Zer dira aseguru-frankiziak?

Aseguruen arloan, frankizia defini daiteke ezbehar baten ondoriozko kalteak estaltzeko aseguratuak ordaindu beharreko diru-kopuru gisa. Batez ere, auto-aseguruan erabili edo aplikatu ohi da, baina baita beste aseguru-mota batzuetan ere, hala nola Etxekoan, Erkidegokoan edo Erantzukizun Zibilekoan.

Hau da, kalteak sortuz gero kontratatutako aseguruak estalitako kontingentzia batengatik, aseguratuak konponketaren zenbatekoaren zati bat bere gain hartzeko aukera dago.

Frankiziarekin kontratatzen diren aseguruetan primak txikiagoak izaten dira halakorik ez duten aseguruetan baino; jakina, Aseguru Etxeak ez duelako bere gain hartzen ezbeharraren kostu osoa.

Zer frankizia-mota daude?

Oro har, esan daiteke aseguru-mota adina frankizia-mota daudela.

Frankiziaren zenbatekoa zenbateko finkoa izan daiteke, baina badaude ezbeharraren kostuaren gaineko frankizia portzentualak ere bai (adibidez, ezbeharraren kostuaren % 3). Gainerako kopurua aseguru-etxeak berak ordaindu beharko du.

Aseguru-produktu gehienetan egon daitezke frankiziak; hala ere, hemen interesatzen zaiguna ohikoena da: automobil-aseguruetarakoa.

Automobil-aseguruan frankiziaz hitz egiten denean, normalean Arrisku Orotako modalitateei egiten zaie erreferentzia, eta, zehazki, ibilgailuak izandako kalteen estaldurari.

Izan ere, tipologiarik hedatuena da zalantzarik gabe, eta horren arrazoia da oso interesgarria izan daitekeela eskaintzen dituen abantailekin.

Horregatik, Lagun Aron auto-aseguru bat daukagu gure bezeroen frankizia 50 eurotan murrizten duena ezbeharrik izan gabe igarotzen den urte bakoitzeko, betiere ibilgailua gure Konfiantzazko Tailerretako batean konpondu behar bada: Frankizia Hobariduna da, eta gidari onak saritzen ditu. Horrela, 300 euroko frankizia 150 eurokoa izatera pasa daiteke urteak igaro ahala, 450 eurokoa 250 eurokoa izatera, eta 600 eurokoa, berriz, 450 eurokoa. Hori oso aurrezki garrantzitsua izango da gure bezeroentzat ezbeharrik izanez gero.

Horrenbestez, ikusi dugu frankiziaren kontzeptua funtsezkoa dela aseguru-kontratuetan, horien tipologia edozein dela ere. Ikuspegi horretatik, gure erabakiari buruz gomendatzen diguten profesionalen aholkularitza izatea abantaila segurua izango da. Lagun Aron erabiltzaile guztiak animatzen ditugu gurekin harremanetan jartzera inolako konpromisorik gabe… Behar dituzuen erantzunak emango dizkizuegu!

The post Aseguruaren frankizia: zer da eta nola funtzionatzen du? appeared first on Blog de actualidad.

Patinete elektrikoen booma ukaezina da gaur egun; baina zerbait berria denez, legeria etengabe eguneratu eta berrikusi behar da. Lehenik eta behin, jakin behar duzu patinete elektrikoa bidegorrietatik erabili behar duzula oro har, eta inola ere ez espaloietan. Bestalde, oraindik ez da nahitaezkoa patinetea matrikulatzea ez eta kaskoa erabiltzea ere.

Beti komeni da asegurua edukitzea istripu bat gertatzen denerako, baina istripuak saihesteko modurik onena abiadura moderatuan ibiltzea da, beste patinatzaile edo txirrindulariei kalterik ez eragiteko. Kontuan izan legearen arabera bi urte inguruko epean zirkulazio-ziurtagiri bat beharko dela patinetea erabili ahal izateko. Agindu orokor horiez gain, autonomia-erkidego bakoitzak eskumenak ditu bere araudia argitaratzeko, betiere estatukoarekin bateragarria eta harmonizatua.

Horri dagokionez, Zirkulazioko Erregelamendu Orokorrak honako debeku eta muga hauek ezartzen ditu, besteak beste:

• Herri barruko bideetan abiadura 20 km/h-ra mugatzea, galtzadarako eta espaloirako plataforma bakarra duten bideetan; 30 km/h-ra, zirkulazio-noranzko bakoitzeko errei bakarreko bideetan; eta 50 km/h-ra, zirkulatzeko bi errei edo gehiagoko herri barruko bideetan. Udalerriak debeku zorrotzagoak ezarri ahal izango ditu, baina salbuespenak ere bai zirkulazio-errei bakarra izanez gero, muga handituz. Muga hori argitaratu eta 6 hilabetera sartuko da indarrean.
• MPIak zeharbideetatik, herriarteko bideetatik, autobideetatik eta autobietatik ibiltzea, herri barruan ibili arren, eta baita hiriko tuneletatik ere.

Neurri horien bidez, DGTk ezbehar-tasa murriztu nahi du, batez ere hiri-eremuan, eta mugikortasun-formula berriak eskaintzen dituzten ibilgailuen tratamenduei buruzko zalantzak argitu nahi ditu.

Zer gertatzen da patinetearekin istripu bat baduzu eta hirugarren bati kalte egiten badiozu?

Puntu honetan, besteak beste,istripu-aseguruaren edo Etxeko aseguruaren zeregina sartzen da, funtsean. Gaur egun, autonomia-erkidegoko gobernuak nahitaez ezarri ditu zenbait udalerritan, Alacanteko edo Benidormeko zirkulazioan, esate baterako. Bizi zaren zonan nahitaezkoa ez bada ere, babes-neurri gisa edukitzea gomendatzen dizugu.

Aseguru batek eskaintzen duen babesa, bai kalte pertsonalengatik, bai beste batzuei –hirugarrenei– egindako kalteetan izan dezakezun erantzukizunagatik. Gainera, kontuan hartzen baduzu legeria etengabe eguneratzen dela, ematen dizun babesa are handiagoa da; izan ere, istripu bat estal diezazuke hirugarren batzuk kaltetu direnean edo balizko kalte-ordain baten aurrean.

Asegurua oraindik nahitaezkoa ez bada ere eta legeria oraindik eboluzionatzen ari bada ere, komeni da indarrean dagoen araudiaren berri izatea. Horrela, joan den 2020ko azaroaren 11n BOEn argitaratu zen Zirkulazioko Erregelamendu Orokorra eta Ibilgailuen Erregelamendu Orokorra aldatzen dituen azaroaren 10eko 970/2020 Errege Dekretua. Horren ondorioz, 2021eko urtarrilaren 2an hauek sartuko dira indarrean:

Ibilgailuen Erregelamendu Orokorrean sartutako aldaketa garrantzitsuenak hauek dira:

Ibilgailu motordunen definizioa aldatu da, pedal-eragite lagundua duten pedal-bizikletak eta MPIak (mugikortasun pertsonaleko ibilgailuak) kanpoan utziz. Horrek esan nahi du ez dutela Nahitaezko Automobil Aseguru batek aseguratuta egoteko betebeharrik.

Definizio berri horrekin 3 ibilgailu-mota desberdin izango ditugu, eta horien artean patinete elektrikoak daude:

1. Mugikortasun pertsonaleko ibilgailuak (MPI): Plaza bakarra eta gurpil bat edo gehiago dituzten ibilgailuak, 6 eta 25 km/h bitarteko gehieneko abiadura duten motor elektrikoek propultsatuak. MPIek ez dute administrazio-baimenik beharko zirkulatzeko, baina bai baldintza teknikoak betetzearen eta identifikazioaren ziurtagiri bat. Hala ere, pendiente dago Trafikoko zuzendari nagusiaren ebazpen bidezko onespena, eta 24 hilabeteko epea egongo da aplikatzeko.
2. Pedal-eragite lagundua duten pedal-bizikletak: Bi gurpil edo gehiagoko bizikleta elektrikoak, pedaldunak eta motor elektriko batek lagunduak, 25 km/h-ko gehieneko abiadurarekin.
3. Motor-zikloa: 25 eta 45 km/h arteko gehieneko abiadura duten bizikleta elektrikoak.

Halako ibilgailuak, beraz, betebehar hau izango dute: Nahitaezko Automobil Aseguru batek aseguratuta egotea, “ibilgailu motorduna” kontzeptuaren barruan sartuko baitira. Era berean, matrikula eduki beharko dute.

Horrenbestez, zure patinete elektrikorako aseguruak bilatzea da modu bakarra istripuren bat izanez gero edo egungo araudiak jasotzen dituen beste kasu batzuetan erantzukizunik ez izateko. LagunAron zuretzako egokiena daukagu.

The post Zergatik komeni den zure patinete elektrikorako aseguruak begiratzea appeared first on Blog de actualidad.

Ondoren, bumping-a zer den azalduko dizugu, zergatik den hain ohikoa, zein diren bumping-aren aurkako sarrailak eta aseguruak nola erantzuten duen horrelako lapurreta baten aurrean.

1. Bumping teknika
2. Bumping-a ez da gauza berria
3. Lapurren trebezia
4. Sarrailen antzinatasuna
5. Bumping-aren aurkako sarraila-zilindroa
6. Etxe-aseguruak estaltzen nau?

1. BUMPING TEKNICA

Bumping, lapurreta-metodo isil eta “ikusezina”

Albisteetan entzuten duzun hurrengo aldian ez zaizu arrotza irudituko: bumping metodo bidezko lapurreta. Zenbaitek “lapurreta garbia” ere esaten diote, ia ez baita nabaritzen sarraila behartua izan dela.

Funtsean, sarrailaren zilindroan giltza manipulatu bat sartu eta hura kolpatzean datza, zilindroaren pistoiak mugi daitezen. Horren ondorioz, pistoiak aldi berean ateratzen dira giltza kolpatzen denean, eta, horrela, giltza biratu egiten da, eta, hortaz, segurtasun-atea irekitzen da. Erraz-erraza, nolabaiteko trebezia duen lapur batentzat.

Praktika horren bereizgarriena da ez duela markarik edo ebidentziarik uzten, ez behintzat begi-bistakoa, ez duelako apurtzen atearen itxiera-sistema. “Ikusezintasun” horrek mesfidantza handia sortzen die aseguru-etxe batzuei, ez baitute sarraila behartuaren aztarnarik aurkitzen. Lerro batzuk beherago azalduko dizugu nola jokatzen duen aseguruak, sarraila behartu gabe etxean lapurtzen badizute.

2. BUMPING-A EZ DA GAUZA BERRIA

Bumping-a ez da gauza berria

Bumping neologismoa gure hizkuntzan berriki sartu den arren, bumping teknika duela hamarkada batzuetatik erabiltzen dute profesional sarrailagileek. Giltzak galduz gero edo larrialdietan, atea sarrailari kalterik egin gabe irekitzeko aukera ematen zien, eta hori abantaila nabarmena zen.

Hala ere, 2000. urtearen amaieran metodo hori besteenaz jabetzeko joera dutenen artean ere zabaltzen hasi zen, eta, ondorioz, sarrailak behartuak izan ziren aztarnarik ez zuten lapurreten salaketa kopurua handitu zen.

Gaur egun, lapurrek online ere erosten dute, eta edozeinek eskura dezake bumping giltza.

3. LAPURREN TREBEZIA

Lapurren trebezien bilakaera

Bumping-a sarrailak behartzeko ohiko teknika bat izateak ez du esan nahi gero eta lapurreta gehiago daudenik. Kontua ez da alarma soziala sortzea, informatzea eta prebenitzea baizik. Ibilgailuen segurtasuna hobetzen den bezala, gure etxebizitzako segurtasun-neurriak ere eguneratu egin behar dira urteak igaro ahala.

Bumping bidezko lapurreten lehen salaketak agertu zirenetik, urte asko izan dituzte gaizkile-taldeek ikasteko eta trebatzeko.

Gainera, edozein gaizkile ia sarraila mekaniko guztietan erraz sartzeko aukera izateak azaltzen du teknika “garbien” bidez egindako lapurretak izatea lapurreta-teknikarik ohikoenak, bereziki bumping-a.

4. SARRAILEN ANTZINATASUNA

Sarrailen antzinatasuna, lapurreta errazten duen beste inguruabar bat

Etxebizitzara sartzeko ateko sarraila-zilindro askok ez dituzte betetzen egungo segurtasun-estandarrak. Etxe gehienetan sarrailak ez dira berritu eraiki zirenetik, eta Segurtasuneko Sarrailagileen Batasunak (UCES) uste du instalatutako sarrailen % 80 baino gehiago zaharkituta daudela.

Gaizkileek “lapurreta garbiak” egiteko beren sistemak hobetu dituzte; sarrailak, berriz, ez dira neurri berean eguneratu.

Manuel Sánchez UCESeko lehendakariaren arabera, herritarrak ez gara ohartzen gure sarrailak zaharkituta daudela. “Kasu batzuetan, gure sarrailaren zilindroa bera aldatu besterik ez dugu egin behar. Espainian, eraginkortasun-kalitate erlazioaren ikuspegitik oso segurtasun-maila onargarriak ditugu —segurtasun absoluturik ez dagoela jakinda— gure babesa lehen maila batean bermatu ahal izateko, gure etxebizitzara sartzeko erraztasunari dagokionez.”

Zure sarrailak 10 urte baino gehiago baditu, hura aldatzea pentsatu beharko zenuke, bidegabe sartu nahi dutenen azken metodoekiko jada ahula izateko aukera asko dituelako.

5. BUMPING-AREN AURKAKO SARRAILA-ZILINDROA

Bumping-aren aurkako sarraila-zilindroa, lapurrak uxatzeko

Gure etxea lapurretatik babestu nahi badugu, kontua ez da bunker bihurtzea, arriskuak gutxitzea baizik. Eta konponbidea erraza eta sinplea da: sarraila berrituz gero, gure etxebizitza babestuago geratuko da bumping-aren aurka, eta, beraz, lapurreta gehienen aurka.

Sarraila bat ere ez da % 100 hutsezina, baina zenbat eta denbora gehiagoz eutsi erasoari, eta, beraz, lapurrak zenbat eta denbora gehiago behar izan sarraila irekitzeko, orduan eta gutxiago saiatuko da.

Gure etxebizitzak lapurrentzat “erakargarritasuna gal dezan” irtenbiderik egokiena bumping-aren aurkako sarraila-zilindro indartua jartzea da. Sarraila-zilindro indartuek alderik ahulenean altzairuzko zubi bat daukate, zilindroa erraz zatitzea eragozten duena.

Merkatuan, teknika horrekiko erresistentzia handiagoa edo txikiagoa duten zilindro-kalitate asko daude. Sarrailagile profesionalek gogorarazten dute bumping-aren aurkakoa dela dioen etiketarekin saltzen den guztia ez dela benetakoa. Benetan bumping-aren aurkakoa den sarraila-zilindroa erosteko eta sarraila behar bezala instalatzen dela ziurtatzeko, sarrailagileengana edo zentro profesionaletara joatea komeni da.

Bigarren sarraila instalatzea da beste aukera bat. Sarraila bikoitz baten eraginkortasuna ukaezina da, hori bai, baldin eta bumping-aren aurkako segurtasun-ezaugarri berak baditu.

6. ETXE-ASEGURUA

Nire etxean sarraila behartu gabe lapurtzen badidate, aseguruak estaliko du?

Etxean bumping bidez lapurreta izan duten pertsona gehienei galdera bera datorkie burura:  Lapurretarik gertatuz gero, etxeko aseguruak estaltzen nau sarraila behartu ez badute? Erantzuna “bai, baina” da.

Hauek dira bumping bidezko lapurreta bati dagokionez kontuan izan behar dituzun eragozpenak:

1. Lehenengoa eta logikoena da gure etxe-aseguruak lapurretagatiko estaldura barne hartu behar duela.

Seguros Lagun Aroren kasuan, lapurretagatiko estaldura etxe-aseguru guztietan sartuta dago. Modalitate batzuk besteetatik bereizten dituena babestutako objektu motak dira (eskudirua, artelanak, larruak edo bitxiak), baita estalitako gehienezko kopuruak eta sarrailak ordeztea ere. Kontsultatu etxeko aseguruen estalduren konparazio-taula.

2. Bigarrena, berriz, aseguru-etxeari lapurreta bat izan duzula frogatzea da. Funtsezkoa da poliziaren aurrean salatzea, salatutako egitateak egiazta

Indarraren erabileraren ageriko zantzurik ez dagoenez, ebasketatzat har liteke, eta estaldurak desberdinak izan litezke. Esan behar da ez dela ohikoa, zeren eta giltza faltsu baten erabilera (eta bumping-ean erabiltzen direnak hala dira) Zigor Kodean (238. artikulua) ezarritako inguruabar bat baita, “gauzetan indarra erabiliz egindako lapurreta”ren delitua egon dadin. Aurreko artikulu batean,lapurren eta ebasketen arteko aldea azaldu genizuen.

Etxean dituzun baliozko objektuei argazkiak ateratzea eta zure jabetzakoak direla frogatzen duten bermeak eta fakturak gordetzea gomendatzen dizugu.

Bumping-aren funtzionamendua eta kalteberak diren sarrailak nola funtzionatzen duten ikusteko jakin-mina baldin baduzu, hurrengo bideoan argi azaltzen dute. Jaso sarrailagile profesional baten aholkuak eta, jakina, ez ahaztu etxeko atea giltzaz ixtea.

The post Bumping-aren aurkako sarraila bat jartzeko aukera aztertu beharko zenuke appeared first on Blog de actualidad.

Koronabirusaren pandemia iritsi arte –gure ohitura asko aldatu baititu–, garraio publikoa erabiltzeko joera gorantz zihoan. 2019an, 5.081 milioi pertsonak baino gehiagok erabili zuten garraio publikoa Espainian, aurreko urtean baino % 3,6 gehiago. Eta bidaiari horiek guztiak aseguratuta joan ziren. Ez gara bidaia-aseguru bati buruz ari (batek batek izango zuen, noski), Nahitaezko bidaiari-aseguruari (NBA) buruz baizik, istripua gertatuz gero bidaiarientzako kalte-ordaina emateko dagoena.

Nahitaezkoa garraio publiko kolektiboko enpresa guztientzat

Lehenik eta behin, jakin behar duzu garraio publikoa dela legeak kontsumitzaileak gehien babesten dituen eremuetako bat. Izan ere, izenak berak dioen bezala, pertsonen garraio kolektiboan aritzen diren pertsona guztiek –erabilera publikokoak nahiz pribatukoak izan– Nahitaezko bidaiari-aseguru bat (NBA) kontratatu behar dute.

Nahitaezkoa da 9 bidaiari edo gehiagorentzako edukiera duten garraio kolektiboetan (autobusa, metroa, trena edo tranbia) eta kable bidezko garraioetan (funikularrak, teleaulkiak edo teleferikoak). Hegazkinen kasuan, Bidaiarien Aseguruak ordeztu dezake.

Garraio-txartela erostean, pertsona aseguratu bihurtuko zara.

Istripu baten ondorioz kalte fisikoren bat jasaten duten erabiltzaileei kalte-ordaina emateaz arduratzen da aseguru hau. Poliza hau ordaintzen dugun txartelaren prezioan sartuta dago.

Auto-aseguru bat dela pentsa genezake, baina ez da horrela: NBA istripu-aseguru bat da. Izenak dioen bezala, legeriak eskatzen dituen nahitaezko aseguruetako bat da, eta legeak markatzen dizkio kapitalak. Zerbitzua ematen duen enpresak nahitaez kontratatu behar du, pertsonen garraio horri dagokion ordainsaria jasotzen badu.

Ibilgailuen maileguen edo carsharingaren kasuan ere nahitaezkoa da?

Ibilgailu partekatuaren negozioa mugikortasunean sartu da, hiri handietan batez ere. Konfinamenduan zehar hainbat carsharing konpainiak beren jarduerak bertan behera utzi dituzten arren, berriro ekin diote beren jarduerari. Hori bai, kutsatzeko arriskua murrizteko protokoloekin.

Hainbat carsharing mota daude: horietako bat autoak minutuka eta gidaririk gabe alokatzea da (adibidez, Car2go edo Emov). Beste era batekoa da ibilgailuen partikularren arteko alokairua: Yescapa, esaterako, autokarabanen alokairuaren webgunea (Seguros Lagun Arok harekiko lankidetza dauka). BlaBlaCar-en beste modelo bat ere badago, bidaia partekatzeko, ibilgailua bera baino gehiago.

Mota horretako ibilgailu-flotek ez dute nahitaez izan behar nahitaezko bidaiari-asegurua, baina bai ondoren azalduko dizkizugun zenbait estaldura izan behar dituzte.

Zirkulatu nahi duen edozein ibilgailuk bezala, carsharing autoek erantzukizun zibileko nahitaezko asegurua dute.

Hirugarrenen aseguruaz gain, horrelako konpainiek arrisku orotako aseguruak izan ohi dituzte. Horrek esan nahi du guk gidari gisa ere arrisku orotako asegurua daukagula? Erantzuna ezezkoa da. Arrisku orotakoaren onura benetan jasotzen duena gu errudun izanik ezbeharra izan dezakeen enpresa edo pertsona da.

Ohikoa da ibilgailu-maileguetako konpainiek frankiziadun aseguru bat kontratatzea. Horrek esan nahi du erabiltzaileak (istripuaren arduraduna bada) gehieneko kopuru bat ordaintzen duela sortutako kalteengatik. Horregatik, gomendagarria da ezustekorik ez izateko eskaintzen dituzten estaldurak berrikustea: auto- eta konpainia-motaren arabera, zure poltsikoaren kontura izango diren lehen euroak 90 eurotik 1.000 eurora arte joan daitezke!

Azkenik, ibilgailua erabili aurretik berrikustea gomendatzen dizugu, aurreko gidariak egindako urratuei edo bestelako kolpeei aurre egin beharrik izan ez dezazun, eta, jakina eta ez hain garrantzitsua, ibilgailua zurea balitz bezala zaintzea.

Garraio-tituluak, behar bezala balidatuta, berarekin dakar istripu-kasuetarako nahitaezko aseguruaren estaldura.

Zein arrisku estaltzen ditu NBAk?

Lehen esan dugu Nahitaezko bidaiari-asegurua garraio publiko kolektiboarena dela. Ikus dezagun orain zer estaltzen duen.

Nahitaezko bidaiari-aseguruak estaltzen ditu bidaiariek nazio-lurraldearen barruan jasaten dituzten gorputz-lesio guztiak, talka, iraulketa, bide-irteera, haustura, leherketa, erreakzio, kanpo-kolpe eta ibilgailuan eragina izan dezakeen beste edozein matxura edo anormaltasun baten ondorioz. Halaber, atzerrira bidaiatzen hasi eta Espainiatik datozen bidaiariak abalatzen ditu.

Bidaian zehar izandako istripu batek eragindako lesioez gain, bidaiari-aseguruak estaltzen ditu horretarako adierazitako lekuetatik autobus, tren edo hegazkinetik sartzen edo irteten garen unean gerta daitezkeen istripuak edo erorikoak ere.

Oro har, garraio publikoko enpresek inprimakiak dituzte, istripuen kasuan bidaiarien lesioei buruz informatzeko. Behin inprimakiak betetakoan, lesio horiek frogatzeko txanda iritsiko da, dagozkion parte medikoak aurkeztuz.

Bidaiari gisa, egin behar duzun lehenengo gauza da hegazkinez, trenez, autobusez, taxiz edo ferryz egindako bidaiaren garraio-txartela gordetzea. Garraio publikoko txartelak erabiliz gero (MUGI, BAT, Barik, Interbus, Bonobus, ATM txartelak, MÓBILIS, etab.), mugimenduak ikusi ahal izango dituzu, eta egiaztagiria dagokion webgunetik atera. Horrela, istripua izan zuen ibilgailuan benetan bidaiatzen zenuela frogatu ahal izango duzu.

Zer gertatzen da txartela ordaindu behar ez duten adingabeekin?

Txartelik ordaindu beharrik ez duten erabiltzaile adingabeak ere aseguru honek babestuta daude. Xehetasun garrantzitsu bat: ordaindu behar ez izateak ez du esan nahi txartelik gabe bidaia dezaketenik. Ez leku guztietan gutxienez.

Gipuzkoan, esate baterako, araudiak eskatzen du 5 urtetik gorako pertsonek txartela eskuratu behar dutela, doakoa izanda ere, “plazak zenbatzeko eta aseguruen estaldurari begira“.

Garraio-enpresak NBA kontratatua ez badu, Partzuergoak esku hartuko du

Jakin behar duzun lehenengo gauza da asegururik gabe zirkulatzea delitu bat dela, eta larria gainera. Baina, zoritxarrez egoera horretan bazaude eta ibilgailuak ez badu bidaiari-asegururik, Konpentsazio Partzuergoak babestuko zaitu. Kasu horietan, Partzuergoak hartuko ditu bere gain ibilgailu horiek sortzen dituzten kostuak eta kalte-ordainak. Ondoren, Partzuergoak asegururik gabeko ibilgailuaren jabeari erreklamatu ahal izango dio ordaindu duen zenbatekoa.

The post Nahitaezko bidaiari-asegurua: zure garraio-txartelean sartuta dagoen nahitaezko asegurua appeared first on Blog de actualidad.

Udako gure etenaldiak ez zaituzte harrituko sare sozialetan jarraitzen gaituzuenoi edo gure buletinera harpidetuta zaudetenoi. Seguros Lagun Aron normala izaten da abuztuan arnasa hartzea irailean gai berriak ekartzeko.

Aurtengo berrikuntza da autokarabanaz goazela oporretan. Nolanahi ere, lantaldekoren batek zerbait praktikoagoa eta dinamikoagoa nahiago du, eta camper-a aukeratu du bidaiatzeko. Uda honetan, modan jarri dira autokarabanak eta camper furgonetak bidaiatzeko ibilgailu gisa.

Oporrak gurpilen gainean

Jende askok hautatzen du bidaiatzeko modu hau. Beraz, aurten mugitzeko askatasuna eta etxea gainean dugula bidaiatzeko erosotasuna probatuko ditugu. Esaten dute autokarabanan bidaiatzeak adikzioa sortzen duela.

Aurten, gainera, oso aukera egokia da, aukera ematen duelako bidaiak eta ihesaldiak antolatzeko hilabete batzuk lehenago erreserbatu beharrik gabe. Gainera, autokarabana ingurune babestua da, ia autosufizientea, eta desinfektatzen erraza familiarekin nahiz lagunekin segurtasunez bidaiatzeko.

Aholku ugari aurkitu ditugu Interneten caravaningaren munduan hasteko. Lehenengo zalantza hau izan dugu: nola aseguratu behar dugu autokarabana?

Nahitaezko asegurua autokarabanetarako eta camper-etarako

Normalean, halako ibilgailuek ohikoek baino estaldura handiagoak behar izaten dituzte. Gauza bera gertatzen da furgoneten edo camper-en kasuan. Barneko ekipamenduak aseguru-modalitate espezifikoa behar du. Kontuan hartu aseguruak estaldu beharreko osagai gehiago daudela ibilgailu normaletan baino: tresna elektrikoak, ateak eta leihoak, sanitarioak, instalazio elektrikoak, sukaldea…

Eta aseguru-etxe guztiek ez dute horietara egokitutako produkturik. Esate baterako, Seguros Lagun Arok etxebizitza-furgoiak bakarrik (VW California, Mercedes Marco Polo…) aseguratzen zituen orain arte, Arrisku Orotakoaren estalduren bidez. Baina jarraitu irakurtzen, hau aldatu egingo da-eta.

Lagun Aroren aseguru berria autokarabanetarako eta camper-etarako

Hemendik aurrera, Seguros Lagun Arok aseguru espezifikoa eskainiko du autokarabanetarako. Izan ere, halako ibilgailuetarako behar diren estaldurak dituen auto-asegurua da.

• Camper-furgoiak: Fabrikatik atera ondoren etxebizitzen elementuak –ohea, sukaldea…– gehitu zaizkien furgoiak dira.
• Camper-ak: Karrozeria-enpresa espezializatuek egokitutako furgoiak: etxebizitzen elementu propioak gehitzen dituzten kanpo- eta barne-aldaketak dituzte.
• Autokarabanak: Furgoi baten txasisa eta kabina bakarrik –edo txasisa bakarrik– erabiltzen dituzten ibilgailuak. Karrozeria-enpresa espezializatu batek bidaiari-toki bat gehitu die, eta barnean etxebizitzen elementu propioak jarri dira. Hainbat mota daude konfigurazioaren arabera: kaputxinoak, profilatuak, modularrak edo integralak.

Lagun Aroren caravaning aseguru berriari buruz informatzeko, galdetu zure ohiko artekaritzan edo LABORAL Kutxako hurbileko bulegoan. Bestela, deitu 944 94 74 28 telefonora, eta camper-etarako nahiz autokarabanetarako dauzkagun aseguru-modalitateak eta estaldurak azalduko dizkizute.

Autokarabana bat alokatzeko aukera

Nolanahi ere, ez da beharrezkoa autokarabana erostea halakoetan bidaiatzeko esperientzia bizi ahal izateko. Alokatzeko aukera dago, Yescapa.es, webgunean, esate baterako: partikularren artean autokarabanak eta camper furgoiak alokatzeko webgunea da. Aukeratu 7.500 ibilgailu baino baino ibilgailu gehiagoren artean (1.000 baino gehiago Espainian), eta bidaiatu askatasun osoz.

Gorabeheraren bat izanez gero, pertsonalizatutako arrisku orotako aseguru batek bidaia osoan zehar babestuko zaitu, eta errepideko laguntza izango duzu, gainera, asteko 7 egunetako 24 orduetan. Lapurretak ere estalita daude, bai errentariak eta bai jabeak lasaitasun osoz aloka ahal izan dezaten.

Eta badakigu zertaz ari garen, duela urte batzuk geroztik Seguros Lagun Aro eta Yescapa elkarrekin lankidetzan ari direlako partikularren arteko autokarabana- eta camper-alokairurako bereziki sortutako aseguru bat eskaintzeko. Aldi baterako asegurua da, eta jabearen urteko asegurua ordezten du alokairu-aldi bakoitzean. Bai bidaiariak eta bai ibilgailua aseguratuta daude alokairu-aldian zehar, eta inolako administrazio-kudeaketarik egin beharrik izan gabe.

Helmuga turistikoak prest, adi, irten!

Helmuga turistiko ugari konfinamenduaren ondorengo turismoa bultzatzeko  prestatu dira (koronabirusaren ondorengo turismoaz hitz egin nahiko genuke, baina zoritxarrez birusa oraindik hor dago eta alerta jarraitu behar dugu).

Helmuga gehienek barne-turismoa bultzatu nahi izan dute gehienbat, eta autokarabanak moldaerrazak eta erosoak direnez, aurten caravaningaren joera goraka dator. Furgonetan bidaiatzea gero eta zabalduago dago Europa osoan.

Guk Espainiako Autonomia Erkidego ugarik barne-turismoa erakartzeko egin dituzten bideoak erakutsi nahi dizkizuegu. Zure helmuga izan ala ez, erreproduzitu bideoak eta gozatu eskaintzen dizkiguten irudiekin. Ikuste hutsarekin gozatu egingo duzu! Paisaiak ikusi, herriak gogoratu, gastronomia dastatu… gu zoratu egin gaituzte!

Euskadin elkarrekin topatzeko patua

Helmuga ez da leku hutsa. Gauzak ikusteko, sentitzeko eta bizitzeko aukera berria ere bada. Euskadik horretarako aukera ematen du, eta 40 segundotan biltzen ditu musika, off ahotsa eta paisaia ikusgarriak.

Nafarroa eta bere “efektuak” zain dauzkazu

Guk abentura hautatu dugu, baina askoz ere gehiago daude. Klik eginez gero, “Nafarroa efektua” ezagutu ahal izango duzu.

Andaluziak ikusi nahi zaitu

Gata lurmuturrak ikusi nahi zaitu, Alhambrak zure falta du, Torcal zure zain dago, eta Doñanak zurekin egiten du amets… sakatu play, eta esaiezu zerbait.

Kantabria, beti bezain mugagabe

Une zailak igaro ondoren, Kantabriak proposatzen dizu munduan zure lekua aurkitzea.

Asturias, hondartzako lehen lerroan

Asturiasko paradisu naturala, itsasora irekia Eta gogoratzen dizute Printzerriak 200 hondartza baino gehiago dituela, gustu guztietarako.

Galizia Benedictaren eskutik

Galiziaren turismoa sustatzeko kanpainak protagonista berezia du: Benedicta Sánchez, aurtengo aktore berri onenaren Goya sariaren irabazlea.

Gaztela eta Leon, Leo Harlemen inspirazioa

Erkidegoaren neurriko kanpaina: zerbait ezohikoa. Hala dio behintzat Leo Harlemek: berak, behintzat, Gaztela eta Leongo probintzia guztiak ezagutu nahi ditu uda honetan.

Gaztela-Mantxa, inoiz baino gertuago

Gaztela-Mantxako lurrek beren natura sentitzera eta bertako gastronomia dastatzera gonbidatu nahi zaituzte.

Ezagutu Valentziako Erkidegoko iparraldea eta hegoaldea

Gogoratu: bidaia handiak ez dira kilometrotan neurtzen. Aurtengoa uda handia igaro dezakezu Valentziako Erkidegoan.

Re-Murcia

Konturatu zara berriro egin nahi ditugun gauzei askotan RE jartzen diegula aurretik? Entzun zer esaten dizuten Murtziatik.

Katalunia zure etxea da

Oporretan autokarabana zure etxea bada, Katalunia zure bigarren etxea izango da. Bost zentzumenek eskertuko dizute.

Madril, hiriburutik mendira

Ez da Toscana ez Oihan Beltza. Beste nonbait zaudela irudituko zaizu, baina Madrilgo Erkidegoa da.

Extremaduraren ustekabea

Asko gustatu zaigu Extremaduraren spota. 3 minutu ditu: merezi du.

Aragoiko uda

Aragoiko uda beti desberdina izan da: lasaia, gertukoa, segurua eta familiartekoa. Dena aldatu den honetan, betiko uda bat bizitzera gonbidatzen zaituzte.

Errioxara bueltan

Erreserba handi hau helmuga turistikoen zerrenda bukatzeko utzi dugu: Errioxa, xarma turistikoz betetako 5.000 km2. Guk natura eta mendia aukeratu ditugu.

The post Topaketa-oporrak, autokarabanan appeared first on Blog de actualidad.

Bizitza-aseguruak gure kartarik onena dira. Ez du bakarrik babesten eta bermatzen zure egonkortasun ekonomikoa: gure mende daudenena –senitartekoak, bestelako onuradunak…– ere bai.

Bizitza-asegurua izanez gero, lasaiago aurre egingo diegu munduko edozein lekutan eta eguneko 24 orduetan gerta daitezkeen gorabehera zailei. Aseguru-mota horren ezaugarri nagusia da familiaren nahiz bestelako onuradunen behar ekonomikoak estaltzea, heriotza edo istripu nahiz gaixotasunagatiko ezintasuna izanez gero.

Baina estaldura batzuk harago doaz. Aseguru-etxe batzuek lineako testamentuaren zerbitzua sartu dugu gure produktuetan. Gaur egun, Seguros Lagun Arok erabat doan eskaintzen du bizitza-aseguruaren modalitate guztietan.

Egin testamentua nahi duzun lekuan eta nahi duzunean

Gure bizitza-aseguruetan sartutako online zerbitzuetako bat da testamentu pertsonal edo familiarra eta bizi-testamentua. Laguntza horrekin, kontratatzaileak eta bere ezkontideak bere testamentu pertsonal edo familiarra eta/edo bizi-testamentua egin dezake Internetez nahiz telefonoz, abokatu bidezko laguntza juridiko pertsonalizatuarekin eta notario aurreko sinadurarekin.

Doakoa eta legezko balioduna

Zerbitzu honek ez du kostu gehigarririk eta legezko balioa du. Prozedura online egin arren, notariotzara joan beharra dago nahitaez dokumentua ontzat emateko eta sinatzeko. Zerbitzuaren ezaugarri nagusiak:

• Doako sarbidea testamentu pertsonal edo familiarra eta/edo bizi-testamentua Internetez nahiz telefonoz egiteko.
• Oinordetza-zuzenbidean aditua den abokatu baten aholkularitzarekin eta erredakzioarekin.
• Aseguruaren kontratatzailearen etxebizitzatik hurbil dagoen notariotza batean sinatzeko aukera, edo bere etxebizitzan bertan, mendekotasunen bat badu edo mugikortasun-eza.
• Zerbitzuaren barruan dago, halaber, gaixoen edo ezinduen notario-ahalordea egitea eta sinatzea, betiere ahalorde horrek zerikusirik badu oinordetza-izapideekin.
• Notarioaren tasak sartuta daude. Zerbitzu honetatik eratorritako beste edozein gastu aseguratuaren kontura izango da.

Lineako testamentua 4 urratsetan kudeatu

Testamentua egiteko prozesua oso erraza da. Testamentu pertsonaletan eta bizi-testamentuetan, prozesua azkarra, legezkoa eta erabat segurua izango da, eta 4 urrats izango ditu:

Testamentu pertsonalaren edo familiarraren urratsak

1. Inprimakia beteko duzu dokumentua erredaktatzeko behar den informazioarekin (notariotzetan izaten dutenaren oso antzekoa).
2. Testamentua egitea. Testamentua erredaktatu eta egingo dizun abokatua esleituko dizugu.
3. Hitzordua hartuko dugu zure etxebizitzatik gertuko notariotza batean, ahal duzunean testamentua egitera joan zaitezen.
4. Testamentua sinatuko duzu. Notariotzara joan eta sinatu besterik ez duzu egin beharko. Notariotzako sinadurarako beharrezkoa izango balitz, abokatuak lagunduko zintuzke.

Bizi-testamentuaren urratsak (edo Borondate Aurreratuen Dokumentua)

1. Aurretiko aholkularitza integrala bizi-testamentua egiteari buruz, zure egoeran zer den egokiena kontuan hartuta. Bizi-testamentuan –Borondate Aurreratuen Dokumentua ere esaten zaio– zehazten dira baimendutako tratamenduak eta balizko organo-ematea, ordezkari bat izendatzen da, eta zer hileta nahi den adierazten da, norbere borondatea pertsonalki adierazi ezin den kasuetarako.
2. Sinadura kudeatzea aseguratuari ondoen datorkion notariotzan. Han inskribatuko dute Borondate Aurreratuen Dokumentua dagokion Autonomia-erkidegoko Erregistroan.
3. Pazientearen historia klinikoan sartuko da. Borondateen Dokumentua kontsultagai izango dute, estatu mailan, autonomia-erkidegoetako osasun-zerbitzu guztiek. Alegia, ez da ezer gertatuko beste Autonomia Erkidego batera bizitzera joanez gero: denak daude konektatuta Aurretiazko Jarraibideen Erregistro Nazionalera.
4. Medikuak Borondate Aurreratuen Dokumentua edo Historia Klinikoa kontsultatuko du, bere borondatez edota ordezkariak zein senitartekoren batek hala eskatuta.

Egin ondoren, nire testamentua alda dezaket?

Bai. Testamentua jada notariotzan sinatu arren, Seguros Lagun Aroren testamentu-zerbitzuak aukera emango dizu, bai zuri eta bai zure ezkontideari, urtean behin aldatzeko. Horretarako, sartu berriro zerbitzuan lehen azaldu dizugun bezala.

Garrantzitsua da jakitea Bizi Testamentuaren edo Borondate Aurreratuen Dokumentuaren kasuan pertsonaren erabakiak lehentasuna izango duela dokumentuan jasotakoaren gainean. Hau da, norbaitek etorkizunerako jarraibideak dokumentu batean idatzita utzi arren, dokumentua edozein unetan alda edo erreboka daiteke, pertsona horrek erabakiak hartzeko gaitasuna duen bitartean.

Nola sartu zerbitzuan

Seguros Lagun Aroren bizitza-asegurua baduzu eta Lineako Testamentuaren zerbitzuan sartu nahi baduzu, deitu 944 94 74 28 telefonora 09:00etatik 18:00etara astelehenetik ostiralera (jaiegun nazionaletan izan ezik).

Telefonoz emango dizugu webgunean sartzeko kodea, eta bertan egin ahal izango du testamentua, betiere abokatu baten laguntzarekin. Halaber, izapide guztiak telefonoz egiteko aukera ere eskainiko zaizu, operatzaile batek bitartekari lana eginez, webgune horretan bertan.

Kontratatu nahi baduzu edo informazio gehiago nahi baduzu

Seguros Lagun Aro aukeratzen baduzu lineako testamentua barne hartzen duen bizitza-asegurua kontratatzeko, kontuan hartu lineako testamentua sartuko dela aukeratzen duzun edozein modalitatetan. Informazio gehiago behar izanez gero, deitu 944 94 74 28 telefonora, erabili gure txata, edo galdetu zure aseguru-artekaritzan.

The post Lineako testamentua zure bizitza-aseguruan. Zer da? appeared first on Blog de actualidad.

Egoera batzuetan beharrak eraginda jartzen gara gurea ez den ibilgailuaren bolantean (larrialdiren bat…), edo bidaide guztien segurtasunean pentsatuz (lagunak edan du…). Edo, besterik gabe, familiarteko batek edo bikotekideak utzitako autoa gidatzen dugu. Baina zer gertatzen da gorabeheraren bat gertatzen bazaigu eta polizan ez bagara azaltzen noizbehinkako gidari nahiz ohiko gidari gisa?

Ondorio fisiokoez gain, baliteke beste ondorio ekonomiko batzuk ere jasan behar izatea; horrek beti gogoratuko digu gurea ez zen autoaren bolantean jartzea erabaki genuen eguna.

Hasiera batean, noski, polizan azaltzen diren pertsonak estaltzen dira inolako arazorik gabe.

Nolanahi ere, zure izena aseguruaren paperetan azaltzen ez bada ere, aseguru-etxea gastuez arduratuko da adin-eskakizun eta baimen-urte jakin batzuk betetzen badituzu. Aseguru-etxearen baldintzen mende ere egongo da.

Beste gidari bat estaltzea

Poliza batzuk nominatiboak dira; hau da, kontratuan azaltzen den/diren pertsonak/pertsonek bakarrik gida dezake(te) ibilgailua.

Kasu horretan, ibilgailua beste batek gidatuko balu, aseguru-etxeak ezingo lioke uko egin Nahitaezko Erantzukizun Zibila estaltzeari hirugarren kaltedun baten aurrean. Kontuz: aseguru-etxeak kalte-ordainean emandako zenbatekoak erreklama liezazkioke aseguru-hartzaileari eta/edo gidariari. Gainerako estalduren kasuan, baliteke kalte-ordainik ez ematea.

Kasu batzuetan, polizak nominatibo dirudien arren, ez da.

Alegia: nahiz eta auto-aseguruan hainbat pertsona ohiko eta noizbehinkako gidari gisa deklaratuta azaldu, hirugarren pertsona batek ere gida lezake. Hori horrela da baldin eta deklaratutako pertsonek baino arrisku handiagoa eragiten ez badu. Horrek esan nahi du hirugarren pertsona hori ezin dela deklaratutakoak baino gazteagoa izan edo ezin duela deklaratutakoak baino baimen-antzinatasun txikiagoa eduki.

Hala izango balitz, hirugarrenekiko gorabehera batean eta Nahitaezko Erantzukizun Zibilaren estaldurari dagokionez, aseguruak ezin dio uko egin kalte-ordainari, baina baliteke gainerako estalduretan erregela proportzionalak aplikatzea.

Seguros Lagun Aroren kasuan

Seguros Lagun Arorekin nahitaez deklaratu behar dira:

• aseguratutako ibilgailuak gidatuko dituzten 27 urte baino gutxiagoko eta 4 baimen-urte baino gutxiagoko pertsonen izenak,
• eta betiere espresuki deklaratuta egongo da ibilgailua gidatuko duen gidari gazteena eta baimen-antzinatasun txikienekoa.

Nolanahi ere, gure polizek aukera ematen dute zure ibilgailua 27 urte baino gehiagoko eta 4 urteko baimen-antzinatasuna baino handiagoko edozein gidarik gidatu ahal izateko noizbehinka eta deklaratu beharrik gabe, behar izanez gero zure polizak malgutasun egokia izan dezan.

Gomendioak

Horregatik guztiagatik, zure familiarteko, lagun nahiz lankideren batek zure ibilgailua erabiltzen badu, onena izango litzateke zure polizan azaltzea. Gidari nagusi, noizbehinkako nahiz bigarren gidari gisa sar daitezke. Horrela, lasai gidatuko dugu, edozein gorabeheraren aurrean estalita gaudela baitakigu.

Lagun Aroren “Gidari superbabestua” bezalako estaldurak ez dira oso ohikoak merkatuan

Badago beste aukera bat, baina jende askok ez du ezagutzen: estaldura bat kontratatzea polizan ohiko gidari gisa deklaratutakoa beste norbaiten ibilgailua gidatzen duenean ere estaltzen duena.

Ez da batere ohikoa merkatuan, baina Lagun Arok badauka. “Gidari superbabestua”ren estaldura da, eta ibilgailu bat baino gehiago erabiltzen dituzten bezeroei segurtasuna emateko sortu da. Aukerako estaldura honek zure polizako Gidariaren Istripuen kapitalak bermatzen ditu ezintasun iraunkorraren edo heriotzaren kasuetan familia-unitatetik kanpoko ibilgailu bat gidatzen baduzu; eta bereziki erabilgarria da zure autoa gidatuko zenukeen kasuan izango zenituzkeen kapital berak bermatzen dizkizulako.

Ibilgailu bat alokatuz gero, lasai! Ohikoena da alokairu-konpainiak erantzukizun zibilaren gutxieneko asegurua sartzea bere autoetan, eta, kasu batzuetan, estaldura gehigarri batzuk ere bai.

The post Aseguruak estaltzen al nau beste baten autoa gidatzen badut? appeared first on Blog de actualidad.

Jakinda Lagun Aroren auto-asegurua oso ona zela bere horretan, hala ere konformatu ez eta tailerrera eraman genuen berritzeko. Eta aldaketa txapa eta pintura baino zerbait gehiago izan zen: estaldura batzuk zabaldu ziren eta aukera berriak sortu ziren. Hara: badago beste estaldura bat, berria izan ez arren, aseguru erabat berria izango bazenu bezala sentiaraziko zaituena. Berria esan dugu? Oso-oso berria!!

Asistentzia Plusi buruz ari gara: jada Arrisku Oroko modalitatean sartuta dago eta aukerakoa da Arrisku Oroko eta Hirugarrenen gainerako modalitateetan.

Bidaiako laguntzaren estaldura zabaltzen duen estaldura bat da, eta goi-mailako kategoriako hobekuntzak ditu, hala nola atoian eramatea autoa, aukeran, aseguratuaren bizilekutik gertu dagoen tailer batera, konponketa-denboren edo distantzien mugarik gabe.

Hobe dugu puntuz puntu joatea abantailak azalduz:

• -Ibilgailua atoian eramateko berme zabaldua: matxuraren edo ezbeharraren irismena eta zauden lekua edozein dela ere, zure ibilgailua bizilekutik hurbil duzun tailer batera eramatea erabaki dezakezu, betiere konponketa in situ egin ezin bada. Gainera, 1.000 eurorainoko muga ekonomikoa du ibilgailuaren erreskatea egin behar izanez gero (laguntza orokorraren 600 euroen ordez).

• Bidaia-aseguru osoa eta lehiakorra: 30.000 eurorainoko bermea atzerriko gastu medikoetarako, itzulera aurreratzeko aukera familiako kide bat ospitaleratuz gero, edo sutea, lapurreta edo uholdea izanez gero zure ohiko etxebizitzan. Hotel-gastuen muga handiagoa ere badu bidaia luzatu behar izanez gero edo familiako norbait behar izanez gero ospitaleratze-kasuetan.
• Eguneroko bizitzarako laguntza: eguneroko bizitzako zereginetan laguntzen dizun bermea ospitalean egonez gero edo mugikortasun-arazorik izanez gero. Ondoren xehetasun gehiago emango dizkizugu, aparteko puntu bat merezi baitu.

Asistentzia Plusek eramangarriago ere egiten du zure bizitza

Asistentzia Plusekin, bolanteko segurtasunaz gainera, bizitzako normaltasuna ere bermatzen duzu ahal den heinean. Sartzen diren bermeen artean dago, hain zuzen, Eguneroko Bizitzarako Laguntza. Horrek esan nahi du zure ibilgailuarekin istripu bat izatearen ondorioz ospitaleratuta edo mugitu ezinik bazaude, honelako laguntzak izango dituzula:

• Etxeko lanekin lagunduko dizugu, eguneroko erosketa edo mandatuekin, esate baterako.
• Mugikortasun-arazoak badituzu istripu horren ondorioz, dutxan lagunduko dizugu, eta komunera joateko garaian edo janzteko garaian ere bai.
• Haurrak zainduz, eskolara eramanez edo eskolako lanak egiten lagunduz eskolara joan ezin badira.
• Zure maskota zainduz norekin utzi ez badaukazu.

Estaldura honekin, Lagun Aro auto-asegurua merkatuko osoenetakoa da: kalitaterik onena eskaintzen du zerbitzu-prestazioan eta estaldura berritzaileak bezeroen beharrak estaltzeko.

Zein auto-aseguruk eskaintzen dute Asistentzia Plus

Premium estaldura hori sartzen da 2014ko azaroaren 26tik aurrera kontratatutako Arrisku Orokoa Plus auto-aseguruetan. Hau da, azken urteotan modalitate hori kontratatu duzuenok jada baduzue Asistentzia Plus zuen polizan. Eta zure kontratua aspaldikoa bada, kontrata dezakezu.

Kontratazioa aukerakoa da gainerako modalitateetan. Arrisku Orokoa, Hirugarrenena – Beirak, Hirugarrenena – Optimoa eta Hirugarrenena Plus aseguruetanoraintxe bertan kontrata dezakezu nahi izanez gero.

Zure aseguruak Asistentzia Plus edukitzea nahi baduzu, esan zure aseguruetako espezialistari edo deitu  944 94 74 28 telefonora. Gure txata ere erabil dezakezu.

The post Elur melur, ez nauk hire beldur, etxean badiat nahiko arto eta… Asistentzia Plus appeared first on Blog de actualidad.

Jakin badakizu norainoko balioa eta garrantzia–ez bakarrik materialak– dituzten ordenagailuetan eta memoria eramangarrietan gordetzen ditugun fitxategiek. Halako euskarriei zerbait gertatzen zaienean burua ez galtzeko, Datuak berreskuratzeko zerbitzua zuri informatikarekin laguntzeko pentsatuta dago. Eta, gainera, poltsikoa ukitu gabe. Ez da estrarik ordaindu behar Etxebizitza digitalaren laguntza informatikoaren estaldura Lagun Aroren etxe-aseguru guztien barnean dagoelako. Alegia, zerbitzu bat gehiago eta prezio berean.

Zer da datuak berreskuratzeko zerbitzua?

Informazioa berreskuratzeko zerbitzu hau erabiltzen da aseguratuaren jabetzakoak diren datu-bilketako gailuetarako, kaltetzen direnean eta horren ondorioz bertako informazioa atzitu ezin denean.

Datu-bilketako ekipoak kalte fisikoek (suteek, urak eragindako kalteek, istripuek, lapurretek eragindako kalteek…) nahiz logikoek (birus informatikoek, erabilera okerrek, giza akatsek, software-arazoek…) eragin ditzakete.

Etxeko tresna horiek etxe-aseguruan aseguratutako ondasunen barnean daude; besteak beste, hauek:

• barneko disko gogorrak (magnetikoak eta solidoak –SSD ere esaten zaie–)
• kanpoko disko gogorrak (mahaigaineko ordenagailuetakoak eta eramangarrietakoak)
• memoria eramangarriak (flash txartelak, USB, PDA eta antzekoak)
• bideo eta kamera digitaletako biltegiratze-sistemak.

Urtean bi aldiz erabil dezakezu zerbitzua, eta berreskuratutako datuak ezaugarri antzeko edo hobeagoko euskarri batean itzultzen dira. Daturik berreskuratu ezin bada, zerbitzuak propietate antzeko edo hobeagoko euskarri bat ziurtatzen dizu.

Zein zerbitzu estaltzen ditu eta zein ez?

Datuak berreskuratzeko zerbitzuak hau egingo du zuregatik:

• Kaltetutako euskarria aseguratuaren etxean jaso eta datuak berreskuratzeko laborategiraino eramatea.
• Kaltetutako euskarriaren ebaluazioa eta diagnosia egitea.
• Datuak berreskuratzea, ahal izanez gero.
• Euskarri berria kaltetuaren pareko edukierarekin edo handiagoarekin.
• Berreskuratutako informazioa duen euskarria laborategitik aseguratutako programaren onuradunaren etxeraino eramatea.

Enpresen inguruko biltegiratzeko gailuekin lan egiten baduzu (NAS zerbitzariak, RAID sistemak…), kontuan hartu ez direla zerbitzu honen barnean sartzen. Hona bermetik kanpo geratzen diren gauzak, zuretzat garrantzitsuak izan daitezkeen ala ez eta bermea interesatzen ote zaizun baloratu ahal izan dezazun.

Bermetik kanpo geratzen dira:

• Aipatu dugun moduan, enpresen inguruko biltegiratzeko gailuak.
• Behar bezala manipulatu ez diren biltegiratze-euskarriak berreskuratzea; esate baterako, aurreko datu-berreskuratzeko saioak, egoera txarrean dauden berme-zigiluak, torlojuak behartuta egotea…
• Berreskuratzea ezinezkoa da euskarria desagertu denean, kalteak azidoekin edo antzeko produktuekin eragin direnean, euskarrian gainidatzi denean edo “Head-Crash” delakoa gertatu denean (pelikula magnetikoa galtzea).
• Ez dira jatorrizkoak berreskuratuko, hala nola filmak, CDak, DVDak eta jolasak.
• Ez dira zerbitzu honen barnean sartzen euskarrien birkonfigurazioak edo berrinstalazioak.
• Disko gogorreko matxurak bakarrik estaliko dira; alegia, ez da estaliko software-programak, sistema eragileak nahiz datu-baseak konpontzea.
• Zerbitzuak ez du barnean hartzen euskarriaren edo gailuaren konponketa fisikoki kaltetu denean, baizik eta soilik barnean dituen datuak berreskuratzea. Ez da zerbitzu hau eskaintzearen ondoriozko emaitzarik bermatzen ez eta konpentsaziorik emango euskarriko informazioa guztiz edo partzialki lortzen ez bada. Informazioa ezin bada berreskuratu, gailua ordeztuko da pareko edukiera duen beste batekin.

Segurtasun-kopia, betiere hobe izaten delako aurrea hartzea gero damutzea baino…

Beharrik gabeko ustekabeko edo galera gehiago saihesteko, Etxebizitza Digitala zerbitzuak aukera emango dizu informatika-aditu batekin harremanetan jartzeko, zuk hautatutako fitxategien lineako segurtasun-kopia bat egiteko laguntza-zerbitzua eskuratzeko. Sistema erraz instalatzeko eta konfiguratzeko modukoa da; gainera, 15 GBko biltegiratze-edukiera dauka.

Informazio gehiago nahi izanez gero, joan ZureEtxeaHobetzen webgunera eta bertan aurkituko dituzu zerbitzuaren xehetasun guztiak. Lagun Arorekin etxe-asegurua kontratatuta badaukazu, estaldura hau sartuta daukazu eta kostu gehigarririk gabe priman.

The post Berreskuratu datuak zure poltsikotik gehiago jarri gabe appeared first on Blog de actualidad.

Ziur badakizula zertaz ari garen: leiho bat ez dago behar bezala isolatuta eta airea sartzen da; lanpara bat jarri behar da, baina ez dituzu horretarako beharrezkoak diren tresnak; dutxatzen ari zarela euskarria askatu egiten da… Eta zer esanik ez negua iristen denean eta erradiadoreak purgatu behar direnean.

Denbora-faltagatik edo, besterik gabe, ezjakintasunagatik, etxebizitza bat dutenen erdiek baino gehiagok konponketa-zerbitzu bat kontratatu behar izan dute errazak diruditen baina, azkenean, garesti atera daitezkeen zeregin horiek egiteko.

Konponketetan aitzindari den enpresa batek Espainia osoko 1.000 jaberi baino gehiagori egindako inkestan ageri denez, lau espainoletik hiruk pintura- eta brikolaje-lanak egiten dituzte.

Etxebizitza nagusien % 74k etxebizitza-aseguru bat dute; hau da, Espainiako lau familiatik hiruk aseguratzen dute etxebizitza, 2017ko Estamos Seguros txosteneko datuen arabera. Ohiko etxebizitza aseguratzen duten familiak batez ere Euskal Herrikoak dira. Autonomia-erkidego hori batezbestekoaren oso gainetik dago, etxebizitzen ia % 90 baitago aseguratuta. Arrazoiak, funtsean, historikoak dira, eta aseguru hori maiz kontratatzea eragin dute. 1983ko udan izan zen «tanta hotz» deiturikoaz ari gara; haren ondorioz, bere ondarea aseguratu behar zuela konturatu zen euskal gizartea.

Ohiko etxebizitza aseguratzen duten familiak batez ere Euskal Herrikoak dira.

Galizian, Balearretan eta Kanarietan dago etxebizitza nagusia aseguruaren bidez babesteko joera txikiagoa, baita Ceutan eta Melillan ere.

Etxeko konponketa txikiekin laguntza behar baduzu, Eskutrebe Zerbitzua eskaintzen dizugu. Profesional espezialista baten esku-hartzea eskatzen ez duten lanekin lagunduko dizu.

Zer konponketa egiten ditu Eskutrebe Zerbitzuak?

Faktore horiek guztiak kontuan hartuta, Lagun Aro Aseguruak enpresak urteak daramatza etxe-aseguruetan Eskutrebe Zerbitzua eskaintzen. Estaldura bat da, eta egin ezin dituzun edo egiten ez dakizkizun etxeko konponketak egiteko balio du:

• Sukalde, bainugela eta zurezko osagarrietako altzarien ate txikietan bisagrak aldatzea.
• Leihoak isolatzea: beiraren eta markoaren artean burleta jartzea eta beira silikonarekin finkatzea.
• Kit motako altzariak muntatzea.
• Zurezko aulki, mahai eta oheak kolatzea.
• Entxufe eta etengailuetako edergarriak, bonbillak, neonezko hodiak, fluoreszenteak eta pitzarazgailuak jarri edo aldatzea.
• Lanparak, pareta-argiak edo plafoiak jartzea, kableatua aldatu beharrik ez baldin badago.
• Askatutako txorrotak doitzea eta haien zapatak aldatzea, baldin badauzkate.
• Erradiadoreak purgatzea.
• Bainuontzi, dutxa, konketa eta harraskak silikonarekin zigilatzea.
• Dutxa-telefonoaren euskarria jarri eta konexioa egitea, apal solteak, apalategiak eta, instalazio elektrikoak aldatu behar izan gabe, termofluidoak jartzea eta akaberako pletinak, bi zoru desberdinen arteko juntura-estalkiak eta paretaren izkinako babesgarria jartzea.
• Azuleju-estaldurarik gabeko hormetako zulo txikiak estaltzea.
• Mekanismorik gabeko pertsiana biribilgarriak eta kutxan ezkutatu gabekoak konpondu edo jartzea.

Oso estaldura interesgarria da; profesionalek egiten dituzte konponketak, eta, logikoa denez, ez dira sartzen ez piezak ez materialak.

Eskutrebe Optimoa zerbitzua dugu Etxea Optimoa etxe-aseguruan, baita Etxea Maizterra etxe-aseguruan ere, alokairuan bizi bazara. Urtean behin erabil dezakezu, gehienez bi orduz. Eskutrebe Plus zerbitzua ere eskaintzen dugu, Etxea Plus etxe-aseguruan. Urtean bitan erabil dezakezu, gehienez hiru orduz aldi bakoitzean.

Begiratu Lagun Aroren etxe-aseguruen modalitate bakoitzean sartzen diren estalduren konparazio-taula.

The post Lagun Arok soilik eskaintzen du Eskutrebe Zerbitzua appeared first on Blog de actualidad.