunduko dizugu.

The post Aseguruaren hiztegia, kontratatzen duzuna ulertzeko appeared first on Blog de actualidad.

2020an, Espainiako konpainien % 87k zibereraso bat jasan du. Gainera, COVID-19aren munduko pandemiaren ondoriozko telelanerako migrazio masiboak nabarmen handitu du informazioa lapurtzeko, sistema kaltetzeko eta nortasuna ordezteko nahiz zelatatzeko prest dauden zibererasotzaileen eraso-kopurua. Babesgabetasun-egoera horiek dira profesionalki aurre egin diezaiekegun ziberarriskurik ohikoenak.

Zibersegurua: zure negozioan edo enpresan arriskuak ekiditeko gakoa

Testuinguru horretan, komeni da galdetzea: nire enpresa prestatuta al dago ziberarrisku horiei aurre egiteko? Gai izango nintzateke zibereraso batetik eratorritako balizko kostuak nire gain hartzeko? Zure lantokiaz edo enpresaz kezkatuta bazaude, jakin behar duzu Seguros Lagun Arok baduela zerbitzu bat zure negozioaren beharrizan informatikoei erantzuna emateko. Zerbitzu horretan sartzen dira, besteak beste, in situ laguntza informatikoa eta backup online-ko zerbitzua. Ziberarriskuen aurkako babesa nahi badugu, Seguros Lagun Arok zerbitzu espezializatu hauek ditu:

• Informatika-zaurgarritasunen analisia
• Bahiketen aurkako sistemen instalazioa eta prebentzioa
• Zibersegurtasuna: Aktibo digitalen kalteak
• Pribatutasunerako eta zibersegurtasunerako aholkularitza
• Komunikabideetako erantzukizunagatiko aholkularitza.
• Krisien kudeaketa eta online izen ona mantentzearen kostuak
• Estortsio zibernetikoari buruzko aholkularitza

Bestalde, azpimarratu behar da zure negozioaren segurtasuna ona izan arren bankuko txartelen segurtasuna ez dela inoiz erabatekoa. Zibergaizkileentzako oso ohikoa den kanala da; beraz, onena da txartel bakarra erabiltzea online erosketetarako (txartel birtual bat), kargatzeko modukoa, eta zure banku-kontuarekiko independentea.

Zure eskuetan dago zure negozioan zibererasoak saihestea: zenbat eta lehenago aktibatu prebentzio-plana, orduan eta seguruagoa izango da operatzea. Seguros Lagun Aron zure negozioa babestuta hazteko formularik onena gomendatzen dizugu.

The post Zibersegurtasuna vs Ziberarriskuak: Zure negozioa seguru dago? appeared first on Blog de actualidad.

Bizitza-aseguruak gure kartarik onena dira. Ez du bakarrik babesten eta bermatzen zure egonkortasun ekonomikoa: gure mende daudenena –senitartekoak, bestelako onuradunak…– ere bai.

Bizitza-asegurua izanez gero, lasaiago aurre egingo diegu munduko edozein lekutan eta eguneko 24 orduetan gerta daitezkeen gorabehera zailei. Aseguru-mota horren ezaugarri nagusia da familiaren nahiz bestelako onuradunen behar ekonomikoak estaltzea, heriotza edo istripu nahiz gaixotasunagatiko ezintasuna izanez gero.

Baina estaldura batzuk harago doaz. Aseguru-etxe batzuek lineako testamentuaren zerbitzua sartu dugu gure produktuetan. Gaur egun, Seguros Lagun Arok erabat doan eskaintzen du bizitza-aseguruaren modalitate guztietan.

Egin testamentua nahi duzun lekuan eta nahi duzunean

Gure bizitza-aseguruetan sartutako online zerbitzuetako bat da testamentu pertsonal edo familiarra eta bizi-testamentua. Laguntza horrekin, kontratatzaileak eta bere ezkontideak bere testamentu pertsonal edo familiarra eta/edo bizi-testamentua egin dezake Internetez nahiz telefonoz, abokatu bidezko laguntza juridiko pertsonalizatuarekin eta notario aurreko sinadurarekin.

Doakoa eta legezko balioduna

Zerbitzu honek ez du kostu gehigarririk eta legezko balioa du. Prozedura online egin arren, notariotzara joan beharra dago nahitaez dokumentua ontzat emateko eta sinatzeko. Zerbitzuaren ezaugarri nagusiak:

• Doako sarbidea testamentu pertsonal edo familiarra eta/edo bizi-testamentua Internetez nahiz telefonoz egiteko.
• Oinordetza-zuzenbidean aditua den abokatu baten aholkularitzarekin eta erredakzioarekin.
• Aseguruaren kontratatzailearen etxebizitzatik hurbil dagoen notariotza batean sinatzeko aukera, edo bere etxebizitzan bertan, mendekotasunen bat badu edo mugikortasun-eza.
• Zerbitzuaren barruan dago, halaber, gaixoen edo ezinduen notario-ahalordea egitea eta sinatzea, betiere ahalorde horrek zerikusirik badu oinordetza-izapideekin.
• Notarioaren tasak sartuta daude. Zerbitzu honetatik eratorritako beste edozein gastu aseguratuaren kontura izango da.

Lineako testamentua 4 urratsetan kudeatu

Testamentua egiteko prozesua oso erraza da. Testamentu pertsonaletan eta bizi-testamentuetan, prozesua azkarra, legezkoa eta erabat segurua izango da, eta 4 urrats izango ditu:

Testamentu pertsonalaren edo familiarraren urratsak

1. Inprimakia beteko duzu dokumentua erredaktatzeko behar den informazioarekin (notariotzetan izaten dutenaren oso antzekoa).
2. Testamentua egitea. Testamentua erredaktatu eta egingo dizun abokatua esleituko dizugu.
3. Hitzordua hartuko dugu zure etxebizitzatik gertuko notariotza batean, ahal duzunean testamentua egitera joan zaitezen.
4. Testamentua sinatuko duzu. Notariotzara joan eta sinatu besterik ez duzu egin beharko. Notariotzako sinadurarako beharrezkoa izango balitz, abokatuak lagunduko zintuzke.

Bizi-testamentuaren urratsak (edo Borondate Aurreratuen Dokumentua)

1. Aurretiko aholkularitza integrala bizi-testamentua egiteari buruz, zure egoeran zer den egokiena kontuan hartuta. Bizi-testamentuan –Borondate Aurreratuen Dokumentua ere esaten zaio– zehazten dira baimendutako tratamenduak eta balizko organo-ematea, ordezkari bat izendatzen da, eta zer hileta nahi den adierazten da, norbere borondatea pertsonalki adierazi ezin den kasuetarako.
2. Sinadura kudeatzea aseguratuari ondoen datorkion notariotzan. Han inskribatuko dute Borondate Aurreratuen Dokumentua dagokion Autonomia-erkidegoko Erregistroan.
3. Pazientearen historia klinikoan sartuko da. Borondateen Dokumentua kontsultagai izango dute, estatu mailan, autonomia-erkidegoetako osasun-zerbitzu guztiek. Alegia, ez da ezer gertatuko beste Autonomia Erkidego batera bizitzera joanez gero: denak daude konektatuta Aurretiazko Jarraibideen Erregistro Nazionalera.
4. Medikuak Borondate Aurreratuen Dokumentua edo Historia Klinikoa kontsultatuko du, bere borondatez edota ordezkariak zein senitartekoren batek hala eskatuta.

Egin ondoren, nire testamentua alda dezaket?

Bai. Testamentua jada notariotzan sinatu arren, Seguros Lagun Aroren testamentu-zerbitzuak aukera emango dizu, bai zuri eta bai zure ezkontideari, urtean behin aldatzeko. Horretarako, sartu berriro zerbitzuan lehen azaldu dizugun bezala.

Garrantzitsua da jakitea Bizi Testamentuaren edo Borondate Aurreratuen Dokumentuaren kasuan pertsonaren erabakiak lehentasuna izango duela dokumentuan jasotakoaren gainean. Hau da, norbaitek etorkizunerako jarraibideak dokumentu batean idatzita utzi arren, dokumentua edozein unetan alda edo erreboka daiteke, pertsona horrek erabakiak hartzeko gaitasuna duen bitartean.

Nola sartu zerbitzuan

Seguros Lagun Aroren bizitza-asegurua baduzu eta Lineako Testamentuaren zerbitzuan sartu nahi baduzu, deitu 944 94 74 28 telefonora 09:00etatik 18:00etara astelehenetik ostiralera (jaiegun nazionaletan izan ezik).

Telefonoz emango dizugu webgunean sartzeko kodea, eta bertan egin ahal izango du testamentua, betiere abokatu baten laguntzarekin. Halaber, izapide guztiak telefonoz egiteko aukera ere eskainiko zaizu, operatzaile batek bitartekari lana eginez, webgune horretan bertan.

Kontratatu nahi baduzu edo informazio gehiago nahi baduzu

Seguros Lagun Aro aukeratzen baduzu lineako testamentua barne hartzen duen bizitza-asegurua kontratatzeko, kontuan hartu lineako testamentua sartuko dela aukeratzen duzun edozein modalitatetan. Informazio gehiago behar izanez gero, deitu 944 94 74 28 telefonora, erabili gure txata, edo galdetu zure aseguru-artekaritzan.

The post Lineako testamentua zure bizitza-aseguruan. Zer da? appeared first on Blog de actualidad.

Eta zer produktuz ari gara hitz egiten? Gizarte Aurreikuspeneko Sistemez ari gara. Horien artean daude Pentsio Planak (PP), Borondatezko Gizarte Aurreikuspeneko Erakundeak (BGAE) eta Aurreikuspen Plan Aseguratuak (APA), eta horietan egiten diren ekarpen eta kontribuzioek desgrabatu egin dezakete errenta-aitorpenean.

Zer dira Aurreikuspen Plan Aseguratuak (APA)?

Ekarpen periodiko eta/edo ezohikoen bidezko aurrezki-sistema bat da, Gizarte Segurantzaren Sistema Publikoaren osagarria. Hasiera batean erretirorako soilik zen, baina urteek aurrera egin ahala aldatzen joan da funtsak beste arrazoi batzuengatik berreskuratzeko aukera emateko: baliaezintasuna, heriotza, gaixotasun larria edo iraupen luzeko langabezia.

Gizarte-aurreikuspeneko aseguru guztiek, banakakoek nahiz enplegukoek, ogasun guztietan desgrabatzen dute

Barne hartzen ditu onura fiskal handiak, izan ere, egindako ekarpenak kendu egin daitezke urteroko errenta-aitorpenean lege-mugen barruan. Horrela, aurreztu egiten da zergetan.

Beste onura batzuen artean, interes bermatua dute eragiketak irauten duen denbora guztian segurtasun eta egonkortasun handia emanaz. Gainera, sei hilean behin, errentagarritasun gehigarria lortzeko aukera ematen dute. Metatutako aurrezkia aldi bakarrean (kapitala), errenta bidez edo biak konbinatuz jaso daiteke.

Gizarte Aurreikuspeneko Sistemetara egindako ekarpenen murrizketak

Agencia Tributaria

Prestazioen fiskalitatea desberdina izan daiteke aitorpena egiten duzun lekuko ogasunaren arabera. Hala ere, ​gizarte-aurreikuspeneko ogasun guztietan desgrabatzen dute gizarte-aurreikuspeneko aseguruek, banakakoek nahiz enplegukoek​. ​Egiten duzun tokian egiten duzula, mendekotasun larri edo handiaren estaldura duten aseguru-primek ere desgrabatu egiten dute errenta-aitorpenean.

Euskadin, Nafarroan eta Estatuko gainerako lekuetan zer espezifikazio fiskal dauden eta lurralde bakoitzean zerga-oinarri orokorra murrizten duten gehienekoak zein diren ikusiko dugu.

Gogoan izan behar da errenta-aitorpenean zerga-oinarri orokorra izan ditugun irabazi guztien batura dela: soldata, autonomo gisa izandako diru-sarrerak, higiezinen errendimenduak, jabetza intelektualaren diru-sarrerak, zenbait kalte-ordain, lehiaketetan lortutako sariak, etab. Zenbateko horiek erraz aurkituko dituzu PFEZren kopian.

Desgrabazioa EAEn

EAEn zerga-bilketa egitea lurralde bakoitzeko foru-ogasunen esku dagoen arren, Araba, Bizkaia eta Gipuzkoa ados jarri ziren EAE osoan PFEZ harmonizatzeko.

Errenta-aitorpena egiteko orduan BGAE, PP eta APAetan egindako ekarpenak kentzen dituzte; baita mendekotasun larri edo handiaren estaldura duten aseguru-primak ere.

Banakako eta enpleguko sistemen ekarpenetarako murrizketen mugak hauek dira:

• Urtean 5.000 € gehienez banakako ekarpenetarako.
• Urtean 8.000 € gehienez enpresen ekarpenetarako.
• Urtean 12.000 € gehienez banakako eta enpresen ekarpenetarako.

Erretiroan pentsatzen ari bazara, oso ezaguna ez den zerbait jakitea interesatuko zaizu:
EAEn, zergadunak erretiroa hartzen duenean, egiten jarraitzen duen ekarpenen murrizketaren onura izateari uzten dio​.

Diru-sarrerarik gabeko ezkontidearen ekarpen-erregimen murrizgarriak urteko 2.400 €-tan jarraitzen du.

Pentsio Planak eta APA Nafarroan

Nafarroako Foru Komunitatearen kasuan, pentsio-plan bat edo aurreikuspeneko plan bat (PP edo APA) baldin badugu ogasunak egingo digun murrizketaren muga daukagun adinaren arabera ezartzen da. Nafarroako formulak kalkulagailua erabiltzera behartuko gaitu:

• 49 urte arte​, bi zenbateko hauetan txikiena izango da muga: lanaren eta ekonomia- edo enpresa-jardueren errendimendu garbien % 30; edo 3.500 € urtean.
• 50 urtetik aurrera​, bi zenbateko hauetan txikiena izango da muga: lanaren eta ekonomia- edo enpresa-jardueren errendimendu garbien % 50; edo 6.000 € urtean.

Diru-sarrerarik gabeko ezkontidearen ekarpen-erregimenak urteko 2.000 €-tan jarraitzen du eta, gainerako ogasunek bezala, mendekotasun larri edo handiaren estaldura barne hartzen duen aseguruagatik ordaintzen ari garen primak murrizten dituzte.

Estatuko gainerako lekuetako kenkariak

Gainerako autonomia-erkidegoetan, Zerga Administrazioko Estatu Agentziak ere kontuan hartzen ditu mendekotasunaren estalduren primak eta muga bat ezartzen die pentsio-planetara edo aurreikuspen-plan aseguratuetara egindako ekarpenen kenkariei.

• Murrizketaren muga bi zenbateko hauetan txikiena izango da: lanaren eta ekonomia-, enpresa edo arte-jardueren errendimendu garbien % 30; edo urtean 8.000 € ​zergadunaren adina kontuan izan gabe​.

Diru-sarrerarik gabeko ezkontidearen ekarpen-erregimen murrizgarriak urteko 2.500 € izaten jarraitzen du estatuan, EAEko ogasunetan baino zerbait gehiago.

Aholkularitza behar baduzu, badakizu hortxe izango gaituzula. ​Gure web-orrian txat bidez edo telefonozko Arreta-zerbitzu bidez egingo dizugu arreta: 944 94 74 28. Astelehenetik ostiralera, 8:00etatik 20:00etara.

The post 2018ko Errenta-aitorpenean desgrabatzen duten aseguruak appeared first on Blog de actualidad.

Bizitza-aseguruei buruz hitz egiten dugunean, batek baino gehiagok hauxe pentsatuko du: zergatik ordaindu behar dut gertatu ez den zerbaitengatik, gertatuko ote den ere ez dakidanean? Zoritxarrez, ez gara jabetzen zein garrantzitsua den ondo aseguratuta egotea harik eta zerbait gertatzen zaigun arte. Izan ere, bizitza-aseguruek bizitzan zehar gerta dakizkigukeen egoera txar posibleen aurrean babesten gaituzte. Gainera, gure egonkortasun ekonomikoa babesteko eta bermatzeko xedea izaten dute, eta are garrantzitsuagoa dena, gure mende ditugun pertsonena ere bai.

+ BIZITZA aseguruaren estaldurak

Aseguru honetan zuk erabakitzen duzu zein kapital kontratatu nahi duzun, edozein unetan eta zure neurrian. Gainera, bizitza-aseguruaz gainera, halakoetan behar izan ditzakezun zerbitzuak ere eskaintzen dizkizu + Bizitza aseguruak:

• Gaixotasun larriak: kapital aseguratuaren kalte-ordaina jasoko duzu gaixotasun larri bat diagnostikatzen dizutenean (minbizia edo miokardio-infartua, esate baterako).
• Ezintasuna gaixotasun edo istripuagatik/zirkulazio-istripuagatik, ezintasun-gradu desberdinen aurrean eta edozein motatako lanbiderako.
• Laneko baja: eguneko kalte-ordaina jasoko duzu istripua izanez gero.
• Osasun-gastuen itzulketa.
• Ospitaleratzeagatiko kalte-ordaina.
• Heriotza-estaldura, 10.000 euroko gutxieneko kapitaletik hasita, 3000 euroko aurrerakinarekin gastu berehalakoenei berehala aurre egiteko.

+ BIZITZA kontratatzean, “Zure ondoan zerbitzuak” ere izango dituzu, hau da, beste abantaila batzuk baliatzeko aukera emango dizun estaldura bat:

• Bigarren Diagnostiko Mediko Presentziala gaixotasun larria izanez gero.
• Errehabilitaziorako eta txertatzen, egokitzen eta mugikortasunean laguntzeko programa.
• Testamentu pertsonal edo familiarra eta testamentu bitala.
• Aholkularitza, eta Heriotzarekin eta Oinordetza Prozesuarekin lotutako Izapide guztiak.

Estaldura bakoitzaren xehetasunak kontsulta ditzakezu Zure ondoan zerbitzuen gidan (PDF).

Gure bizitza-aseguruen abantailak eguneroko bizitzan

Lagun Aroren bizitza-aseguru bat kontratatzen duzunean zure eguneroko bizitzari kalitate handiagoa ematen dioten beste abantaila batzuk ere eskuratzen dituzu:

• Ahaztu aseguruaren estalduraren gabealdiez, hau da, gozatu estalduraz hasiera-hasieratik. Kontratuan indarrean jartzeko ematen den datatik aurrera, polizak eta berme guztiek erabateko indarra izango dute, eta, beraz, aseguruarentzat kontratatutako iraupenaren barruan egiten den edozein prestazio-erreklamazio hartuko da kontuan.
• Mundu osoan eta eguneko 24 orduetan izango duzu estaldura.
• Malgutasuna:
  • Zuk aukeratuko duzu aseguratu nahi duzun kapitala, eta zure eta zeure familiaren aseguruari buruzko premien arabera alda dezakezu.
  • Onuradunak libreki izendatu ahal izango dituzu, eta nahi duzunean aldatu.
• Eroso ordaintzeko aukera: ordainketa zatikatu ahal izango duzu zure beharren arabera. Ordaintzeko modua ere aldatu ahal izango duzu aseguruaren bizitzan zehar zure beharrak aldatzen badira (60 euroko gutxieneko ordainagiri batekin Bizitza Confort modalitatean)
• Gardentasuna: Zure esku jartzen ditugu aseguruaren baldintza orokorrak (PDF), asegurua erregulatzeko erabiliko diren oinarrizko alderdi nagusiak ezartzen dituen dokumentua, eta, Baldintza Partikularrekin batera, poliza edo aseguru-kontratua eratzeko balioko dutenak.

Bizitza eta Pentsio Aseguruetako produktu onenaren saria jaso duena

Urriaren 25ean Gipuzkoako Merkataritza Ganberak III. Bizitza eta Pentsioen Foroa Vidaforum Euskadi 2018, Euskadiko Aseguru Bitartekarien Kontseiluak antolatua. Ekitaldiaren helburua izan zen adarraren bilakaera eta Sektoreko produktu aipagarrienak eta berritzaileenak aurkeztea, besteak beste Lagun Aroren + BIZITZA, bitartekaritzako Bizitza eta Pentsio Aseguruetako produktu onenaren saria jaso zuena.

Seguros Lagun Aroko Bitartekaritza Kanalaren arduradunak 2018ko Vidaforum ekitaldian

+ BIZITZA asegurua kontratatu edo hari buruzko informazio gehiago eskuratu nahi baduzu, zure aseguru-bitartekariari galde diezaiokezu edo inolako konpromisorik gabe dei dezakezu 944 94 74 28 telefonora. Nahi izanez gero, doan deituko dizugu.

The post Ezagutu bitartekaritzak saritutako bizitza-asegurua appeared first on Blog de actualidad.