Baloratu ondo edukia eta edukitzailea

Nahitaezkoa da zure etxearen (etxeko altzariak, etxetresna elektrikoak, bitxiak…) eta edukitzailearen (eraikinaren) balioa ondo baloratzea. Izan ere, ezbeharra gertatuz gero, kalte-ordaina zenbateko aseguratuarekiko proportzionala izango da.

Balorazio on batekin, ezbeharra gertatuz gero “infraasegurua” aplikatzea saihestuko duzu. Zer esan nahi du horrek? Infraaseguru bat gertatzen da aseguratu duzun kapitalaren balioa benetan duena baino txikiagoa denean. Beraz, aseguru-etxeak erregela proportzional bat aplikatuko dizu dagokion kalte-ordaina kalkulatzeko.

Zure etxe-asegurua aukeratzeko garaian, berrikusi ondo proposamenak eta kontuan izan proposatzen dizkizuten aseguratu beharreko edukitzaile-kapitalen balioak. Edukirako, aseguru-etxeek gutxieneko kapitala izaten dute, baina zure etxea ondo aseguratzeko, kapital bat kalkulatu beharko duzu zure etxeko gelen arabera, etab.

Oinarrizko estaldurak eta estaldura osagarriak

Kontratatzen duzun aseguru-etxearen eta poliza-motaren arabera, estaldurak desberdinak izango dira.  Adibidez, urak eragindako kalteen edo fenomeno atmosferikoek eragindako kalteen estaldurak (euriak, haizeak edo kazkabarrak), aseguru guztien oinarrizko estaldurak izan ohi dira.

Garrantzitsua da kontratatuko duzun aseguruaren baldintza partikularrei zein orokorrei erreparatzea, estaldura zehatz bakoitzean estaltzen diren arrazoiak eta mugak bertan zehazten direlako.

Lagun Aron, gainera, estaldura eta zerbitzu berriak ditugu, aseguru guztietan sartzen ditugunak. Hala nola, Defentsa juridikoa etxebizitzaren legez kontrako okupazioan eta Okuparen bandalismozko egintzak, zu babesteko eta zure etxebizitza legez kontra okupatzen duten egoeretan laguntzeko.

“Ez bidaiatu” garantia urte-sasoiko etxebizitzetarako. Zure bigarren etxebizitzan ezbehar bat gertatzen bada eta ezin bazara joan, zure ordez joango gara giltzak ematera gremioak bertara sartu ahal izateko.

Etxebizitza digitalaren zerbitzua ere barne hartzen dugu, Urruneko laguntza informatikoa eta Babes digitala barne.

Bestalde, beste estaldura batzuk ere baditugu nahi izanez gero, zure etxe-asegurua pertsonalizatzeko eta osatzeko.  Lagun Aron, adibidez, esku-trebea zerbitzua daukagu, bezeroek gehien eskatzen dituzten aukerako estalduretako bat. Konfiantzazko profesionalen sare bat jartzen dugu zure eskura, etxean dituzun kalte txikiak konpondu ahal izateko.

Eta mugikortasun pertsonaleko ibilgailuen eta bizikleten edo patinete elektrikoen erabiltzaileentzat eta jabeentzat, Mugikortasun pertsonaleko ibilgailuen erantzukizun zibila daukagu. Honen bitartez, hirugarrenei eragin diezazkiekezun kalteak estaltzen dizkizugu.

Proposamen bat onartu aurretik, kontuan izan etxe-aseguru on bat kontratatzeko gomendio hauek eta baloratu estaldura desberdinak.

Erantzukizun zibila etxe-aseguruan

Beste estaldura oso garrantzitsu bat: Erantzukizun zibila. Aseguratuak eta etxebizitzak hirugarrenei istripuz eragin diezazkieketen kalteak estaltzeaz arduratzen da. Adibidez, zerbait leihotik erori eta zure bizilagunari jotzen dionean, edo zartagina sutan ahaztu eta eraikina erretzen duzunean. Kostu horiei aurre egiteak, ahalegin handia eska diezaioke familiaren ekonomiari. Horregatik, funtsezkoa da jakitea zein den estaldura horretarako ezarritako muga.

Erantzukizun zibil horren beste adibide argi bat, gure maskotena da. Familia-erantzukizun zibilaren estaldurari esker sor daitezkeen zenbait egoera estaltzen ditu gure etxe-aseguruak. Baina, gainera, nire maskota aseguratu behar dut? Zer gertatzen da zure txakurrak beste bati eraso egiten badio kalean? Zer gertatzen da pertsona bati zure etxean kosk egiten badio?

Maskota baduzu, kontsultatu zure aseguru-etxearekin nola aseguratu: etxe-aseguruaren bidez edo aseguru espezifiko baten bidez.  Euskadin eta Madrilgo Erkidegoan txakurrentzako Erantzukizun Zibileko (ErZ) aseguru bat kontratatzera behartuta zaude. Honek txakurra hirugarrenei eragiten dieten edozein kalteren aurrean aseguratzen du. Baina bizi zaren lekuan bizi zarela, beti kontratatu behar duzu ErZ-eko aseguru bat zure txakurra arriskutsutzat jotzen den arraza batekoa bada.

Nola kalkulatzen da prima?

Produktu hori kontratatzean ordaindu behar duzun prezioa da. Zenbateko hori ordaintzea erabakigarria da kontratatutako estaldurez gozatu ahal izateko. Hau, hainbat faktoreren mende dago: etxebizitza-mota (pisua, atxikia edo familia bakarrekoa), aseguratutako pertsonaren izaera (errentatzailea, jabea edo maizterra bada), etxeari ematen zaion erabilera (etxebizitza nagusia, bigarren etxebizitza, hutsik dagoena…) eta beste hainbat aldagai (antzinatasuna, material erregarriak edo eraberritzeak).

Arreta-zerbitzu ona

Merezi duen garrantzia ematen ez zaion beste faktore garrantzitsu bat bezeroarentzako arreta da. Aseguru-etxearekin egiten diren kudeaketak nekagarriak izan daitezke; horregatik, bezeroekiko tratu ona izaten duena bilatu behar duzu. Horrela, izapideak arintzea edo behar bezala orientatu eta aholkatzea lortuko duzu. Hainbat erabiltzaileren iritziak bilatu behar dituzu hainbat enpresari buruz, konparatzeko eta erabakiak hartzen laguntzeko.

Seguros LAGUN AROk premia guztietara egokitzen diren hainbat aukera ditu. Konponbide bat etxe bakoitzarentzat, etxe bakoitza mundu bat delako eta zure familia bakarra. Etxe-aseguru on baterako gure gomendioekin eta gure konparadorearekin, erraz baloratu ahal izango dituzu aseguru bakoitzaren estaldura guztiak. Gainera, estaldura handitzen joan gara poliza bakoitzean, eta mundu konplexu hau hobeto uler dezazun terminoen hiztegi bat daukagu, kontratatzen duzuna ondo uler dezazun. Horrela ez daukazu aitzakiarik.

The post Etxe-aseguru on bat kontratatzeko gomendioak appeared first on Blog de actualidad.

Ezbehar batekin zerikusia duten egoeretan aseguruak estaltzeaz gain, beste “egoera” batzuetan ere aseguru on batek lagun diezaguke.
Adibidez, zer gertatzen da ate bateko heldulekua hautsi bazait, edo lanpara bat aldatu nahi badut?  Eta etxea pintatzeko edo zorua aldatzeko norbait behar badut? Gero eta zailagoa da konfiantzazko profesionalak aurkitzea, eta gure etxeko konponketa txikiak, mantentze-lanak eta erreformak, nahiz eta polizaren estaldura batzuetan deskribatuta ez egon, gure aseguru-polizaren bidez konpon daitezke. 

Horrelako egoeretarako, aseguruek esku-trebea zerbitzua edo “etxeko laguntza” bezalako estaldurak eskaini edo gehitu ohi ditugu, eta gure profesionalen sarea eskaintzen dugu, ezagutzen ditugun eta gure bezeroentzat baldintza bereziak adostuta ditugun profesionalez osatua.  Kontratatua duzun polizan begiratu besterik ez duzu egin behar, edo zure egungo aseguru-etxeari galdetu.

Zer eskaintzen du Lagun Arok?

Gure kasuan, funtsezkoa iruditzen zaigu gure aseguratuei bizitza errazteko laguntza osoa eskaintzea. Horrela, kontratatuta duzun aukeraren arabera, etxeko laguntza-zerbitzu esklusibo hauek baliatu ahal izango dituzu:

Gure aseguru guztiek 24 orduko laguntza-zerbitzua dute, eta gure konpontzaileen sarea ere eskaintzen dugu gure bezeroentzako tarifa berezi batzuekin (hor sartzen da gure bezeroari “irteera” famatua edo desplazamendu-kostuak kobratzeko debekua, zure etxebizitza non dagoen kontuan hartu gabe). Adibidez: Matxura elektriko bat duzu, baina ez duzu ezagutzen arreta eman diezazukeen argiketaririk. Guk bat eskainiko dizugu, eta zure etxera hurbilduko da. Hortik aurrera, beharrezkoak diren lanak eta materialak zure kontura izango dira.  

“Esku-trebea zerbitzua” oso estaldura interesgarria eta praktikoa da. Estaldura hori kontratatzen baduzu, eta hautatutako modalitatearen arabera, urtean zerbitzu 1 edo 2 baliatu ahal izango dituzu mantentze-lanak egin ahal izateko, hala nola errezelak edo koadroak esekitzea, kit-motako altzariak muntatzea, etab. Hau da, “txapuzak” egiteko, lagunarteko hizketan esan ohi dugun bezala.

Azkenik, laguntza-estaldura osoago bat ere kontrata dezakezu, “Asistentzia Plus” deritzoguna. Estaldura gehigarri horrekin profesional baten zerbitzua eskatu ahal izango duzu, desplazamendu-kosturik gabe, 3 ordu arteko eskulana barnean hartzen duena. Zerbitzu hori urtean 2 aldiz eskatu ahal izango duzu. 

Hau da, Lagun Aron ez gara betiko zerbitzuak eskaintzera mugatzen, baizik eta aukera-gama zabala eskaintzen dugu gugan konfiantza dutenek asegururik onena beren gustura konfigura dezaten.

Lagun Aron etxeko aseguru bat kontratatzea beti da lasaitasunaren eta edozein gorabehera profesionaltasun eta eraginkortasun handienarekin konpontzearen sinonimoa. 

The post Etxeko laguntza. Esku-trebearen zerbitzutik harago appeared first on Blog de actualidad.

Balio Erantsiaren gaineko Zergaren abenduaren 28ko 37/1992 Legearen 20. artikuluaren arabera, aseguru-, berraseguru- eta kapitalizazio-eragiketak BEZetik salbuetsita daude. Baina zure aseguruaren ordainagiria iristen zaizunean, ikusiko duzu, primaz gain, zenbait kargu, tasa edo zerga berezi ordaintzen direla. Jakin nahi duzu zein diren?

Poliza-motaren araberakoa da, izan ere ez da zenbateko bera ordaintzen Autoaren Asegururako eta saltoki baten asegururako, esate baterako. Honako hauek dira ohikoenak:

• Aseguru-primen gaineko Zerga (AZ)
• Aseguruen Konpentsazio Partzuergorako (AKP) errekargua

Aseguru-primen gaineko Zerga % 6koa da 1998az geroztik, eta aseguruaren ia adar guztiei aplikatzen zaie. Gutxi batzuk bakarrik salbuetsita geratzen dira, hala nola nahitaezko gizarte-aseguruak eta aseguru kolektiboak pentsioengatiko konpromisoak dituztenak, bizitzakoak, kauziokoak, osasun-laguntzakoak eta gaixotasunekoak, nekazaritzakoak edo esportaziorako kreditukoak, besteak beste.

Zure polizari arretaz begiratuz gero, ikusiko duzu, Aseguru-primaren gaineko Zergaz gain, prima garbiari beste zenbateko batzuk eransten zaizkiola, errekargu deritzotenak eta Aseguruen Konpentsazio Partzuergoak (AKP) zenbait eskumen eta/edo beste prestazio eta berme batzuk bere gain hartzeagatik jasotzen dituenak.

AKP eginkizun aseguratzaile batzuk dituen erakunde publikoa da. Adibidez, aseguru-etxe pribatu batek ezbehar jakin batzuk bere gain hartzen ez dituenean, hala nola ohiz kanpoko gertaerak, uholdeak esate baterako. Aseguru-etxe batzuek baztertu duten erabiltzaile baten erantzukizun zibila estaltzeaz ere arduratzen da, eta asegururik ez dagoen kasuetan edo aseguratzaileak bere burua kaudimengabetzat jotzen duen kasuetan berme-funts gisa jokatzen du.

Eginkizun horiek betetzeko, aseguratzaileek tasa horiek biltzen ditugu, aseguru bakoitzaren primei gehituta, eta ondoren KPZn sartzen dira. Iruzurrak saihesteko, Aseguruen eta Pentsio Funtsen Zuzendaritza Orokorra aseguru-etxe biltzaileak ikuskatzeaz arduratzen da.

Bizitza-aseguruetan eta Bizitzakoak ez diren Aseguruetan ordaintzen diren tasak dira, eta hiru mota daude:

• Aseguruko errekargua, Ezohiko Arriskuak, pertsonen eta ondasunen gaineko Zuzeneko Kalteak eta mozkin-galerak estaltzeko. Aseguru gehienetan ordaintzen dira: Bizitzakoetan eta Bizitzakoak Ez direnetan, eta Ondasunetan eragindako Kalteen aurkako aseguruetan.
• Aseguruko errekargua ibilgailu motordunak Erabiltzeko eta Ibiltzeko Nahitaez Harpidetu Beharreko Erantzukizun Zibileko Aseguruan.
• Errekargua aseguru-entitateen jarduera likidatzailea finantzatzeko. Adar guztietan aplikatzen da, Bizitzakoan eta Esportaziorako Kredituan izan ezik.

Azken finean, gure aseguruengatik BEZik ordaindu ez arren, seguruenik tasak ari gara ordaintzen hala nola Aseguru-primen gaineko Zergaren % 6a, hari gehi dakizkiokeen beste errekargu batzuez gain. Hori ikusteko zure aseguruaren dirua zertara bideratzen den jakin dezakezu. Horrela, jakingo duzu % 6,7 Ogasunera eta Gizarte Segurantzara bideratzen dela.

The post Zergatik ez dute BEZa aseguruek? appeared first on Blog de actualidad.

Izan ere, ezustekoak gertatzen direnean prest egotea eta baliabideak izatea da aseguruen industriaren eginkizun nagusia. Horretarako, baliabide ugari eta jende asko baliatzen ditu. Hori ikusteko modu bat da jakitea zer gertatzen den aseguru-primako diruarekin, hau da, hilean edo urtean behin ordaintzen dugun zenbatekoarekin.

Primako diruaren % 54,4 bezero eta onurei bideratzen zaie, % 5,2 Ogasunari, % 4,7 aseguru-etxeetako langileei, % 24,6 hornitzaileei (hau da, mekanikariei, osasun-arloko langileei, iturginei,..) eta % 6,4 bitartekariei.

Aseguruek nola funtzionatzen duten hobeto ulertzeko, jakin zer den mutualitatea, aseguratzaile ororen oinarrizko solidaritate-printzipioa, alegia.

The post Zertan erabiltzen da zure aseguruaren dirua? appeared first on Blog de actualidad.

Aseguru-etxe orori behar bezala funtzionatzea bermatzen dien oinarrizko solidaritate-printzipioa da mutualitatea. Ezbehar baten ondorioak pertsona askoren artean banatzean datza, denak antzeko arrisku-egoera baten eraginpean daudela ulertuta. Beste modu batean esanda: aseguratutako pertsonen primaren ordainketaren bidez, gure babesa eta gure ondasunak babesten ditugu era honetako kalte zehatzen aurrean: istripuak edo suteak, edo erretiroaren eta heriotzen gisako inguruabar puntualak…

Horrela, aseguratu bati aurreko inguruabarretako batek eragiten dionean, gainerako kontratatzaileengandik jasotako prima guztien diruarekin erantzuten du aseguru-etxeak. Beraz, dagokien prima ordaindu duten pertsona guztiak ari dira laguntzen aseguratuak daukan arazoa konpontzeko, arazo hori etorkizunean beraiek izan lezaketela kontuan hartuta.

Aseguruaren oinarrizko definizioak

Oraindik zalantzak badituzu, eman begiratu bat bideo honi, oso erraz ikusiko baituzu nola funtzionatzen duten aseguruek.

The post Nola funtzionatzen dute aseguruek? Solidaritate-printzipioa appeared first on Blog de actualidad.