Ondoren, bumping-a zer den azalduko dizugu, zergatik den hain ohikoa, zein diren bumping-aren aurkako sarrailak eta aseguruak nola erantzuten duen horrelako lapurreta baten aurrean.

1. Bumping teknika
2. Bumping-a ez da gauza berria
3. Lapurren trebezia
4. Sarrailen antzinatasuna
5. Bumping-aren aurkako sarraila-zilindroa
6. Etxe-aseguruak estaltzen nau?

1. BUMPING TEKNICA

Bumping, lapurreta-metodo isil eta “ikusezina”

Albisteetan entzuten duzun hurrengo aldian ez zaizu arrotza irudituko: bumping metodo bidezko lapurreta. Zenbaitek “lapurreta garbia” ere esaten diote, ia ez baita nabaritzen sarraila behartua izan dela.

Funtsean, sarrailaren zilindroan giltza manipulatu bat sartu eta hura kolpatzean datza, zilindroaren pistoiak mugi daitezen. Horren ondorioz, pistoiak aldi berean ateratzen dira giltza kolpatzen denean, eta, horrela, giltza biratu egiten da, eta, hortaz, segurtasun-atea irekitzen da. Erraz-erraza, nolabaiteko trebezia duen lapur batentzat.

Praktika horren bereizgarriena da ez duela markarik edo ebidentziarik uzten, ez behintzat begi-bistakoa, ez duelako apurtzen atearen itxiera-sistema. “Ikusezintasun” horrek mesfidantza handia sortzen die aseguru-etxe batzuei, ez baitute sarraila behartuaren aztarnarik aurkitzen. Lerro batzuk beherago azalduko dizugu nola jokatzen duen aseguruak, sarraila behartu gabe etxean lapurtzen badizute.

2. BUMPING-A EZ DA GAUZA BERRIA

Bumping-a ez da gauza berria

Bumping neologismoa gure hizkuntzan berriki sartu den arren, bumping teknika duela hamarkada batzuetatik erabiltzen dute profesional sarrailagileek. Giltzak galduz gero edo larrialdietan, atea sarrailari kalterik egin gabe irekitzeko aukera ematen zien, eta hori abantaila nabarmena zen.

Hala ere, 2000. urtearen amaieran metodo hori besteenaz jabetzeko joera dutenen artean ere zabaltzen hasi zen, eta, ondorioz, sarrailak behartuak izan ziren aztarnarik ez zuten lapurreten salaketa kopurua handitu zen.

Gaur egun, lapurrek online ere erosten dute, eta edozeinek eskura dezake bumping giltza.

3. LAPURREN TREBEZIA

Lapurren trebezien bilakaera

Bumping-a sarrailak behartzeko ohiko teknika bat izateak ez du esan nahi gero eta lapurreta gehiago daudenik. Kontua ez da alarma soziala sortzea, informatzea eta prebenitzea baizik. Ibilgailuen segurtasuna hobetzen den bezala, gure etxebizitzako segurtasun-neurriak ere eguneratu egin behar dira urteak igaro ahala.

Bumping bidezko lapurreten lehen salaketak agertu zirenetik, urte asko izan dituzte gaizkile-taldeek ikasteko eta trebatzeko.

Gainera, edozein gaizkile ia sarraila mekaniko guztietan erraz sartzeko aukera izateak azaltzen du teknika “garbien” bidez egindako lapurretak izatea lapurreta-teknikarik ohikoenak, bereziki bumping-a.

4. SARRAILEN ANTZINATASUNA

Sarrailen antzinatasuna, lapurreta errazten duen beste inguruabar bat

Etxebizitzara sartzeko ateko sarraila-zilindro askok ez dituzte betetzen egungo segurtasun-estandarrak. Etxe gehienetan sarrailak ez dira berritu eraiki zirenetik, eta Segurtasuneko Sarrailagileen Batasunak (UCES) uste du instalatutako sarrailen % 80 baino gehiago zaharkituta daudela.

Gaizkileek “lapurreta garbiak” egiteko beren sistemak hobetu dituzte; sarrailak, berriz, ez dira neurri berean eguneratu.

Manuel Sánchez UCESeko lehendakariaren arabera, herritarrak ez gara ohartzen gure sarrailak zaharkituta daudela. “Kasu batzuetan, gure sarrailaren zilindroa bera aldatu besterik ez dugu egin behar. Espainian, eraginkortasun-kalitate erlazioaren ikuspegitik oso segurtasun-maila onargarriak ditugu —segurtasun absoluturik ez dagoela jakinda— gure babesa lehen maila batean bermatu ahal izateko, gure etxebizitzara sartzeko erraztasunari dagokionez.”

Zure sarrailak 10 urte baino gehiago baditu, hura aldatzea pentsatu beharko zenuke, bidegabe sartu nahi dutenen azken metodoekiko jada ahula izateko aukera asko dituelako.

5. BUMPING-AREN AURKAKO SARRAILA-ZILINDROA

Bumping-aren aurkako sarraila-zilindroa, lapurrak uxatzeko

Gure etxea lapurretatik babestu nahi badugu, kontua ez da bunker bihurtzea, arriskuak gutxitzea baizik. Eta konponbidea erraza eta sinplea da: sarraila berrituz gero, gure etxebizitza babestuago geratuko da bumping-aren aurka, eta, beraz, lapurreta gehienen aurka.

Sarraila bat ere ez da % 100 hutsezina, baina zenbat eta denbora gehiagoz eutsi erasoari, eta, beraz, lapurrak zenbat eta denbora gehiago behar izan sarraila irekitzeko, orduan eta gutxiago saiatuko da.

Gure etxebizitzak lapurrentzat “erakargarritasuna gal dezan” irtenbiderik egokiena bumping-aren aurkako sarraila-zilindro indartua jartzea da. Sarraila-zilindro indartuek alderik ahulenean altzairuzko zubi bat daukate, zilindroa erraz zatitzea eragozten duena.

Merkatuan, teknika horrekiko erresistentzia handiagoa edo txikiagoa duten zilindro-kalitate asko daude. Sarrailagile profesionalek gogorarazten dute bumping-aren aurkakoa dela dioen etiketarekin saltzen den guztia ez dela benetakoa. Benetan bumping-aren aurkakoa den sarraila-zilindroa erosteko eta sarraila behar bezala instalatzen dela ziurtatzeko, sarrailagileengana edo zentro profesionaletara joatea komeni da.

Bigarren sarraila instalatzea da beste aukera bat. Sarraila bikoitz baten eraginkortasuna ukaezina da, hori bai, baldin eta bumping-aren aurkako segurtasun-ezaugarri berak baditu.

6. ETXE-ASEGURUA

Nire etxean sarraila behartu gabe lapurtzen badidate, aseguruak estaliko du?

Etxean bumping bidez lapurreta izan duten pertsona gehienei galdera bera datorkie burura:  Lapurretarik gertatuz gero, etxeko aseguruak estaltzen nau sarraila behartu ez badute? Erantzuna “bai, baina” da.

Hauek dira bumping bidezko lapurreta bati dagokionez kontuan izan behar dituzun eragozpenak:

1. Lehenengoa eta logikoena da gure etxe-aseguruak lapurretagatiko estaldura barne hartu behar duela.

Seguros Lagun Aroren kasuan, lapurretagatiko estaldura etxe-aseguru guztietan sartuta dago. Modalitate batzuk besteetatik bereizten dituena babestutako objektu motak dira (eskudirua, artelanak, larruak edo bitxiak), baita estalitako gehienezko kopuruak eta sarrailak ordeztea ere. Kontsultatu etxeko aseguruen estalduren konparazio-taula.

2. Bigarrena, berriz, aseguru-etxeari lapurreta bat izan duzula frogatzea da. Funtsezkoa da poliziaren aurrean salatzea, salatutako egitateak egiazta

Indarraren erabileraren ageriko zantzurik ez dagoenez, ebasketatzat har liteke, eta estaldurak desberdinak izan litezke. Esan behar da ez dela ohikoa, zeren eta giltza faltsu baten erabilera (eta bumping-ean erabiltzen direnak hala dira) Zigor Kodean (238. artikulua) ezarritako inguruabar bat baita, “gauzetan indarra erabiliz egindako lapurreta”ren delitua egon dadin. Aurreko artikulu batean,lapurren eta ebasketen arteko aldea azaldu genizuen.

Etxean dituzun baliozko objektuei argazkiak ateratzea eta zure jabetzakoak direla frogatzen duten bermeak eta fakturak gordetzea gomendatzen dizugu.

Bumping-aren funtzionamendua eta kalteberak diren sarrailak nola funtzionatzen duten ikusteko jakin-mina baldin baduzu, hurrengo bideoan argi azaltzen dute. Jaso sarrailagile profesional baten aholkuak eta, jakina, ez ahaztu etxeko atea giltzaz ixtea.

The post Bumping-aren aurkako sarraila bat jartzeko aukera aztertu beharko zenuke appeared first on Blog de actualidad.

Zer da domotika?

Domotika, etxe inteligentea, alegia, etxebizitza bat automatizatzeko gai diren sistemen multzoa da. Energia aurrezteaz gain, segurtasun handiagoa ematen du.

Bestela esanda, domotikak bizi-kalitate hobea bilatzen du, zure segurtasun pertsonala eta familiarena bermatzeko. Zure ondasunak babesteko aukera ematen dizu, etxean zaudenean nahiz handik milaka kilometrotara, edozein gailu mugikorri esker edo sarerako sarbidea duen beste edozein gailu elektronikori esker.

Etxe automatizatuak zure familiaren segurtasuna eta lasaitasuna areagotzeko pentsatuta daude.

Klik bakar batekin hauxe egin dezakezu:

• Alerta piztu edo jaso, segurtasun-alarmak aktibatzen badira; horrela egokitzat jotzen dituzun neurriak hartu ahal izango dituzu, esate baterako senide bati edo/eta bizilagun bati abisatzea edota poliziari.
• Etxebizitzan norbait bizi delako itxura egin dezakezu argiak pizteko, pertsianak igotzeko edo jaisteko aukera izango baituzu, besteak beste.
• Segurtasun-sistemak ezartzea, hala nola mugimendua detektatzeko gailuak; horrela, urruti egonda ere, norbait zure etxebizitzan sartzen saiatzen ari den ala ez jakin ahal izango duzu.
• Funtsezko guneetako bideozaintza, zure mugikorretik bertatik kontrolatu ahal izango duzuna.

Konponbide domotikoen abantailetako bat da zure segurtasun-sistema propioa diseinatu ahal izango duzula.

Zure beharren arabera, zure etxera hobekien egokitzen den sistema domotikoa aukeratu dezakezu, bai eta bideoz zaindu nahi dituzun beste gune batzuk ere. Modu horretan, hirugarrenek, hala nola segurtasun-enpresetako langileek, zure kameren kokapena ezagutzea saihestuko duzu.

Gainera, dirua eta denbora aurrezteko aukera ematen dizu. Zaintza-mota hori instalatzea erraza da eta merkeagoa da kostu gehigarririk gabe luzaroago erabil daiteke eta. Egia da hasieran gastua eragingo dutela hardwareagatik. Nolanahi ere, erosi ondoren, ez duzu hileko kuota gehigarririk ordaindu beharko.

Pertsonalizatu zure etxeko segurtasuna

Etxe guztiak berdinak ez direlako, konponbide domotikoek segurtasun-maila desberdinak eskaintzen dituzte. Horietako bakoitzaren errepasoa egingo dugu, gutxi gorabehera zer diren jakin dezazun.

Kanpoko babesa

Segurtasun-maila hau zure etxebizitzaren inguruan mugimendu edo objektu arraroak detektatzeko pentsatuta dago.

• Mugimendu-sentsorea: edozein seinale fisiko detektatzen denean, sentsoreak berak erantzun bat bidaltzen du modu elektronikoan, alarma baten bidez edo zaintza-kamera batean bistaratuta.
• Izpi infragorriko hesia: etxebizitzaren kanpoko aldean sarkinen bat dagoela ohartarazteko balio du, izpiak ikusezinak baitira giza begiaren aurrean.
• Kontaktu magnetikoen bidezko irekiera-sentsorea: etxebizitzetako leiho edo ateetan pareka jartzen dira eta leiho edo ate horiek irekitzen badira aktibatzen dira. Norbait sartzen denean, sentsoreek korronteak zirkulatzeari uztea eragiten dute, eta, horrela, alarma automatikoki aktibatuko da.
• Hots-sentsorea: kanpoko edozein hots detektatzeko gai da.

Etxea zaintzeko gailu batzuek abisatu egiten dizute etxean mugimenduak detektatzen dituztenean. Mugikorrean zure etxea ikusteaz gain, pertsonarekin hitz egiteko aukera ematen dizute hura pantailan ikusten ari zaren bitartean.

Barruko babesa

Aurrekoak ez bezala, sistema hauek etxearen barrualdea babesteko helburua dute.

• Presentzia-simulagailua: etxebizitzatik kanpo bazaude, sistema hau etxeko argiak piztu eta itzaltzeaz arduratuko da, etxe barruan norbait dagoelako itxurak eginez.
• CCTV zaintza-sistema: telebista-zirkuitu itxian bideokamerak erabiltzen dira etxean gertatzen denaren berri emateko, egunez zein gauez.

Norberaren babesa

Erabiltzailea arriskuan dagoenean, horrelako sistemek kalte edo istripuetatik babesten dute.

• Izu-botoia: gailu hau haririk gabekoa edo kableatua izan daiteke, eta etxebizitzaren leku estrategiko batean jartzen da, jarduera susmagarriren bat gertatzen denerako. Erabiltzaileak botoia sakatzen duenean, alarma isila aktibatzen du eta seinale bat bidaltzen dio poliziari.
• Laguntza-ohartarazleak: sakatu bezain laster, gailuak seinale bat bidaltzen du laguntza pertsonalerako laguntza-zentro batera.

Alarma teknikoak edo detekziokoak

Etxebizitzan zerbait arraroa gertatzen ari bada gailuren batean akatsen bat izan delako, sistema domotikoak daude arazoa konpontzeko.

• Suteen aurkako alarmak: airean bariazio bat detektatzeko funtzioa dute, eta, ondoren, hori konpontzeko zenbait ekintza egiten dituzte. Gainera, berehala bidaltzen diete seinale bat suhiltzaileei.
• Uholdeen aurkako alarmak: ur gehiegi detektatzen denean, sentsoreak eletrobalbulak aktibatzen ditu eta horiek ur-hornidura eten edo kanpoko irteera baterantz drainatzen dute.
• Gas-ihesaren aurkako alarmak: gas-ihesik izanez gero, sistema aktibatzen da eta gas-hornidurako balbulak ixten ditu.

The post Domotika, etxeko segurtasunerako aliatua appeared first on Blog de actualidad.

Ziur badakizula zertaz ari garen: leiho bat ez dago behar bezala isolatuta eta airea sartzen da; lanpara bat jarri behar da, baina ez dituzu horretarako beharrezkoak diren tresnak; dutxatzen ari zarela euskarria askatu egiten da… Eta zer esanik ez negua iristen denean eta erradiadoreak purgatu behar direnean.

Denbora-faltagatik edo, besterik gabe, ezjakintasunagatik, etxebizitza bat dutenen erdiek baino gehiagok konponketa-zerbitzu bat kontratatu behar izan dute errazak diruditen baina, azkenean, garesti atera daitezkeen zeregin horiek egiteko.

Konponketetan aitzindari den enpresa batek Espainia osoko 1.000 jaberi baino gehiagori egindako inkestan ageri denez, lau espainoletik hiruk pintura- eta brikolaje-lanak egiten dituzte.

Etxebizitza nagusien % 74k etxebizitza-aseguru bat dute; hau da, Espainiako lau familiatik hiruk aseguratzen dute etxebizitza, 2017ko Estamos Seguros txosteneko datuen arabera. Ohiko etxebizitza aseguratzen duten familiak batez ere Euskal Herrikoak dira. Autonomia-erkidego hori batezbestekoaren oso gainetik dago, etxebizitzen ia % 90 baitago aseguratuta. Arrazoiak, funtsean, historikoak dira, eta aseguru hori maiz kontratatzea eragin dute. 1983ko udan izan zen «tanta hotz» deiturikoaz ari gara; haren ondorioz, bere ondarea aseguratu behar zuela konturatu zen euskal gizartea.

Ohiko etxebizitza aseguratzen duten familiak batez ere Euskal Herrikoak dira.

Galizian, Balearretan eta Kanarietan dago etxebizitza nagusia aseguruaren bidez babesteko joera txikiagoa, baita Ceutan eta Melillan ere.

Etxeko konponketa txikiekin laguntza behar baduzu, Eskutrebe Zerbitzua eskaintzen dizugu. Profesional espezialista baten esku-hartzea eskatzen ez duten lanekin lagunduko dizu.

Zer konponketa egiten ditu Eskutrebe Zerbitzuak?

Faktore horiek guztiak kontuan hartuta, Lagun Aro Aseguruak enpresak urteak daramatza etxe-aseguruetan Eskutrebe Zerbitzua eskaintzen. Estaldura bat da, eta egin ezin dituzun edo egiten ez dakizkizun etxeko konponketak egiteko balio du:

• Sukalde, bainugela eta zurezko osagarrietako altzarien ate txikietan bisagrak aldatzea.
• Leihoak isolatzea: beiraren eta markoaren artean burleta jartzea eta beira silikonarekin finkatzea.
• Kit motako altzariak muntatzea.
• Zurezko aulki, mahai eta oheak kolatzea.
• Entxufe eta etengailuetako edergarriak, bonbillak, neonezko hodiak, fluoreszenteak eta pitzarazgailuak jarri edo aldatzea.
• Lanparak, pareta-argiak edo plafoiak jartzea, kableatua aldatu beharrik ez baldin badago.
• Askatutako txorrotak doitzea eta haien zapatak aldatzea, baldin badauzkate.
• Erradiadoreak purgatzea.
• Bainuontzi, dutxa, konketa eta harraskak silikonarekin zigilatzea.
• Dutxa-telefonoaren euskarria jarri eta konexioa egitea, apal solteak, apalategiak eta, instalazio elektrikoak aldatu behar izan gabe, termofluidoak jartzea eta akaberako pletinak, bi zoru desberdinen arteko juntura-estalkiak eta paretaren izkinako babesgarria jartzea.
• Azuleju-estaldurarik gabeko hormetako zulo txikiak estaltzea.
• Mekanismorik gabeko pertsiana biribilgarriak eta kutxan ezkutatu gabekoak konpondu edo jartzea.

Oso estaldura interesgarria da; profesionalek egiten dituzte konponketak, eta, logikoa denez, ez dira sartzen ez piezak ez materialak.

Eskutrebe Optimoa zerbitzua dugu Etxea Optimoa etxe-aseguruan, baita Etxea Maizterra etxe-aseguruan ere, alokairuan bizi bazara. Urtean behin erabil dezakezu, gehienez bi orduz. Eskutrebe Plus zerbitzua ere eskaintzen dugu, Etxea Plus etxe-aseguruan. Urtean bitan erabil dezakezu, gehienez hiru orduz aldi bakoitzean.

Begiratu Lagun Aroren etxe-aseguruen modalitate bakoitzean sartzen diren estalduren konparazio-taula.

The post Lagun Arok soilik eskaintzen du Eskutrebe Zerbitzua appeared first on Blog de actualidad.

Datu horiek, beraz, gure blogeko estatistiketako bat abalatzen du: gehien irakurri eta iruzkindutako artikulu batek zerikusia du urak etxean eragindako kalteekin.

Urak eragindako kalteen atzetik kristalak haustea dator. Urtean 1,2 milioi kristal hausten dira arrazoi asko direla-eta: misilak diruditen baloiak, ateak eta leihoak zeharkatzen dituzten airera jaurtitako edozein motatako jaurtigaiak….

Itoginak eta kristalak haustea etxe-aseguruak estaltzen dituen ezbehar ohikoenetako batzuk dira, baina gehiago daude: lapurretak, suteak, laguntza, defentsa juridikoa… etxetresna elektrikoetako kalteek, esate baterako, ezbeharren ehuneko handia hartzen dute.

Zorionez, suteak kasu isolatuetan gertatzen dira: beste edozein behar-mota gertatzen den 50 kasuetatik batean. Hasieran aipatu dugun bezala, urak egindako kalteak dira ohikoenak; beraz, ez hartu txantxetan zure hoditeriaren zaratatxoak… balitekeelako lehertzea (minuturo lau lehertzen dira).

Eta, gogoratu: ezbehar horietako bat gertatzen bazaizu, jarri lehenbailehen gurekin harremanetan eta lagunduko dizugu. 944 94 74 28 telefonoan erantzungo dizugu, edo gure webgunearen bitartez

Ezagutu Lagun Aroren Etxebizitza Aseguruaren berritasun guztiak https://t.co/dufpwoxbXo pic.twitter.com/6lFNjrm8G5

— Seguros Lagun Aro (@seguroslagunaro) 8 de marzo de 2017

The post “Urak egindako kalteak”, Etxebizitza ezbeharren jaun eta jabea appeared first on Blog de actualidad.

Irudikatu ezazu egoera hau: astebeteko oporrak hartu dituzu eta itzultzerakoan sukaldetik ateratzen den kiratsak susmarazten dizu arazoren bat dagoela. Ez, ez daukazu gorpu bat lurrean, baina bai desizozten joan diren janari-hondakinak, hozkailua hondatu delako. Zer gertatu da ba? Itzalaldi bat, arazo elektrikoren bat?

Aseguru-etxera deitu ezbeharraren berri emateko eta… Lasaitasuna. Zure aseguru-etxeak lagunduko dizu, hozkailuan zeneukan guztia estaliko baitu.

Kalte horiek estalita daude hotz-ganbera gelditu bada polizaren edozein bermek estalitako gertaera baten ondorioz bai eta kalte elektrikoen ondorioz ere, hala nola kanpoko gaintentsioek, tximistak, instalazioan edo beste gailu batzuetan gertatutako hornidurako alterazioek edo zirkuitulaburrek eragindakoak. Bai eta gailua (10 urtetik beherako antzinatasunekoa) geratzen bada barneko matxura baten ondorioz.

Lagun Aro Etxebizitza aseguru berrian hori da poliza guztietan hobetu ditugun estalduretako bat.

Etxetresna elektrikoetako kalteek ezbeharren ehuneko handi bat hartzen dute zure etxebizitzako polizan; beraz, berme egokia izateak lasaitasun handia eskaintzen dizu etxebizitzan.

Iturria: Asiturfocus

The post Etxeko kalte elektrikoak, zein dago estalia? appeared first on Blog de actualidad.

Gure estaldurak zabaldu ditugu eta beste berri batzuk gehitu, hala nola Etxebizitza Digitala, urruneko laguntza informatikoa eta babes digitala poliza guztietan eskainiz.

Berme berri honek barne hartzen du, adibidez, gorabeherak urrunetik edo telefono bidez konpontzea, bertan laguntza informatikoa ematea, gurasoen kontrola, hodeian datuak konfiguratzea, segurtasun-kopiak egitea, datuak berreskuratzea eta antzekoak. Halaber, babes digitala eskaintzen du irainak ezabatzeko, Internet bidezko jazarpena kudeatzeko edo Internet bidez egindako erosketen erreklamazioetarako aholkularitza jasotzeko.

Estaldura zabalduak

Etxe-aseguru berriak bere estaldurak zabaltzen ditu. Beraz, ondorengo hobekuntzak modu automatikoan gehituko zaizkizu betiere aurretik kontratatuak bazenituen:

• Urak eragindako kalteak: ur-iragazketen ondoriozko kalteak estaltzen dira, baldin eta etxebizitzako bainuontzien, dutxen eta antzekoen tarteetan begi-bistakoa ez den zigilatze-akatsen bat badago; buxadurak libratzea 400 euroko mugarekin; topatzeko gastuak ezbeharrik gertatu gabe edota urak eragindako ezbehar baten ondorioz hezegailuak erabiltzeagatik ohiko kontsumo elektrikoan egondako igoera.
• Eragile atmosferikoak: 80 km/h-ko abiadura baino handiagoko eta 120 km/h-koa baino txikiagoko haizeteek eragindako kalteak estaltzen dira.
• Edukiari eragindako kalte elektrikoak: Aparatu elektrikoetan eta haien osagarrietan gertatutako kalteak estaliko ditugu ezbehar horren jatorria kanpotik etorritako gaintentsio elektriko bat bada (tximista, hornidura-hutsegitea, etab.) edo etxebizitzaren instalazio elektrikoaren zirkuitulabur batek edo beste aparatu batzuek sortutakoek eragin badituzte.
• Istripuz gertatutako beste kalte batzuk, hala nola ikus-entzunezko gailu elektronikoen (telebistak, eramangarriak tabletak, mugikorrak…) pantailetan gerta daitezkeenak.
• Sarrailetako muga 500 euroraino zabaltzea, baita eskudiruarena ere (Optima modalitatean).

Aukerako estaldura berriak

Etxe-aseguru berriak eskaintzen dituen aukerako bi estaldura dira Etxetresna Elektrikoen laguntza (piezekin edo piezarik gabe) eta Asistentzia Plus. Lehenengoak profesionala bidaliko du eta bere gain hartuko ditu eskulanaren hasierako hiru orduak, matxuratu diren eta polizaren kalte-bermeetan estaltzen ez diren marka zuriko etxetresna elektrikoak konpontzeko (10 urte baino gutxiago badituzte).

Polizak kontratatutako bermeek ezbeharra estaltzen ez duten kasuetan eta Asistentzia Plus kontratatua baduzu, hainbat profesionalen eskulana izateko aukera izango duzu, esaterako iturgina, igeltseroak,  sarrailagilea, argiketaria eta abar, eta haien eskulanaren hasierako hiru orduak doakoak izango dira.

Hobekuntza eta estaldura berri hauek guztiak gehitzen zaizkie Lagun Arok lehendik eskaintzen zituenei, hala nola etxeko Eskutrebe Zerbitzua, Laguntza Juridikoa kontsumitzaile edo errentatzailea gisa, etab.

Zure etxe-asegurua kontratatu edo hobetu nahi baduzu, doan deituko dizugu edota zeuk dei dezakezu konpromisorik gabe 944 94 74 28 telefonoetara. ZureEtxeaHobetzen webgunean xehetasun gehiagorekin azalduko dizkizugu zure etxeko aseguruaren berritasunak.

Dagoeneko Lagun Arorekin etxe-asegurua kontratatua baduzu

Etxebizitza Digitala estaldura berria sartu dugu zure aseguruan, izapideak egin gabe eta zure priman kostu estrarik eragin gabe. Gainerako hobekuntzak automatikoki aplikatuko zaizkizu barne hartzen diren estalduretan eta kontratatuta dituzun aukerakoetan.

Jarri harremanetan gurekin zure aseguruko estaldurak aldatu edo aukerako berriak gehitu nahi badituzu.

The post Etxe-asegurua zabaldu eta hobetu dugu appeared first on Blog de actualidad.