Eusko Jaurlaritzaren Trafiko Zuzendaritzan 2017an jarri zuen martxan bide-segurtasunarekin konprometitutako enpresen Innovabide sarea. Gaur egun, hogeita hamar bat erakunde dira (gara), esparru eta tamaina desberdinetakoak.

Sare honetan sartzean, Seguros Lagun Arok konpromisoa hartzen du bide-segurtasuneko praktika onak partekatu eta martxan jartzeko eta enpresaren kudeaketan integratzeko.

Errepidean lanerako bidean edo ibilgailu bat gidatzen den lanetan gertatzen diren istripuen kopurua murriztea da helburua, baita laneko bide-segurtasuna hobetzeko neurriak hartzeak duen garrantziari buruz sentsibilizatzea ere.

“In itinere” (lantokira joatean edo bertatik itzultzean) eta “in mision” (beren lana egiteko ibilgailu bat gidatzean) gertatutako istripuetan hildakoen eta zauritu larrien kopurua % 40 murriztea da xedea.

#Innovabide | Seguros Lagun Aro-ri (@seguroslagunaro) ere ongi etorria ematen diogu gure enpresa sareko kide berri gisa https://t.co/MqfaxTMcBM

También damos la bienvenida a Seguros Lagun Aro como nuevo miembro de nuestra red de empresas#Trafikoa #SeguridadVialLaboral #PRL pic.twitter.com/DeSpXayrSf

— @Innovabide_TrafikoaEJGV (@innovabide) December 9, 2019

Seguros Lagun Aro Innovabiden sartu ahal izateko, aseguru-etxeko talde desberdinetako pertsonek hausnarketa- eta kontraste-prozesua egin dute Eusko Jaurlaritzako Trafiko Saileko eta Euskaliteko ordezkariekin (Euskalit euskal erakundeen kudeaketa aurreratua sustatzen duen fundazioa da, haien lehiakortasunari eta garapen jasangarriari laguntzeko).
Sare horretan egoteak beste enpresa batzuekin praktika onak partekatzeko eta elkarrekin ikasteko aukera emango digu helburu horiek lortze aldera.

The post Bat egiten dugu Innovabiderekin, laneko bide-segurtasunaren aldeko sarearekin appeared first on Blog de actualidad.

Ekonomia bat globalki jasangarria dela esan ahal izateko epe luzeko errentagarritasuna konbinatu behar du portaera etikoarekin, justizia sozialarekin eta ingurumenaren zaintzarekin. Ikusmolde horrekin, Seguros Lagun Arok Enpresako Gizarte Erantzukizunaren Txostena egiten du urtero, Global Reporting Initiative (GRI) ereduari jarraikiz.

Duela zenbait aste 2018ko txostena argitaratu genuen, eta urte hori, hain zuzen, inflexio-puntua izan zen Seguros Lagun Aroren historian EthSI zigiluarekin ziurtatuak izatea lortu baikenuen. Zigilu horrek gurean hainbat urtez lantzen aritu garen kudeaketa etikoa eta solidarioa aitortzen ditu.

Hazkunde errentagarri eta jasangarriko urtea

Aseguruen sektorea, beste sektore batzuen moduan, gero eta gehiago garatzen da gero eta konplexuagoa den ingurune ekonomiko eta teknologiko batean. Testuinguru honetan, markatuak genituen hazkunde-helburuak behar bezala lortuz amaitu genuen 2018.

Gure negozioak bere indarrari eutsi dio bi banaketa-kanaletan: Banku-aseguruen kanalean, LABORAL Kutxaren 309 bulegoekin, eta Bitartekaritzaren kanalean, gure aseguruak banatzen dituzten 553 bitartekarirekin.

Prima-banaketaren datuen grafikoa kanalka

341.826 bezerorekin, 181 milioi primarekin eta 440 milioi eurorekin hornidura matematikoetan, zerga aurreko irabaziak 41,2 milioi eurora iritsi dira, eta, beraz, % 10eko gehikuntza lortu da 2017arekiko.

2018an, banku-aseguruek 141 milioi prima fakturatu zituzten, eta Bitartekaritzaren kanalak 40 milioi prima.

Kudeaketa etikoa eta solidarioa EthSI zigiluarekin

Finantza Etikoen Behatokiak Seguros Lagun Aro ziurtatu du EthSI (Ethical and Solidarity Based Insurance) zigiluarekin kudeaketa etikoa eta solidarioa aitortzeko.

Zigilu horrek hainbat irizpideren ezarpena baloratzen du aseguru-etxeen sektorean gardentasuna eskaintzeko eta aseguru etikoen garapena sustatzeko xedearekin.

Behatokiak, Batzorde ebaluatzaile independente baten bidez, eremu hauetan taldekatutako alderdiak baloratzen ditu: komunitatearekiko eta lurraldearekiko erantzukizuna, erantzukizun ekonomikoa, inbertsio etikoak eta banku etikoaren erabilera, ekitatea eta gardentasuna, ingurumen-erantzukizuna, lan-erantzukizuna, egitura sozietarioa, gobernantza eta funtzionamendu demokratikoa.

Kode Etikoaren berrikuspena

2018an zehar, halaber, enpresaren Kode Etikoa berrikusi dugu. Hauek dira gure printzipio etikoak: legezkotasuna betetzea, erantzukizun korporatiboa, integritatea eta gardentasuna. Printzipio horiek Seguros Lagun Aroren jarduera-eremu guztietan aplikatzen dira: aseguru-etxeko langileak, bezeroak, bitartekariak, hornitzaileak, akziodunak eta gizartea oro har.

Lagun Aroren zerbitzuetan esku hartzen duten pertsonei buruzko datu nagusiak.

Oroitzapen positiboa

Gure ahaleginen zati handi bat bezeroaren esperientzia paregabea ematera bideratzen dugu, hau da, Lagun Arorekin duen harremanaren oroitzapen on bat uztera, hain zuzen. Lortzen ari garen edo ez jakiteko, “Bezeroaren ahotsa” izeneko programa bat jarri dugu abian. Horrela, ez dugu jakingo bakarrik nola konpondu den ezbeharra, baizik eta gurekin nola sentitu den ere bai bere ibilgailuarekin, etxean, saltokian… izandako arazoa konpontzeko.

Alde horretatik baita ere, Automobilaren Zerbitzua Emateko Taldean abian jarri dugu “Gu arduratuko gara” programa, gaitasunak garatuz eta pertsonak gaituz gure balioen isla eman ahal izateko interakzio bakoitzean.

2018an lortu dugu Autoetako bezeroen % 90 eta Etxeko aseguruen % 83 gogobeteta edo oso gogobeteta egotea ezbehar baten kudeaketaren ondoren, 10etik 8ko batez besteko notarekin.

Bezeroen % 90 gogobeteta edo oso gogobeteta dago Seguros Lagun Arok beren auto-ezbeharrari dagokionez egindako kudeaketarekin.

Online peritazioa eta digitalizazioaren aurrerapenak

2018an zehar aurrera egin dugu aurten abian jarritako Ezbehar Digitalaren garapenean. Duela gutxi kontatu genizuen nola funtzionatzen duen etxeko eta saltokietako ezbeharrak online kudeatzeko plataforma honek. Aurrerapauso bat gehiago da bezeroekiko gardentasunean. Haien esku jartzen ditugu ezbeharra kudeatzen ari diren pertsonen kontaktuak, zerbitzu-konpromisoak, gremioen lan-plangintza, konpondutako kalteen fakturak, etab.

Eraldaketa digitalari esker eskaintzen ditugun zerbitzuetako beste bat online peritazioa da: ibilgailua peritatu behar duten baina ibilgailurik gabe egon ezin duten bezeroentzat pentsatua. Zerbitzu berri hori gure Konfiantzazko tailerretan dago erabilgarri eta harrera bikaina izan du, 15 minututan ibilgailuaren kalteen lehen balorazioa lortzen baitu bezeroak.

Aurrera jarraitzen dugu paperaren erabilera murrizten, dokumentazioaren digitalizazioari esker. Adibidez, gure bitartekariek eta agenteek jada aplikazioak dituzte gure sisteman dokumentazioa digitalki integratzeko, bai aseguruaren kontratuarena, bai ezbeharrarena.

Genero-berdintasunarekin konpromisoa

2018ko EGEren txostenean jasotzen dira urtean zehar gizon eta emakumeen arteko berdintasunari dagokionez garatutako mugarri esanguratsuenak.

Ekintza garrantzitsuenen berri eman dizuegu blog honetan. Adibidez, Lagun Aroko Berdintasunerako II. planaren ezarpena Urteko Kudeaketa Planean sartuz eta onetsiz eta sexu-jazarpenari eta jazarpen sexistari aurrea hartzeko eta aurre egiteko protokolo bat prestatuz. Komunikazio inklusiboaren gida bat ere egin dugu, gai horren inguruko prestakuntza batekin batera.

II. Berdintasunerako Plana jarri dugu abian Lagun Aron, sexu-jazarpena eta jazarpen sexista prebenitzeko eta aurka egiteko jarduketa-protokolo espezifikoarekin.#ZeroTolerantzia https://t.co/Cn8oY4IeOA#berdintasuna pic.twitter.com/SDlJ5jxlGy

— Seguros Lagun Aro (@seguroslagunaro) June 12, 2019

Lan-ingurune osasungarria

Txostenean jasotzen den moduan, gure Enpresa Osasungarriaren proiektuarekin jarraitu dugu. 2017az geroztik ari gara proiektu horretan lanean gure langileek bizitza-estilo osasungarriei dagokienez duten ezagutza areagotzeko (jarduera fisikoa, produktu osasungarriak eskuratzea, etab.)

Prestakuntza-jardueren artean sartzen da, hain zuzen, erakundeko 20 pertsonak Seguros Lagun Aroko Zerbitzu Zentraletan jarrita dagoen desfibriladore erdiautomatikoa erabiltzen ikastea. Halaber, desfibriladore hori jarri dugu Kanpo Desfibriladore Automatizatuen Euskal Erregistroan oro har gizartearentzat erabilgarri egon dadin.

Hurrengo ekitaldietarako erronka nagusiak

Gaur egun eta hurrengo ekitaldiei begira, gure erronka nagusiak hauek dira: bi banaketa-kanaletako ekoizpen berriaren gehikuntza (negozio-estrategia gisa), bezeroaren esperientzia hobetzea eta Aseguru-etxearen eraldaketa digitalean aurrera egitea.

Nahi duenak deskargatu edo online kontsultatu dezake Lagun Aroren 2018ko Gizarte Erantzukizuneko Txostena.

The post 2018, inflexio-puntua Lagun Aroren EGEren txostenean appeared first on Blog de actualidad.

4 astez, Lagun Aroko zortzi boluntario Leioako eta Elorrioko ikastetxeetara (Bizkaia) hurbildu dira, eta beren ezagutzak 14 eta 16 urte bitarteko gazteei eskaini dizkiete.

Astero egin diren ordubeteko solasaldietan, Ana Aramburu, Yolanda Diez, Cristina Galindo, Javi Royo, José Ángel Fulgencio, Epi Diez, Pablo Campo eta Eduardo Bengoechea lankideek arriskua zer den eta erabakiak hartzean hari nola aurrea hartu eta nola aurre egin azaldu dute.

DBHko 3. mailako ikasleei zuzenduta dagoen “Arriskua eta biok” programaren bigarren edizioa izan da. Maiatza eta ekaina bitartean egin da ekimena, UNESPAk bultzatuta eta Junior Achievement Fundazioak koordinatuta. Programaren helburua da ikasleak kontzientziatzea beren eguneroko bizitzan izan ditzaketen arriskuei buruz eta arriskuarekiko erakusten dituzten jarrera eta emozioei buruz.

Horrela, Seguros Lagun Aroko boluntarioek lagunduta, eta dibulgaziozko eduki eta jarduera praktikoen bitartez, gazteek arriskuari aurre egiteko dauden tresna eta baliabideak ezagutu dituzte, adibidez aurrezkia edota mutualizazioa.

Zehazki, gai hauek lantzen ditu “Arriskua eta biok” programak: 1) Zer da arriskua?, 2) Arriskuarekiko ditugun emozioak, 3) Arriskuari aurrea hartzen diogu, 4) Mutualizazioa: elkarlanean, denok garaile.

“Arriskua eta biok” ekimena Estamos Seguros proiektuaren barruan sartzen da. Aseguru-etxeak ere parte hartzen du programan, eta asegurugintza jendearengana hurbiltzea eta gure sektoreak gizartean betetzen duen eginkizuna ezagutaraztea du helburu.

Bigarren edizio honetan, 30 aseguru-etxetako 182 boluntariok baino gehiagok parte hartu du, eta 23 hiritako ikastetxeetako 2.700 ikasle bertaratu dira.

Poz-pozik gaude @UNESPA-ren eta @JASPAIN-en #ArriskuaEtaBiok ekimenean parte hartzeagatik! Lagun Aroko boluntarioek prestakuntza-programaren 2. edizioan parte hartu dute.#ElRiesgoYYo @EstamosSeguros_ pic.twitter.com/H9eSuy0bC4

— Seguros Lagun Aro (@seguroslagunaro) 20 de junio de 2019

The post Arriskuari nola aurre egin hausnartu nahi dugu ikasgeletan appeared first on Blog de actualidad.

Horretarako, Lagun Aron jarduketa-protokolo espezifiko bat daukagu sexu-jazarpenari eta jazarpen sexista prebenitzeko eta aurka egiteko diziplinazko neurri zorrotzak aplikatuz frogatutako jazarpen-egoeren aurrean. Halaber, prebentzioko eta sentsibilizazioko mekanismoak aplikatzen ditugu prestakuntza-saioak eginez sexu-jazarpenaren eta jazarpen sexistaren inguruan, erakundeko langileei eta zuzendaritzari zuzenduta, eta, gainera, instituzioei lotutako kanpainak ere jartzen ditugu martxan.

Zero tolerantzia edozein jazarpen-moduren aurka

Seguros Lagun Arotik ezbairik gabe adierazten dugu ez dugula onartzen erakunde hau osatzen duten pertsonen askatasun, intimitate eta osotasun fisiko eta moralaren aurka egiten duen ezein jokabide, ez eta bezero, hornitzaile edo nolabait enpresari lotutako edozein pertsonaren askatasun, intimitate eta osotasun fisiko eta moralaren aurka egiten duen ezein jokabide ere.

Sexu-jazarpena honela definitzen da: pertsonaren duintasunaren aurka egiteko asmoa duen edo ondorio hori eragiten duen sexu-izaerako edozein jokabide, ahozko zein fisiko, bereziki beldurrezko edo umiliaziozko egoera bat edo egoera iraingarri bat sortzen denean. Delitu gisa tipifikatuta dago Azaroaren 23ko 10/1995 Lege Organikoaren 184. artikuluan.

Sexu-arrazoiarengatiko jazarpenak ez du konnotazio sexualik (halakorik egongo balitz sexu-jazarpena izango litzateke) eta honela definitzen da 3/2007 Lege Organikoan: pertsonaren sexuaren arabera egindako edozein portaera, haren duintasunaren aurka egiteko eta, sexu-jazarpenean gertatzen den moduan, beldurrezko edo umiliaziozko egoera bat edo egoera iraingarri bat sortzeko asmo edo ondorioarekin.

Gai horri dagokionez, 2009tik aurrera modu formalean lan egiten hasi ginen eta I. Emakume eta Gizonen arteko Plana sortu zen. Bigarren plan hau egiteko, 2017an, Berdintasun Batzordea eratu genuen, eta planaren arduradunak eta koordinatzaileak izendatu dira.

Halaber, enpresako langileak inplikatu dira Planean aurreikusitako proiektuak garatzeko lantaldeetan, besteak beste lehen aipatutako sexu-jazarpenaren eta sexu-arrazoiarengatiko jazarpenaren aurkako protokoloa.

Ezagutu Lagun Arok genero-berdintasunarekin duen konpromisoa enpresan #EES #berdintasunahttps://t.co/OsRea5MWr5

— Seguros Lagun Aro (@seguroslagunaro) 27 de agosto de 2018

The post Zero tolerantzia sexu-jazarpeneko eta sexu-arrazoiarengatiko jazarpeneko jokabideekin appeared first on Blog de actualidad.

2018ko urriko Relación Cliente Magazine aldizkarian argitaratutako erreportaje osoa erreproduzitzen dugu

Relación Cliente Magazine aldizkariaren erreportajea

Aseguru-etxeko arduradunek argi dute gaur egun kanal orotako arreta dela aseguru-etxeek aurre egin beharreko erronka nagusietako bat: bezeroak kudeaketa kanal batetik hasi eta beste batetik amaitu ahal izatea alderik nabaritu gabe.

Badakite arreta-eredu optimoa lortzeko teknologia dela aliatu nagusia. Seguru daude kanal orotako arretak zuzeneko eragina duela bezero-esperientzia hobetzean eta kostuak murriztean.

“Horretarako, funtsezkoa da bezeroa ondo ulertzea eta beharren bat duenean hurbil egotea, konponbiderik zuzenena aurreratuz eta harremanetan jartzeko baliabide azkarrak eskainiz, harremana hurbilekoa eta iraunkorra izan dadin. Aseguru-sektorean bezero-esperientzia bezeroaren bizitzan zehar haren ondoan egotea da, eta ez bakarrik une larrietan (hala nola ezbeharretan)”, nabarmendu du Bernard de la Ossak (Auto Zerbitzu Prestazioko eta Hornitzaileen Kudeaketako arduradunak).

Erraza egitea

Bernard de la Ossa, Auto Zerbitzu Prestazioko eta Hornitzaileen Kudeaketako arduraduna

Ildo horretan, oso presente duten jarduketa-lerroetako bat da bezeroak zerbitzua erabiltzeko egiten dituen esfortzuak (sarrerako deiak) murrizteko lan egitea, berarekin bere beharrak kudeatzeko harremanetan jartzen dena aseguru-etxea izan dadin saiatuz.

“Estrategia horri begira, argi dugu gure bezeroek modu naturalean erabiltzen dituzten kanal guztiak baliatu behar ditugula”, Bernard de la Ossaren hitzetan.

Lagun Aroko arduradunek diotenez, badakite bezero-esperientzia lantzeko premia dagoela, ezbeharraren kudeaketarekin gogobetetzetik harago.

“Hori lortzeko, proiektuak abiarazi ditugu, bai unibertsitateekin (zehazkiago, Mondragon Unibertsitatearekin eta Deustuko Unibertsitatearekin), eta bai bezeroekin berekin, hainbat metodologia (blue print, safari, design thinking edo focus group) erabiliz, haien errealitate arrazionalean eta emozionalean sartu ahal izateko”, aipatu dute.

“Bezero-esperientzia lantzeko, proiektuak abiarazi ditugu, bai unibertsitateekin eta bai bezeroekin berekin”

Bezeroa hobeto ezagutzeko eta unean-unean arreta pertsonalizatzeko lan horretan, Customer Journey Map baliatzen ari dira. Tresna horren bidez prozesua berraurkitzeko asmoa dute, beste ikuspegi batetik begira. Helburua da bezeroak aurreikusi gabeko oinaze-uneak identifikatzea, edo hobekuntza-arloak, askotan konponerrazak direnak.

Horren adibidea da, esate baterako, ezbeharra kudeatzeko prozesuen arteko itxaron-uneetan informazio gehiago ematea laguntzeko modu gisa.

“Gainera, ezin dugu ahaztu gaur egungo bezeroek enpatia eskatzen dutela eta haiengatik kezkatzen garela eta beren arazoak konpontzeko benetako interesa dugula sentitu behar dutela”

“Ezin dugu ahaztu gaur egungo bezeroek enpatia eskatzen dutela”

Horregatik, gure Estilo Eskuliburua eguneratu dugu, gure hizkuntza eta komunikazio-tonua egokitzeko. Eskuliburuaren abiapuntuan Enpresa Kulturako proiektu bat dago, erakundeko pertsona guztiak inpaktatzea helburu duena”, Bernard de la Ossaren esanetan.

Bezeroaren bidaia honetan, harremanetarako zentroak garrantzi handia du. Eta Lagun Aroren kasuan, bat baino gehiago dituzte. Horrela, harreman espezializatuago bat eskaintzen dute, arreta ematen zaion bezeroen nahiz lankideen segmentuen arabera:

• Alde batetik, bitartekariei eta banku-kanalari arreta eskaintzeko plataforma espezifikoak daude.
• Bestetik, bezeroen kontaktuak kudeatzen dira.
• Era berean, konpontzaileen arreta- eta kudeaketa-zentroa dago.

Harreman espezializatua

Alfonso Villasante, Sare Komertzialetarako Arreta Zentroko arduraduna

Egitura horretan, aseguru-etxeak pertsonal propioarekin eta kanporatuarekin lan egiteko aukera hautatu du.

“Alde batetik, espezialistek lan egiten duten zentroak ditugu, gure bitartekarien eta banku-kanalaren kudeaketari arreta emateko eta laguntzeko; bata barnekoa da, eta bigarrena mistoa. Bestalde, azken bezeroei arreta emateko plataformak ditugu; horiek kanporatuta daude”, adierazi zuen Alfonso Villasantek, Sare Komertzialetarako Arreta Zentroko arduradunak.

Kanporatzeak azkartasun eta malgutasun handiagoak eskaintzen dizkigu behar gehiago dituen zerbitzu batean, gure dei- eta ordutegi-bolumena gorabehera. Aukera ematen digu eskaerak kanal ororen bidez kudeatzeko; aldi berean, bezero-esperientzian trebatutako pertsonala eskainiko die arreta gure bezeroei. Horrez gain, puntako kudeaketa-teknologia sartzeko asmoa ematen digu; azken finean, kostu-aurrezkia, espezializazioa eta zerbitzuaren eskalagarritasuna da”, dio Villasantek.

“Espezialistek lan egiten duten zentroak ditugu, gure bitartekarien eta banku-kanalaren kudeaketari arreta emateko eta laguntzeko”

Nolanahi ere, bai azken bezeroei arreta ematen dieten agenteek eta bai aseguru-etxeko lankideek komunikaziorako, enpatiarako, entzumen-gaitasunerako eta zerbitzu-orientaziorako gaitasun handiko profila dute.

“Gainera, kanal digitalen sarrera dela-eta kanal orotako arreta emateko ezagutzak nahiz gaitasun guztiak izan behar ditugu, eta, batez ere, FCR ehuneko altua lortzea bideratuta egotea lortu behar dugu”, aseguru-etxearen esanetan.

Agenteen gaitasun propio horiek ematen zaien trebakuntzarekin indartzen dira. Izan ere, denek pasatu behar dute hasierako trebakuntzako epe bat, bi edo hiru astekoa, sartuko diren lantaldearen arabera. Era berean, aldian aldiko trebakuntzak izango dituzte produktuari, bezero-esperientziari eta zerbitzuari dagozkion bestelako alderdiei buruz.

“Ez hori bakarrik: maiz baterako trebakuntzak egiten ditugu, esate baterako, ezbeharrak kudeatzen dituzten lantaldeekin, eta harremanetarako zentroa osatzen duten plataformetako pertsonen bisitak, back office lantaldeei eta alderantziz”, aipatu zuen Bernard de la Ossak.

Automatizatzea eta neurtzea

Gaitasunei dagokien trebakuntza funtsezkoa bada, aseguratuei eskaintzen dieten zerbitzua hobetzen laguntzen duten tresnak erabiltzeari dagokionak ez du garrantzi gutxiago. Ildo horretatik, ezinbestekoa da barneko zereginak automatizatzea.

“Orain arte, tresnetan automatizazio eta hobekuntza berriak erabiltzeak aukera eman digu zerbitzu berriak lantzeko edo lehendikoak hobetzeko, agenteen balio handiagoko ekarpena sortuz”, aseguru-etxearen esanetan.

“Tresnetan automatizazio eta hobekuntza berriak erabiltzeak aukera eman digu zerbitzu berriak lantzeko edo lehendik daudenak hobetzeko”

Tresna teknologiko egokiak erabiltzea ere garrantzitsua da agenteen lana neurtzeko. Horrela, Lagun Aroko arduradunek gogorarazi dute erantzun-denborak nahiz bezeroen esperientzia neurtzeko aukera ematen dieten adierazleak dituztela. “Gainera, garrantzi handiagoko kasu bat bada, alertak ditugu berehala jarduteko”, aipatu dute.

Aseguru-etxeak aspalditik apustu egin zuen bere contact center-etan erabilitako adierazleak berrorientatzeko lanaren alde.

“Adierazleak jasotako esperientzian zentratuago egotea nahi dugu”

“Adierazleak jasotako esperientzian zentratuago egotea nahi dugu, plataformaren eraginkortasunean baino gehiago. Ikusgaitasun handiagoa eman nahi diegu hainbat adierazleri: bezeroaren ahalegin-indizeari, kasu partikularren malgutasunari, gorabeheren edo eskaeren jarraitutasunarekiko proaktibotasunari, eta abarri”, gaineratu du Alfonso Villasantek.

Barne-zereginen automatizazio hori, noski, aseguratuen kudeaketetaraino ere iristen da: web-orriaren bezeroen areatik hainbat kudeaketa egin dituzte beraiek bakarrik, hala nola polizak kontsultatu, aurrekontuak egin, ezbeharren berri eman edo zerbitzuak kontratatu.

Kanal orotako estrategia

Oraingoz bezeroek gehienbat telefonoa erabiltzen badute ere, aseguru-etxea kanal orotako eredua sortzen saiatzen ari da.

“Lortu nahi dugu Lagun Arok ahots bakarra edukitzea kanal guztietarako, bezeroak esperientzia homogeneoa izan dezan, kalitatezko arreta jaso dezan gure kanal guztietan eta kudeaketa edozein unetan egin ahal izan dezan, bitartekaritza, banku-kanal, txat, sare sozial, posta elektroniko, telefono nahiz SMS bidez”, diote.

“Ezuste handia izan da online txataren erabilera arrakastatsua”

Harremanetarako bideen artean, online txata sustatzen ari da, azkar erantzuteko aukera ematen duelako; iaz ezarri zen.

“Ezuste handia izan da online txataren bezeroen erabilera arrakastatsua, bai komertzializazioari eta bai zerbitzu-prestazioari dagokienez. Gainera, horri esker ikasten ari gara kanal desberdinetako arreta denbora errealean bateratzen”, gehitu du Lagun Arok.

BEZEROARENTZAKO ARRETAKO KUDEAKETAREN DATUAK

• Contact center-en plataformen kokaleku geografikoa: Bilbo eta Madril.
• Agenteak guztira: 50
• Erdi-mailako arduradunak guztira: 4
• Agenteak arduradun bakoitzeko: 12-15
• Contact center-eko hileko interakzioak guztira: 25.000 (haietako % 70 telefonoz, % 23 posta elektronikoz, % 5 txatez, eta % 2 app eta webgune bidez).
• Teknologia: Aplikazio eta CRM propioak.
• Bezeroarentzako arreta-ordutegia: Komertziala eta Sare Komertzialetarako Arreta: astelehenetik ostiralera, 08:00etatik 20:00etara. / Zerbitzuak Ematea: 24*7*365

Erreportaje hau Relación Cliente Magazine aldizkariaren baimenarekin argitaratu da, eta Relación Clientes webgunean dago.

The post RC aldizkariak Lagun Arok kanal orotako arretaren eta bezero-esperientziaren alde egindako apustua jasotzen du appeared first on Blog de actualidad.

Hainbat urtez lanean aritu ondoren, gure ahaleginaren emaitzak jasotzen hasi gara Finantza Etikoen Behatokiaren bitartez. Behatokiak EthSI zigilua (Ethical and Solidarity Based Insurance) eman digu, gure zerbitzuen kudeaketa etikoa eta solidaritatea aitortzen duen bereizgarria.

Pablo Mongelos Seguros Lagun Aroko zuzendari nagusiaren iritziz, Enpresaren Gizarte Erantzukizuna da garrantzitsuena: “Horren bitartez lortzen ditugu gure helburuak, gure interes-talde guztien premiak estaltzeko behar diren ekintzak aukeratzea erraztuz. Gure gidaria da eta izango da prozesu honetan zehar. Gainera, 2017ko emaitza ekonomiko sendoekin frogatu dugun moduan, estrategiaren kudeaketa eraginkor baten aldeko konpromisoa ez da bateraezina errentagarritasunarekin”. Halaber, eskerrak eman nahi izan dizkio Seguros Lagun Aroko taldeari: “haien lanari eta ahaleginari esker, aseguru-etxea sozialki arduratsua da”.

Ezagutzen al duzu EthSI zigilua?

EthSI (Ethical and Solidarity Based Insurance) Europako zigilua da. Aseguru-etxe, artekaritza eta kudeatzaileen kudeaketaren kalitatearen balioa nabarmentzen du eta, aldi berean, erregistratutako entitateen aseguru-produktuak ziurtatzen ditu. FETS (Finantzaketa Etiko eta Solidarioa) erakundean txertatutako Finantza Etikoen Behatokiaren tresna bat da. Finantza etikoek Kataluniako eta Espainiako esparru sozioekonomikoan nolako errealitatea duten eta zer inpaktu eragiten duten azterketak, behatu, aztertu eta egiten ditu.

Aseguru etikoek aseguru-mugimenduaren printzipioak berreskuratzen dituzte: irabazi asmorik gabeko jarduera ez ezik, baita pertsonen arteko solidaritate-loturak eta kontzientzia mutualista ere.

Bereizgarri hori emanda, Seguros Lagun Aroren kudeaketa etikoak inbertsioen eta gizarte-erantzukizunaren esparruan duen balioa aitortzen da eta gizarte- eta ingurumen-jasangarritasuna eta gardentasuna sustatzen dira.

EthSI zigiluak aseguru-etxearentzako, kudeatzaileentzako eta polizentzako ezarritako irizpideak balioesten ditu: gizarte-erantzukizuna, etikoki bideratutako inbertsioak, mutualismoa, ekitatea eta gardentasuna.

The post EthSI ziurtagiria gure aseguru etiko eta solidarioen aitorpen gisa lortu dugu appeared first on Blog de actualidad.

Berdintasunean aurrera egiteak enpresa-kultura aldatzea eskatzen du, zerbitzua edo produktua soilik ikustetik pertsonak eta haien errealitate desberdinak kontuan hartzera pasatuz. Horrela bada, iaz diagnostikoari heldu eta gure II. diseinatzea erabaki genuen. Emakumeen eta gizonen arteko berdintasun-plana (2018-2020).

Horretarako, Elhuyar Aholkularitzaren laguntza izan dugu. Emakundek homologatutako enpresa da eta aditua era honetako lanetan; gainera, hainbat Berdintasun Plan egin ditu Euskal Herriko enpresa publiko zein pribatuetan, eta horien artean dago gurea, hain zuzen.

Berdintasuna lortzeko plana abian jartzea

Plana prestatzeko, Berdintasun Batzordea eratu genuen joan den urtean, eta lanean jarraitzen du Plan honen ezarpenean ere. Bestalde, Planaren arduradunak eta koordinatzaileak izendatu dira.

Ahalik eta langile gehien inplikatzeko helburuarekin, emakumeak zein gizonak, lantalde desberdinak sortu ditugu gaika banatuta (sentsibilizazioa, bateratze erantzunkidea, sexu-jazarpena eta sexu-arrazoiengatikoa, etab.) Planean aurreikusitako proiektuak garatzeko. Horien artean nabarmentzen dira sexu-jazarpenari eta jazarpen sexistari aurrea hartzeko eta aurre egiteko berariazko protokolo bat, eta langileek bateratze-arloan dituzten beharrei buruzko azterketa bat ere bai, besteak beste.

Zer lortu nahi dugu?

Bigarren Plan honekin lortu nahi ditugun helburuen artean daude:

• Erakundeko pertsona guztiak sartzea Planaren garapenean.
• Parekotasun handiagoa lortzea Zuzendaritzako organoetan.
• Bateratze-beharrak erakundearen errealitateari egokitzea.
• Balizko desorekak ezagutzea eta gainditzea ordainketan eta onura sozialetan.
• Zero sexu-jazarpen edo jazarpen sexista erakundean,
• Hizkuntzaren eta irudien erabilera inklusiboa bermatzea.
• Interes-talde desberdinak sentsibilizatzea berdintasun-arloan.

2009an lehen Berdintasun Plana egin zenetik gaur arte

Gai horri dagokionez, formalki lanean hasi ginen 2009tik aurrera. Garai hartan 500 pertsona inguru ginen, eta pertsona haiekin diagnostiko bat egin genuen berdintasunari zegokionez erakundea zein egoeratan zegoen jakiteko. Horixe izan zen gure abiapuntua, eta gero I. Emakumeen eta gizonen arteko berdintasun-plana etorri zen.

Seguros Lagun Aroren plantillaren bilakaera generoaren arabera

Emakumeek Konpainiaren organo nagusietan duten presentziari dagokionez, 2017an, agintedun lanpostuen % 35 emakumeek betetzen zituzten. Halaber, ekitaldi berean, emakume bat aholkulari gisa sartu zen Seguros Lagun Aro S.A. eta Seguros Lagun Aro Vida S.A.ren Administrazio Kontseiluan.

Era berean, 2017an Zuzendaritza Kontseilua berritu egin zen eta emakume bat zen konpainiako zuzendari berrietako bat.

Beste alde batetik, nabarmentzekoa da Bilboko Udalak eta RACVNek antolatutako «Mugikortasunerako herritarren XIII. topaketetan» hartu genuela parte 2017an. “Mugikortasuna generoaren ikuspegitik” txostena aurkeztu genuen.

Horregatik guztiagatik, uste dugu Lagun Arok gizarte berdinzaleagoa eta justuagoa bultzatzen lagun dezakeela. Hori dela-eta, genero-berdintasuna lortzeko aurrerapausoak egiten eta aurrera egiten laguntzen duten ekimenak abian jartzen eta lan egiten jarraituko dugu.

The post Lagun Aro genero-berdintasunarekin konprometituta dago appeared first on Blog de actualidad.

VoiceMagazinen 2018ko martxoan argitaratutako elkarrizketa osoa erreproduzituko dugu hemen.

Voice aldizkariaren azala eta barrualdea

Munduan jende gutxi egongo da mugimendu kooperatiboan interesa izan eta Arrasate (Mondragon) herriaren entzuerarik ez duena. Arrasate (Mondragon) Bizkaiko golkotik hogei bat kilometrora dago, Euskadin, Espainiaren iparraldeko eskualdean. Arrasatek 20.000 biztanle pasatxo ditu, eta mundu osoan da ezaguna kooperatiba-arloko arrakasta-istorio bikain baten erdigune gisa. Mondragón Corporación Cooperativak (MCC) kooperatiba-federazio ahaltsu baten bidez ondasunak eta zerbitzuak hornitzen dituzten hainbat enpresa kooperatibo indibidual batzen ditu. Munduko oso leku gutxitan dago hain sakon txertatuta negozio-eredu kooperatiboa negozioen munduan nahiz komunitatearen bizitzan. Horregatik, ez da harritzekoa Mondragon taldeak bere aseguru-etxe kooperatiboa izatea, hain zuzen ere, Seguros Lagun Aro.

“Balio kooperatiboak oso garrantzitsuak izan dira nire bizitzan”

Mondragon taldearen historia 1956an hasi zen eta Lagun Arok mende laurden bat geroago, hain zuzen ere, 1982an ireki zituen ateak aseguratzaile orokor gisa. Orduan, Pablo Mongelos Lagun Aroko egungo zuzendari nagusia eskolan zebilen. Pablo Donostiako Unibertsitateko Negozio Zientzietan lizentziatu zen 1988an. Urte hartan, Lagun Arok bizi-aseguruen adarra gehitu zien bere eragiketei. Laster hasi zen unibertsitatean ikasitakoa mugimendu kooperatiboaren zerbitzura jartzen. Fagor Electrodomésticos etxetresnak egiten zituen kooperatibako esportazio-departamentuan hasi zen lanean.

Harridura handirik sortu ez zuen mugimendua izan zen. Lankidetzan erabat murgildutako familia-giroan hazi zen Pablo. Bere aita, Javier Mongelos, gako-figura izan zen Mondragon taldearen lehen urteetan. 2016an hil zenean, federazioko buruzagi garrantzitsuenetakoen moduan goraipatu zuten hileta-liburuek. Javier eraginkorra izan zen 1980ko eta 1990eko hamarkadetan MCCren zuzendaritza estrategikoa ezartzen lagunduz, eta hiru urtez izan zen Mondragon taldeko Kontseilu Orokorreko lehendakari, 1992tik 1995era. Pabloren ama ere, María Luisa, oso aktiboa izan zen Mondragon taldean. ALMENen lan egin zuen, kooperatibaren hezkuntza-adarrean, besteak beste, Pablok bigarren hezkuntzako ikasketak egin zituen ikastetxean. “Egia esan, nire bizitza beti egon da mundu kooperatiboari lotuta”, adierazi zuen. “Lankidetza familiaren antzeko zerbait bihurtzen da”, gaineratu zuen. “Nire ekosistema da”.

Pablo Mongelosek arrastoa utzi zuen Fagor Electrodomésticosen. Esportazio-zuzendari kargua hartu zuen eta gero kooperatibaren zuzendari nagusiaren kargua. Gero, 2006an, zeharkako mugimendua egin zuen Lagun Arora, Mondragon taldearen aseguruen alderdian murgilduz.

“Mutualitate- eta kooperatiba-entitateek munduko gainerako negozioetatik bereizten dituzten puntu positibo bat dute”

Lagun Aro (euskal izena da, eta aseguru-etxeak bezeroen lagun moduan jokatzen duela esan nahi du) Mondragon taldeko Laboral Kutxa kooperatiba-bankuaren jabetza osoaren zati gisa egituratuta dago. Konponketa hori 2011n gauzatu zen. Urte horren aurreko aldia zaila izan zen, munduko finantza-hondoratzeari Espainiak emandako erantzunak etapa jakin batean desmutualizazioarekin mehatxatu zuenean Lagun Aro. Baina Laboral Kutxarekin lotura zuzena izateak merkataritza-onura handiak ekarri dizkio aseguru-etxeari. Orain, aseguru-etxearen produktuak zuzenean merkaturatzen zaizkie bankuaren 1,2 milioi bezeroei eta Lagun Arok Laboral Kutxaren 335 sukurtsaleko sarea erabiltzen du, Euskadin, Katalunian eta Espainia iparraldeko eta erdialdeko beste eremu batzuetan zabalduta dagoen sarea. Laboral Kutxarekin duen banku-aseguru erlazioak Lagun Aroren negozioaren % 80 eragiten du eta beste % 20 artekari eta agenteen bitartez. Banku hartzaileak ere jasotzen ditu onurak. Laboral Kutxa bere bezeroei aseguruetan adituak diren langile espezializatuak eskura jartzen dizkien Espainiako banku bakarra da.

Pablo Mongelos (ezkerrean) Lagun Aroko aseguru-artekarien konbentzioan, 2017an

Pablo Mongelosek adierazi du Lagun Aroren merkataritza-integrazioak, 2013an gauzatu zenak, oso ondo funtzionatu duela. “Kontua da arrakasta handia lortu dela eta ez dugula benetako arazorik izan bi banaketa-kanal izateagatik”, gaineratu zuen. Hazteko tartea dago oraindik. Gaur egun, Lagun Arok 360.000 aseguratu ditu, gutxi gorabehera, beraz, tarte handia geratzen da Laboral Kutxaren gainerako bezeroei aseguruak merkaturatzeko.

Azken urte hauetan, ondo etorri den hazkundea izan da bai primen ondoriozko diru-sarreretan eta bai Lagun Aroren errentagarritasunean. Prima garbiak % 3,6 hazi ziren 2016an, 116 milioi eurora iritsiz (140 milioi USD). Automobilen aseguruak negozioaren erdia baino gehiago hartzen du (65 milioi EUR), eta jabetzari egindako kalteen aseguruak ere elementu garrantzitsua dira. Bizi-aseguruek 49 milioi EUR gehigarri sortzen dituzte, negozio osoaren % 30 gutxi gorabehera.

“Hil ala bizikoa da aldaketaren kultura irakastea. Orain inoiz baino gehiago, etengabeko aldaketarako prestatu behar gara”

Dena den, Pablok irmo adierazten du hori ez dela lo geratzeko arrazoia, eta lanean ari da bere erakundea aldaketa sakonetarako prest egongo dela bermatzeko. “Aldaketa handien garai bateko zati garrantzitsuenean gaude. Teknologia berriek eta kontsumitzaileen portaera berriek berrikuntza garrantzitsuak ekarriko dituzte ekonomiaren sektore guztietan,” adierazi zuen. Aseguruak izango dira eraldaketa handienetakoa izango duten sektoreetako bat.

“Une honetan arinago ibili behar dugu”, zioen. Lagun Aro bere bezeroen premia aldakorrak gogobetetzeko gai izango dela bermatzeko betebeharra eta ahal duen guztietan aurreikusteko betebeharra aipatzen ditu. Aseguru-etxearekin komunikatzeko modu berriak eskaintzea da zereginetako bat. Lagun Arok Laboral Kutxaren lineako plataformarekin duen loturak ondo funtzionatu du, eta duela gutxi berritu da (berriz ere Laboral Kutxarekin batera) aseguratuek erabiltzeko telefono mugikorrerako aplikazio bat. Aseguru-etxea automobilak konpontzeko lantegiekin lotura zuzena ezartzen duen aplikazio berritzaile bat garatzen ari da, bazkideei automobil-istripuen ondorioak modu eraginkorragoan maneiatzeko aukera emango diena.

“Garrantzitsua da aurre egin behar diogun aldaketaren zurrunbiloaren erdian gure balio sozialak begien bistatik ez galtzea”

Pablo Mongelosek oso ondo ezagutzen ditu gureganantz oso bizkor datozen teknologia-aldaketa eraldatzaileak eta horregatik hitz egiten du, besteak beste, ibilgailu autonomoek eta Gauzen Internetek aseguru-etxeentzat izango dituen ondorioei buruz. Horrek esan nahi du lan egiteko antolaketek aldaketara irekita egon behar dutela. “Nik uste dut hil ala bizikoa dela aldaketaren kultura irakastea. Orain inoiz baino gehiago, etengabeko aldaketarako prestatu behar gara”, adierazi du.

Baina Lagun Arok eta ICMIF familiako beste aseguru-etxe batzuek mahukan komodin bat dutela ere uste du: sinesmen-sistema kooperatiboko balioak. “Balio horiek oso garrantzitsuak izan dira nire bizitzan”, adierazi du. “Garrantzitsua da aurre egin behar diogun aldaketaren zurrunbiloaren erdian gure balio sozialak begien bistatik ez galtzea. Horiek dira mundu hobe bat eraikitzeko gure harri-koskorra jartzeko aukera ematen digutenak”.

Pablo Mongelos Seguros Lagun Aroko bere egoitzan

Familiaren urratsei jarraituz

Pablo Mongelos bost seme-alabatatik laugarrena zen, eta berak ere gurasoen ereduari jarraitu dio bost seme-alaba izanda. Laura alaba zaharrenak 26 urte ditu eta Ander seme gazteenak 18. Familiak oso garrantzitsua izaten jarraitzen du bere bizitzan. Dudarik gabe, aitak mendiagatik sentitzen duen maitasuna partekatzeko moduan hazi dituzte. Ahal duen guztietan aurkitzen du denbora Euskadiko mendietara joateko, bizi den inguruan, eta udako hamabostaldi bat ere bere familiako beste kide batzuekin mendian ibiltzeko hartzen du. “Nire seme-alabekin atzerrira joatea gustatzen zait hamabost bat egunerako, gehienetan aldez aurretik planeatu gabeko ibilbidearekin, etorri ahala inprobisatuz. Aldez aurretik erabakitzen dugun gauza bakarra nora joango garen izaten da. Beste leku batzuen artean, Norvegian, Eskozian, Ingalaterran, Kroazian, Irlandan eta Marokon izan gara”, azaldu zuen.

Baina Pablok Euskadi eta Espainiatik harago duen interesa ez da oporretara mugatzen. Bere kooperatibak luzaroan jokatu du rol aktiboa ICMIF erakundean, ICMIFen Europako organoan eta AMICEn. Izan ere Pablok ez du lankidetzaz soilik hitz egiten, elkar-lankidetzaz ere hitz egiten du. Beste hitz batzuekin esanda, kooperatiben arteko lankidetzaz. “Nik uste dut mutualitate- eta kooperatiba-entitateek munduko gainerako negozioetatik bereizten dituzten puntu positibo bat dutela. Uste dut garrantzitsua dela hori esatea, geure arteko lankidetza ahaztu gabe. Elkar-lankidetza arrakastaren osagai garrantzitsua da”.

Elkarrizketa hau VoiceMagazineren baimenarekin argitaratu da eta eskuragarri dago ingelesez, frantsesez, espainieraz eta japonieraz ICMIF erakundearen web-orrian. ICMIF Aseguruen Kooperatiba eta Mutualitateen Nazioarteko Federazioa da eta Lagun Aro du Espainiako kide bakarra.

The post Voice aldizkariak elkarrizketa egin dio Pablo Mongelos Lagun Aroko zuzendari nagusiari appeared first on Blog de actualidad.

Gure jardueraren berezko izaeragatik, Seguros Lagun Arok eragindako ingurumen-inpaktua txikia da. Hala ere, enpresak ingurumenaren kudeaketa arduratsua eta iraunkorra egiten du, eta gure ingurunearekin arduratsua izateko ekintzak jarri ditu martxan.

Markatutako erronketako bat paperik gabeko bulego bat lortzea da. Eta zer egiten ari gara paperaren kontsumoa murrizteko? Nagusiki bi proiektu garatu ditugu: alde batetik, inprimatzeko eredu berri bat, eta bestetik, bezeroen dokumentazioaren kudeaketaren optimizazioa.

% 86 gutxiago erabili dugu papera inprimatzeko

2016 urtearen amaieran, gure inprimagailu eta fotokopiagailu guztiak berritzeari ekin genion. Horrela, kostuetako efizientzia handiagoa eta inprimaketen informazio xehea lortu ditugu.

Gainera, inprimaketarekin lotutako beste ekimen batzuk ere jarri ditugu abian: aldaketa bat eransten diren gastu-oharren eta tiketen sisteman; zerrenden automatizazioa; pantaila bikoitza; bi aldeetako inprimatzea; inprimatze-datuak bidaltzea hilero lantalde bakoitzari; “Lortu opariak gutxiago inprimatuz” lehiaketa abian jartzea.

Horrekin guztiarekin, enpresan lan egiten dugun pertsonen sentsibilizazio handiagoarekin batera, erakundean paperaren erabilerari buruzko kultura aldatzea lortzen ari gara.

2016 urtearen amaieran 76.200 orrialde inprimatzen genituen 70.105 foliotan hilabetean. 2017ko lehen hiruhilekoa igarotakoan 26.181 folio inprimatzen genituen hilabetean, eta horrek paperaren kontsumoa % 62,75 murriztea ekarri zuen. Irailean, urrian eta azaroan batez beste 15.300 inprimaketa egin genituen hilabetean, eta 9.700 folio/hilabetean. Abenduan, lanegun gutxiago eta opor-egunak daudela kontuan hartuta, 10.500 orrialde eta 6.800 folio inprimatu ditugu.

Paperaren kontsumoa % 86 inguru murriztu da, eta % 90era iritsi da abenduan. Laburbilduz, askoz gutxiago inprimatzen dugu eta alde bietatik (inprimaketen % 70etik gora). Batez beste, ezarritako helburua baino gutxiago inprimatzen du pertsona bakoitzak, hau da, une honetan 5 inprimaketa -3 folio pertsonako, eta datu horiek konstante mantendu dira udaren ondoren.

Bezeroen dokumentazioaren kudeaketa optimizatzea

Aurten, polizak formatu digitalean jaulkitzeko eta aplikazioetarako sarbideak gure bitartekarien eta bezeroen esku jartzeko proiektu bat jarri dugu abian. Horrela, aseguruen bitartekariek eta Lagun Aroren bezeroek formatu digitalean helaraz diezagukete dokumentazioa, bai harpidetzaren prozesuan, bai zerbitzuaren prestazioan.

Proiektu honek inpaktu handia du ingurumenaren gainean, inprimaketak nabarmen murriztea baitakar, paperaren eta dagokion artxibatzearen lekualdatze fisikotik

2016an inprimaketa-eredu berria ezarri genuen, eta inprimatutako folioak % 64 murriztea lortu genuen #EES https://t.co/ktAZDBTMRL pic.twitter.com/TwKrU7tluU

— Seguros Lagun Aro (@seguroslagunaro) 29 de noviembre de 2017

The post 0 paper helburua appeared first on Blog de actualidad.

“Lagun Aron gurea zaintzen dugu” leloarekin martxan jarri dugu ekintza-plan bat Bilboko egoitza sozialean lan egiten dugun 145 pertsonen artean ohitura osasungarriak sustatzeko. Azken urteotako helburua lortzeko urrats bat gehiago da: lan-ingurune osasungarria garatzea.

Seguros Lagun Aron Osasunaren Zaintzarako plana dugu: plan horren emaitzak erabakigarriak izan dira proiektu hau martxan jartzeko. Egoneko lana duen batez besteko 46 urteko langile-taldea dugula kontuan hartuz –emakumezkoen % 26,31k eta gizonen % 62,50ek gainpisua edo obesitatea dute–, nahitaezkoa zen ekintza-plan bat martxan jartzea. Zein da helburua? Langileei bizitza-estilo osasungarriei buruzko informazioa ematea eta produktu, hautapen eta ohitura osasungarriagoak hautatzeko aukera aurkeztea.

Proiektu honek funtsezko lau zutabe ditu: elikadura, ariketa fisikoa, ergonomia eta faktore psikosozialak. Horrela, aurten jada ikusi ditugu gure bulegoetan ondo gosaltzearen abantailei buruz edo lan-denboran inprimagailura, komunera… joateko mugitzeko beharrari buruz hitz egiten diguten kartelak (“Praktikan jarri ni joango naiz metodoa eta zure osasunaren aldeko urrats handiak egingo dituzu”).

Frutaontziak bulegoan

Eta ez hori bakarrik: fruta gehiago kontsumitzea bultzatzeko eta egunerako gomendatutako hiru anoetara iristeko, frutaontziak jarri dira bulegoko zona estrategikoetan, nekazaritza jasangarriko, sasoiko eta inguruneko piezekin. Enpresak eta langileek partekatzen dute kostua.

Vending produktu ez hain osasungarriak ordeztu ditugu

Salmenta-makinak ere berritu ditugu produktu osasungarriagoak eskaintzeko NAOS estrategiari jarraituz (Nutrizioa, Jarduera fisikoa eta Obesitatearen prebentzioa): 200 kilokalorietako gehieneko balio energetikoa; 7,8 gramoko gehitutako gantzen gehieneko edukia eta gantz aseen 2,2 gramokoa; trans gantz-azidorik ez; gehitutako azukrearen 15 g-ko gehieneko edukia; edo gatzaren 0,5 g-koa.

Agur plastikozko botiletan ontziratutako urari

Gainera, plastikozko botiletan ontziratutako ura sareko ura iragazten eta arazten duten iturriekin eta beirazko botila indibidualekin ordeztu dugu. Eta enpresa-ekitaldietarako cateringak ere berrikusten ditugu, proiektuarekin bat etor daitezen.

Dieta mediterraneoa bultzatzea

Ekimen honen beste funtsezko zutabe bat elikadura osasungarrian heztea da. Eta dieta mediterraneoa jarraitzen ikasteaz gain, kontsumitzen ditugun ontziratutako produktu guztien etiketak deszifratzen ere ikasi dugu.

Informazioa ere ez da falta jasotzen dugun newsletter-ari esker: nola egokitu menuak tarterari, nola manipulatu janariak higienearekin, zer da menu oso bat, zer da janari-talde bakoitzaren anoa bat…

Eta, autoetan bezala, pantaila-babesleak ere bat egin du proiektuarekin, eta galdetzen digu…: “Bi orduz egon zara ordenagailuaren aurrean? Ariketa egitera gonbidatzen zaitugu…”.

Gizarte-erantzukizuna

Prebentzioaren kulturaren eraginak lan-ingurunetik harago doaz, eta eragin onuragarriak dituzte gure familietan eta gure inguruan. Iraupen-lasterketa da, baina, enpresa sozialki arduratsua garenez, ziur gaude onurak ekartzen dizkiola gizarteari eta gure aseguruak hobetzen dituela. Azken finean, langileak zaintzea gure bezeroei ematen diegun zerbitzua zaintzea ere bada.

Berriki gure EKINTZA-PLANAren esperientziak eta praktika onak aurkeztu ditugu laneko osasunari, segurtasunari eta ongizateari eskainitako 2017ko Prevencionar kongresuan.

Comunicación: En Seguros Lagun Aro, cuidamos de lo nuestro https://t.co/AT5rXR8zr1

— Prevencionar.com (@prevencionar) 26 de octubre de 2017

The post Lagun Aron prebentzioaren kultura sustatzeko ekintzak appeared first on Blog de actualidad.