Gardentasuna funtsezkoa da auto-aseguru bat kontratatzerakoan. Ahal den estaldurarik onena lortzeko, lehenik eta behin ondo jakin behar duzu zer eskaintzen dizuten. Hala ere, aukeratzea zaila izan daiteke gutxieneko kontzeptu batzuk ezagutzen ez badituzu. Blog-sarrera honetan estaldura-motak eta gomendio batzuk jakingo dituzu.

Estaldura-motak

Auto-aseguruak hiru multzotan bana daitezke: hirugarrenen auto-asegurua, hirugarrenentzakoa osatua eta arrisku orotakoa.

Lehen kasuan, hirugarrenentzakoan, Automobileko Nahitaezko Aseguruak estalitako beste pertsona batzuei istripua izanez gero sor dakizkiekeen kalteak, borondatezko erantzukizun zibila, kapital bat gidariaren heriotzaren, ezintasun iraunkorraren eta osasun-laguntzaren kasuetarako, eta bidaiako laguntza estaltzen dira. Kasu batzuetan ibilgailuaren beirak ere aseguratzen dira.

Hirugarrenentzakoa osatuak aurrekoaren berme guztiak ditu eta, gainera, autoaren sutea edo lapurreta barne hartzen ditu normalean. Gainera, aseguru-etxe bakoitzak berme gehigarriak eskain diezazkizuke, eta ohikoa izaten da istripuren bat gertatuz gero ibilgailuaren gidariarentzako babesa areagotzea.

Azken motakoarekin, arrisku orotakoarekin, gainerako modalitateen estaldurak izango dituzu zure ibilgailuak errepideko beste ibilgailu batekin nahiz edozein elementurekin talka egiteagatik izan ditzakeen kalteengatik, arduraduna zein den kontuan hartu gabe.

Modalitate guztietan ohikoa izaten da estaldura gehigarriak sartzea, hala nola gidabaimena kentzen den kasuak, ordezko ibilgailua edo gidariaren istripuetarako kapitalak handitzea, besteak beste.

Zein motatako asegurua kontratatu autoaren erabileraren arabera?

Garrantzitsua da ibilgailuari zein erabilera emango diozun kontuan hartzea. Gidari bakoitza arrisku jakin batzuen mende dago. Adibidez, egunero ordu batzuetan gidatzen baduzu, apenas gidatzen ez duen beste batek baino estaldura gehiago beharko duzu. Aseguru egokia aukeratzeko gakoetako bat da hau.

Beste gako bat ibilgailuaren antzinatasuna da; izan ere, inbertsio sendoa eskatu duen eta balio handia duen ibilgailu berriago baten kasuan arrisku orotako modalitateak kontratatzea komeni da.

Hala ere, asko gidatu ez arren, agian egoera oso arriskutsuen mende zaude. Klima-baldintza jakin batzuk dituen leku batean bizi bazara, baliteke zure autoak kalte larriak jasatea euri ugari edo kazkabarra egin duen egun batean.

Azken finean, asegurua eskaintzen duen enpresaren gardentasuna eta konpromisoa funtsezkoak dira, baina baita zure behar partikularrak ere. Horiei buruz hausnartzeko eta horren arabera erabakiak hartzeko tarte bat hartu behar duzu. Horrela, gehien egokitzen zaizuna lortuko duzu, eta prezio egokia polizetarako. LagunAro-n zure autoarentzako aseguru-modalitateen aldaera guztiak aurkituko dituzu. Zure re bizi-kalitatea hobetuko dute.