Testuinguru horretan, bizitza-asegurua ez da poliza soil bat: gertatzen dena gertatzen dela, zuk eta zure familiak aurrera egiteko babes ekonomikoa izango duzuela jakiteak ematen duen lasaitasuna da. Bizitza une batetik bestera aldatu daitekeelako –gaixotasunen, istripuen, ezintasunen edo heriotzen ondorioz–.

Babesteko erantzukizuna

Bizitzan badira aurrez ikusi ezin ditugun egoerak. Normalean inork ez du horrelakoetan pentsatu nahi, baina norbait ekonomikoki zure mende dagoenean, gogoeta hori saihesteak ez du arriskua desagerrarazten. Aitzitik, erantzukizunez jokatzea da egoera horri aurre egitea.

Bizitza-aseguru batek aukera ematen du behar adinako finantza-segurtasuna bermatzeko –kapital aseguratuaren bidez–, zu falta bazara zure familiaren egonkortasunaren oinarri bihurtuko den babesa eskainiz. Hauek dira, besteak beste, bizitza-aseguruaren abantaila nagusiak:

• Laguntza ematen du zuk etxean egindako diru-sarreren ekarpena ordezten, zure familia partzialki nahiz guztiz horien mende badago.
• Saihesten du ordaindu gabeko zorrak –hipoteka, maileguak, fakturak edo negozio batetik eratorritako betebeharrak ere– zure etxekoen gain izatea.
• Aukera ematen du heriotzarekin lotutako berehalako gastuei aurre egiteko, presiorik gehitu gabe une bereziki delikatu batean.
• Etorkizuneko premiak asetzeko laguntza da, hala nola seme-alaben hezkuntza, etxebizitzen erosketa edo erretiroaren plangintza.

Azken batean, elkarrekin eraiki duzuen bizitza-proiektua babesten du.

Heriotzaz harago

Maitasunak berekin dakar, halaber, behin betikoak izan gabe familia-ekonomiari errotik eragin diezaioketen egoeretan pentsatzea. Horregatik, bizitza-asegurua osatu daiteke aurrekoak bezain garrantzitsuak diren ezustekoak estaltzen dituzten berme gehigarriekin:

• Gaixotasun larriak edo baliaezintasuna: bizi-kalitatea mantentzen laguntzen duten baliabide ekonomikoak eskaintzen ditu, bai eta tratamendu medikoak eta oneratze-saioak egiteko laguntza ere.
• Laneko baja, ospitaleratzea edo osasun-gastuen itzulketa: lana egiteko aldi baterako ezintasunaren, ebakuntza kirurgikoen, proba medikoen edo berreskuratze-saioen aurrean estaldura ematen du.

Izan ere, kontua ez da soilik absentziaren aurka babestea; bizitza aldatzen den uneetan ere eustea da garrantzitsua.

Lasaitasuna, laguntza eta konfiantza

Seguros Lagun Aroren bizitza-aseguruarekin hau guztia izango duzu:

• 24/7 estaldura globala: zauden lekuan zaudela, munduko edozein lekutan.
• Berehalako laguntza lehen egunetik aurrera: legezko kudeaketetan laguntzeko, hala nola bizi-testamentuarekin edo testamentu familiarrarekin.
• Aditu-laguntza: izapide konplexuak egiteko espezialista profesionalek gidatzen zaituzte, bakarrik aurre egin beharrik izan ez diezaiezun.
• Konfiantza sendotua: beren etorkizuna dagoeneko bizitza-aseguru batekin babesten duten 160.000 pertsona baino gehiagoren esperientzian oinarritua.

Maitasuna ez da hitzekin bakarrik adierazten: gertatzen dena gertatzen dela, gehien maite dituzunen egonkortasuna, babesa eta lasaitasuna bermatuta egongo dira.

Bonboiak amaitzen dira. Loreak zimeltzen dira. Baina segurtasunak eta babesak iraun egiten dute.

Eta hori izan daiteke, zalantzarik gabe, maitasuna adierazteko modurik onena.

The post Ahaztu bonboiak: bizitza-asegurua da maitasuna adierazteko modurik onena appeared first on Blog de actualidad.

Hona online entretenitzeko baliabideen hautaketa bat: bideodei dibertigarriak, antzerkia streaming-en, doako argitalpenak, online filmak, zuzeneko kontzertuak… Ziztu bizian pasatuko zaizu denbora!

Jolastu bideodeietan

Houseparty aplikazioa ezagutzen? Ausartu probatzera. WhatsApp, Skype edo Hangouts bidezko ohiko bideodeiekin aspertu bazara, hona aukera berri bat: Houseparty. Izenak berak asko esaten du, ezta?

Bideodeiak egiteaz gain, lagunekin jolas gaitezke doako aplikazio honekin. Deian zauden bitartean, jolasean ibil zaitezke elkarrizketa alaitzeko; gehienez 8 pertsonek jolas dezakete aldi berean. Horregatik, une honetako app-a dela esan dezakegu. Gutxienez, COVID-19agatik etxean atera gabe gauden une honetakoa.

Abantailak: erraz erabiltzen da, eta lagunekin nahiz familiartekoekin dibertitzeko aukera ematen digu. Desabantailak: Housepartyko jolasek ordainduz desblokeatzen diren mailak dauzkate. Houseparty app-a eta bere jolasak ingelesez daude soilik.

Pista bat: erregistratzean, telefono-zenbakia eta Facebook-ekiko konexioa eskatuko dizkizu, baina, ondo erreparatzen badiozu, urrats hori saltatu ahal izango duzu.

Houseparty erabilgarri dago iOs, Android, macOs eta Chrome-rako.

Liburutegien Netflixa: eFilm

eFilm plataforman ikus-entzunezkoak mailegatzen dira streaming bidez liburutegi publikoen erabiltzaileentzat. Bai, bai, ondo ulertu duzu: milaka film, serie, ikastaro, kontzertu eta dokumentalak dituen halako Netflix bat, zure liburutegiari esker ikus dezakezuna.

Liburutegi publikoko karnetari esker, erabiltzaile-izena eta pasahitza dituzu, eFilm-en eta beste zerbitzu digital batzuetan sartu ahal izateko. Asturias, Vigo, Euskadi, Nafarroa, Gaztela eta Leon, Katalunia, Madrilgo… liburutegiek erabiltzen dute plataforma hau. Lehenik eta behin, begiratu ea zure liburutegiak eskaintzen duen zerbitzua.

Bisitatu eFilm-en webgunea

Antzerkia, dantza edo zarzuela streaming-en

Teatrotecan online dantza-klaseak ere aurki ditzakezu. INAEMen plataformak 1.500 titulu baino gehiago eskaintzen ditu, gure egongelatik antzerkia, zirkua eta dantza ikus ahal izan ditzagun. Gainera, haietako askok azpitituluak edo audiodeskripzioa dituzte.

Funtzionamendu berezia du: kontu bat sortu behar duzu, eta aldiro lan bakarra “mailegatu”. Ez badago kopia erabilgarririk, eskatu eta mailegatu arte itxaron beharko duzu. Ondoren, 48 ordu izango dituzu ikusteko.

Beste ekimen batzuek, berriz, etxean euskarazko antzerkiaz gozatzeko aukera ematen digute. Tartean teatroa antzerki-konpainiak Vimeo-n eskaintzen ditu, doan, bere antzezlan osoak. Eskertzeko moduko ekimena, eta berrogeialdian inoiz baino gehiago. Noiz aldizkariak lan eskuragarri guztiak biltzen ditu, besteak beste Ghero, Lingua Nabajorum, Ez dok hiru, Pankreas eta Zergatik, Jamil?.

Irakurtzeko garaia, egongelan nahiz balkoian

Irakurzaleenek (bide batez, emakumezkoek gizonezkoek baino gehiago irakurtzen dute) badakite irakurtzeak ondo sentiarazten gaituela. Baina baliteke irakurtzeko plazera ahaztuta edukitzea.

Ideia ona da liburuak berriro hartzea etxean konfinatuta pasa behar ditugun ordu horietan.

Apalategian duzun liburu hori irakurtzen has zaitezke (erosi eta berehala hor utzi zenuena), edo berriren bat bilatu. Eta, auskalo! Agian irakurtzeko ohitura berreskuratuko duzu, eta zerbait positiboa ateratzen duzu zoritxarreko osasun-krisi honetatik.

→ Doako liburu elektronikoak Amazonen

Merkataritza elektronikoko plataformak, liburu-salmentako puntu nagusia izateaz gain, doako Kindle liburu elektronikoen atala dauka, liburu elektronikoak Kindle gailuetan erraz eta urrats bakar batean sartzeko.

Bertan daude, besteak beste, gaztelaniazko klasikoak eta atzerriko autoreen lanak gaztelaniaz, ingelesez nahiz frantsesez. Iradokizuna: euskarazko liburuak bilatzeko, idatzi “libros gratis euskara”.

→ Liburu-hautaketa bat Casa del Libro-n

Amazon eta horrelako erraldoiengana jo gabe, beste liburu-denda batzuek ere badute doan deskargatzeko sekzio bat. Casa del Libro-ren kasuan, esate baterako. Bertan, argitaletxe askok berrogeialdia pasatzeko doako liburu elektronikoen hautaketa eskaintzen dute.

Eloy Morenoren liburuaren azala, Pablo Zerdaren ilustrazioekin.

→ Etxean geratzeko moduko ipuinak (eta komikiak)

Eloy Moreno idazle ezagunak doako ipuin bat sortu du berrogeialdiko egun hauek dibertigarriak izan daitezen, 7-8 urteko umeak badituzu bereziki. Doako PDFa deskargatu hemen: idazlearen webgunea.

Baina modu dibertigarri eta entretenituan irakurtzeko, komikiak ere aukera ona dira, txoratzen gaituzten ilustrazioekin. Beste autore batzuek, El Torres-ek esate baterako, komikiak oparitzen ditu koronabirusarengatik; El Vosqueren autoreek, berriz, beren lanak igo dituzte  gogoko dituztenentzat.

Hola.
Comparto gratuitamente unos PDFs de algunos de mis cómics, para que podáis echar el rato de aislamiento en casa. Aquí podéis echarles un vistazo.https://t.co/QICt5t6p4i#quedateencasa

— El Torres (@ElTorres72) March 12, 2020

¿Sin lectura para el finde? Hemos puesto los dos primeros Té con Cerveza -recopilatorios de historias cortas altamente random- en pago social en @lektu:

T&C 1: https://t.co/IdW1ijBmqi

T&C 2: https://t.co/fNk6kpo1wX

¡Que aproveche! pic.twitter.com/9dt1T9MET1

— Webcómic El Vosque (@elvosque) March 20, 2020

→ Liburutegi nazionala, digitala

Ez da beharrezkoa liburu elektronikoa edukitzea digitalizatutako milaka dokumentutan doan sartu ahal izateko. Biblioteca Digital Hispánicari esker,  XV. mendetik XX. mendera bitarteko liburu inprimatuak, eskuizkribuak, marrazkiak, kartelak, mapak, prentsa historikoa edota soinu-grabazioak aurki ditzakezu.

Hautatu gaiak, eta gozatu bertako bildumak. Iradokizuna: ikusi atlasen eta material kartografikoaren bilduma: ez duzu handik atera nahiko.

→ Aldizkariak irakurtzeko

Hearst España argitaletxeak bere aldizkarietan doan sartzeko aukera ematen du. Baten bat ezagutuko duzu, seguru: Diez Minutos, Fotogramas, Cosmopolitan, Casa Diez, DeViajes, Elle edo Men’s Health. Guztira, 19 argitalpen daude irakurgarri Kiosco y más plataforman.

→ Berriz kalera ateratzen garenean, liburu-dendak irekita ikusi nahi ditugu

Ekimen honek ez ditu liburuak doan eskaintzen. Liburu-dendak salbatzeko helburua du.

“Llibreries obertes” (liburu-dendak irekita) kanpaina jarri da martxan Katalunian, liburutegiei laguntzeko asmoz, alarma-egoera amaitutakoan ateak berriz ireki ahal izan ditzaten.

Mikromezenasgo gisa funtzionatzen du: liburuak aldez aurretik erosten dituzu, liburu-dendek irekitzean bila joateko, konfinamenduaren ondoren.

Iruñean, Katakrak liburu-dendak ere baliatu du ideia hori, eta “biltze-festarako” gonbidapena egin du:

Biltze festara etorri nahi?https://t.co/sfyo42B9qb

¿Te vienes a la fiesta de recogida?https://t.co/o3DEGGX2IS pic.twitter.com/i1qmgMx2ZI

— katakrak · liburuak (@katakrak54) March 24, 2020

Musika-jaialdia etxean (eta gauza gehiago)

Entzungo zenuen honezkero, albistegi ugaritan aipatu baita ekimena: Ni etxean geratuko naiz Jaialdia. Hainbat artista pasatu dira jaialditik: Amaral, La Pegatina, Pastora Soler, Los Secretos, Monarchy… Artista bakoitzak 30 minutuko zuzeneko emanaldia egiten du bere Instagram profiletik.

Berria egunkariak, bestalde, Berria Aretoa sortu du, emanaldien online aretoa. Egunero, 10:00etan eta 18:00etan, estilo guztietako sortzaileek ikuskizunak eskaintzen dituzte beren etxeetatik. Mikroipuinak, antzerki-piezak, erakusketak, akustikoak, bertsoak… sofatik mundu osora.

Hartu patxadaz: aukeratu gustatzen zaizun zerbait, eta gozatu presarik gabe.

Ikusten duzunez, online eskaintza izugarria da. Berrogeialdia oso luzea izanda ere, ezingo dugu dena ikusi! Zorionez, halako batean #NiEtxeanGeratukoNaiz esateari utziko diogu, eta baliabide gehienak eskuragarri egongo dira oraindik ere, etxean nahi duzulako eta ez behartuta zaudelako geratzen zarenerako. Gogoratu: gure Etxeko zerbitzuek barne hartzen dute urrutiko laguntza informatikoa: oso erabilgarria gerta dakiguke Internetera hiperkonektatuta gauden egun hauetan.

Osasuna!

The post Berrogeialdia pasatzeko online entretenitzeko ideiak appeared first on Blog de actualidad.

Txikien segurtasuna da garrantzizkoena. Gaur egun herritar gehienak jabetuta badaude ere haurrek beren adinaren arabera egokia den aulki mota erabili behar dutela ibilgailuaren barruan doazenean, ondo etortzen da beti haurrentzako aulki hauen araudian aplikatutako azken aldaketak errepasatzea.

Ez dago aitzakiarik. Nahitaezkoa da haurrei eusteko sistemak eramatea ibilgailuetan, eta horretan ez dago salbuespenik. Kontua ez da zehapen administratiboak saihestea –horrek ere eragina izango du zure poltsikoan–; haurrak eta haurtxoak ahalik eta seguruen edukitzea da garrantzizkoena. Logikoa, ezta?

2013an haurrei eusteko sistemei buruzko Europako araudi berri bat ezarri zen, ECE R129 izenez ezagutzen dena, eta i-Size gisa ere bai. Gradualki ezarriko zela erabaki zen, familiek eta fabrikatzaileak behar duten denbora izan zezaten aldaketa horiek ezartzeko.

Eta halaxe ari da egiten.

Egokitzapen horren azken fasean gaude; hirugarrenean, hain zuzen. Horregatik, gaur egun i-Size araudi berri hori indarrean dago 1982ko ECE R44/4 zaharrarekin batera. Baina laster amaituko da hori.

Aurreikusita dago 2021ean araudi zaharrak indarrean egoteari utzi diola; datorren urtean, alegia. Eta, beraz, haur txiki baten gurasoa bazara, gomendatzen dizugu aldaketa hauek aurten ezartzea.

Zer aldatzen da i-Size autorako aulkien araudi berrian?

Gaur egun haurrei eusteko sistemei buruzko bi araudi daudenez indarrean, garrantzitsua da bien arteko desberdintasunak zein diren jakitea. Horrela, jakinaren gainean egongo zara zure prebentzio-sistemak araudia betetzen duen edo ez, baina ez soilik orain, baizik eta datorren urtean ere bai.

Ezagutu behar dituzun alde nagusiak:

• Zaharkituta geratzen da pisuan oinarritutako sailkapena. Orain arte, HES sistemen sailkapena pisuan eta taldeetan oinarritzen zen: 0 taldea (10 kg arteko jaioberriak, 0 eta 0+ taldeak (13 kg arte), 1 taldea (9 eta 18 kg bitartekoak), 2 taldea (15 eta 25 kg bitartekoak) eta 3 taldea (22 eta 36 kg bitartekoak). Errepikatu egingo dugu: sailkapen hau zaharkituta geratuko da araudi berriarekin.
• i-Size sailkapen berriak altuera ere kontuan hartzen du. Araudi berri honek altuera eta pisuaren tartetan katalogatzen ditu haurrak. Konplexuagoa dela iruditzen bazaizu, oker zaude. Aulkien fabrikatzaileak aulki bakoitzaren erabilerarako gomendatutako altuera eta pisua adieraziko ditu, eta bezeroek haurraren fisionomiari ondoen egokitzen zaiona aukeratu beharko dute.
• Kontramartxako aulkiak edo rear-facing motakoak erabili beharra 71 cm arteko edo 15 hilabete arteko adingabeentzat. Haurrei eusteko sistema horiek haurrak babesteko diseinatuta daude, istripua izanez gero martxaren kontrako noranzkoan joanez inpaktuaren energia banatzeko, buruari, lepoari eta sorbaldari kalterik egin gabe, energia gorputz osoan zehar banatuz, lesio oso larriak saihestuz.
• i-Size bereizgarria. Aulkiak berak eta aulki hori jartzeko autoko eserlekuak bereizgarri hori eraman beharko dute.
• Isofix sistema nahitaez erabili beharra. Aulkiei atxikitzeko sistemen ISO estandar bat da, autoetan manufakturatzeko ainguratze-puntu serie bat definitzen duena, aulkiak azkar eta segurtasunez muntatzea ahalbidetuz.

i-Size homologazioa daukaten aulkiek zein altuera eta pisutarako gomendatuta dauden adierazten dute. i-Size etiketak (eskuinekoa), 67-105 cm bitarteko eta 18,5 kg edo gutxiagoko haurrentzat gomendatuta dagoela adierazten du. E4 Herbehereetako homologazio kodigoa.

Haurrek izan ohi dituzten lesioak murriztea

Araudi-aldaketak sistema horien segurtasuna hobetzeko egiten dira, eta, beraz, haurrek istripua edo talka izanez gero jasan ditzaketen lesioak murrizteko. Hona hemen adin-tarte bakoitzean izaten diren lesio ohikoenak:

• 0 – 2 urte: adin-tarte horretako lesio ohikoenak lepokoak izaten dira, bizkarrezurraren hauskortasunagatik eta buruaren tamainagatik sortuak batik bat.
• 2 – 4 urte: adin-tarte horretan lesio gehienak burukoak izaten dira, ornoak ez direlako mugimendu bortitzei eusteko behar bezain sendoak.
• 4 – 10 urte: haurrak, handiagoa denez, sabeleko lesioak izateko joera izango du barne-hemorragiak edo sabeleko lesioak izateko arriskua handitzen delako, organoak ez baitaude behar bezala lotuta abdomeneko egiturari.

Euro NCAP erakundeak egindako autorako aulkien segurtasun-proba.

Probetan, honako hauek ebaluatzen ditu Euro NCAPek: haurrei eusteko sistemek aurrez aurreko inpaktuetan eta albokoetan ematen duten babesa; ibilgailua prestatuta ote dagoen hainbat diseinu eta tamainatako aulkiak instalatzeko; eta ibilgailuan haurrentzako garraio segurua eskaintzen ote duten.

Autorako aulki bat aukeratu aurretik kontuan izan beharreko 5 azalpen

Autorako aulki bat aukeratu behar duzunean ia seguru burura etorriko zaizkizun hainbat zalantza argituko ditugu bost argibide hauetan.

1. Aulki bat i-Size gisa homologatuta ez egoteak ez du esan nahi homologatuta ez dagoenik.
   2018. urtean, aulki berriak lehenagoko ECE R44/4 araudiarekin homologatzeari utzi zitzaion, baina lehendik zeuden modeloak fabrikatzen jarrai daiteke, eta, beraz, erabiltzen ere bai 10 urte gehiagoz. 2038 arte.
2. Ezin da beti jarri homologazio berriko (i-Size) aulki bat edozein ibilgailutan.
   Ibilgailuak homologatuta egon behar du era horretako prebentzio-sistemak erabiltzeko; autoaren erabiltzailearen eskuliburuan egiaztatu ahal izango duzu.
3. Une honetan aulki bat badaukazu autoan (homologatua, noski) ez daukazu aulki berririk erosi beharrik.
   Baina kontuan izan behar duzu i-Size aulkiak seguruagoak direla; bestalde, hurrengo puntua ere kontuan hartu behar duzu.
4. Jada inpakturen bat jasan baduzu zure seme-alabekin, oso gomendagarria da aulkia ordeztea, itxura batean ondo dagoela eman aurren.
   Beharbada kaltetu egingo ziren ainguratzeak, itxiturak edo egitura, eta ikusten ez ditugun deformazioak ere egon daitezke.
5. Orain arte esandako guztia baliagarria da bigarren eskuko aulkietarako ere.
   Jada erabilitako aulki bat aprobetxatu behar baduzu, zirkulazio-istripu batean ez dela egon eta ez dela iraungi egiaztatu behar duzu. Bai, autorako aulkiek eraginkortasuna galtzen dute denborarekin eta erabilerarekin. Fabrikatzaile batzuek zehaztu egiten dute zenbat urtez erabil daitekeen segurtasun-prestazio egokiak mantenduz, eta aulkiaren beraren fabrikazio-data ere adierazten dute.

Azalpen hauekin, gainera, koinatuarena egin ahal izango duzu edozein solasalditan, hanka sartzeko beldurrik gabe.

Haurrak atzeko eserlekuan

Zaragozako Ibilgailuei buruzko Ikerketa Institutuaren bideo honetan azaltzen digute nola eraman behar diren 135 cm edo gutxiagoko altuera duten haurrak, eta zein salbuespen-kasutan ezin diren jarri atzeko eserlekuetan.

The post Autorako aulkien araudiak: horrela daude indarrean i-Size eta araudi zaharra appeared first on Blog de actualidad.

Bizitza-aseguruak gure kartarik onena dira. Ez du bakarrik babesten eta bermatzen zure egonkortasun ekonomikoa: gure mende daudenena –senitartekoak, bestelako onuradunak…– ere bai.

Bizitza-asegurua izanez gero, lasaiago aurre egingo diegu munduko edozein lekutan eta eguneko 24 orduetan gerta daitezkeen gorabehera zailei. Aseguru-mota horren ezaugarri nagusia da familiaren nahiz bestelako onuradunen behar ekonomikoak estaltzea, heriotza edo istripu nahiz gaixotasunagatiko ezintasuna izanez gero.

Baina estaldura batzuk harago doaz. Aseguru-etxe batzuek lineako testamentuaren zerbitzua sartu dugu gure produktuetan. Gaur egun, Seguros Lagun Arok erabat doan eskaintzen du bizitza-aseguruaren modalitate guztietan.

Egin testamentua nahi duzun lekuan eta nahi duzunean

Gure bizitza-aseguruetan sartutako online zerbitzuetako bat da testamentu pertsonal edo familiarra eta bizi-testamentua. Laguntza horrekin, kontratatzaileak eta bere ezkontideak bere testamentu pertsonal edo familiarra eta/edo bizi-testamentua egin dezake Internetez nahiz telefonoz, abokatu bidezko laguntza juridiko pertsonalizatuarekin eta notario aurreko sinadurarekin.

Doakoa eta legezko balioduna

Zerbitzu honek ez du kostu gehigarririk eta legezko balioa du. Prozedura online egin arren, notariotzara joan beharra dago nahitaez dokumentua ontzat emateko eta sinatzeko. Zerbitzuaren ezaugarri nagusiak:

• Doako sarbidea testamentu pertsonal edo familiarra eta/edo bizi-testamentua Internetez nahiz telefonoz egiteko.
• Oinordetza-zuzenbidean aditua den abokatu baten aholkularitzarekin eta erredakzioarekin.
• Aseguruaren kontratatzailearen etxebizitzatik hurbil dagoen notariotza batean sinatzeko aukera, edo bere etxebizitzan bertan, mendekotasunen bat badu edo mugikortasun-eza.
• Zerbitzuaren barruan dago, halaber, gaixoen edo ezinduen notario-ahalordea egitea eta sinatzea, betiere ahalorde horrek zerikusirik badu oinordetza-izapideekin.
• Notarioaren tasak sartuta daude. Zerbitzu honetatik eratorritako beste edozein gastu aseguratuaren kontura izango da.

Lineako testamentua 4 urratsetan kudeatu

Testamentua egiteko prozesua oso erraza da. Testamentu pertsonaletan eta bizi-testamentuetan, prozesua azkarra, legezkoa eta erabat segurua izango da, eta 4 urrats izango ditu:

Testamentu pertsonalaren edo familiarraren urratsak

1. Inprimakia beteko duzu dokumentua erredaktatzeko behar den informazioarekin (notariotzetan izaten dutenaren oso antzekoa).
2. Testamentua egitea. Testamentua erredaktatu eta egingo dizun abokatua esleituko dizugu.
3. Hitzordua hartuko dugu zure etxebizitzatik gertuko notariotza batean, ahal duzunean testamentua egitera joan zaitezen.
4. Testamentua sinatuko duzu. Notariotzara joan eta sinatu besterik ez duzu egin beharko. Notariotzako sinadurarako beharrezkoa izango balitz, abokatuak lagunduko zintuzke.

Bizi-testamentuaren urratsak (edo Borondate Aurreratuen Dokumentua)

1. Aurretiko aholkularitza integrala bizi-testamentua egiteari buruz, zure egoeran zer den egokiena kontuan hartuta. Bizi-testamentuan –Borondate Aurreratuen Dokumentua ere esaten zaio– zehazten dira baimendutako tratamenduak eta balizko organo-ematea, ordezkari bat izendatzen da, eta zer hileta nahi den adierazten da, norbere borondatea pertsonalki adierazi ezin den kasuetarako.
2. Sinadura kudeatzea aseguratuari ondoen datorkion notariotzan. Han inskribatuko dute Borondate Aurreratuen Dokumentua dagokion Autonomia-erkidegoko Erregistroan.
3. Pazientearen historia klinikoan sartuko da. Borondateen Dokumentua kontsultagai izango dute, estatu mailan, autonomia-erkidegoetako osasun-zerbitzu guztiek. Alegia, ez da ezer gertatuko beste Autonomia Erkidego batera bizitzera joanez gero: denak daude konektatuta Aurretiazko Jarraibideen Erregistro Nazionalera.
4. Medikuak Borondate Aurreratuen Dokumentua edo Historia Klinikoa kontsultatuko du, bere borondatez edota ordezkariak zein senitartekoren batek hala eskatuta.

Egin ondoren, nire testamentua alda dezaket?

Bai. Testamentua jada notariotzan sinatu arren, Seguros Lagun Aroren testamentu-zerbitzuak aukera emango dizu, bai zuri eta bai zure ezkontideari, urtean behin aldatzeko. Horretarako, sartu berriro zerbitzuan lehen azaldu dizugun bezala.

Garrantzitsua da jakitea Bizi Testamentuaren edo Borondate Aurreratuen Dokumentuaren kasuan pertsonaren erabakiak lehentasuna izango duela dokumentuan jasotakoaren gainean. Hau da, norbaitek etorkizunerako jarraibideak dokumentu batean idatzita utzi arren, dokumentua edozein unetan alda edo erreboka daiteke, pertsona horrek erabakiak hartzeko gaitasuna duen bitartean.

Nola sartu zerbitzuan

Seguros Lagun Aroren bizitza-asegurua baduzu eta Lineako Testamentuaren zerbitzuan sartu nahi baduzu, deitu 944 94 74 28 telefonora 09:00etatik 18:00etara astelehenetik ostiralera (jaiegun nazionaletan izan ezik).

Telefonoz emango dizugu webgunean sartzeko kodea, eta bertan egin ahal izango du testamentua, betiere abokatu baten laguntzarekin. Halaber, izapide guztiak telefonoz egiteko aukera ere eskainiko zaizu, operatzaile batek bitartekari lana eginez, webgune horretan bertan.

Kontratatu nahi baduzu edo informazio gehiago nahi baduzu

Seguros Lagun Aro aukeratzen baduzu lineako testamentua barne hartzen duen bizitza-asegurua kontratatzeko, kontuan hartu lineako testamentua sartuko dela aukeratzen duzun edozein modalitatetan. Informazio gehiago behar izanez gero, deitu 944 94 74 28 telefonora, erabili gure txata, edo galdetu zure aseguru-artekaritzan.

The post Lineako testamentua zure bizitza-aseguruan. Zer da? appeared first on Blog de actualidad.

Etxeko gasturik ohikoenak

Hasteko, aipa ditzagun etxeko gasturik ohikoenak. Haietakoren bat ez ordaintzeko libre bazara, pisu bat gutxiago duzu zure familia-aurrekontua aurrerago prestatzeko.

Honako hauek dira ohikoenak:

• Hipotekaren ordainketa: argi dago aukerarik onena hautatu behar duzula kontuan hartuta ia bizi osorako izango dela; askotan, ezkontzak edo izatezko loturak berak baino gehiago ere irauten du.
• Janaria: hileko gasturik garrantzitsuenetakoa da, dudarik gabe. Ume txikiak badauzkazu, laster egiaztatuko duzu ez dakartzatela besapean ogi bat, baizik eta hilero hainbat euro gastatu beharko dituzula osasuntsu eta sendo haz daitezen.
• Argia, ura, telefonoa: itzali argiak logela hutsik dagoenean, itxi uraren txorrota hortzak garbitzean, dutxatu bainatu beharrean,… Hartzen joango zaren ohituretako batzuk dira, eta seme-alabei irakatsiko dizkiezu hilean hainbat euro aurrezten saiatzeko.
• Autoaren asegurua: nahitaezko gastua da; segurtasun osoz ibili nahi baduzu, ezinbestekoa da. Edonola ere, informa zaitez eta konparatu aseguru-etxeek eskaintzen dizutena. Aseguru-etxe batzuek, hala nola Lagun Arok, hobariak eskaintzen dituzte frankizian.
• Aseguru medikoa: ez da nahitaezkoa baina gero eta familia gehiagok erabakitzen du aseguru pribatu bat kontratatzea osasun publikoko itxaron-zerrendak saihesteko, batik bat seme-alaba txikiak dituztenean. Hileko zure aurrekontuan pixka bat baino gehiago ere izango da.

Lehen begiratuan bideraezina badirudi ere, gastu horiei guztiei aurre egiteko modurik onena zure familia-ekonomiaren agintea hartzea da. Eta zure buruari galdetuko diozu, baina nola? Ez kezkatu, guk lagunduko dizugu eta. Gogoan hartu.

Ezagutu zure ekonomia familia-aurrekontu bat prestatuz

Gure kontuak kontrolatzeko modu onena familia-aurrekontu bat prestatzea da, zure diru-sarrerak eta gastu guztiak zein diren jakiten hasteko. Zure gastuak egunean edukitzeko modurik onena izateaz gain, zure diruari ahalik eta etekin handiena ateratzen lagunduko dizu.

Hasieran ahalegin txiki bat egin behar bada ere, familia-aurrekontu bat egiteak abantailak dauzka:

• Agur esango diozu “Ez dakit zertan joaten zaidan dirua!” esateari. Jakingo duzu benetan zertan gastatzen duzun dirua. Gehienetan gastu txikiak izango dira, eta haiek detektatu eta gutxitu ahal izango dituzu, hilabete-amaieran horrenbeste igo ez daitezen.
• Lehentasunak ezarriko dituzu gastuetan. Beharrezkoak ez diren gastuak, ezinbesteko gastuak eta inbertsiotzat har daitezkeen gastuak bereiziko dituzu.
• Asko, gutxi edo ezer ez aurrez dezakezun jakingo duzu. Gastatzen duzunaren jakitun izatean aurreztea planteatu dezakezu. Datuak eskura izanik, hilero kopuru txiki bat gordetzea erabaki dezakezu.
• Etorkizunari begira, aurreikuspenak egin ahal izango dituzu, bai eta epe luzerako helburuak finkatu ere.
• Larrialdietarako funts txiki bat edukitzea, ezusteko gastuetarako. Larrialdirik izanez gero, erabili ahal izango duzu.

Zeure aurrekontua prestatzen hasteko adibidea

Egin behar duzun lehenengo gauza oharrak idaztea da. Hartu papera eta arkatza (Excel, ohar-aplikazioa edo tableta digitala, hala badagokio) eta kalkulagailua. Bi zerrenda egiteko unea da, diru-sarreretakoa bata eta gastuetakoa bestea. Oinarrizkoa dirudi, baina diru-sarrerak eta gastuak bi zutabetan irudikatzeak gastu jakin batzuk kontuan ez hartzeko posibilitatea murrizten du, eta erabakiak hartzen lagunduko digu.

1. DIRU-SARRERAK: Hasteko, gehitu familiaren diru-sarrerak lehenengo zutabean hala nola nominak, pentsioak, diru-laguntzak edo diruzko edozein sarrera. Zintzo jokatzea eta gasturik ez ezkutatzea gomendatzen dizugu. Kontuan izan ezazu aurrekontua “apaintzen” baduzu, zure burua eta zure familia bakarrik ariko zarela engainatzen, ez beste inor.

2. GASTUAK: Erregistra itzazu hileko gastu guztiak, eta bereiz itzazu ordainketa-motaren arabera.

• Nahitaezko gastuak: Gehitu itzazu ordaintzeko betebeharra duzun familia-gastu finkoak, hala nola hipoteka, alokairua, komunitateko gastuak edota maileguak.
• Beharrezkoak diren gastuak: Murriztu baina ezabatu ezin diren gastuez ari gara, hala nola gasaren ordainagiriak, argindarrarenak, telefoniakoak, etab., edota elikagaien erosketa.
• Bazter uzteko moduko gastuak: Beharrezkoa denean ezaba ditzakegunak sartzen dira mota honetako gastuetan. Noizbehinkakoak edo ohikoak izan daitezke, hala nola etxetik kanpoko otorduak, mugikorra berritzea, ihesaldi bat, bilduma berriko arropa, liburu berri bat, etab., zeinak familia-gastua puzten baitute. Bizitzak ematen dizkigun kapritxoak dira, azken finean; baina geure buruari galdetu beharko genioke ea gutxiago gasta dezakegun.

Zure aurrekontuan aintzat hartu beharreko 4 aholku

Gogoan izan:

• Aurrekontuaren azken helburua da diru-sarrerek etxeko gastu guztiak estaltzea. Hasieran hori lortzen ez baduzu, aurrekontua ondo berrikusi eta gastuak gutxitzen saiatu beharko duzu. Hasi noizbehinkakoak direnekin. Hala uste ez baduzu ere, zer egina egon baietz.
• Barne hartu aurrezkia gastu finkoa balitz bezala. Hala uste ez baduzu ere, oso onuragarria da. Alde batetik, konturatu gabe, koltxoi bat sortzen joango zarelako, larrialdietarako nahiz helburu zehatzetarako laguntza handia eskainiko dizuna: ikasketak, prestakuntza, ibilgailua, etxeko erreformak, etab.
• Jarri helburuak zure buruari: Aurrezkira bideratu kopuru finko bat hilero. Zure diru-sarreren % 10 edo ondo datorkizun kopurua horretarako erabil dezakezu. Aseguru-etxeek pixkanaka aurrezten lagun zaitzaketen aurrezki-planak ere eskaintzen dituzte. Aurrezki esklusiboa ‘15 plana Lagun Aroren modalitate sinpleena eta erosoena da aurrezteko. Pentsatu hilero 50€ bideratzen badituzu, urte-amaieran 600€ aurreztuko duzula.
• Konprometitu eta egunean izan aurrekontua. Zuen familiako ekonomia kontrolatzeak lasaitasuna emango dizue.

finanzasparatodos.es webguneak fitxa eta artikulu ugari eskaintzen ditu, eta zure ekonomia pertsonala kudeatzen lagunduko dizute. Egiteko prest bazaude, oso baliagarria izango zaizu urratsez urrats nola prestatu zure familia-aurrekontua.

The post Nola kontrolatu familia-gastuak: familia-aurrekontua appeared first on Blog de actualidad.

Haurrekin bidaiatzeko musika

Ez da erraza pertsona askorekin bidaiatzen duzunean musika hautatzea, baina, pertsona horiek haurrak badira, are gehiago zailtzen da gauza. Oreka aurkitzean dago gakoa, baina baita txikienei eta guri gustatuko zaizkigun abestiak hautatzeko denbora hartzean ere. Bai, badakigu hain zuzen ere denbora falta ohi zaigula. Hori dela-eta, Spotify-ko zenbait zerrenda hautatu ditugu, bidaia atseginagoa izan dadin, eta, bereziki, haurrak entretenituta egon daitezen bidaiaren zati handi batean:

Sing Along: ingelesezko abestiak ia bi orduz, tartean Disney-ren “Under the Sea”.

Jolasteko eta abesteko musika: 54 abesti tarte luze batez jolasteko eta abesteko

Family Road Trip: abestu familian errepideko bidaietako 62 klasikorekin

Lagunekin abestea

Baina lagunekin bazoaz bidaian eta gustuko baduzue arnasa betean abestea, hona hemen ingelesezko eta gaztelaniazko abesti onenen zerrenda batzuk. Berehala joango zaizue denbora iraganeko, oraingo eta etorkizuneko abestiak entzuten dituzuen bitartean:

Songs to sing in the car: 3 milioi eta erdi jarraitzaile baino gehiago dituen zerrenda, 5 ordu eta erdiz musika entzuteko

Cantar en el coche: Fito, Maldita Nerea, Celtas Cortos, Amaral, Bongo Botrako, Morat… Zerrenda “txikia” da… 13 ordukoa!

Zeure kasa abestea

Aldiz, bakarrik bidaiatzeko asmoa baduzu, bide osoan lagun egingo dizun zerrenda ezin hobea aurkitzea da onena. Hori dela-eta, lurretik, itsasotik nahiz airetik zoazela bidaia atsegin bihurtuko dizuten musika-estilo desberdinetako abestiak eta arrakasta nazional eta nazioartekoak proposatzen dizkizugu.

¿Te gusta conducir?: Izhanen abesti gogokoenak, “pentsatu nahi duzunerako, hodeitsu dagoenerako edo errepidean zoazenerako”

Voyage en avión: erreprodukzio-zerrenda lasaigarria, eta zen puntu bat duena, hegazkinean zoazenean lo egin ahal izateko

Classic road trip songs: Johnny Cash, Bruce Springsteen, Van Halen, The Doors… Klasiko handiak gidatzen ari zarenerako

Euskaraz eta katalanez bidaiatzea

Euskarazko abestiez osatutako erreprodukzio-zerrendak ere aurkitu ditugu, urrun bidaiatzen dutenek herria hurbil senti dezaten. Hainbat talderen abesti bikainak ditu (adibidez, Vendetta, Gatibu…), bidaia atseginagoa izan dadin:

Euskera: euskarazko eta gaztelaniazko abestiak aurkituko dituzu 154 abesti hauen artean

Nora kotxea: ezin hobea bidaia laburrak egiten dituzunean edo haurrekin bidaiatzen duzunean

Katalanezko erreprodukzio-zerrendak ere badaude, runba katalanaz eta uneko abesti entzunenez gozatzeko; horrela, laburragoa egingo zaizu bidaia:

Rumba catalana: runba katalana eta katalanezko abesti ugari hainbat orduz

Musika katalaneko Top 100 zerrenda: La Pegatina, Els Catarres, Manel… 121 abestiz osatutako Top 100 zerrenda batean!

Atseden hartzeko eta erlaxatzeko bonus track

Eta, amaitzeko, udak eta oporrak atseden hartzeko eta erlaxatzeko ere badira. Horregatik, abesti instrumentalak, baladak eta chill abestiak konbinatzen dituzten erreprodukzio-zerrenda batzuk eskaintzen dizkizugu, ezin hobeak indarrak hartzeko eta gozatzeko.

Relax & Unwind: jar zaitez hamakan, itxi begiak eta gozatu musika-hautapen honetaz

The post Play botoia sakatu eta gozatu oporrez appeared first on Blog de actualidad.

Telefónica Fundazioaren 2017ko Espainiako Gizarte Digitalaren Txostenaren arabera, 16 eta 74 urte bitarteko 24 milioi espainiar konektatzen dira egunero Internetera (guztizkoaren % 64): gazteen % 98 eta 65 eta 74 urte bitarteko helduen % 43,7. Horrela, bada, ez da harritzekoa paradigma digital honek gure bizitzak goitik behera aldatu izana, lan egiteko, erosteko, komunikatzeko eta harremanak izateko modua ere aldatuz. Bestela esanda, gaur egun herritarren gehiengo handi batek ezingo luke Internetik gabe bizi.

Baina agian ez duzu jakingo sarean nabigatzen dugun bakoitzean Internetek entzun egiten gaituela eta uzten dugun informazio guztia jasotzen duela, gure robot-erretratu bat osatu arte, hau da, uste baino publikoagoa den hatz-marka digital bat, Internet Society webguneak jasotzen duen moduan.

Zer da hatz-marka digitala?

Interneten sartzen garen bakoitzean uzten ditugun arrasto edo “ogi-mami” guztiak dira. Sare sozialetako argitalpenak edo iruzkinak izan daitezke, edo sartzen garen edukia, edo erabiltzen ditugun aplikazioak. Gustatu ala ez, sarean egiten dugun guztiak asko esaten du guri buruz, eta are okerragoa dena da, hain zuzen, zer gustatzen zaigun eta zer ez ikusten uzten duela. Eta zure buruari galdetuko diozu…. Zergatik da hain garrantzitsua? Internet Society-k jasotzen duen moduan, informazio hori guztia balio handikoa da enpresentzat eta iragarkiak jartzen dituztenentzat, oso erraz ikus dezakete beste pertsonek, eta datu-baseetan gorde daiteke edukiak kontsumitzaile espezifikoen merkatuetara orientatzeko Eta kasurik okerrenean, zibererasoak edo jazarpenak ekar ditzake.

Lagun Aron jabetuta gaude aldaketa horiek guztiekin eta Internetek zure eguneroko bizitzan duen garrantziaz. Horregatik, harago joan nahi izan dugu etxeko aseguru osoago bat eskaintzeko, duela gutxi azaldutako berme hobeekin eta zerbitzu berriekin. Telefono bidezko eta/edo urruneko laguntza informatikoa sartzeaz gainera, gure Etxeko aseguru guztiek babes digitaleko estaldura ere badute kostu gehigarririk gabe.

Zein zerbitzu sartzen dira Babes Digitalaren estalduran?

Gurasoen kontrola

Seme-alaba adingabeak badituzu, zerbitzu hau oso baliagarria izango zaizu. Seme-alabak sartzen diren webgune eta edukien motak kontrolatzeko aukera emango dizu. Erabiltzen dituzten sare sozialak gainbegiratu ahal izango dituzu, sartutako webguneak, zenbait web-aplikazio eta -eduki blokeatu, eta jasotzen dituzten deiak eta mezuak kontrolatu.

Irainak ezabatzea

Zure datuak publikoki agertu izanaren abisua emango dizu zerbitzu honek. Batik bat Google-en oinarritzen da, maila nazionalean nahiz nazioartean nagusi den bilatzailean, hain zuzen, eta sare sozialetako eduki publikoen zatian ere bai, eta ezabatze digitalaren zerbitzua aktibatzeko aukera ematen du, nahi izanez gero.

Interneteko jazarpena kudeatzea

Foroetako edo sare sozialetako jazarpenaren kasuan, lege-lantalde espezializatu baten laguntza baliatu ahal izango duzu. Beharrezkoa izanez gero, froga osatzen duen informazio guztia kudeatu eta taldekatuko du epaiketan balio duen txosten bat osatzeko.

Zerbitzu hori eskatzeko, beharrezkoa den informazioa eskatzen duen inprimaki bat erabili behar duzu. Hortik aurrera, agente bat zurekin harremanetan jarriko da datuak berresteko eta izapideak hasteko.

Internet bidez egindako erosketen erreklamazioetarako aholkularitza

Sarean egiten dituzun erosketei dagokienez dauzkazun eskubideak zein diren ere jakin ahal izango duzu, zuzenean azken aurrerapenen berri izateko aukera emango dizun aholkularitza-zerbitzu baten bidez.

Datuak Babesteko Agentziaren (DBA) aurrean erreklamazioak egitea

Aholkularitza izateko eta Datuak Babesteko Agentzian baimenduta ez dauden zerbitzuek zure datu pertsonalak erabili izanagatiko erreklamazioak egiteko aukera emango dizu, beharrezkoa izanez gero.

Hatz-marka digitala ezabatzea

Saretik informazio pertsonala ezabatzeko zerbitzu bat da, batik bat bilatzaileetan eta sare sozialetan oinarritua. Beharrezkoa izanez gero, zerbitzua abian jartzeko nahikoa izango duzu informazioa agertzen den URL helbideak ematea.

Laguntza eta aholkularitza Interneten gehiegizko denbora-kasuetan

Oso gomendagarria seme-alaba adingabeak izanez gero. Estaldura honen bidez adingabearen ordenagailuaren edo gailu mugikorraren erabilera-denborari buruzko analisia egiten da, eta alerta-txosten bat osatzen da, bai eta erabilera arduratsua egiteko gomendioak eman ere. Zerbitzu honetan gurasoen kontroleko softwarea instalatu behar da lehenago, eta 15 egun behar dira gutxienez datuak bildu ahal izateko. Egiaztatu behar da, baita ere, guraso/legezko tutoreak zein familia-lotura duen gainbegiratu nahi den adingabearekin.

Informazio gehiago nahi izanez gero, joan ZureEtxeaHobetzen webgunera eta bertan aurkituko dituzu zerbitzuaren xehetasun guztiak. Lagun Arorekin etxeko asegurua kontratatuta badaukazu, estaldura hau sartuta daukazu eta kostu gehigarririk gabe priman.

The post Badakizu zer den hatz-marka digitala? appeared first on Blog de actualidad.

2007 urteaz geroztik, Heriotza-estaldurako Aseguru Kontratuen Erregistroa kontsulta dezakezu. Datu-base publiko bat da, Justizia Ministerioaren mendekoa, eta hor egiazta dezakezu hildako edozein pertsonak bizitza-aseguru bat zeukan ala ez.

Izan ere, erregistro hori ireki zen arte, bizitza-aseguruen % 10 ez zen kobratzen, senitartekoek ez zekitelako hildakoak halako aseguru bat zeukala. Orain, edozein pertsonak eska dezake informazioa Erregistroan, Internet bidez nahiz bertara joanez. Hori bai, heriotza-datatik gutxienez 15 egun baliodun igarotakoan egin daiteke, eta 5 urte arte gehienez.

Nola kontsultatu heriotza-estaldurako aseguru-kontratuak:

• Internet bidez Justizia Ministerioaren webgunean, mjusticia.gob.es, “Herritarrenganako arreta” sekzioko “norberaren izapideak” atalean (ziurtagiri digital bat eduki behar da, NAN elektronikoa adibidez).
• Bertara joanez. [Ministerioaren beheko oharra ikusi] Lehendabizi, 790 eredua deskargatu beharko duzu Ministerioaren webgunetik edo Justizia Ministerioaren 23 Lurralde Kudeatzailetzetako batean eskuratu. Madrilen bazaude, Herritarrentzako Arretarako Bulego Nagusira joan zaitezke (Jacinto Benavente plaza, 3).

OHARRA: HERRITARREI ARRETA – COVID-19

Bete ondoren, tasa bat ordaindu behar duzu (gaur egun 3,74 eurokoa da).
Tasa ordaindu izanaren egiaztagiriarekin batera, dokumentazio guztia aurkeztu beharko duzu Azken Nahien Erregistro Orokorrean edo Justizia Ministerioaren Lurralde Kudeatzailetza batean.

7 eguneko epean, Erregistroak ziurtagiri bat jaulkiko du indarrean dauden kontratu guztiak adieraziz eta zein entitaterekin sinatuta dauden zehaztuz. Ziurtagiria eskatutako modu berean jaso beharko duzu (pertsonalki edo postaz).

Ziurtagiria eskuan duzula, aseguru-etxera jo ahal izango duzu onuraduna zaren edo ez jakiteko eta erreklamatzeko, egoki bada, dagokizun kalte-ordaina.

The post Nola jakin senitartekoren baten bizitza-aseguruaren onuraduna naizen ala ez? appeared first on Blog de actualidad.

Zalantzarik gabe, Interneten garapenak aldatu egin du komunikatzeko modua, eta duela gutxi arte pentsaezinak ziren aurrerapenak ekarri ditu. Online erosten eta saltzen dugu, whatsapp bidez geratzen gara, informazioa lortzen dugu, gure bizitzak argitaratzen ditugu, youtuber-ei jarraitzen diegu, master bat ikasten dugu, gure historia medikoa berrikusten dugu… Gauza miresgarri horiekin guztiekin batera, kezka berriak ere ekarri dizkigu Internetek.

Batez ere nerabezaroan dauden seme-alabak ditugunoi: kezkatu egiten gaitu hiperkonexioak eta sare sozialetan agerian jartzeko moduak, batez ere eskuetatik alde egiten digula sentitzen dugunean. Horixe bada zure kasua, jakingo duzu Instagram bere storiesekin eta WhatsApp-eko mezuak direla seme-alabaren habitat naturala; eta mugikorra haren eskuaren luzapen natural moduko bat.

Eskolara edo institutura itzultzean, ordena pixka bat jartzeko garaia heltzen da, ez badugu haserre bizian jarri nahi. Nola egin dezaket hori? Profesionalek behin eta berriro esaten dute hauxe dela prebentziorik onena: ingurune konplexu horretan heztea, jarduera gainbegiratzea (ez kontrolatzea), eta arau eta muga batzuk ezartzea.

Gazteen % 89k gurasoen aholkuak jaso ditu

Hala da. 2014an Barne Arazoetako Ministerioak Interneten erabilerari eta segurtasunari buruz egindako inkesta baten arabera, gazteen % 89k gurasoen aholkuak jaso ditu, eta erabilgarritzat jotzen ditu % 92k.

Seme-alabekin erabilgarriak izango zaizkizun gidalerro batzuk:

• Azaldu iezaiozu zergatik diren onak edo txarrak webgune batzuk, eta lagundu kritikoki pentsatzen linean aurkitzen dutenari buruz.
• Erakutsi Internet segurtasunez erabiltzeko moduak.
• Eseri beraiekin Internet erabiltzen duten bitartean (zer egiten duten ikusiz baina parte hartu gabe).
• Iradoki Interneten beste pertsonekin nola jokatu.
• Komentatu zer egingo lukeen egunen batean Interneteko zerbaitek kezkatu edo atsekabetuko balu. Saihestu bizkor epaitzea eta lagun iezaiozu eroso sentitzen laguntza eskatzen dizunean.
• Ezagutu eta erabili gurasoen kontroleko tresnak. Nolakoak diren kontatuko dizugu aurrerago.

Zibersegurtasuneko Institutu Nazionalaren IS4K webgunea eta Eusko Jaurlaritzaren “Internet eta teknologia berriak. Hitz egingo dugu familiartean?” gida bisitatzea gomendatzen dizugu, biek oso jarraibide erabilgarriak ematen baitituzte seme-alabei Internet segurtasunez eta erantzukizunez erabiltzen laguntzeko.

Babes digitala etxeko aseguruan sartuta

Lagun Aron jabetuta gaude kezka horretaz, eta gure etxeko asegurua hobetu dugu Etxebizitza digitala zerbitzuarekin. Orain, modalitate guztietan eta kostu estrarik gabe, laguntza informatikoaz gainera Babes digitala ere ematen da.

Zer esan nahi du horrek? Babes digitala zerbitzuak 24 orduko telefono bidezko arreta eskaintzen du, urteko 365 egunetan, honako hauei buruz: Interneteko gurasoen kontrola, laguntza eta aholkularitza Interneten denbora gehiegi ematen denean, sareko jazarpenaren kudeaketa, etab.

Gure Etxeko aseguru guztiek barne hartzen dituzte laguntza informatikoa eta babes digitala, kostu estrarik gabe.

Gurasoen kontrolaren zerbitzua

Gurasoen kontrola zerbitzu oso erabilgarria da gurasoentzat, zerbitzu horrekin adingabeak zein motatako webguneetan sartzen diren jakin baitezakegu eta sarean zer nolako jarduera duten ere bai. Etxeko asegurua Lagun Arorekin badaukazu, telefono bidezko aholkularitza jaso dezakezu gurasoen kontrolaren softwarea instalatzeko, konfiguratzeko eta erabiltzeko moduari buruz. Zerbitzu honek software oso baten urteko lizentzia bat ematen du PC edo MAC ordenagailuaren edo gailu mugikorraren erabilera monitorizatzeko.

Horri esker, haien jarduera gainbegiratu ahal izango duzu sare sozialetan, jasotako edo egindako deietan, jasotako edo bidalitako SMS mezuetan, bisitatutako webguneetan, eta, gainera, aplikazioen edo webguneen erabilera blokeatu ere bai. Zerbitzu hau erabiltzeko, hitzordua eskatu behar duzu lehendabizi, gurasoak eta/edo legezko tutoreak gainbegiratu nahi duen pertsonarekiko —adingabearekiko— duen familia-harremana egiaztatu behar baita.

ZureEtxeaHobetzen webgunean azaltzen dizkizugu etxeko aseguruaren berrikuntza hori eta beste batzuk.

Gurasoen kontrolaz gainera, agian interesatuko zaizkizun beste zerbitzu batzuk ere eskaintzen ditu Babes digitalak (Interneteko jazarpena kudeatzea, irainak ezabatzea, hatz-marka digitala ezabatzea…) Etxebizitza digitala zerbitzuaren barruan Babes digitala eska dezakezu, eta telefono bidezko Aholkularitza informatikoa ere bai, hurrengo post-etan tratatuko ditugun gai desberdinei dagokienez.

The post Nola lagundu gure seme-alabei Internet erantzukizunez erabiltzen appeared first on Blog de actualidad.