Dena prest daukagu behar duzun arreta guztia eskaintzeko. Gure zerbitzuak operatibo mantentzen ari gara eta neurri batzuk prestatu ditugu, pandemiak ahalik eta eragin txikiena izan dezan gure aseguratuen bizimoduan.

Ordaintzeko erraztasunak

Aseguru bat baduzu gurekin eta kezkatuta bazaude ordaindu behar duzulako, Lagun Aron ordaintzeko erraztasun gehiago ematen dizkizugu orain. Informazioa nahi baduzu eskaintzen dizkizugun ordainketa-baldintzei buruz, galdetu zure ohiko aseguru-bitartekariari, hurbilen duzun LABORAL Kutxako bulegoan edo deitu 944 94 74 28 telefonora.

Botikak entregatzeko zerbitzua eta lan-munduko gaiei buruzko aholkularitza

Botikak entregatzeko zerbitzua

COVID-19arengatiko konfinamendu-aldian zehar, Seguros Lagun Arok aseguratutako pertsona guztiek botikak etxera bidaltzeko eska dezakete, osasun-arrazoiengatik, konfinamendu mugatuagatik edo nahitaezko berrogeialdiarengatik atera ezin direnean. Zerbitzua doakoa da. Erabili nahi izanez gero, deitu 944 94 74 28 zenbakira eta hautatu lokuzioaren 2. aukera.

Orientazio juridikoaren bermea

Seguros Lagun Aroren Etxeko asegurua nahiz Merkataritza-asegurua duten pertsona guztiek Orientazio juridikoaren zerbitzua erabil dezakete lan-munduko gaietarako, enplegua aldi baterako erregulatzeko espedienteetarako… Zerbitzua doakoa da. Deitu 944 94 74 28 zenbakira.

Zer gertatuko da nire aseguruekin?

Horregatik, zure auto- edo etxe-aseguruari buruzko zalantza batzuk argitu nahi ditugu hemen, ezarritako alarma-egoera dela-eta jasotzen ari garen galdera ohikoenei erantzuna emateko.

AUTO-ASEGURUA

Deskonfinamenduaren 1. fasetik, tailerrak eta osagarrien dendak berriro irekitzen ari dira.

Autoa hartu behar badut eta errepideko laguntza behar badut, ba al dago garabi-zerbitzurik?

Gure garabilariak lanean ari dira gaur egungo egoeraren mende, beren enplegatuen eta gure bezeroen segurtasuna zainduz. Baliteke horrek laguntza-denboran eragina izatea. Gogoratzen dizugu autoa lantokira joateko bakarrik erabili beharko litzatekeela; izan ere, askoz trafiko gutxiago dago gure errepideetan.

Eta autoa tailerrera eraman behar badut ezbehar bat izan dudalako?

Kasu horretan, kontuan eduki behar da tailer asko ordutegi- nahiz pertsonal-aldaketa asko izaten ari direla, eta, kasu askotan, ixten ere bai. Eguneratua: Deskonfinamenduaren 1. fasetik, tailerrak aurretiko hitzorduarekin eta desinfekzio-neurriekin ireki dituzte. Horregatik, ziurtatu behar dugu autoa eraman dezakegula hautatutako tailerrera.

Guk zerbitzua mantentzen dugu gure konfiantzazko tailerretan, baldin eta tailer horietako profesionalek oraindik ere zerbitzua ematen badute. Perituek lanean jarraitzen dute, baina saiatzen ari dira beren lana bideoperitazio bidez egiten, tailerrek irekita jarraitzen badute.

ETXE-ASEGURUA

Zer gertatuko da ezbeharra etxean gertatuz gero?

Seguros Lagun Arok zerbitzua mantenduko du, perituen eta konpontzaileen sarea erabilgarri dagoen neurrian. Haietako asko ez daude lanean desplazamendurik ez egiteko eta etxeetara ez joateko; horregatik, baliteke egoerak eragina izatea ohiko epeetan.

Teleperitazioa erabiltzen ari gara prebentzio-neurri gisa ahal den guztietan, bezeroen eta profesionalen birusarekiko esposizioa mugatzeko.

Erantzukizunez jokatzeko, zerbitzu batzuk eten ditugu aldi baterako –Eskutrebe Zerbitzua, etxeko laguntza ez-urgenteak…–, arazorik gabe atzeratu daitezkeelako. Eguneratua: Eskutrebe Zerbitzua normaltasunez funtzionatzen ari da ekainaren 12tik. Alarma-egoeran zehar larrialdi-zerbitzuak mantendu dira. Orain, zerbitzuari berrekitean, urgentziarik gabeko konponketak ere egingo dira.

Gogoratu zure etxeko aseguruak urruneko laguntza informatikoaren zerbitzua barne hartzen duela.

Egun hauetan denbora gehiago pasatuko dugu etxean, gure gailu elektronikoen bidez konektatuta. Horregatik, gogoratzen dizuegu gure etxeko aseguruek urruneko laguntza informatikoaren zerbitzua barne hartzen dutela (Etxebizitza digitala). Bereziki erabilgarria gerta dakizuke egun hauetan, askoz denbora gehiago pasatzen baitugu etxean Interneten konektatuta. Estaldura honetan zerbitzu hauek sartzen dira: gorabeherak konpontzea, datuak berreskuratzea, babes digitalaren neurriak (gurasoen kontrola…), Internet bidez egindako erosketen erreklamazioetarako aholkularitza…

Bestalde, Zure etxea hobetzen dugu webgunean xehetasun gehiagorekin azaltzen dizugu laguntza informatikoa eta babes digitala eskaintzen dituen zerbitzu hau.

Azkenik, ez ahaztu: arrisku anitzeko asegurua kontratatuta badaukazu Seguros Lagun Arorekin zure negoziorako, Babes Digitala eta Ziberarriskuak zerbitzua ere baduzu, zure ekipoen kalteberatasun informatikoak aztertzeko eta ransomwarearen, birusen eta segurtasun-hutsegiteen aurka babesteko. Estaldura hau babes informatiko osoa da, eta zerbitzu hauek sartzen dira: birusen kontrako programak eta suebakiak konfiguratzea, programak eta segurtasun-adabakiak eguneratzea eta Hodeian segurtasun-kopiak egitea eta datuak konfiguratzea. Hori guztia osatzen da erantzukizunari, pribatutasun-politikei, zibersegurtasun-neurriei eta estortsio zibernetikoaren aurreko erantzunei buruzko aholkularitza integralarekin.

Kontsultatu estalduraren barruan sartzen diren zerbitzuak.

Berrikuntza garrantzitsuenei buruzko informazioa ematen jarraituko dugu artikulu honetan bertan.

Beste edozein zalantza galdetzeko edo argibide eskatzeko, jarri harremanetan gurekin edo zure aseguruen bitartekariarekin.

Edozein kontsulta edo izapide egiteko, deitu 944 94 74 28 telefonora, 365 egunetan 24 orduetan.

Edo erabili gure webguneko txata.

Laboral Kutxako bezeroa bazara, online banka bidez kudea ditzakezu etxeko nahiz saltokiko gorabeherak.

The post Gure aseguruak eta COVID-19 [Eguneratuta] appeared first on Blog de actualidad.

1. Zure etxean ur-ihesa duzula konturatzen zara. Lanera joan behar duzunez, partea mugikorraren bidez ematen duzu.

2. Berehala, mezu bat jaso duzu zure mugikorrean.

3. Edozein lekutan Online Bankaren bidez, zure ezbeharraren kudeaketa eta bilakaera jarrai dezakezu “Aseguruak” atalean.

Erraz ikusi ahal izango duzu emango dizugun informazio guztia: konponketen aurrerapena, hitzorduak.

4. Gida liburuan informazio erabilgarria ikusiko duzu. Baita profesionalekin harremanetan jartzeko informazioa eta euren ordutegiak ere.

5. Horrez gain, “Geuk deituko dizugu” klikatu eta zure ezbeharra kudeatzen duen pertsonarekin jar zaitezke harremanetan une oro.

6. Kudeaketan aurrerapen bat dagoenean “push” (berehalako mezua) edo SMS jakinarazpenak jasoko dituzu informazioa jasotzeko Laboral Kutxaren bulegoetara joan beharrik gabe.

The post Nola egin online etxeko eta saltokiko ezbeharren jarraipena appeared first on Blog de actualidad.

Saldoa kontsultatzea, ordainagiri bat ordaintzea, transferentzia bat egitea… Gaur egun, gure kutxaren edo bankuaren Online Bankaren bidez egin ohi ditugun eragiketak dira. Eta hemendik aurrera, gure aseguruak kudeatzeko gauza bera egin ahal izango dugu. Edozein egunetan, ezkerretik jaikitzen zara eta lurrezko kazola bitrozeramikaren gainean erortzen zaizu, hura txiki-txiki egin da eta izututa korrika atera zara, giltzak barruan utzi dituzula konturatu gabe. Denok ditugu egun txarrak!

Zer egiten duzu? Nerbioak dantzari dauzkazula zure aseguru-etxearen telefonoa bilatu, deitu, operadoreari gertatu zaizuna kontatu, partea ireki arte itxaron… Edota, besterik gabe, lineako zure bankuko app-a ireki eta ezbeharrari alta ematen diozu. Ti-ta. Jakina, horretarako, Lagun Aroren aseguru bat duen Laboral Kutxako bezeroa izan behar duzu.

Zure mugikor edo ordenagailutik gorabeherari alta eman diezaiokezu, haren jarraipen zehatza egin edota asegurua kontratatu zenuenetik eman dituzun parte guztiak kontsultatu. Aseguruen atalean.

Aseguruen atalera joan besterik ez duzu egin behar; bertan, ikusi ahal izango dituzu Lagun Arorekin kontratatuta dituzun aseguru guztiak, eta zer egin nahi duzun erabaki dezakezu: ezbehar baten partea eman, behar duzun laguntza-mota adierazi (sarrailagilea, argiketaria, etab.), zein egoeratan dagoen ikusi (zein espezialista arduratuko den, noiz, nor ari den arduratzen, etab.). Eman dituzun parte guztiak, irekita nahiz itxita egon, kontsultatu ahal izango dituzu baita polizaren xehetasunak ere, edota bikoiztua eskatu ahal izango duzu.

Eman dituzun parte guztien historia kontsultatu dezakezu, bai itxita daudenak bai irekita jarraitzen dutenak.

Parte bakoitzaren jarraipen zehatza

Parte bakoitzaren informazioa eskuratu nahi baduzu, parte horren gainean klik egin besterik ez duzu egin behar; horrela gertatu den guztiaren laburpena eskuratuko duzu, eta horrela orduz orduko eta egunez eguneko jarraipena egin ahal izango diozu. Baina zalantzarik baduzu, harremanetan jartzeko datuak ematen dituen atal bat ere aurkituko duzu; zuri deitzea eskatu ahal ditugu eta lehenbailehen egingo dugu.

Gorabehera bakoitzaren xehetasunetan, zure ezbeharraren egoeraren berri ematen dizugu, nork kudeatzen ari duen, zein espezialista joango den eta noiz.

Funtzionalitate berri horrekin, Laboral Kutxak nahiz Seguros Lagun Arok eraginkorragoa izan nahi du ezbeharren kudeaketan eta gure bezeroekiko komunikazioa eta zerbitzuaren kalitatea hobetu nahi ditugu. Horregatik, iradokizun edo iruzkinen bat egin nahi badiguzu, gurekin harremanetan jar zaitezke gure sare sozialen bitartez. Hobetzen jarraitu nahi dugulako.

The post Etxeko eta merkataritzako gorabeherak online kudeatzeko aukera berria Laboral Kutxako bezeroentzat appeared first on Blog de actualidad.

OCUk (Kontsumitzaile eta Erabiltzaileen Erakundea) bere bazkideei urtero galdetzen die ea gustura dauden kontratatuta dituzten aseguruekin eta aseguru-etxeekin izandako esperientzia baloratzeko eskatzen die. Kontua ez da poliza onenen arteko konparazioa egitea, baizik eta ezbeharra izanez gero emandako zerbitzuari dagokionez gogobetetasun-maila neurtzea, asegurua berritzea tokatzen denean edo primak egokitzeko orduan.

Etxe-aseguruarekiko gogobetetasuna

13.000 bazkide inguruk duten iritzia eman dute etxeko aseguruen inguruan. Inkestan, Lagun Arok lortutako puntuazioaren arabera etxeko bost aseguru onenen artean dago, 67 puntu lortu baititu guztira, aseguru-etxe baloratuenaren 70 puntuetatik oso hurbil. Emaitza hori jaso du Aseguranzak, eta urtarrileko “Dinero y Derechos” gehigarrian argitaratu da.

Inkestari erantzun diotenek etxe-aseguruei buruz duten gogobetetasun-mailaren inguruko xehetasunei dagokienez, % 89k mota horretako aseguru bat dutela diote, % 69k ezbehar bat izan dute azken 5 urteotan, eta % 20 aseguru-etxez aldatu dira azken 2 urteotan eta beste horrenbestek hori egiteko asmoa dute. Horiek guztiek erantzun behar izan dizkieten galderek, oro har, arreta berezia jarri dute zerbitzuaren gogobetetasun globalean, kontratuaren argitasunean, telefono bidezko arretan eta ezbeharren kudeaketan

Auto-aseguruaren aintzatespena

Lagun Aroren auto-aseguruak ere oso emaitza onak lortu zituen erakunde berak egindako gogobetetasun-inkestan.  Lagun Aro 10 aseguru-etxe onenen artean geratu zen gogobetetasun orokorrean, 70 puntu lortu baitzituen (100etik) eta lehen postuarekiko 5 puntuko aldea besterik ez duela.

Oraingo honetan OCUko bazkideek emandako 26.000 iritzi baino gehiago aztertu zituzten zerbitzuaren gogobetetasun globalari, kontratuaren argitasunari, telefono bidezko arretari eta ezbeharren kudeaketari buruz. Emaitzak “Dinero y Derechos” gehigarriaren 2018ko azaroko zenbakian argitaratu ziren.

Baloraziorik onena lortu duten aseguru-etxeen rankingaz gain, inkestak argitara atera zituen sektorerako eta bere jarduerarako beste datu interesgarri batzuk:

• Inkestari erantzun diotenen % 62k ezbehar baten partea eman zuen, behin gutxienez, azken 5 urteotan.
• Fideltasunari dagokionez, inkestari erantzun diotenen % 30ek adierazi zuen aseguru-etxe berean izan duela azken hamarkadan. Hala ere, % 25ek aseguru-etxez aldatu zuten azken 2 urteotan, eta % 22 aldatzea pentsatzen ari zen.
• Aseguruen estaldurari dagokionez, % 43k hirugarrenentzako poliza kontratatu zutela esan zuten, % 22k frankiziarik gabeko arrisku oroko asegurua sinatu zuten, eta beste % 25ek 300 € baino gutxiagoko frankiziadun estaldura kontratatu zuten.
• “Arrisku orotakoa frankiziaduna” zuten bazkideen % 10ek bakarrik onartu zuten 300 € edo gehiagoko frankizia kontratatu izana.

Emaitza onak lortzeak poz handia ematen digu, baina, batik bat, motibazio sendoa dakar ematen dugun arretaren eta zuen ongizatearen etengabeko hobekuntzan sakontzen jarraitzeko.

The post OCUren bazkideek gure aseguruez egiten duten balorazioa appeared first on Blog de actualidad.

2018ko urriko Relación Cliente Magazine aldizkarian argitaratutako erreportaje osoa erreproduzitzen dugu

Relación Cliente Magazine aldizkariaren erreportajea

Aseguru-etxeko arduradunek argi dute gaur egun kanal orotako arreta dela aseguru-etxeek aurre egin beharreko erronka nagusietako bat: bezeroak kudeaketa kanal batetik hasi eta beste batetik amaitu ahal izatea alderik nabaritu gabe.

Badakite arreta-eredu optimoa lortzeko teknologia dela aliatu nagusia. Seguru daude kanal orotako arretak zuzeneko eragina duela bezero-esperientzia hobetzean eta kostuak murriztean.

“Horretarako, funtsezkoa da bezeroa ondo ulertzea eta beharren bat duenean hurbil egotea, konponbiderik zuzenena aurreratuz eta harremanetan jartzeko baliabide azkarrak eskainiz, harremana hurbilekoa eta iraunkorra izan dadin. Aseguru-sektorean bezero-esperientzia bezeroaren bizitzan zehar haren ondoan egotea da, eta ez bakarrik une larrietan (hala nola ezbeharretan)”, nabarmendu du Bernard de la Ossak (Auto Zerbitzu Prestazioko eta Hornitzaileen Kudeaketako arduradunak).

Erraza egitea

Bernard de la Ossa, Auto Zerbitzu Prestazioko eta Hornitzaileen Kudeaketako arduraduna

Ildo horretan, oso presente duten jarduketa-lerroetako bat da bezeroak zerbitzua erabiltzeko egiten dituen esfortzuak (sarrerako deiak) murrizteko lan egitea, berarekin bere beharrak kudeatzeko harremanetan jartzen dena aseguru-etxea izan dadin saiatuz.

“Estrategia horri begira, argi dugu gure bezeroek modu naturalean erabiltzen dituzten kanal guztiak baliatu behar ditugula”, Bernard de la Ossaren hitzetan.

Lagun Aroko arduradunek diotenez, badakite bezero-esperientzia lantzeko premia dagoela, ezbeharraren kudeaketarekin gogobetetzetik harago.

“Hori lortzeko, proiektuak abiarazi ditugu, bai unibertsitateekin (zehazkiago, Mondragon Unibertsitatearekin eta Deustuko Unibertsitatearekin), eta bai bezeroekin berekin, hainbat metodologia (blue print, safari, design thinking edo focus group) erabiliz, haien errealitate arrazionalean eta emozionalean sartu ahal izateko”, aipatu dute.

“Bezero-esperientzia lantzeko, proiektuak abiarazi ditugu, bai unibertsitateekin eta bai bezeroekin berekin”

Bezeroa hobeto ezagutzeko eta unean-unean arreta pertsonalizatzeko lan horretan, Customer Journey Map baliatzen ari dira. Tresna horren bidez prozesua berraurkitzeko asmoa dute, beste ikuspegi batetik begira. Helburua da bezeroak aurreikusi gabeko oinaze-uneak identifikatzea, edo hobekuntza-arloak, askotan konponerrazak direnak.

Horren adibidea da, esate baterako, ezbeharra kudeatzeko prozesuen arteko itxaron-uneetan informazio gehiago ematea laguntzeko modu gisa.

“Gainera, ezin dugu ahaztu gaur egungo bezeroek enpatia eskatzen dutela eta haiengatik kezkatzen garela eta beren arazoak konpontzeko benetako interesa dugula sentitu behar dutela”

“Ezin dugu ahaztu gaur egungo bezeroek enpatia eskatzen dutela”

Horregatik, gure Estilo Eskuliburua eguneratu dugu, gure hizkuntza eta komunikazio-tonua egokitzeko. Eskuliburuaren abiapuntuan Enpresa Kulturako proiektu bat dago, erakundeko pertsona guztiak inpaktatzea helburu duena”, Bernard de la Ossaren esanetan.

Bezeroaren bidaia honetan, harremanetarako zentroak garrantzi handia du. Eta Lagun Aroren kasuan, bat baino gehiago dituzte. Horrela, harreman espezializatuago bat eskaintzen dute, arreta ematen zaion bezeroen nahiz lankideen segmentuen arabera:

• Alde batetik, bitartekariei eta banku-kanalari arreta eskaintzeko plataforma espezifikoak daude.
• Bestetik, bezeroen kontaktuak kudeatzen dira.
• Era berean, konpontzaileen arreta- eta kudeaketa-zentroa dago.

Harreman espezializatua

Alfonso Villasante, Sare Komertzialetarako Arreta Zentroko arduraduna

Egitura horretan, aseguru-etxeak pertsonal propioarekin eta kanporatuarekin lan egiteko aukera hautatu du.

“Alde batetik, espezialistek lan egiten duten zentroak ditugu, gure bitartekarien eta banku-kanalaren kudeaketari arreta emateko eta laguntzeko; bata barnekoa da, eta bigarrena mistoa. Bestalde, azken bezeroei arreta emateko plataformak ditugu; horiek kanporatuta daude”, adierazi zuen Alfonso Villasantek, Sare Komertzialetarako Arreta Zentroko arduradunak.

Kanporatzeak azkartasun eta malgutasun handiagoak eskaintzen dizkigu behar gehiago dituen zerbitzu batean, gure dei- eta ordutegi-bolumena gorabehera. Aukera ematen digu eskaerak kanal ororen bidez kudeatzeko; aldi berean, bezero-esperientzian trebatutako pertsonala eskainiko die arreta gure bezeroei. Horrez gain, puntako kudeaketa-teknologia sartzeko asmoa ematen digu; azken finean, kostu-aurrezkia, espezializazioa eta zerbitzuaren eskalagarritasuna da”, dio Villasantek.

“Espezialistek lan egiten duten zentroak ditugu, gure bitartekarien eta banku-kanalaren kudeaketari arreta emateko eta laguntzeko”

Nolanahi ere, bai azken bezeroei arreta ematen dieten agenteek eta bai aseguru-etxeko lankideek komunikaziorako, enpatiarako, entzumen-gaitasunerako eta zerbitzu-orientaziorako gaitasun handiko profila dute.

“Gainera, kanal digitalen sarrera dela-eta kanal orotako arreta emateko ezagutzak nahiz gaitasun guztiak izan behar ditugu, eta, batez ere, FCR ehuneko altua lortzea bideratuta egotea lortu behar dugu”, aseguru-etxearen esanetan.

Agenteen gaitasun propio horiek ematen zaien trebakuntzarekin indartzen dira. Izan ere, denek pasatu behar dute hasierako trebakuntzako epe bat, bi edo hiru astekoa, sartuko diren lantaldearen arabera. Era berean, aldian aldiko trebakuntzak izango dituzte produktuari, bezero-esperientziari eta zerbitzuari dagozkion bestelako alderdiei buruz.

“Ez hori bakarrik: maiz baterako trebakuntzak egiten ditugu, esate baterako, ezbeharrak kudeatzen dituzten lantaldeekin, eta harremanetarako zentroa osatzen duten plataformetako pertsonen bisitak, back office lantaldeei eta alderantziz”, aipatu zuen Bernard de la Ossak.

Automatizatzea eta neurtzea

Gaitasunei dagokien trebakuntza funtsezkoa bada, aseguratuei eskaintzen dieten zerbitzua hobetzen laguntzen duten tresnak erabiltzeari dagokionak ez du garrantzi gutxiago. Ildo horretatik, ezinbestekoa da barneko zereginak automatizatzea.

“Orain arte, tresnetan automatizazio eta hobekuntza berriak erabiltzeak aukera eman digu zerbitzu berriak lantzeko edo lehendikoak hobetzeko, agenteen balio handiagoko ekarpena sortuz”, aseguru-etxearen esanetan.

“Tresnetan automatizazio eta hobekuntza berriak erabiltzeak aukera eman digu zerbitzu berriak lantzeko edo lehendik daudenak hobetzeko”

Tresna teknologiko egokiak erabiltzea ere garrantzitsua da agenteen lana neurtzeko. Horrela, Lagun Aroko arduradunek gogorarazi dute erantzun-denborak nahiz bezeroen esperientzia neurtzeko aukera ematen dieten adierazleak dituztela. “Gainera, garrantzi handiagoko kasu bat bada, alertak ditugu berehala jarduteko”, aipatu dute.

Aseguru-etxeak aspalditik apustu egin zuen bere contact center-etan erabilitako adierazleak berrorientatzeko lanaren alde.

“Adierazleak jasotako esperientzian zentratuago egotea nahi dugu”

“Adierazleak jasotako esperientzian zentratuago egotea nahi dugu, plataformaren eraginkortasunean baino gehiago. Ikusgaitasun handiagoa eman nahi diegu hainbat adierazleri: bezeroaren ahalegin-indizeari, kasu partikularren malgutasunari, gorabeheren edo eskaeren jarraitutasunarekiko proaktibotasunari, eta abarri”, gaineratu du Alfonso Villasantek.

Barne-zereginen automatizazio hori, noski, aseguratuen kudeaketetaraino ere iristen da: web-orriaren bezeroen areatik hainbat kudeaketa egin dituzte beraiek bakarrik, hala nola polizak kontsultatu, aurrekontuak egin, ezbeharren berri eman edo zerbitzuak kontratatu.

Kanal orotako estrategia

Oraingoz bezeroek gehienbat telefonoa erabiltzen badute ere, aseguru-etxea kanal orotako eredua sortzen saiatzen ari da.

“Lortu nahi dugu Lagun Arok ahots bakarra edukitzea kanal guztietarako, bezeroak esperientzia homogeneoa izan dezan, kalitatezko arreta jaso dezan gure kanal guztietan eta kudeaketa edozein unetan egin ahal izan dezan, bitartekaritza, banku-kanal, txat, sare sozial, posta elektroniko, telefono nahiz SMS bidez”, diote.

“Ezuste handia izan da online txataren erabilera arrakastatsua”

Harremanetarako bideen artean, online txata sustatzen ari da, azkar erantzuteko aukera ematen duelako; iaz ezarri zen.

“Ezuste handia izan da online txataren bezeroen erabilera arrakastatsua, bai komertzializazioari eta bai zerbitzu-prestazioari dagokienez. Gainera, horri esker ikasten ari gara kanal desberdinetako arreta denbora errealean bateratzen”, gehitu du Lagun Arok.

BEZEROARENTZAKO ARRETAKO KUDEAKETAREN DATUAK

• Contact center-en plataformen kokaleku geografikoa: Bilbo eta Madril.
• Agenteak guztira: 50
• Erdi-mailako arduradunak guztira: 4
• Agenteak arduradun bakoitzeko: 12-15
• Contact center-eko hileko interakzioak guztira: 25.000 (haietako % 70 telefonoz, % 23 posta elektronikoz, % 5 txatez, eta % 2 app eta webgune bidez).
• Teknologia: Aplikazio eta CRM propioak.
• Bezeroarentzako arreta-ordutegia: Komertziala eta Sare Komertzialetarako Arreta: astelehenetik ostiralera, 08:00etatik 20:00etara. / Zerbitzuak Ematea: 24*7*365

Erreportaje hau Relación Cliente Magazine aldizkariaren baimenarekin argitaratu da, eta Relación Clientes webgunean dago.

The post RC aldizkariak Lagun Arok kanal orotako arretaren eta bezero-esperientziaren alde egindako apustua jasotzen du appeared first on Blog de actualidad.

Horren erakusgarri daukagu Lagun Arok garatu duen konpontzaileentzako eta perituentzako mugikortasun-tresna. Plataforma horrek, hain zuzen, gure aseguru-etxearekin lan egin ohi duten profesionalen ekarpenak ere baditu, eta hobekuntza eta funtzionaltasunekin aberasten jarraitzen dugu, peritazio-prozesu guztia eta konponketaren informazioaren kudeaketa mugikorretik egiteko aukera emanez.

Konponbidea bateragarria da edozein mugikorrekin, eta fitxategiak bidaltzeko (argazkiak, bideoak…) eta denbora errealean komunikatzeko aukera ematen du. Tresna oso erabilerraza da, offline (konexiorik gabe) moduan ere erabil daiteke, eta zerbitzu-fluxu guztiak barne hartzen ditu erabiltzaile-profil desberdinei begira (perituak, konpontzaileak, gremio anitzekoak…).

Aplikazioa gure perituek eta konpontzaileek mugikortasunean erabiltzen dute, bulegotik kanpo daudenean. Gailu anitzeko app-ak dira, XOne zerbitzariekin komunikatzen direnak. On premise zerbitzari horiek (halaxe esaten zaie enpresan bertan eta ez hodeian instalatutakoei) gure Aplikazio Korporatiboekin integratzen dira datu-baseetako taula bidez. Bestalde, Dokumentu Kudeatzaile Korporatiboarekin integratzen da XOne, karpeta bidez, bai argazkietarako, bai bestelako dokumentaziorako.

Profesionalek beraiek parte hartu dute diseinuan

Oso interfaze erraza du, profesionalek diseinuan parte hartu izanari esker, besteak beste. Profesionalak bilatzeko aukera ematen du, eta esku hartzen duten alderdi guztiekin harremanetan jartzeko aukera ere bai, baita peritazio-prozesuko eta/edo izapidetze-prozesuko kudeaketa ohikoenak egiteko ere: beste profesional baten esku-hartzea eskatzea, gorabehera baten abisua ematea… Konponketa-kabinete edo -enpresa bateko kide desberdinen artean enkargu bat kudeatzea ere errazten du.

Gainera, profesionalaren agenda kudeatzea ere errazten du tresnak alerta-sistema batekin, ezbeharrerako sarbidearekin (partea hartzea, kontratua….), arriskuaren geokokapearekin edo fitxategien bidalketarekin, besteak beste.

Gogobetetze-mailak hobetzea

Esan dezakegu guztiok onura ateratzen diogula Lagun Aroren garapen teknologiko berri honi. Abian jarri denetik, jada egiaztatu ahal izan da hobekuntzak lortu direla prozesuko parte-hartzaile guztientzat:

Bezeroen kasuan, lehen esku-hartzearen denborak eta prozesuko hutsarteak murriztu dira, eta horrek bezeroen gogobetetze-maila hobetzea ekarri du.

Profesionalen artean, produktibitatea hobetu da. Izan ere, bereziki harro gaude app-aren erabilerarekin haien bizitza-kalitatea hobetu izanaz, bulegoan txostenak betetzen ematen zuten denbora murriztuz.

Azkenik, tresna honek onura ekarri dio aseguru-etxeari ere profesionalen arteko koordinazioa hobetuz, profesionalen eta aseguru-etxearen arteko komunikazioa hobetuz —bidaltzen diguten informazioaren kantitatea eta kalitatea hobetuz—, eta ezbeharraren kontrol hobea ahalbidetuz. Eta, gainera, ezbeharren batez besteko iraupena murriztea lortu dugu.

The post Peritaje- eta konponketa-denborak murrizteko aplikazio bat garatu dugu appeared first on Blog de actualidad.

Ziur gaude inoiz erabili duzula, eta hala ez bada, jarraitu irakurtzen, interesatuko zaizu-eta inolako zalantzarik gabe. Mugikorretarako aplikazio honen bidez laguntza-zerbitzuetan sar zaitezke, isunen ordainketan, partea eman, zure kokalekutik hurbilen dituzun tailerrak kontsultatu, eta garabia non dagoen ere bai.

Eta zure buruari galdetuko diozu, baina nola? Oso erraz. Hartu mugikorra, eta ireki aplikazioa. Oraindik ez badaukazu, doan deskarga dezakezu zure smartphone-aren aplikazio-dendatik (beherago ikusiko dituzu estekak). Ondoren, zerbitzu horiek guztiak aurkituko dituzu atal hauetan.

Laguntza urgentea behar dut: gehien erabiltzen dena ezusteko bat sortzen denean

Bidaiako laguntza izan, edo urgentziazko sarrailagileak, argiketariak edo beiragileak…., mugikorretik urgentzia baten berri emateko modurik errazena eta arinena da, eta, horregatik, ez da harritzekoa aplikazioaren atalik erabiliena izatea.

Zerbitzu horri esker, online egin dezakezu partea eta urgentzia-zerbitzuari agindua bidali. Ondoren, hainbat galdera erantzun beharko dituzu, eta ahal bezain laster, dagokizun gremioa zurekin harremanetan jarriko da hitzordua adosteko eta arazoari erantzuna emateko.

Jar dezagun adibide bat. Demagun ezin zarela etxean sartu, sarrailarekin arazo bat daukazulako. “Laguntza urgentea behar dut” atalean klik egin beharko duzu, eta ondoren “Eskatu sarrailagile urgentea” botoia sakatu. Orduan, aplikazioak hainbat galdera egingo dizkizu zuk erantzuteko, adibidez “Ezin zara etxebizitzara sartu ala etxebizitzatik irten, hori da gertatzen zaizuna?”, edo “Lapurreta, lapurreta-saiakera edo bandalismoko ekintza baten ondorioz sarraila hondatuta dagoela uste duzu?” Ondoren, ezbeharra azaldu beharko duzu eta partea berretsi. Une horretatik aurrera, sarrailagilearen deia jasoko duzu.

Honela ikusiko duzu zerbitzu hau telefonoan, app-etik sartzen bazara

Garabi-zerbitzua elkarrekiko geokokapenarekin: zu kokatzeaz gainera, garabia nondik doan ikus dezakezu

Errepideko laguntza da eskari asko duen beste zerbitzu bat. Zerbitzu horrekin garabia eska dezakezu zure geokokapena bidali mugikorretik. Horrela, zehaztasunez jakingo dugu non zauden eta ahal bezain laster joango gara zure bila.

Gainera, zerbitzuak bi noranzkoetan funtzionatzen du, hau da, zu non zauden jakiteaz gainera, zuk ere une oro ikusi ahal izango duzu non dagoen zure bila joango den garabia, eta horrela bidaiako laguntzaren zerbitzu hobea eskain dezakegu. Funtzio hori merkatuan gehien baloratzen denetako bat da, Laboral Kutxaren blogean aipatutako Asistance Audit-en azterlan baten arabera.

Funtzionamendua gainerakoena bezain erraza eta intuitiboa da:

1. Laguntza urgentea eskatzeko atala sakatu behar duzu.
2. Zure aseguru guztien zerrenda bat aurkituko duzu. Zure ibilgailuaren matrikula hautatu behar duzu, eta arazoa adierazi.
3. “Eskatu garabia” botoia sakatutakoan, geokokatuko zaitugu eta garabiaren bidalketa abian jarriko dugu.
4. Ondoren, SMS bat jasoko duzu estekarekin, eta horren bidez denbora errealean eta modu geokokatuan izango duzu zure zerbitzuaren egoeraren berri eta garabia noiz iritsiko den jakin ahal izango duzu.

Eta hori ez da dena: eskura dituzun beste zerbitzu batzuk

App-ean, zerbitzu urgenteak bilatzeaz gainera, beste kudeaketa kontsulta batzuk ere egin ditzakezu:

• Ezbeharrak eta isunak: atal honen bidez partea eman ahal izango duzu edo aurreko parteen xehetasunak ikusi, eta zirkulazioko isunak kudeatu ere bai.
  • Partea eman: poliza hautatutakoan, partearen alta telefonoz amaituko da Lagun Aroren dei batekin.
  • Trafiko-isunak: izapidetzeko, isunaren argazki bat bidali beharko duzu posta elektronikoz, eta kudeatzen dugunean, telefonoz emango dizugu horren berri.
• Nire aseguruak: Zauden lekuan zaudela, fitxa honetatik sarbidea izango duzu zure aseguru bakoitzaren xehetasunetara: poliza-zenbakia, muga-eguna, baldintzak, ordainagiriak, helbideratzea…
• Tailerrak eta konpontzaileak: hortxe ikus dezakezu hurbilen dituzun gremioen informazioa: iturgintza, arotzeria, argiketariak etab. Gainera, duela gutxi maila nazionalean zabaldu dugun itundutako eta konfiantzazko auto-tailerren sareari buruzko informazioa ere ikusi ahal izango duzu bertan. Azken finean, hurbilen dituzun gremioen zerrenda, sortzen zaizun edozein ezbeharrari aurre egiteko, hemen nahiz zure herritik kanpo gertatutakoan, GPS bidezko posta-kodearen kokapenaren bidez.

Eskuragarri doan iOSerako eta Androiderako

Laboral Kutxaren Banca Móvil app-a doakoa da eta eskuragarri dago App Store-n iPhone-rako bertsio batekin eta iPad-erako beste batekin. Nola ez, Android-erako ere deskarga daiteke Google Play-tik.

The post Lagun Aroren urgentziazko zerbitzuak erabilgarri daude Laboral Kutxaren app-ean appeared first on Blog de actualidad.

Datu gehiago eman diezazkizukegu, baina azken finean esan nahi dizuguna da gizatalde konprometitua eta hurbilekoa garela, zure kudeatzaile espezialistatik hasi eta gure abokatuetaraino. Geure onena ematen saiatzen gara eta horregatik gure bezeroek Oso Ongi altu bat jarri digute (8,31) ezbeharraren kudeaketaren gogobetetzeari dagokionez.

Bikain nota lortu nahi dugu

Oso Ongi altu bat oso ondo dago, baina Bikain lortu nahi dugu. Eta horretarako unibertsitatera itzuli gara. Argi daukagu gure bezeroak zaretela gure ahalegin guztien ardatza eta ekintza bakoitzak markatzen duela Lagun Aroz daukazun pertzepzioa. Horrela, bada, zerbitzu-prestazioaren esparruan bezeroaren esperientzia hobetzeko proiektu bat hasi dugu 2016an.

Proiektua garatzeko, Mondragon Unibertsitateko “Produktu eta Zerbitzuen Diseinu Estrategikoa” unibertsitate-masterreko ikasleen lankidetza izango dugu. “Pertsonengan zentratutako berrikuntza” da, hain zuzen ere, unibertsitatearen lema. Ikasleak 4 lantaldetan banatuko dira, eta 8 astez lan egingo dute, masterreko egutegi akademikoko zati gisa, “Erronka” honetan: bezeroaren esperientzia hobetzea Autoen Zerbitzu Prestazioarekin.

The post Badakizu zenbat pertsonak egiten duten posible Lagun Aro? appeared first on Blog de actualidad.