Zer esaten du patineteei eta bizikletei buruzko araudiak?

Istripuei buruz hitz egin aurretik, garrantzitsua da jokoaren arauak ezagutzea. Espainian, Trafiko Zuzendaritza Nagusiak (DGT) arautzen ditu patinete elektrikoak eta bizikletak, eta udal bakoitzak araudi gehigarriak aplika ditzake. Kontuan hartu beharreko gako batzuk:

• Patinete elektrikoak: Ezin dute espaloietatik eta oinezkoen guneetatik zirkulatu, eta gehienez 25 km/h-ko abiaduran joan behar dute. Gainera, nahitaezkoa da kaskoa jarrita eramatea. 2024az geroztik, DGTk kontrol gehiago egiten ditu eta zehapen zorrotzagoak ezartzen dizkie araudia betetzen ez dutenei.
• Bizikletak: Galtzadatik zirkulatzen ari direnean, zirkulazio-arauak errespetatu behar dituzte, beste edozein ibilgailuk bezala. Hiriarteko bideetan, kaskoa derrigorrean jarrita eraman behar da. Gainera, komenigarria da argia eta elementu islatzaileak eramatea, ikuspena hobetzeko.
• Asegurua: Estatuan nahitaezkoa ez den arren, hiri batzuk patineteetarako eta bizikleta alokatuetarako erantzukizun zibileko aseguru bat edukitzeko betebeharra ezartzen ari dira jada. Era berean, MPIen aseguru espezifiko bat izatea komeni da, edozein ezustekotarako.

Zer egin patinetearekin edo bizikletarekin istripu bat izanez gero?

Ibilgailu horietako batekin istripuren bat izanez gero, oso garrantzitsua da azkar jardutea eta urrats egokiak egitea, zure segurtasuna eta zure eskubideak babesteko:

1. Lasai egon eta zure egoera ebaluatu. Lesioak izanez gero, deitu berehala 112ra.
2. Eremua aseguratu. Istripua galtzadan gertatu bada, saiatu leku seguru batera baztertzen.
3. Probak jaso. Atera argazkiak lekuari, inplikatutako ibilgailuei eta eragindako edozein kalteri.
4. Inplikatuak identifikatu. Tartean beste ibilgailu edo oinezkorik badago, eman elkarri zuen datuak eta, ahal izanez gero, lortu lekukoak.
5. Behar izanez gero, poliziari Istripuak kalteak eragin baditu edo erantzukizunari buruzko eztabaida pizten badu, atestatu ofizial bat egitea komeni da.
6. Jarri harremanetan zure aseguruarekin. Patineterako edo bizikletarako poliza espezifiko bat baduzu, lehenbailehen eman ezbeharraren berri.

MPI batekin istripu bat izan ondorengo erantzukizun zibilari dagokionez, oro har, patinete elektrikoaren gidaria izaten da eragindako kalte pertsonalen nahiz materialen erantzulea. Aseguru bat edukitzea nahitaezkoa ez bada ere, oso gomendagarria da; izan ere, asegururik ez duen gidariak bere ondarearekin ordaindu behar lituzke kalte-ordainak. Kaltetuak kalte-ordain bat erreklamatzeko eskubidea du jasandako kalteengatik, estrajudizialki –zuzeneko akordioa lortzen bada gidariarekin edo haren aseguruarekin– nahiz judizialki –akordiorik lortzen ez bada–. Istripua alkoholaren edo drogen eraginpean gidatzeagatik gertatu bada, prozesua penala izaten ahalko da, eta halakoetan epaile batek zehaztuko du azken kalte-ordaina.

Zer estaltzen du patinete elektrikoaren edo bizikletaren aseguruak?

Askok uste dute beren etxe-aseguruak bizikletarekin edo patinete elektrikoarekin gertaturiko edozein gorabehera estaltzen duela, baina ez da beti hala izaten. Aseguru espezifikoek funtsezko estaldurak eskaintzen dituzte, hala nola:

Erantzukizun zibila: Hirugarrenei kalteak eragiten badizkiezu –adibidez, oinezko bat harrapatzen baduzu edo auto baten kontra talka egiten baduzu–, aseguruak estaliko dizkizu gastuak.
Istripu pertsonalak: Estaldura hori aukerakoa da, baina heriotza, ezintasun iraunkorra, osasun-laguntza eta eguneroko bizitzarako laguntza barnean hartzen ditu.
Kalteen erreklamazioa (defentsa juridikoa): Kalteak erreklamatzeko lege-laguntza behar duzunerako.

Gainera, zikloturisten edo mendiko bizikleten kasuan, honako hauek ere jasotzen dira, aukeran:

Lapurreta: Betiere bizikleta behar bezala lotuta dagoenean.

Istripuz gertatutako bestelako kalteak: Istripu baten ondorioz ibilgailuan izandako kalteak.

Ondorioa: Merezi al du patinete edo bizikletetarako aseguru bat izatea?

Ibilgailu horiek maiz erabiltzen badituzu, zentzuzkoa da horrelako aseguru bat edukitzea. Zu babesteaz gain, besteak ere babestuko ditu, istripurik izanez gero. Seguros Lagun Aron, bizikleta eta patineteen erabiltzaileen beharretara egokitzeko diseinatutako mugikortasun-asegurua eskaintzen dugu, ibilbide bakoitzean segurtasuna eta lasaitasuna bermatuta izan ditzazun.

The post Zer egin patinetean edo bizikletan istripuren bat izanez gero? Urratsak eta funtsezko aseguruak appeared first on Blog de actualidad.

Eskolara itzultzeko prestalanak

Antolatzea funtsezkoa da eskolara ahalik eta modurik errazenean itzultzeko. Errutina berriak ezartzea, dena ondo prestatuta izatea… Xehetasun guztiak dira garrantzitsuak:

Aplikazio lagungarriak

Badira ordutegiak edo material-zerrendak kudeatzen laguntzeko zenbait aplikazio. Adibidez, Google Keep aplikazioarekin, zeregin-zerrendak, oroigarriak eta ohar azkarrak sor ditzakezu, eta familiako beste kide batzuekin partekatu.

Ordutegiak

Ona da jarduera bakoitzerako ordutegi bat ezartzea, dela ikasteko, dela aisiarako. Horrek lagundu egingo die eskola-erritmora berregokitzen.

Eskolako materialak

Egin zerrenda bat eta eskuratu materialak behar besteko aurrerapenarekin, azken orduan presaka ez ibiltzeko eta ezer ez ahazteko.

Errutinak

Eskolak hasi baino egun batzuk lehenago, hasi loaren eta otorduen errutinak berrezartzen, trantsizioa eramangarriagoa izan dadin.

Osasuna eta ongizatea

Oso garrantzitsua da elikadura osasungarri eta orekatua izatea, eta eguna gosari indargarri batekin hastea, jardunaldi osoan zehar energia izateko eta gauetan ondo lo egiteko, ahalik eta errendimendu handiena izatearren.

Segurtasuna ikastetxerako bidean

Funtsezkoa da eskolarako bidean ere segurtasuna bermatuta egotea. Autobusez, bizikletaz edo oinez joan, hona hemen eskolarako bidea segurtasunez egiteko gomendio batzuk:

Eskolako autobusa

Erakutsi seme-alabei autobusari modu seguruan itxaroten, errepidearen ertzetik urrun. Horrez gain, gogorarazi oso garrantzitsua dela ibilbidean zehar ondo eserita eta segurtasun-uhala jarrita joatea.

Mugikortasun pertsonaleko ibilgailua

MPIen erabilera asko zabaldu da –besteak beste, bizikleta eta patinete elektrikoena–, eta ikasle askok halakoak erabiltzen dituzte beren lekualdaketetarako. Bi kasuetan, garrantzitsua da babesak erabiltzea, hala nola kaskoa eta jantzi islatzaileak. Funtsezkoa da, gainera, trafiko-arauak ezagutzea eta ahal den guztietan bidegorria erabiltzea. Gogorarazi, halaber, ez dutela espaloitik zirkulatu behar, horrek arriskuan jartzen baititu bai oinezkoak eta bai MPIen erabiltzaileak. Bizikletei eta patineteei buruzko bideo hauetan, segurtasunez zirkulatzeko aholku gehiago jasoko dituzu.

MPIrako aseguru espezifiko bat kontratatzea gomendatzen dizugu, hirugarrenei eragindako kalteak eta gidariaren lesio posibleak estaltzeko.

Oinez

Oinez badoaz, lagun egin lehenengo egunetan, ibilbiderik seguruenak erakusteko, eta azaldu errepidea oinezkoen pasabideetan zeharkatu behar dutela eta trafikoari adi begiratu behar diotela.

Finantza-babesa

Zure seme-alaben osasuna eta ongizatea zaintzeaz gain, oso garrantzitsua da familia osoa finantzen arloan ere babestea. Bizitza-, istripu- edo etxe-aseguru bat edukitzeak aldea ezar dezake edozein ezustekoren aurrean.

Adibidez, zure etxe-aseguruak eguneroko egoera askotan babes zaitzake, familiaren erantzukizun zibila bezalako estaldurekin. Demagun zure semeak edo alabak, baloiarekin jolasean ari dela, bizilagunaren kristala hautsi duela, eta zure etxe-aseguruak estali egiten duela. Mugikortasun pertsonaleko ibilgailuen erantzukizun zibila ere konfiguratu eta zure aseguruan sar dezakezu. Hala, patinete elektrikoarekin zoazela oinezko bat harrapatzen baduzu, eta kalteak eragiten badizkiozu, hori ere estalita geratuko da. Baina, gainera, bizitza- eta istripu-aseguruekin, zu eta zure familia egoera larriagoetan ere babestuta egongo zarete, hala nola iraupen luzeko gaixotasunetan edo heriotzan.

Azken batean, aseguru bat edukitzeak lasaitasuna ematen du, jakinik gertatzen dena gertatzen dela babestuta eta bermatuta egongo dela zure egonkortasun ekonomikoa eta zure mende dauzkazun pertsonena.

Babes egokian inbertitzea familia osoarentzat etorkizun segurua segurtatzea da. Gurekin dauzkazun aseguruak berrikustera eta zure familiaren beharretara egokitzen den plan bat pertsonalizatzera gonbidatzen zaitugu, 900 38 08 38 doako telefonoan.

The post Eskolara itzultzean, babestu zure familia appeared first on Blog de actualidad.

Ibilgailu horien lege-esparru berriari aurrea hartuz diseinatu dugun aseguru horrek erabiltzaileak eta hirugarren pertsonak babesten ditu, etengabe eboluzionatzen ari den mugikortasunaren garai honetan.

Patinete elektriko eta bizikletetarako asegurua

Patinete elektriko eta bizikletetarako aseguru berria konponbide integral bat da, eta bide-segurtasunaren eta babes pertsonalaren hainbat alderdi biltzen ditu. Produktuak hiru estaldura-bloke dauzka, bezeroak asegurua bere premien arabera konfiguratu ahal izan dezan:

• Hirugarrenei eragindako kalteak: Erantzukizun zibilaren estaldura zabala, 500.000 euroko mugarekin, gidariak hiri barruko edo mendiko bideetan hirugarrenei eragin diezazkiekeen kalteetarako; baita 3.000 euroko muga ere, defentsa juridikorako edo kalteen erreklamaziorako.
• Pertsonentzako zerbitzuak: Istripu pertsonalen estaldurak, baita Laguntza-zerbitzua ere, ibilgailuarekin zirkulatzean ezbeharren bat izanez gero.
• Ibilgailuari eragindako kalteak: Istripu bat izanez gero, patinete elektrikoak edo bizikletak jasan ditzakeen kalteen gaineko estaldura osoa. Gainera, bizikletaren lapurretaren aurkako babesa ere sar daiteke, betiere giltzarrapoa behar bezala jarrita badu. (*Bi kasuetan, frankizia bat aplikatu behar da ezbehar bakoitzeko).

Pertsona aseguratuak

Gure aseguruak gidari nagusi deklaratutako jabea estaltzen du, baita ezkontidea eta jabearekin bizi diren 16 urtetik gorako seme-alabak ere. Bestalde, erantzukizun zibilaren estaldura lurralde espezifikoetara hedatzen da (Espainia, Portugal, Frantzia eta Andorra), eta bidaiako laguntzaren estaldurak Espainia, Europar Batasuneko herrialdeak, Suitza, Gibraltar eta Monako hartzen ditu barnean.

Ibilgailu aseguratuak

Aseguru hau bi ibilgailu-mota hauei zuzenduta dago: batetik, patinete elektrikoei, hiri-inguruneetan gero eta ohikoagoak baitira, joan-etorri laburretarako aukera efizientea direnez gero; bestetik, bizikletei, izan tradizionalak edo elektrikoak, herritar askok erabiltzen baitituzte halakoak hirian, mendian nahiz errepidean ibiltzeko.

Sarbidea eta kontratazioa

Patinete elektriko eta bizikletetarako aseguru berria kontratatzeko, zure ohiko bitartekariarengana jo dezakezu, bulegoetara edota Laboral Kutxaren webgunera. Kontuan izan honako hau patinete elektriko eta bizikletetarako gure aseguru berriaren alderdi nagusien laburpentxo bat besterik ez dela.

Etengabe aldatzen ari den mundu honetan, zure segurtasuna eta lasaitasuna lehentasunezkoak dira guretzat. Gure aseguru berriarekin, zure mugikortasun pertsonaleko ibilgailuez modu seguru eta arduratsuan goza dezazun nahi dugu, edonon eta edonoiz. Egokitu estaldurak zure beharretara eta egin bat iraultzarekin!

The post Patinete elektriko eta bizikletetarako aseguru berria appeared first on Blog de actualidad.

Nola garbitu arropa-garbigailua 

1. Danborra garbitzea

Ziurtatu arropa-garbigailua hutsik dagoela, eta bota bikarbonatozko edalontzi bat eta ozpinezko beste bat detergentearen kutxatilan. Hautatu garbiketa-ziklorik laburrena, ur beroarekin (60 ºC inguru), eta utzi zikloa amaitzen. Amaitutakoan, ireki atea eta utzi arropa-garbigailua hainbat orduz aireztatzen.

2. Detergente-banagailua garbitzea

Atera banagailua, eta desmuntatu piezak ur epeletan pasatzeko. Garbitu saretak eta konpartimentuak eskuila edo zapi leun batekin, eta lehortu ondo pieza guztiak berriro jarri aurretik.

3. Iragazkia garbitzea

Lehendabizi, kontsultatu eskuliburuan iragazkia non dagoen, kendu eta garbitu iturriko urarekin. Kendu iragazkia buxatzen ari den edozein hauts edo hondakin, eta jarri berriro bere lekuan.

4. Goma garbitzea

Garbitu atearen goma zapi busti batekin eta detergente edo lixiba pixka batekin. Arreta berezia jarri tolesturei eta lizuna duten zonei, eta garbitu ondo ur garbiarekin eta lehortu zapi batekin. 

Segurtasun- eta prebentzio-aholkuak

Ondo garbitzeak duen garrantziaz gain, mantentze on batekin buxadura, kare, ihes edo lizunen arazoak saihestuko dituzu.

• Kalitatezko detergenteak erabili, kantitate egokiekin, arropa-garbigailuan hondakinak metatzea saihesteko.
• Ez gainkargatu arropa-garbigailua, buxadurak saihesteko.
• Poltsiko hutsekin garbitu jantziak, ur-ponpan trabatu ez daitezen.
• Maiz begiratu ur-sarrerako eta irteerako mahukak, ihesik edo higadura-zeinurik ba ote dagoen ikusteko.
• Ez erabili ur beroa maizegi, karea errazago metatzen baita.
• Erabili ondoren, atea erdi irekita utzi beti, lehortzen uzteko eta lizunik ez sortzeko.

Aseguratu

Gainera, Seguros Lagun Aron etxetresna elektrikoen laguntza estaldura daukagu etxe-aseguruaren barruan, 10 urte baino gutxiago dituzten linea zuriko etxetresna elektrikoen matxura estaltzeko, honako hauena esate baterako: arropa-garbigailua, lehorgailua, hozkailua, izozkailua, ontzi-garbigailua, labea, mikrouhin-labea, sukalde elektrikoa, bitrozeramika edo ke-kanpaia.

Estaldura horrekin, etxetresna elektriko horietakoren batean matxuraren bat baduzu, profesional bat bidaliko dizugu zure etxera, konpon dezan, irteera-gastuak eta laguntzako lehen 3 orduak gure gain hartuta. Kontratatzeko orduan ere bi aukera dituzu: “piezarik gabe”, edo “piezekin” kontrata dezakezu. Piezekin aukeratzen baduzu, konponketarako beharrezkoak diren piezen edo materialen kostua ere sartuko dugu.

Laburbilduz, garrantzitsua da arropa-garbigailu bat garbi nola mantendu eta zure etxea nola babestu jakitea, funtzionamendua eta eragin dezakeen edozein kalte bermatuz. Garbitzeko urrats sinple horiekin eta segurtasun-aholkuei jarraituz, arropa-garbigailua eta etxea egoera ezin hobean eduki ditzakezu luzaroan.

The post Nola garbitu arropa-garbigailu bat eta nola babestu zure etxea appeared first on Blog de actualidad.

Istripu-asegurua

Ba al zenekien istripu arruntenetako bat etxeko erorikoak direla? Urtero 26.000 hezur-haustura gertatzen dira? Horietatik % 60, etxean erortzeagatik. Espainiako heriotza ez-naturalaren bigarren kausa da istripu-mota hori. 2021ean, 3.655 pertsona hil ziren istripuzko erorketengatik, eta 3.504 itota; oso ohikoa da zergati hori ere. Ustekabeko une kritiko horietan, istripu-aseguruak babes egokia eman diezazuke, ohiko mediku-estalduretatik harago doan asegurua baita eta ezustekoetarako segurtasun-sare gehigarria eskaintzen baitu: osatu, estali eta babestu egiten du.

• Osatu egiten ditu beste poliza batzuk: Aseguru mediko bat baduzu, istripu-aseguruak osatu egiten ditu haren onurak, sor litezkeen gastu gehigarriak estaliz.
• Estali egiten du zure ekonomia: Istripu bati aurre egiteak ustekabeko kostuak eragin ditzake; besteak beste, osasun-tratamenduak eta eguneroko gastuak. Istripu-aseguru batek motelgailu finantzario gisa jokatzen du, zure egonkortasun ekonomikoari eusten lagunduko baitizu.
• Babestu egiten du zure familia: Heriotzaren edo ezintasunaren kasuan, aseguru honek funtsezko finantza-babesa emango dio zure familiari. Berehalako gastuak estaltzeaz gain, etorkizun egonkorra bermatzen du maite dituzun pertsonentzat.

Zer izan behar da kontuan kontratatzeko orduan?

Istripu-aseguru bat aukeratzean, besteak beste zure lanbidea eta zure eguneroko jarduerak hartu behar dituzu kontuan. Lanbide eta kirol batzuek arrisku handiagoa ekar dezakete, eta halakoetan ezinbestekoa da polizak zure behar espezifiko guztiak estaltzen dituela ziurtatzea.

• Lanbidea: Zure lana aintzat hartuta egokia den aseguru bat aukeratu beharko duzu. Bereziki garrantzitsua da langile autonomoa bazara, ezintasun bat edo laneko baja bat izanez gero zure diru-sarrerak babesteko.
  • Arrisku txikiko lanak: administratiboak, komertzialak, zuzendaritza, irakaskuntza, ostalaritza, osasun-lanbideak, dendetako saltzaileak…
  • Arrisku handiagoko lanak: iturginak, argiketariak, garbiketa, makineria astuna, ontzigintza, siderurgia, metalurgia, eraikuntza, zurak, petrokimikak, txoferrak, kamioi-gidariak, mezulariak, taxilariak, anbulantzia-gidariak…
• Kirolaria: Kirola modu erregularrean egiten baduzu, talde batean jokatzen baduzu, maratoiak egiten badituzu, bizikletaz ibilbideak egiten badituzu, padelean jokatzen baduzu edo alpinismoa egiten baduzu, zure jarduera gogokoena egiten ari zaren bitartean istripu bat izanez gero estaldura emango dizun asegururen bat izatea komeni zaizu.

Har dezagun, adibidez, Mirenen kasua: lanagatik, exekutibo honek maiz egiten ditu bidaiak, eta bere denbora librean kirola egitea gustatzen zaio. Horregatik, istripu-aseguru bat izatea funtsezko inbertsioa da berarentzat, laneko arriskuak zein arrisku pertsonalak estaltzen dituelako.

Hiru modalitate, behar guztietarako

Lagun Aron, zuri eta maite dituzunei laguntzeko gaude. Behar izanez gero, zure bizitza, zure osasuna eta zure poltsikoa zaintzeko. Horretarako, istripu-aseguruen hiru modalitate dauzkagu, kasu bakoitzera egokituta. Horrela, lasaitasun osoz eta erlaxatuta gozatu ahal izango duzu, zure bizitza-erritmoa gelditu gabe.

• Konforta: Kontratatzeko garaian erraza, erosoa eta arina, oso modu oneko prezioekin eta berme guztiz lehiakorrekin. Estaltzen ditu: Ezintasun iraunkor partziala, baremoaren arabera, eta absolutua; ospitaleratzea; heriotzatik eratorritako gastuetarako kapital-aurrerakina; hainbat kirol egitea (hala nola eskia, txirrindularitza eta urpekaritza), inolako errekargurik gabe; eta motoa gidatzea –bere zilindro-bolumena edozein dela ere–, inolako errekargurik gabe. Osasun-azterketarik gabe.
• Optimoa: Aukeratu zure inguruabar pertsonal eta familiarren arabera gehien interesatzen zaizun berme eta kapitalen arteko konbinaziorik egokiena. Zure lanbidea eta egiten dituzun bidaiak eta kirola edozein direla ere, zure premietara egokituko gatzaizkizu.
• Super55: Erraz kontrata daiteke 55 urtetik 75 urtera arte. Prezioa ez da aldatzen asegurua indarrean dagoen bitarte osoan, eta zerbitzu berriak eskaintzen ditu, zure bizitza erosoagoa izan dadin.

Laburbilduz, istripu-aseguru bat izateak babestu egingo du zure ekonomia, eta finantza-laguntza emango dio zure familiari. Lagun Aron, badakigu pertsona bakoitza bakarra dela; horregatik, gure istripu-aseguruen modalitateak ohikotik harago doan babesa eskaintzeko daude diseinatuta. Inbertitu zure lasaitasunean eta maite dituzun pertsonen segurtasunean, zuri egokitutako istripu-aseguru batekin.

The post Istripu-asegurua, lasaitasuna etengabea appeared first on Blog de actualidad.

Alde batetik, etxetik kanpo denbora asko igaro behar duzunean, komeni da etxea lapurretak saihesteko prest uztea, horiek gora egin ohi baitute udan, jaberik ez dagoenean. Jarraitu aholku erraz hauei zure etxea babesteko eta segurtasunez bidaiatzeko:

1- Itxi ondo ateak eta leihoak

Bistako gomendioa, eta erraz gauzatzeko modukoa. Irten aurretik, egiaztatu ate eta leiho guztiak ondo itxita daudela. Sarraila ona baduzu, ziurtatu behar bezala funtzionatzen duela. Baina leihoak ondo itxita utzi behar badituzu ere, ez da ideia ona pertsianak erabat jaitsita uztea, argi eta garbi adierazten baitu ez dagoela inor etxean.

2- Ez dadila nabaritu zure etxea hutsik dagoela

Etxebizitza baten jabeak etxean ez daudela adierazten duen lehen zantzua beren postontzia gutunez betetzea da. Konfiantzazko bizilagun bati, lagun bati edo senide bati giltza utz diezaiokezu astero posta jaso dezan eta, horrela, absentzia-sentsaziorik ez emateko. Gainera, ez ahaztu hozkailua hustea, kontserbatu nahi duzun edozein elikagai izoztea eta zure gailu elektroniko guztiak desentxufatuta uztea, beharrezkoak ez diren kontsumoak eta gorabeherak saihesteko.

Eta gaur egun Instagram-en gure oporrak harro erakustea asko gustatzen zaigun arren, horrek ere agerian uzten du gure absentzia. Norbaitek zure etxebizitza ezagutzen badu eta zure sozialak arakatzen baditu, erraz sartu ahal izateko pistak eman diezazkiokezu.

 3- Itxi ondo txorrotak

Urak eragindako kalteek gure oporrak zapuztu ditzakete. Joan aurretik, egiaztatu etxeko txorrota guztiak ondo itxita daudela, horrela, jarioak, itoginak eta hezetasunak saihestuko baititugu. Era berean, segurtasun handiagoa izateko, ur-pasoa ixteko giltza nagusia itxi dezakezu. Hori bai, bueltan saihestu bat-batean irekitzea: ireki poliki-poliki, gainpresioa saihesteko.

4- Sarraila ona atarian

Lapurrak erraz iristen dira atarira atezain automatikora deituz eta janari- edo propaganda-banatzaileen itxura emanez; beraz, kontuz ibili behar da horrekin. Sarraila zaharrak ere behartu ohi dituzte xafla batekin, eta, beraz, jabeen erkidegoak modelo berri eta hobea jartzeko inbertsioa egiteak lapurrak sartzea eragotz dezake.

5- Alarma-sistema

Ia hutsik gabeko baliabidea da alarma-sistema on bat instalatzea, mugimendu-sentsoreduna. Horrela edozein sarrera detektatu ahal izango duzu, eta erosotasunez kontrolatu ahal izango duzu mugikorretik.

Baina hartutako neurriak gorabehera, zerbaitek huts egiten badu eta etxera itzultzean lapurreta egin dizutela ikusten baduzu, ez kezkatu, gure etxe-aseguruak lagunduko dizulako.

Bestalde, oso garrantzitsua da, halaber, autoan bidaiatzen dugunean bidaia bat hasi aurretik hura ondo prestatzea, errepidean ustekaberik izan ez dezagun. Lagun Aron autoan segurtasunez bidaiatzeko 5 aholku emango dizkizuegu:

1- Puntuan jartzea

Azterketa medikoa balitz bezala, ibilgailua egoera onean dagoela ziurtatu behar duzu. Berrikusi olio-maila, pneumatikoen presioa eta higadura, balazta-likidoa, airearen iragazkiak eta argiak. Garrantzia gutxiago duela dirudien arren, ez ahaztu aire girotua, gidatzeko baldintzak hobetzen baititu, eta, beraz, segurtasuna.

Halaber, Portugalera edo EBtik kanpo bidaiatzen baduzu, ez ahaztu gutun berdea inprimatuta eramatea, zure ibilgailuaren asegurua justifikatzen duen elementua baita.

2- Egin ibilbidearen plangintza

Zure GPSarekin guztiz fidatzen bazara ere, etxetik irten aurretik ibilbidearen plangintza egitea komeni da. Horrela, hobeto ezagutuko duzu errepidea, eta ezustekoei aurrea hartu ahal izango diezu, baita denbora aurreztu, auto-ilarak saihestu eta atseden hartzeko geldialdiak antolatu ere. Gainera, mugikorra edo GPSa manipulatu behar baduzu, egin ezazu bidaia hasi aurretik beti, edo ibilgailua arriskuan ez dagoen leku batean geldituta dagoela.

3- Kargatu ondo bagajea

Ondo erabaki zenbat bagaje eramango duzun, behar baino kilo gehiago ez garraiatzeko. Antola ezazu ondo maletategian, saihestu gehiegizko pisua eta ez eraman poltsa solterik, mugitu egiten baitira eta eragina izan baitezakete ibilgailuaren portaeran, istripua izanez gero jaurtigai bihurtu ahal izateaz gain. Kanpoko zatiari dagokionez, gogoan izan ondo ziurtatu behar direla garraiatu beharreko eta estibatutako kutxa, bizikleta edo bagajeak.

4- Haurrak, ondo eserita

Zure seme-alabak dira garrantzitsuena, eta, beraz, ondo eserita joan behar dute atzean, gerrikoak jarrita eta beren adinaren arabera arauzko altueran dituztela. Saia zaitez haurrek oihu edo negar egitea saihesteko beharrezkoak diren jostailuak eduki ditzaten, gidatzeko beharrezkoa den arreta ez galtzeko.

5- Hartu atseden ondo!

Ezinbesteko aholku bat: aurreko gauean ondo lo egin. Saihestu janari oparoa, edari alkoholdunak eta logura eragin dezakeen edozein sendagai gidatu aurretik. Kafe batek erne eta adi mantenduko zaitu errepidean. Bidaian zehar behar bezala hidratatu behar zara, eta atseden hartzeko geldialdia egin behar duzu bi orduz behin gutxi gorabehera. Nekea edo logalea izanez gero, eskatu beste bidaiari bati gida dezala, edo bilatu gaua igarotzeko ostatu bat. Hobe opor-egun bat galtzea istripu bat izatea baino.

Azkenik, garrantzitsua da baita ere auto-aseguru ona izatea, Lagun Arorenak bezalakoa. Gure polizek ezusteko desberdinak estaltzen dituzte, hala nola istripuak, beirak haustea, sutea edo lapurreta. Errepideko zure laguntzailea gara, zure kopilotua, bidaian zehar inoiz bakarrik sentitu ez zaitezen. Seguru gaude horrekin.

Uda honetan bidaiatu lasaitasunez segurtasunez bidaiatzeko 10 aholku hauei esker. Zaindu zure etxea, zaindu zure autoa eta gozatu oporrez.

The post Segurtasunez bidaiatzeko 10 aholku appeared first on Blog de actualidad.

Baloratu ondo edukia eta edukitzailea

Nahitaezkoa da zure etxearen (etxeko altzariak, etxetresna elektrikoak, bitxiak…) eta edukitzailearen (eraikinaren) balioa ondo baloratzea. Izan ere, ezbeharra gertatuz gero, kalte-ordaina zenbateko aseguratuarekiko proportzionala izango da.

Balorazio on batekin, ezbeharra gertatuz gero “infraasegurua” aplikatzea saihestuko duzu. Zer esan nahi du horrek? Infraaseguru bat gertatzen da aseguratu duzun kapitalaren balioa benetan duena baino txikiagoa denean. Beraz, aseguru-etxeak erregela proportzional bat aplikatuko dizu dagokion kalte-ordaina kalkulatzeko.

Zure etxe-asegurua aukeratzeko garaian, berrikusi ondo proposamenak eta kontuan izan proposatzen dizkizuten aseguratu beharreko edukitzaile-kapitalen balioak. Edukirako, aseguru-etxeek gutxieneko kapitala izaten dute, baina zure etxea ondo aseguratzeko, kapital bat kalkulatu beharko duzu zure etxeko gelen arabera, etab.

Oinarrizko estaldurak eta estaldura osagarriak

Kontratatzen duzun aseguru-etxearen eta poliza-motaren arabera, estaldurak desberdinak izango dira.  Adibidez, urak eragindako kalteen edo fenomeno atmosferikoek eragindako kalteen estaldurak (euriak, haizeak edo kazkabarrak), aseguru guztien oinarrizko estaldurak izan ohi dira.

Garrantzitsua da kontratatuko duzun aseguruaren baldintza partikularrei zein orokorrei erreparatzea, estaldura zehatz bakoitzean estaltzen diren arrazoiak eta mugak bertan zehazten direlako.

Lagun Aron, gainera, estaldura eta zerbitzu berriak ditugu, aseguru guztietan sartzen ditugunak. Hala nola, Defentsa juridikoa etxebizitzaren legez kontrako okupazioan eta Okuparen bandalismozko egintzak, zu babesteko eta zure etxebizitza legez kontra okupatzen duten egoeretan laguntzeko.

“Ez bidaiatu” garantia urte-sasoiko etxebizitzetarako. Zure bigarren etxebizitzan ezbehar bat gertatzen bada eta ezin bazara joan, zure ordez joango gara giltzak ematera gremioak bertara sartu ahal izateko.

Etxebizitza digitalaren zerbitzua ere barne hartzen dugu, Urruneko laguntza informatikoa eta Babes digitala barne.

Bestalde, beste estaldura batzuk ere baditugu nahi izanez gero, zure etxe-asegurua pertsonalizatzeko eta osatzeko.  Lagun Aron, adibidez, esku-trebea zerbitzua daukagu, bezeroek gehien eskatzen dituzten aukerako estalduretako bat. Konfiantzazko profesionalen sare bat jartzen dugu zure eskura, etxean dituzun kalte txikiak konpondu ahal izateko.

Eta mugikortasun pertsonaleko ibilgailuen eta bizikleten edo patinete elektrikoen erabiltzaileentzat eta jabeentzat, Mugikortasun pertsonaleko ibilgailuen erantzukizun zibila daukagu. Honen bitartez, hirugarrenei eragin diezazkiekezun kalteak estaltzen dizkizugu.

Proposamen bat onartu aurretik, kontuan izan etxe-aseguru on bat kontratatzeko gomendio hauek eta baloratu estaldura desberdinak.

Erantzukizun zibila etxe-aseguruan

Beste estaldura oso garrantzitsu bat: Erantzukizun zibila. Aseguratuak eta etxebizitzak hirugarrenei istripuz eragin diezazkieketen kalteak estaltzeaz arduratzen da. Adibidez, zerbait leihotik erori eta zure bizilagunari jotzen dionean, edo zartagina sutan ahaztu eta eraikina erretzen duzunean. Kostu horiei aurre egiteak, ahalegin handia eska diezaioke familiaren ekonomiari. Horregatik, funtsezkoa da jakitea zein den estaldura horretarako ezarritako muga.

Erantzukizun zibil horren beste adibide argi bat, gure maskotena da. Familia-erantzukizun zibilaren estaldurari esker sor daitezkeen zenbait egoera estaltzen ditu gure etxe-aseguruak. Baina, gainera, nire maskota aseguratu behar dut? Zer gertatzen da zure txakurrak beste bati eraso egiten badio kalean? Zer gertatzen da pertsona bati zure etxean kosk egiten badio?

Maskota baduzu, kontsultatu zure aseguru-etxearekin nola aseguratu: etxe-aseguruaren bidez edo aseguru espezifiko baten bidez.  Euskadin eta Madrilgo Erkidegoan txakurrentzako Erantzukizun Zibileko (ErZ) aseguru bat kontratatzera behartuta zaude. Honek txakurra hirugarrenei eragiten dieten edozein kalteren aurrean aseguratzen du. Baina bizi zaren lekuan bizi zarela, beti kontratatu behar duzu ErZ-eko aseguru bat zure txakurra arriskutsutzat jotzen den arraza batekoa bada.

Nola kalkulatzen da prima?

Produktu hori kontratatzean ordaindu behar duzun prezioa da. Zenbateko hori ordaintzea erabakigarria da kontratatutako estaldurez gozatu ahal izateko. Hau, hainbat faktoreren mende dago: etxebizitza-mota (pisua, atxikia edo familia bakarrekoa), aseguratutako pertsonaren izaera (errentatzailea, jabea edo maizterra bada), etxeari ematen zaion erabilera (etxebizitza nagusia, bigarren etxebizitza, hutsik dagoena…) eta beste hainbat aldagai (antzinatasuna, material erregarriak edo eraberritzeak).

Arreta-zerbitzu ona

Merezi duen garrantzia ematen ez zaion beste faktore garrantzitsu bat bezeroarentzako arreta da. Aseguru-etxearekin egiten diren kudeaketak nekagarriak izan daitezke; horregatik, bezeroekiko tratu ona izaten duena bilatu behar duzu. Horrela, izapideak arintzea edo behar bezala orientatu eta aholkatzea lortuko duzu. Hainbat erabiltzaileren iritziak bilatu behar dituzu hainbat enpresari buruz, konparatzeko eta erabakiak hartzen laguntzeko.

Seguros LAGUN AROk premia guztietara egokitzen diren hainbat aukera ditu. Konponbide bat etxe bakoitzarentzat, etxe bakoitza mundu bat delako eta zure familia bakarra. Etxe-aseguru on baterako gure gomendioekin eta gure konparadorearekin, erraz baloratu ahal izango dituzu aseguru bakoitzaren estaldura guztiak. Gainera, estaldura handitzen joan gara poliza bakoitzean, eta mundu konplexu hau hobeto uler dezazun terminoen hiztegi bat daukagu, kontratatzen duzuna ondo uler dezazun. Horrela ez daukazu aitzakiarik.

The post Etxe-aseguru on bat kontratatzeko gomendioak appeared first on Blog de actualidad.

Batzuetan, bizitza-aseguruaz eta ehorzketa-aseguruaz hitz egin ohi da gauza bera izango balira bezala; baina, egiazki, desberdinak dira, eta une desberdinak estaltzen dituzte. Biek gertakari bera kontuan hartzen badute ere –aseguratuaren heriotza–, desberdin egiten dituzten bestelako zerbitzu eta estaldura batzuk dituzte

Bizitza-aseguruak konpentsazio ekonomiko bat eskaintzen die aseguratuak izendatutako onuradunei, aseguratuaren heriotza gertatuz gero edo aseguruan ezarritako kausak betez gero. Izan daiteke aseguratuaren heriotza, baliaezintasuna edo gaixotasuna. Bestalde, Ehorzketa-asegurua heriotzaren uneaz beraz arduratzen da. Heriotzaren ondoriozko kostu ekonomikoa, izapideak, lekualdatze-zerbitzuak, laguntza psikologikoa era abar estaltzen ditu. Esan dezakegu bizitza-asegurua heriotzaren ondorioak estaltzeaz arduratzen dela –esate baterako, familiaren galera ekonomikoak (zorrak, hipotekak, familiaren laguntza…)–, eta ehorzketa-aseguruak, berriz, heriotzaren izapideak estaltzen dituela (paperak, lekualdaketak, etab.). Baina kontzeptua ez da bi aseguruak bereizten dituen alderdi bakarra:

• Aseguratutako zenbateko ekonomikoa:  Ehorzketa-aseguruan, asegurua kontratatzen duen pertsonak aukeratutako zerbitzuen eta ezaugarrien arabera kalkulatzen dira urteko kuotak (adibidez, ehorzketa- edo errausketa-mota, bizilekua ez den beste herri batean ehorztea, DNA kontserbatzea, etab.). Bizitza-aseguruan, berriz, aseguru-hartzaileak kontratatu nahi duen kalte-ordainaren zenbatekoa zehazten du, eta, horren arabera, aseguru-etxeak zehaztutako epeetan abonatuko den urteko prima bat ezartzen da.
• Oinarrizko klausulak: Esan dugunez, bizitza-aseguruek konpentsazio ekonomiko bat ezartzen dute, aseguru-hartzailea hilez gero familia-egonkortasunari eusteko. Ehorzketa-aseguruan, aldiz, senitartekoaren ehorzketa-izapideen ondoriozko gastu eta eragozpenetatik askatzen du familia. Aipatu beharreko alderdi bat: ehorzketaren edo errausketaren gastuak aseguratuak ordaindutako zenbatekoa baino txikiagoak badira, aseguru-etxeak diferentzia abonatu beharko dio hildakoaren familiari.

Egia da, halaber, oso antzeko estaldurak daudela. Adibidez, bizitza-aseguruetan gehitzen diren estaldura batzuk berez ehorzketa-aseguruarenak dira, hala nola Heriotza-estaldura. Adibidez, Lagun Aroren Bizitza-aseguruan 3.000 euroko kapital-aurrerakin bat sartzen da, gastu berehalakoenei aurre egiteko. Gainera, ehorzketari nahiz heriotzari buruzko estaldurak ere sartzen dira, hala nola testamentu pertsonala edo familiarra eta bizi-testamentua, edo aholkularitza eta heriotzarekin eta oinordetza-prozesuarekin zerikusia duten izapide guztiak; horrela, heriotza-aseguru espezifikorik ez dagoen kasuak estaltzen dira.

Bestalde, ehorzketa-aseguruek nahiz bizitza-aseguruek gero eta estaldura eta zerbitzu gehigarri gehiago eskaintzen dituzte heriotza-unetik kanpo. Adibidez, Lagun Aroren Bizitza-aseguruetan, gaixotasun larrien estaldura espezifikoak sartzen ditugu, minbizia, infartua, paralisia eta antzeko gaixotasunen eta ezintasun iraunkor edo aldi baterakoen kasuan baliabide ekonomikoak emateko. Estaldura bereziak ere baditugu, hala nola Bigarren Diagnostiko Medikoa edo Errehabilitaziorako eta txertatzen, egokitzen eta mugikortasunean laguntzeko programa. Bestalde, bezeroari beste zenbait egoeratan laguntza eskaintzeko beste zerbitzu batzuk ere aurreikusten dira, hala nola seme-alabak edo mendeko familiartekoak zaintzea, etxeko laguntza, etab. Beraz, gai horietan pentsatzea inork gogoko ez dugun arren, garrantzitsua da ehorzketari buruzko gaiak ondo lotuta uztea, ehorzketa-aseguru espezifiko batekin eta/edo heriotzarekin zerikusia duten zerbitzuak eta estaldurak barne hartzen dituen bizitza-aseguru batekin –bizirik zaudela ere segurtasuna eta babesa emango dizu–. 

The post Ehorzketa-asegurua eta bizitza-asegurua berdinak al dira? appeared first on Blog de actualidad.

Automobil-aseguruen sektorean mito asko daude, eta badirudi aipatutako hori dela hedatuenetako bat. Hala ere, badaude karrozeriaren kolorea errepideko ezbeharrekin erlazionatzen duten ikerketak. Adibidez, Zeelanda Berriko The Health Research Council-ek 2003an egindako ikerketa baten arabera, tonu iluneko ibilgailuek (esaterako, beltzek edo berdeek) harremana zuten ezbeharretan zauritu larriak izateko aukera handiagoarekin. Bestalde, azterketa batzuek diotenez, tonu griseko ibilgailuek arrisku handiagoa dute, nekezago ikusten direlako. Hala ere, gaur egun baieztapen horrek pisua galdu du, ibilgailu berrietan eguneko argia nahitaezkoa delako.

Arrazoibide nagusia da kolore batzuk beste batzuk baino errazago ikusten direla, batez ere gauez. Hala eta guztiz ere, gaur egun modelo guztiek argi bereziak dituzte eta beste elementu batzuk ere badituzte, betiere ikusgaiak izan gaitezen, errepidearen baldintzak edozein direla ere.

Hala ere, mito hau eraikitzen lagundu duten arrazoietako bat da istripu gehien dituzten gidariak gazteenak direla, esperientziarik eza dela-eta. Eta, aldi berean, sektore honen kolore gustukoenak beltza eta gorria dira. Horregatik, esan ohi da karrozeria gorri edo beltzak direla ezbehar-tasarik handiena dutenak, baina, gidari zuhur eta esperientziadun baten eskuetan, istripu bat izateko aukera berberak izaten dira auto beltz batean edo auto zuri edo urdin batean.

Eta prezioan?

Hemen beste mito bat dugu berriro aurrean; izan ere, zure autoko karrozeriarako aukeratzen duzun koloreak ez baitu eraginik izango aseguruaren prezioan. Hala ere, ñabardura txiki bat dago hemen.

Aseguruaren prezioa zehazteko orduan hainbat faktore hartzen dira kontuan, hala nola gidariaren adina, esperientzia, bizilekua eta, autoari dagokionez, marka, modeloa, motorraren potentzia edo ibilgailuaren prezioa.

Hala ere, zure ibilgailurako pintura metalizatua aukeratzen baduzu, estra gisa hartu daiteke eta beharbada polizaren prezioa handitzea eragingo du. Horren arrazoia da antzina ez zegoela ibilgailuentzako hainbeste kolore-barietate, eta kolore-paleta hori handitu egin zen tonu metalizatuak iritsi zirenean, eta, esan bezala, estra gisa kontabilizatzen dira. Hori bai, zure auto berriarentzako tonu matea aukeratzen baduzu, kontuan izan kolore horiek aseguruaren prima handitu dezaketela, konpontzeko garestiagoak baitira.

Beraz, ez izan beldurrik zure hurrengo ibilgailurako kolore bat edo bestea aukeratzeko, eta gogoan izan, istripu bat izateko aukerak murrizteko, garrantzitsuena kontuz zirkulatzea dela.

The post Ba al du eraginik nire autoaren koloreak aseguruaren prezioan? appeared first on Blog de actualidad.

Lagun Aron zein atoi-mota dauden esango dizugu, horietako zein dagoen estalita atoia daraman ibilgailuaren aseguruaren bidez, eta zein egoeratan eta kasutan izan beharko dituzten beren aseguru eta matrikula propioak.

Zer da atoi bat?

Atoi bat autopropultsiorik gabeko ibilgailua da, ibilgailu traktore batek eramateko diseinatua eta pentsatua; ibilgailu hori izan daiteke, besteak beste, trakzio-kamioia, nekazaritzako traktorea, obretakoa edo turismoa.

Bestalde, erdi-atoiak daude, automobil bati akoplatzeko diseinatuak, baita moto edo bizikleta bati ere.

Atoi-motak

Baimendutako gehieneko masaren (BGM) arabera bereizten dira atoiak; hau da, bide publikoetatik zirkulatzen ari den ibilgailu bat erabiltzeko gehieneko masa.

• Atoi eta erdi-atoi arinak: 750 kg arteko BGM.
• Atoiak eta erdi-atoi ez-arinak: 750 kg-tik gorako BGM.

Nolako atoia aseguratu behar duzu?

Atoi eta erdi-atoi arinen kasuan, erabiliko den ibilgailuaren aseguru-polizan sartzea gomendatzen da.

Atoi eta erdi-atoi ez-arinek, ordea, eramaten dituen ibilgailuaren aseguruaz gain, aseguru espezifiko bat izan behar dute. Indarrean dagoen araudiaren arabera, halakoak ezin dira sartu eramango dituen ibilgailuaren polizan; matrikulatu eta banaka aseguratu beharko dituzu.

Zein atoi eraman dezakezu baimen-motaren arabera?

Ibilgailuak atoian eramateko, B edo B-E motako baimenak izan beharko dituzu; zenbait kasutan, atoiaren pisuaren arabera, B-96 baimena beharko duzu. Hauek dira atoiaren pisu-moten arabera beharrezkoak diren baimenak:

B baimena

Gehienez 3.500 kg-ko BGM duten automobilak, gidariaz gain gehienez zortzi bidaiari garraiatzeko diseinatuta eta eraikita daudenak.

Automobil horiek eraman ditzakete:

• Gehienez 750 kg-ko BGM duten atoiak (atoi arinak).
• 750 kg-tik gorako BGM duten atoiak, baldin eta multzo osoa 4.250 kg-tik gorakoa ez bada. Multzoa 3.500 kg-tik gorakoa bada, gaitasunak eta portaerak kontrolatzeko proba bat egin beharko da, B-96 baimena izenekoa.

B96 baimena

Gehienez 3.500 kg-ko BGM duen atoia edo erdi-atoia eramateko baimena ematen du. Guztira, atoiak eta ibilgailuak 3.500-4.250 kg bitarteko BGM izan dezakete.

B+E baimena

Gehienez 3.500 kg-ko BGM duen atoia edo erdi-atoia eramateko baimena ematen du. Guztira, atoiak eta ibilgailuak 4.250-7.000 kg bitarteko BGM izan dezakete.

The post Atoiak. Zein mota daude? Nola aseguratzen dira? appeared first on Blog de actualidad.